Tweet
نفس الموضوع كان بيحصل معايا قبل ما اجيب عربيتي ..
بس هقولك على حاجه اكتشفتها بعد تفكير بسيط و حسبة بسيطه جدا .. ( انا بجد حسبتها بالورقه و القلم )
- لقيت تقريبا 85% من الناس اللي بتقول كده --> معندهمش عربيات اساسا !! و كل علاقتهم بالفيرنا انهم شافوها او اجروها يوم او جربوها ساعه من واحد صاحبهم ... و طبعا عايزين في الساعه دي يعملوا بيها كل حاجه و العربيه تطير كمان بيهم و تلف الكره الارضيه في نص ساعه عشان تبقى عربيه جامده ( لاحظ ان الناس اللي بتبقى كل علاقتها بالعربيات مجرد تجارب من معارفهم بيبقوا برضوا مجربين عربيات عالية جدا .. اكيد الفيرنا مش هتنافس الحاجات دي في وجهة نظرهم )
-حوالي 5% من الناس بتبقى ناس ربنا كارمها و معاها بي ام و اوكتافيا او حتى لانسر (عربيات في الفئات العاليه يعني ).. طبعا الناس دي لما بتركب الفيرنا اكيد بتبقى في وجهة نظرهم زبااااله !! و ده شيء طبيعي .. تخيل واحد متعود ياكل كافيار كل يوم و جيت في يوم اديته ورك فرخه ... هيقولك ايه القرف ده ... مع ان الفراخ حلوة جدا على فكره يعني (:
- حوالي 8% بتبقى ناس بجد معلوماتهم عن العربيات زي معلومات عم عبدو البواب عن اللغه اليابانيه القديمه في العصر الجليدي ... فتي بشكل لا يمكن تخيله
- الباقي و دي نسبه قليله جدا بيبقوا فعلا ناس ليهم تجارب سيئه جدا مع الفيرنا و بيبقوا صادقين ... بس انا شايف ان ده شيء طبيعي جدا لان حتى ارقى الماركات اللي في العالم بتحصل فيها مشاكل في نسب قليله .. مفيش حاجه جودتها 100%
لاحظ كمان ان الشيء المنتشر جدا بتسمع عن عيوبه كتير لكن ماتسمعش عن مميزاته ... هقولك ازاي
تخيل ان من كل ميه جابوا فيرنا حصل لاتنين منهم مشاكل معينه ...
اللي هيحصل انك هتلاقي موضوعين زي الزفت عن الفيرنا ... لكن مستحيل هتلاقي 98 موضوع بيشكروا في الفيرنا .. ده حتى احنا في ثقافتنا بنحب ديما نبين ان حاجتنا مش حلوه اوي و فيها عيوب .. "يقولك عشان العين" !!
طيب تعالى احسبها معايا بقى لو قلنا ان مبيعات الفيرنا 20000 مثلا في السنه ( مجرد رقم عشان الحسبه )
و مبيعات عربيه تانيه هنفترض انها اسوا من الفيرنا 5000
بما ان العربيه التانيه اسوا من الفيرنا ازن هيبقى فيها اعطال اكتر نقول نسبة الاعطال 5%
5 * 5000 / 100 = 250 ... يعني هتسمع 250 رأي زي الزفت عن العربيه دي
تعالى بقى للفيرنا اللي المفروض انها احسن .. يعني نقول نسبة الاعطال 2.5% ( النص )
2.5 * 20000 / 100 = 500 !! يعني هتسمع 500 رأي زي الزفت عن الفيرنا ... مع انها في الحقيقه نسبة أعطالها أقل !!
من الاخر كده قارن ما بين كل العربيات في الفئه السعريه دي ... و بص لامكانياتها في حدود السعر ده .. و استخير ربنا و لو ارتحتلها هاتها اوتوماتيك لو تقدر ... صدقني احسن بكتير
و مش هتندم (:
معلش انا طولت اوي
بس هقولك على حاجه اكتشفتها بعد تفكير بسيط و حسبة بسيطه جدا .. ( انا بجد حسبتها بالورقه و القلم )
- لقيت تقريبا 85% من الناس اللي بتقول كده --> معندهمش عربيات اساسا !! و كل علاقتهم بالفيرنا انهم شافوها او اجروها يوم او جربوها ساعه من واحد صاحبهم ... و طبعا عايزين في الساعه دي يعملوا بيها كل حاجه و العربيه تطير كمان بيهم و تلف الكره الارضيه في نص ساعه عشان تبقى عربيه جامده ( لاحظ ان الناس اللي بتبقى كل علاقتها بالعربيات مجرد تجارب من معارفهم بيبقوا برضوا مجربين عربيات عالية جدا .. اكيد الفيرنا مش هتنافس الحاجات دي في وجهة نظرهم )
-حوالي 5% من الناس بتبقى ناس ربنا كارمها و معاها بي ام و اوكتافيا او حتى لانسر (عربيات في الفئات العاليه يعني ).. طبعا الناس دي لما بتركب الفيرنا اكيد بتبقى في وجهة نظرهم زبااااله !! و ده شيء طبيعي .. تخيل واحد متعود ياكل كافيار كل يوم و جيت في يوم اديته ورك فرخه ... هيقولك ايه القرف ده ... مع ان الفراخ حلوة جدا على فكره يعني (:
- حوالي 8% بتبقى ناس بجد معلوماتهم عن العربيات زي معلومات عم عبدو البواب عن اللغه اليابانيه القديمه في العصر الجليدي ... فتي بشكل لا يمكن تخيله
- الباقي و دي نسبه قليله جدا بيبقوا فعلا ناس ليهم تجارب سيئه جدا مع الفيرنا و بيبقوا صادقين ... بس انا شايف ان ده شيء طبيعي جدا لان حتى ارقى الماركات اللي في العالم بتحصل فيها مشاكل في نسب قليله .. مفيش حاجه جودتها 100%
لاحظ كمان ان الشيء المنتشر جدا بتسمع عن عيوبه كتير لكن ماتسمعش عن مميزاته ... هقولك ازاي
تخيل ان من كل ميه جابوا فيرنا حصل لاتنين منهم مشاكل معينه ...
اللي هيحصل انك هتلاقي موضوعين زي الزفت عن الفيرنا ... لكن مستحيل هتلاقي 98 موضوع بيشكروا في الفيرنا .. ده حتى احنا في ثقافتنا بنحب ديما نبين ان حاجتنا مش حلوه اوي و فيها عيوب .. "يقولك عشان العين" !!
طيب تعالى احسبها معايا بقى لو قلنا ان مبيعات الفيرنا 20000 مثلا في السنه ( مجرد رقم عشان الحسبه )
و مبيعات عربيه تانيه هنفترض انها اسوا من الفيرنا 5000
بما ان العربيه التانيه اسوا من الفيرنا ازن هيبقى فيها اعطال اكتر نقول نسبة الاعطال 5%
5 * 5000 / 100 = 250 ... يعني هتسمع 250 رأي زي الزفت عن العربيه دي
تعالى بقى للفيرنا اللي المفروض انها احسن .. يعني نقول نسبة الاعطال 2.5% ( النص )
2.5 * 20000 / 100 = 500 !! يعني هتسمع 500 رأي زي الزفت عن الفيرنا ... مع انها في الحقيقه نسبة أعطالها أقل !!
من الاخر كده قارن ما بين كل العربيات في الفئه السعريه دي ... و بص لامكانياتها في حدود السعر ده .. و استخير ربنا و لو ارتحتلها هاتها اوتوماتيك لو تقدر ... صدقني احسن بكتير
و مش هتندم (:
معلش انا طولت اوي
Comment