ريحة "تنين" ميت

[Screenplays]

يمكن حيوان صغير الحجم مات جواه

[verna2008auto]

بص حضرتك اولا بالوصف ده تبقي دي ريحة كائن مات او بالمعني الاصح اتفرم ودي ريحة الاعضاء في حلين اولا توصل لمكانه وتنضفه كويس بالجاز والصابون والديتول وجميع المعطرات وده افضل حل الحل التاني تستني الريحة تروح ويتحلل بفعل الطبيعة وعوامل الجو اللي اكيد واصلة للمكان اللي هو فيه ونقلة الريحة لحضرتك ده لو كان في كائن فعلا مقتول في مكان ما ما بين اول الكبوت لحد التابلوه او ممكن لو حضرتك عامل ارضية العربية موكيت ومشغل فتحات التكييف اللي عند الدوسات وفي ميه او اي سائل وقع علي الموكيت ده ممكن يعمل ريحة بس اعتقد مش هاتبقي زي ما حضرتك واصف وفي كل الاحوال خد حضرتك العربية في مكان في شمس وهوا وافتح العربية كلها وسيبها طول اليوم في الهوا بس خليك جنبها علشان ما ترجعش تلاقي كلاب وقطط احتلوا العربية

اختراع رائع وفعلا فية ناس قالتلي علي الموضوع دة
بس انا خايف افتح العربي (( التنين ينط فعربية حد ))
انا متشكر جدا جدا
وفعلا انا مستني يوم اجازة واعمل الموضوع دة من الصبح
شكرا شكرا

[verna2008auto]

يمكن حيوان صغير الحجم مات جواه

اعتقد انة مش صغير الحجم

الريحة باينة ومش بتروح .... بس فية ناس قالتلي افتح العربية واسيبها في الشمس
وها اعمل كده واقولك هوا صغير والة (( تنين ))
شكرا علي النصيحة

[almohaor]

يا باشا انا الموضوع ده لسه حصلى النهارده الصبح فى كورولا ركبتها ورايح اغير زيت اول ما فتحنا الكابوت الريحه مكنتش طبيعيه و بعدين الراجل نزل تحت العربيه علشان يشوف فيه ايه لاقى قطه طلعت و دخل جوه الموتور و لما العربيه دارت القطه ماتت وفضلت فوق بقى بس انا طلعت على بنزينه و رفع العربيه و طلع القطه الميته و بعدين غسل العربيه كلها من تحت و الموتور بجاز علشان الريحه تروح والحمد الله راحت فحضرتك جرب وشوف

السلام عليكم ورحمة الله وبركاته

يااخوانا لازم فعلا ناخد بالنا من موضوع القطط والكلاب ده
خاصة اذا كنت بتركن عربيتك مدة كبيرة او عند دوارة العربية صباحا
مرة بالصدفة كنت بافتح كبوت السيارة للكشف على مستوى مياه الردياتير والمساحة
لقيت قط كبير نايم ماشاء الله بجوار الموتور من ناحية السيور
وهو طبعا دخل من اسفل السيارة ولو كنت دورت السيارة كان مات
مرة تانية صباحا وانا بادور العربية ولسه باتحرك بها سمعت صريخ صوت كلب صغير
فتجمدت انا والسيارة ونزلت لقيته سليم والظاهر انى دست على طرف ديله
وحضرته كان نايم اسفل السيارة
عشان كده لازم نتقى الله فى هذه الحيوانات المسكينة والضعيفة
بان ننظر اسفل السيارة وبخاصة فى الصباح قبل الدخول للسيارة
وكمان باخبط على كبوت السيارة بيدى عشان اللى نايمين جواه
وبكده مانشلش ذنبهم لان فى كل كبد رطبة صدقة وكمان نتقى اى تلفيات داخلية بالسيارة
وتمنياتى للجميع بالصحة والعافية والسلامة من كل شر

[shiko85]

هههههههههههههههه
اكيد عرسة او فار او ما شابه ذلك
لكت الخرتيت ده صعب اوي يبقى في عربية ملاكي ..... ممكن يبقى في نص نقل مثلا

ههههههههههههههههههههههههه

[shiko85]

مش ممممممممممممممككككككككككككننننننننننن أبداً .. مش قادر أمسك نفسي من الضحك سواء منك ولا من الردود وربنا يكون في عونك

+1111111111111

[shiko85]

ياباشا اعتقد ان دي مش (( عرسة )) اعتقد (( ديناصور ومتخفي في صورة عرسة ))

الريحة كل يوم بتزيد مع التكييف او منغيرة لدرجة في محل كشري كنت با اركن العربية نحيتة قفل والزباين خرجت تتف علي العربية..!!!!

دي لعنة اعتقد ان فية حد بيحطلي ( خرتيت ميت كل يوم في فتحة التكييف )

اعمل اية فى المصيبة دي !!!

ههههههههههههههه

[shiko85]

بيع العربيه او سيبها للتنين

انا قلقت من فتحات التكييف الثابته
طب دي اعمل فيها ايه اقفلها بسوليتيب كل يوم ولا ايه

ههههههههههه

[shiko85]

الحل التاني تستني الريحة تروح ويتحلل بفعل الطبيعة وعوامل الجو اللي اكيد واصلة للمكان اللي هو فيه ونقلة الريحة لحضرتك ده لو كان في كائن فعلا مقتول في مكان ما ما بين اول الكبوت لحد التابلوه
غلط عليه يستشق الهواء الفاسد ده
ممكن لو حضرتك عامل ارضية العربية موكيت ومشغل فتحات التكييف اللي عند الدوسات وفي ميه او اي سائل وقع علي الموكيت ده ممكن يعمل ريحة بس اعتقد مش هاتبقي زي ما حضرتك واصف
عربية اخويا وقع فيها لبن و اضلق و الريحه كانت فظيعه ولا نفع فيها ديتول ولا شمس ولا هوا ولا اى حاجه فضلنا نرش عليها جميع انواع العطور المركزه و الاصليه مفيش فايده بخور و نقفل الزجاج مفيش فايده فضلت لحد ما الريحه راحت بعد فتره
وفي كل الاحوال خد حضرتك العربية في مكان في شمس وهوا وافتح العربية كلها وسيبها طول اليوم في الهوا بس خليك جنبها علشان ما ترجعش تلاقي كلاب وقطط احتلوا العربيةههههههههههه

[sahor]

انا بعد ما شفت كلام حضرتك طلعت جرى على عربيتى وتممت عليها وقفلتها كويس كفاية علينا الطيور والخنازير مش ناقصنا غير الخرتيت كمان هههه

[verna2008auto]

شباب ...
انا ( لسعت الخرتيت اللي كان جوه العربيه )


شغلت عليه (( تكييف الفيرنا الحار )) مره واحده ...
وبعد كده .. شغلته ساقع ..
الخرتيت جريييييي ...
ويجعله عامر