تشترى النترا 2011 ولا تشترى اكسنت ار بى ؟؟ادخل شارك مع ذكر السبب

[zamalek26]

السلام عليكم جميعا


لو انت مكانى تشترى النترا موديل 2011 ب 104 الف وتبقى عارف ان شكلها هيتغير كمان شهرين ؟؟؟


ولا تشترى اكسنت ار بى 2011 ب 101 الف ؟



ولا تشوف النيسان التيدا 2011 ب115 الف ؟يابانى تقفيل ميكسيكى. ويبقى فيها اى بى اس واير باج ؟



ولا تستنى الالنترا الشكل الجديد هتبقى وضعها ايه ؟؟؟ حد يعرف سعرها هيبقى كم اتوماتيك ؟

[HOSSAM99]

و عليكم السلام و رحمة الله
فرضا أنا عندي الاستطاعه الماديه لشراء الإلنترا 2012 بأي ثمن يبقي خلاص أستني الشهر ده و أجيبها
أما لو مش هاقدر عليها بالأثمان المتوقعه دي
هابدأ أفكر و أفاضل بينها و بين الأر بي طيب الإلنترا أوسع من الأر بي و أكبر و قطع غيارها في شارع دمشق أكتر من قطع غيار ال128 و التوكيل أيده فيها و عارف خباياها و مفيش مشاكل صدرت منها علي مدار 5 سنوات
و الأر بي شكل جديد و لكن ضيقه لمن هم فوق ال180 سم و ال90 كيلو وطالع هي الشطه واسعه لكن الكنبه ضيقه
و قطع غيارها لسه ما انتشرتش خارج التوكيل
فيها أمكانيات كتير لكن ثمنها مبالغ فيه بصوره كبيره( المفروض كانت بنفس ثمن ال النيو)
أنا بفكر معاك بصوت عالي لني ركبت العربيتين الإلنترا معايا و الأر بي كل أما أشوفها في معرض أركبها و أعيد النظر فيها
و أنا توصلت إلي إن الإلنترا تكسب و أشتريها لو مكان حضرتك

طيب و فين التيدا .........عمري ما ركبتها أو ركبت نيسان أبدا ...و في الحاله دي لو أنا مكان حضرتك أشوف حد من الأعضاء ركب التيدا و يعدد لي مزاياها و عيوبها (فيه منها شكل جديد علي فكره مغيرين بعض الملامح) و حضرتك تفاضل بينهما
أنا مش عايز أظلم التيدا و أقولك الإلنترا لكن إسال عليها حد ركبها و قطع غيارها و توكيلها
بالتوفيق إن شاء الله تعالي

[bentrewsha]

اؤيد كلام hossam99
كلام عملي ومنطقي

[ASKAFRAWY]

انا وقعت فى الاختيار دة قبل الشراء بين الالنترا والاكسنت ار بى
لكن لقيت انى حتى لو استنيت الالنترا الجديدة هتكون غالية ومش ضامن هيكون قطع غيارها ومصاريف صيانتها بكام

وبعد التفكير جبت النترا 2011 واعتقد لحد دلواتى انها صفقة رابحة مقارنتا بالسعر

[i_Am_Legend]

طبعا نيسان تيدا بون تفكير النترا ٢٠١١ تقفيلها من جووا وحش جدا والاربى لسة ما زرتهاش انا شايف انك ماتفكرش فى عربية كورى خااالص

[ilavm]

انا رأيي الالانترا عشان برضو واجهنا نفس المشكلة بس سألت واحد معاه ار بي قالي الالانترا
أوسع من جوة وستابل عال
عالطريق
انا شايف انها عر بية لطيفه جدا

[ahmedrb]

