ريحة "تنين" ميت

[verna2008auto]

بعد السلام عليكم اخوتي الكرام

اغيثوني في هذة المعضلة ( ممكن ابيع العربية بسببها )
كانت ريحة العربية تمام التمام من الداخل والخارج مع النضافة الدورية للفرش والعربية
وفجأة وبلا مقدمات حدث ما لم اكن متوقعة ...
في الصبح وانا رايح شغلي دورت العربية وكان كل شيئ (( وردي وجميل ))
وفجأة ...
هب في وشي ريحة (( سحلية مش عارف واله تنين مخنوق علي الصبح ) من جوة الطابلوة
اكتشفت اني كنت سايب الزرار الهواية بتاع التكييف يجيب الهوا من برة
ياساتر يارب (( قفلتة بسرعة )) وركنت علي جنب في الشارع اشوف اية ال(( هابو اللي ضرب من جوة العربية ))

رفعت الكابوت (( واجارك الله-- وياريتني مارفعتة فجأه ) الهوا اللي كان خارج من جوة ممكن يستخدموة ( لتعزيب الاسري في الحرب )

استنيت شوية بعد ما جريت بعيد عن العربية لغاية ما الريحة تروح .... وفعلا

حطيت منتديل معطر علي منخيري وعنية عشان اشوف اية اللي حصل
وبالعافية
..

كانت المفاجئة اني ما شوفتش حاجة خالص بعد ما شيلت المنديل من علي عنية ( عنية زغللت )

قعدت ادور في العربية من جوة ومن بره ما لاقتش حاجة
خدت العربية واخدت نصف يوم اجازة ورحت غسلت الماتور والفرش...

وروحت بيها وهيا فيها نفس الريحة بس الصراحة قلت شوية

اليوم التاني .... شمت نفس الريحة (( التنين الميت دي )) طالعة من التكييف

هل ابيع العربية واله ( ارقيها ) واله اعمل اية ...
ممكن الريحة دي تكون منين ؟؟

[mpop]

ممكن يكون مخلوق ما مات في فتحات التكييف مثلا

[ezzeldin1234]

بعد السلام عليكم اخوتي الكرام

اغيثوني في هذة المعضلة ( ممكن ابيع العربية بسببها )
كانت ريحة العربية تمام التمام من الداخل والخارج مع النضافة الدورية للفرش والعربية
وفجأة وبلا مقدمات حدث ما لم اكن متوقعة ...
في الصبح وانا رايح شغلي دورت العربية وكان كل شيئ (( وردي وجميل ))
وفجأة ...
هب في وشي ريحة (( سحلية مش عارف واله تنين مخنوق علي الصبح ) من جوة الطابلوة
اكتشفت اني كنت سايب الزرار الهواية بتاع التكييف يجيب الهوا من برة
ياساتر يارب (( قفلتة بسرعة )) وركنت علي جنب في الشارع اشوف اية ال(( هابو اللي ضرب من جوة العربية ))

رفعت الكابوت (( واجارك الله-- وياريتني مارفعتة فجأه ) الهوا اللي كان خارج من جوة ممكن يستخدموة ( لتعزيب الاسري في الحرب )

استنيت شوية بعد ما جريت بعيد عن العربية لغاية ما الريحة تروح .... وفعلا

حطيت منتديل معطر علي منخيري وعنية عشان اشوف اية اللي حصل
وبالعافية
..

كانت المفاجئة اني ما شوفتش حاجة خالص بعد ما شيلت المنديل من علي عنية ( عنية زغللت )

قعدت ادور في العربية من جوة ومن بره ما لاقتش حاجة
خدت العربية واخدت نصف يوم اجازة ورحت غسلت الماتور والفرش...

وروحت بيها وهيا فيها نفس الريحة بس الصراحة قلت شوية

اليوم التاني .... شمت نفس الريحة (( التنين الميت دي )) طالعة من التكييف

هل ابيع العربية واله ( ارقيها ) واله اعمل اية ...
ممكن الريحة دي تكون منين ؟؟:b4_611:

تقريبا عرسه عملت حمام جوه العربيه او ممكن تكون ماتت جوه لان العرس هى المشهوره بالموضوع ده

[verna2008auto]

ممكن يكون مخلوق ما مات في فتحات التكييف مثلا

مخلوق زي اية مثلا .؟؟ ( خرتيت ) جوة العربية

[verna2008auto]

تقريبا عرسه عملت حمام جوه العربيه او ممكن تكون ماتت جوه لان العرس هى المشهوره بالموضوع ده

وهيا ضاقت بيها الدونيا كلها .... علشان تظبطلي العربية ... طيب والحل إية ؟؟

[medododo]

تفك التابلوه وتنضف فتحات التكيف

[aif]

مخلوق زي اية مثلا .؟؟ ( خرتيت ) جوة العربية

هههههههههههههههه
اكيد عرسة او فار او ما شابه ذلك
لكت الخرتيت ده صعب اوي يبقى في عربية ملاكي ..... ممكن يبقى في نص نقل مثلا

[shahen]

اعتقد كهربائى معرفه ممكن يفيدك فى الموضوع ده

[mostafa mahmod]

البس كمامه يا باشا و خلاص و اهو منه حمايه و كده يعنى

و لا عزاء للسحالى

[Typerr]

طب في حاجه غريبه انت لما فتحت الكابود
لاقيت الريحه طالعه
اكيد في عرسه ماتت وبتتشوي مع السخونيه

[Typerr]

ممكن يكون مخلوق ما مات في فتحات التكييف مثلا

ههههههههههههههه
جامده مخلوق ديه

[bassem.naguib]

مش ممممممممممممممككككككككككككننننننننننن أبداً .. مش قادر أمسك نفسي من الضحك سواء منك ولا من الردود وربنا يكون في عونك .

أكيد في حاجة في تلاجة التكييف .. حتتفك وتتنضف وتبقى تمام إن شاء الله .. وحاول بعد ما تنضفها تركب فلتر للتكييف .

ححكيلك حكاية يمكن تهون عليك شوية .. واحد نسي عربيته مفتوحة .. المهم صحي الصبح لاقى واحد من المجاذيب اللي بيبقوا ماشيين في الشارع دول بايت في العربية وعمله العربية مراحيض عامة على الفرش والسقف وكل حته فيها وبعد ما مشاه مبقاش عارف يخش العربية من الريحة ولا المنظر الغير أدمي بالمرة وأخد العربية زق لأكتر من سروجي علشان يغيروا الفرش والسقف ومفيش ولا واحد راضي يشتغله في العربية .. لحد ما في الأخر واحد وافق بعد ما اشترط عليه يسبها مفتوحة في الشمس والهواء مش أقل من أسبوع علشان يبتدي يشتغل فيها .. وطبعاً ضربله السعر × 2

[alladinad]

ياساتر يارب خير ان شاء الله

[Gabrforever]

ههههههههههههه بجد تعليقات تموت من الضحك ههههههههههههههههههههههههههههههههههههههه

[amad00]

حقيقي الاخوه هنا في المنتدي ناس محترمه و ذوق، لكن اكتشفت النهارده انهم كمان ناس ظريفه و لطيفه كعادة المصريين جميعا، ردود و حوار يموت من الضحك، شكرا للجميع علي هذه الروحه الجميله، و ربنا يكون في عونك سيدي الفاضل، و ان شاء الله فعلا تلاقي الحل في نظافه التكييف و تركيب فلتر.