خبير هيونداي كوبيه يقدّم خدماته

[hamada409]

اهلا بيك يا زميل الكوبيه

العربية بطلت تنوّر بعد ما إستلمتها من غبّور ... الأغبيا كالعادة وقعوا الجلدة اللي جوة الكبّوت اللي بتدوس على زرار الإنذار اللي بيأمّن على قفلى الكبوت ... الموضوع بيتصلّح ب6 جنيه يا معلّم متقلقش... ألقطعة الأصلية عند توكيل شارع دمشق ب6 جنيه تقريبا

السنتر بتاعها اللي راكب فيها اساسا مش بيقفل لوحده اساسا...فلو هوّة اللي راكب فيها يبقى عادي جدا لكن لو أي سنتر تاني يبقى فيه كلام تاني

نصيحة جانبية: أدريان عكاكيبن جدا جدا جدا وبلاش تروحلهم خالص... لو لو انت ساكن في القاهرة ممكن أقولك على كل حاجة تعملها فين و سيبك من غبّور تماما توفيرا للنفقات و لوجع الدماغ و ضمان لمستوى خدمة أحسن بمراحل

و اي حاجة انا تحت أمرك

ربنا يكرمك ياباشا شكرا على الرد

يعني الجلدة اللي جوة الكبوت اللي بتدوس على زرار الإنذر دي هي سبب إني لما آجي أقفل العربية بالريموت متنورش فعلا؟ بس دي بتنور عادي لما آجي أفتحها بالريموت؟ طب لو زي محضرتك ما بتقول ياريت و الله أوديها لمين يعملهالي و القطعة دي إسمها إيه و عند مين في شارع دمشق و ياريت لو ينفع تشرحلي إزاي أعملها بنفسي يبقى كتر خيرك جدا عشان بخاف أوديها لحد مبيفهمش فيها

السنتر اللي فيها الفبريكة أنا مركبتش و متعود منها على كده من زمان أسيبها 30 ثانية تقفل السنتر مع فصل نور الصالون من يوم ماجبتها

ياريت لو حضرتك تفيدني في حل المشكلتين دول عشان باين عليك فعلا خبير أجنبي :)

[hamada409]

ممكن بس تقولي أيه تفاصيل الشغل اللي في العفشة اللي عملته عندهم و عربيتك عاملة كام كيلو؟؟

تغيير مقص و مساعد و صرة عجل و بلية عجل و كل ده أمامي شمال مع ظبط زوايا

العربية عاملة دلوقتي حوالي 104 ألف كيلو

[dell2000]

ربنا يباركلك فيها ياباشا
انا بفكر فى العربية دى بس اللي بيخلينى اتراجع موضوع الكنبة

طيب الليمتد ده اللى شكل الفوانيس مختلف فيه؟؟
طيب لو هو المواتير مختلفة؟؟
اسف للاطالة

لو ناويها فمتفكرش في أكتر من 2 هيقعدوا قدّم و خلاص

دي مش عربية عيلة خالص

و الإختلافات شكلية لا أكثر

[dell2000]

ربنا يكرمك ياباشا شكرا على الرد

يعني الجلدة اللي جوة الكبوت اللي بتدوس على زرار الإنذر دي هي سبب إني لما آجي أقفل العربية بالريموت متنورش فعلا؟ بس دي بتنور عادي لما آجي أفتحها بالريموت؟ طب لو زي محضرتك ما بتقول ياريت و الله أوديها لمين يعملهالي و القطعة دي إسمها إيه و عند مين في شارع دمشق و ياريت لو ينفع تشرحلي إزاي أعملها بنفسي يبقى كتر خيرك جدا عشان بخاف أوديها لحد مبيفهمش فيها

السنتر اللي فيها الفبريكة أنا مركبتش و متعود منها على كده من زمان أسيبها 30 ثانية تقفل السنتر مع فصل نور الصالون من يوم ماجبتها

ياريت لو حضرتك تفيدني في حل المشكلتين دول عشان باين عليك فعلا خبير أجنبي :)

في الفتح عادي.... في القفل لأ....يبقى أكيد الجلدة ههههههههه

لو عايز إبقى قابلني و انا أعملهالك و انت واقف ببلاش يا سيدي ههههههه

إبعتلي على الخاص و أقابلك أعملهالك في ثواني في مصر الجديدة او مدينة نصر أو نتقابل في دمشق

