ياريت الكل يتفضل بخصوص فيرنا 2011

[ManUnited10]

السلام عليكم
انا عضو جديد معاكم واول موضوع لي في هذا المنتدى الرائع

بصراحة انا بتعلم سواقة دلوقتي وان شاء الله بعد فترة عايز اشتري عربية فيرنا 2011 اوتوماتك
عايز نصائحكم وايه رأيكم في العربية خصوصاً الي عندهم العربية
وسعرها كام دلوقتي في التوكيل وتوكيلها فين بضبط مع العلم انا ساكن في الهرم
سمعت كلام ان الاوتوماتك بتاعها وحش هل الكلام ده صح؟؟
واخيراً ايه نصائحكم لي عامة ياريت الكل يشارك علشان محتاج ارائكم بجد
وشكرا

[Screenplays]

العربيه حاليا ب 79000 جنيه و العربيه نفسها زي الفل بس عفشتها طريه حبتين و ثباتها مش قد كده بال 120 و فراملها كذلك فالنصيحه جنط اسبور 15 و كاوتش محترم هتبقي زي الفل و مفيش مشاكل معينه في الفتيس الاوتو و بالنسبه لطريقه القياده بتاعتها بلاش تهور لانها بتجري جري الوحوش و صاجها ورق فاي خبطه العربيه هتروح في داهيه لا قدر الله و لما تيجي تشتري خد حد فاهم في العربيات معاك و انت بتستلم و 1000 مبروك مقدما

[Ashraf_Ibrahim]

فكر في ساجا اوتوماتيك حلوة جدا او مانيوال فول اوبشن ممتازة برده

[linux1man]

انا راكب فيرنا 2011 مانيوال

الفرامل زى النيلة وبكل امانه ما انصحش حد يشتريها
لكن هيا عربية عملية وجراية اوى لكن بجد مش امان

طالما معاك تجيب الاوتوماتيك يعنى وصلت لل 80
فكر فى البراوتن او الافيو او اى عربية تانى

الفيرنا مش وحشة بس مش حلوة برضو وامانها 0%

انا كنت هموت كذا مرة لولا ستر ربنا بسببها

والحمدلله هغيرها ب اكسنت ار بى اعلى فئة قبل الفولى لودد
فيها اى بى اس واير باج

[ManUnited10]

Screenplays شكرا عزيزي على ردك كفيت ووفيت وان شاء الله ربنا يقدرنا على الاختيار الصح

Ashraf_Ibrahim على فكرة انا كنت بفكر فيها كتير بس معرفش في ناس خوفوني منها بيقولو ملهاش قطع غيار وكده ورغم ان سعرها مناسب جدا 72 الف فـ ايه رأيك فيها يعني ولو عندك العربية بنسبة لقطع غيارها واداءها ؟

linux1man يا ساتر يارب حمد لله على سلامتك يا باشا وان شاء الله ربنا يقدرك وتجيب الي احسن منها
انا سمعت عنها كذا قصه وزي ما يقولو مفيش نار من غير دخان فعلاً لكن الواحد يعمل ايه على قد الفلوس المتوفرة ربنا ينتقم من كل الي كان السبب في رفع اسعار العربيات دي الدولة الوحيدة من الدول العربية الي اسعار عربيتها نار ب الشكل ده

شكرا ليكم جميعا وياريت بس تقولو رأيكم في ساجا اوتوماتك وانه احسن ساجا ولا فيرنا 2011 ؟

[Screenplays]

الفرامل زى النيلة وبكل امانه ما انصحش حد يشتريها

مش للدرجه دي

فكر فى البراوتن او الافيو

افيو ايه بس حرام عليك دي عربيه كلها عيوب مصنعيه و البروتون مش منتشره خالص و اهه نار غبور و لا جنه عز العرب

وياريت بس تقولو رأيكم في ساجا اوتوماتك وانه احسن ساجا ولا فيرنا 2011 ؟

الفيرنا كخامات داخليه و انتشار و قطع غيار و اعاده بيع و جري افضل

[linux1man]

ربنا يارب يهديك للى فيه الخير والصح بس انا والله نقلت تجربتى بأمانة العربية معايا جتى الان
وفى انتظار استلام الاكسنت ان شاء الله
ومش هاممنى انى اشكرلك فى العربية لانى راكبها لا بالعكس فعلا فراملها وحشة جدا وخفيفة جدا
بس موتور عفى وهيونداى معروف برضو