والدى الحمد لله لسة مشتاريين اكسنت rb من حوالى شهرين احنا باردوا كنا فى نفس حيرتك حضرتك بسم لله استقرينا على الاكسنت rb بسبب حضرتك مبتجبش عربية كل يوم و حضرتك بعد شهرين الالنترا هينزل منها شكل جديد و حضرتك هتحس ان حضرتك راكب سيارة قديمة ده رقم واحد رقم اثنين ان فى اوبشن فى rb مش فى النترا ذى اشرات مريات و كمبيوتر رحلات و نور استوب و احنا راكبنا النترا برده هى اه اوسع من الrb بس مش نعنى كده ان الrb ضيقة ثبات rb بسم الله ما شاء الله عليه 150كم و والدى محبش يزود اكتر من كده و خلبال حضرتك ان باور النترا و الrb و احد بس الrb بيفصل عند 40 اما الالنترا بيفصل عند 80 و فى برده ناس فى النتدى اشتكت ان الانترا بتهبط و تحك فى المطبات لو اتحما فيها اثنين او اكثر اما و عن تجربة rb هبطت ركب فيه خمس 2 اوزان ثقيلة و مع هذا محكتش فى المطبات و بدون تحيز للسيارة و ناس بتقول ان قطع غيار الاكسنت غالية ما هو ده بتاكيد و حضرتك مش هتشرى عربية و هتحتاج قطع غيار الا بعد 6 سنوات على الاكثر او لا قدر الله عملت حضرتك حادثة.
و انا حضرتك عملت مقارنة على الورق عندى ى اليبت لاقيت ان افضل عشر سيارات تحت المئة الف جنيه من حيث كل شئ كماليات , محرك , امان , تقفيل , وحتى توكيل و شكل وبلد الصنع و اتساع السيارة 1-نيسان سوبر صالون 2-اكسنت اربى 3-بروتون جين 2 و بيرسونا 4-النترا بيزك 5-سيراتو بيزك 6-نيسان اكس صالون اى بى اس 7-اوبترا 8-ريو1600 9-اكسنت معلش انى ان طولت عليكم فى ناس هتقول ازاى الالنترا و سيرات اقل من اكسنت اربى هقولهم بسبب كماليات اكتر شكل افضل

[zamalek26]

بصراحه كلامكم كله زى الفل وفى انتظار اراء الزملاء

[mohamed_mohsen]

أنا رأيي تشتري التيدا
العربيه بحر من جوه,,,ده غير الاعتماديه هتبقي في صالحها
ده غير الاي بي اس و الأيرباجز,,,,,,,ماينفعش تركب عربيه في 2011 مافيهاش الاوبشنز دي
أنا لو مكانك هشتري تيدا وش

[zamalek26]

اشكركم جميعا


على نصائحكم

ان شاء الل هاللى كاتبه ربنا هيكون انا قلقان من التقفيل المكسيكى ..... وقطع الغيار

[JUDGEDREAD]

سيارة النترا مو 2008 gls اوتوماتيك تكييف تاتش فابريقة من الداخل ومن الخارج لونها رمادى ميتالك جميع الصيانات الدورية تم اجرائها في الميعاد عدد الكيلومترات 105000 كيلو عند صيانة 100000 تم تغيير الكاوتش وتيل الفرامل استعمال شخصى اول يد ت :0121091902

[meshmesh_egypt]

والله انا شايف انها مقارنه غير عادله
اولا الالنترا فئه اعلى من الاكسنت حتى لو rb لعدة اسباب منها
الالنترا عفشه احسن من الاكسنت rb بالرغم انها بتهبطت مع العدد ورا بس ارحم من التنطيط لان مع الاكسنت الجديده برده للاسف عملوا العفشه الخلفيه على دنجل وده بيخلى العربيه تنط من ورا على مطبات الهوا والى بيقعد ورا كأنه قاعد فى دريم بارك
ثانيا الالنترا اوسع لانها فئه اعلى
ثالثا الفرامل فى الالنترا على ديسكات كلها اماميه وخلفية يعنى فرامل اشد بكتير حتى لو مفيهاش abs انما الاكسنت rb على ديسكات اماميه وطنابير خلفيه يعنى مش متطوره فى الفرامل خالص
بيتهيئلى كده بقى مفضلش غير الشكل الخارجى وديه اذواق
اما بقى عن التيدا فصعب تقارن الكورى باليبانى لان الكورى مش هيكسب إلا فى نقطه واحده بس وهى تسارع الماتور وطبعا العربيه مش متور وبس

[zamalek26]

منتظر ارائكم يا جماعه

اى نصائح لو سمحتم

[dramir1]

لولقيت تيدا ياباني كسر زيرو 2010 تبقى افضل

[ahmedmohamed7]

أنا رأيي تشتري التيدا
العربيه بحر من جوه,,,ده غير الاعتماديه هتبقي في صالحها
ده غير الاي بي اس و الأيرباجز,,,,,,,ماينفعش تركب عربيه في 2011 مافيهاش الاوبشنز دي
أنا لو مكانك هشتري تيدا وش