[dell2000]

تغيير مقص و مساعد و صرة عجل و بلية عجل و كل ده أمامي شمال مع ظبط زوايا

العربية عاملة دلوقتي حوالي 104 ألف كيلو

ايه ده كله ؟؟ انت بتحاب بيها ولا أيه بس؟؟

طب ممكن تقولي الأعراض؟ لأني مغيرتش غير جلبتين مقصات و خلاص كإجراء إحتياطي و العفشة بعد كده زي الفل

[dell2000]

شكرا على رد حضرتك السريع وفعلا بفكر اجيبها خصوصا انها شبابى اوى

واتمنى من حضرتك لو ترفعلنا صور

انت تؤمر

[hamada409]

في الفتح عادي.... في القفل لأ....يبقى أكيد الجلدة ههههههههه

لو عايز إبقى قابلني و انا أعملهالك و انت واقف ببلاش يا سيدي ههههههه

إبعتلي على الخاص و أقابلك أعملهالك في ثواني في مصر الجديدة او مدينة نصر أو نتقابل في دمشق

ربنا يخليك ياباشا طب تمام أنا بقى كده محتاج أعرف منك أشتريها منين و ممكن أجيلك أي مكان تختاره يكون قريب منك أشتريها و نركبها على طول بس ياريت يطلع منها هي فعلا مش حاجة في الكهربا دي حاجة

الحاجة التانية بالنسب بقى لموضوع إنها بطلت تقفل لوحدها ده ماتحاول تفيدني فيه؟ أو مثلا لو ينفع تسأل حد من اللي بتتعامل معاهم معلش هتعبك معايا :) برضه أنا الريموت عندي بيعلق و كنت مغير البطارية من حوالي سنة فكده البطارية خلصت و لا في حاجة

معلش بجد تاعبك معايا بس أنا فعلا ماصدقت ألاقي حد بيفهم في العربية

[hamada409]

ايه ده كله ؟؟ انت بتحاب بيها ولا أيه بس؟؟

طب ممكن تقولي الأعراض؟ لأني مغيرتش غير جلبتين مقصات و خلاص كإجراء إحتياطي و العفشة بعد كده زي الفل

لأ هو مكانش في أعراض اللي حصل إني خبطت العجلة الشمال قدام في الرصيف و أنا على سرعة عالية

[Eslam.Elrefaey]

تقرير حلو جدا ما شاء الله ربنا يباركلك فيها

[dell2000]

لأ هو مكانش في أعراض اللي حصل إني خبطت العجلة الشمال قدام في الرصيف و أنا على سرعة عالية

أنا قلت كده برضه

ألف سلامة على الجميلة

[washable]

احب اضيف لحضرتكم حاجه برده انا روحت و اشتريت علامة الهيونداى و علامة كوبيه على 100 جنيه من التوكيل فى شارع دمشق حجزتها و استلمتها تانى يوم و انشاء الله اتمنى انى اقولوكوا

الفانوس الامامى فى الحرفيين 1000 جنيه بس مش اصلى ده جديد صينى
الفانوس الخلفى 500 جنيه و برده صينى
السبويلر 500 جنيه استيراد
و لسه هاجيبلوكوا بقيت اسعار الاستيراد

,, يا ريت الاستاذ ديل تقولى على الميكانيكى اللى بتتعامل معاه ضرورى نظرا لان انا عايز اغير طقم الدبرياج

[mostafa omran]

الجروووووب دا جامد يا ريت يا جدعان يبقى فيه استمرار اهم حاجة
انا لسة جايب وحده كوبية والعربية ماشاء الله ملهاش حل

[mostafa omran]

لو عاوز اتواصل معاك يا باشا اعمل ايه ؟؟
انا كنت عاوز اخد رأيك فى كام حاجة كده

[mostafa omran]

باشا انا معايه كوبيه توسكانى الشكل الجديد وكونت عاوز اعرف اسعار الفوانيس قدام و روه و من فين ؟

[khaabas]

باشا انا معايه كوبيه توسكانى الشكل الجديد وكونت عاوز اعرف اسعار الفوانيس قدام و روه و من فين ؟

موضوع ممتاز بس للاسف صاحب الموضوع موقوف موش عارف ليه وخلى بالك الموضوع من 2011
فيا ريت متابعة من مالكى العربية الجميلة دى