على العموم دا لينك فيه كل اسعار السيارات
شوف الفئات السعرية اللى تناسبك وحطها فى مقارنة
وادخل اقسام السيارات اللى تعجبك استفسر عنها وفصصها
واستشير الخبراء

http://arabeety.com/stockmarket.php

وقبل دا كله لا تنسى استخارة الله

والف مبروك مقدما وربنا يديك خيرها ويكفيك شرها ويهديك للى فيه الخير ليك يارب

[ManUnited10]

شكرا على المتابع والرد وربنا يخليكم جميعاً ان شاء الله يجعلها في ميزان حسناتكم يارب

سؤال اخير ولو ازعجتكم
ايه الفرق بين فيرنا العادية وفيرنا فيفا وفيرنا ستار ؟؟؟ وانه الاحسن وليه
وتوكيل هيونداي قريب عليا انا ساكن في الهرم الاقي فين؟
وشكراً

[Screenplays]

الفيرنا العاديه و الستار واحد مفيش فرق بينهم الا الستار فيها عتب و سبويلر و شكل الطاسات مختلف فقط لا غير لكن العربيه نفسها هي هي مفيش اي فروق جوهريه بالنسبه للفيفا فهي 1.5 لتر 94 حصان تقفيل هندي و من وجهه نظري شكلها احلي من الفيرنا ده غير ان الفرامل بتاعها كويسه عن الفيرنا

[SonaSteel]

طيب ممكن تفكر في الbyd ....... بس مش عارف فيها اوتو ولا لأ
---------------
وماشاء الله لو وصلت ل80000 .... لو تقدر تزود سيكا كمان وتجيب صتي اوتو من غير abs حتي لو هاتقسط عشرة ولا حاجة... تبقي كسبت والله
ومتنساش الاستخارة وربنا ييسرلك كل خير

[Screenplays]

طيب ممكن تفكر في الbyd

صيني مين بس يا فندم اللي هنرشحه لصاحب الموضوع ؟ ده احنا في قسم الهيونداي ههههههههههههه

وتجيب صتي اوتو من غير abs حتي لو هاتقسط عشرة ولا حاجة

كده اقتراح كويس

[ManUnited10]

شكرا لكم جميعاً والحمد لله قررت على الفيرنا ان شاء الله
امبارح رحت للمعرض الي جنبنا اسمو اوتو ناصر بدوي معرفش لو حد سمع فيه ولا لا بس هو موزع هيونداى
المهم رحتلوا قالي في دلوقتي خصم 2000 جنية على الفيرنا خلال شهر رمضان فقط ان شاء الله على اخر 10 من رمضان اشتري العربية بـ اذن الله
لو حد عندو نصائح تاني ياريت يشرفني


وعندي سؤال بس بنسبة للتجنيط 15 هو هينفعني في ايه؟ وهيكلف كام وهغير ايه بضبط؟

[Screenplays]

لا 16 كتير جدا الطنابير هتتاكل و العفشه هتتبهدل اخرك 15 و كاوتش عريض بس بالمقاس القياسي للعربيه يعني متجيبوش عريض اوي عشان ميحكش في الكارتيرات و هيبهدل العفشه برضه

[loshabih]

شكرا لكم جميعاً والحمد لله قررت على الفيرنا ان شاء الله
امبارح رحت للمعرض الي جنبنا اسمو اوتو ناصر بدوي معرفش لو حد سمع فيه ولا لا بس هو موزع هيونداى
المهم رحتلوا قالي في دلوقتي خصم 2000 جنية على الفيرنا خلال شهر رمضان فقط ان شاء الله على اخر 10 من رمضان اشتري العربية بـ اذن الله
لو حد عندو نصائح تاني ياريت يشرفني


وعندي سؤال بس بنسبة للتجنيط 15 هو هينفعني في ايه؟ وهيكلف كام وهغير ايه بضبط؟

أولا كل سنة ونته طيب
الجنط هيزود السبات والفرامل هتبقى أحسن ... أما عن الفلوس فـفي منه أشكال وألوان ومعاك من 900 لحد 30 ألف جنيه من غير الكاوتش

[ManUnited10]

Screenplays تمام حضرتك بس انت شايف انها لازم تتعمل يعني علشان تزيد الامان ولو في حل تاني مثلا علشان يخلي الفرامل اقوى واحسن؟

loshabih وانت طيب ياباشا . ماشي بس سعرها غالي بردو يعني هي مش شرط اعملها صح ؟
ولو في حاجة تاني اعملها مثلا علشان ازيد ثبات العربية وازيد قوة الفرامل مثلا؟
بس قولي حضرتك ايه رأيك في العربية كـ كل وفي الاوتوماتك خصوصاً ونصائحك ليا بعد اذنك عايز استفيد منكم وشكرا لكم وتقبل الله منا ومنكم الصيام والقيام