عايزة اشترى عربية .. ممكن تساعدونى؟

[eng_nagwa]

انا عايزة اشترى عربية مع العلم انى اول مرة اركب عربية ولسة بتعلم السواقة:) ... انا عرفة انه صعب ابتدى بعربية جديدة بس انا معرفش حد خالص و لا حتى فىحد فى اهلى ممكن يساعدنى فى شراء عربية مستعملة ... انا عايزة رايكم فى عربية تكون كويسة ... طبعا انا مش عارفة اية المواصفات الكويسة ويكون سعرها لحد الف 70000

[SEATLOVER]

اهلاً بيكى يا باشمهندسة نجوى معانا فى المنتدى
و احنا هنا كلنا اخوات و بنساعد بعض باللى نقدر علية
بس ممكن حضرتك تراجعى اللينك دة .. وتاخدى كوبى من النص و تحطية هنا فى الموضوع بعد ما تملية بالاحتياجات بتاعتك ... عشان المبلغ كبير و حرام يبقى الترشيح غير مناسب لإحتياجات حضرتك من العربية

استمارة استشارة فى الشراء

وهارجع تانى انا و بقية الاعضاء نرد على حضرتك

[eng_nagwa]

المبلغ المتاح /اقصى حد 65-70 الفنوع العربية / يفضل زيرو مع العلم ان دى اول تجربة ليا
إمكانية التقسيط فى حالة الزيرو /فى مقدم والباقى تقسيط (تقريبا النص)
خبرتك فى السواقة وسكك الصيانة /مفيش خبرة
شكل العربية / مش فارقة
الموديل / جديد
إستخدام السيارة فى الاغلب / الاتنين
انتقالاتك بالعربية / فى الاغلب لوحدى
الكماليات المرجوة / المهم التكييف
إستهلاك البنزين /قليل ودى اهم حاجة
قطع الغيار / فى المعقول (ويفضل رخيصة)
اماكن الصيانة / يفضل توكيل
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلةفارقة
سعر إعادة البيع / خسارة معقولة
اهم حاجات بتدور فيها على العربية /الكل
- قوة تحمل
- قلة اعطال
- الشكل الحلو
- ............
ملاحظات اخرى / (اهم حاجة تكون سمعتها كويسة قوى صناعة واستخدام واستهلاك بنزين ومافيش شكاوى او عيوب ليه و ياريت لو شكلها مناسب لبنت بس مش شرط)

[kassasmsd]

مدام نجوى أشتري هيونداي جيتز وتوكلي على الله

[ASD peugeot]

لو تزودي شويه السيريون يكون الاختيار المناسب بس اغلي شويه 77 الف

[SEATLOVER]

اة كدة فهمت
باشمهندسة نجوى
اشترى الكيا بيكانتو الجديدة
وعلى ضمانتى
فيها كل اللى انتى عايزاة و اكتر كمان
لها مميزات تانية كتير
(توكيل ممتاز -قطع غيار فى المعقول-سعر اعادة بيع هايل -توفير رهيب فى البنزين -ابعاد مناسبة للسواقة -حرية الحركة فى البلد-...)

ولو مش عايزة زيرو و عايزة توفرى ممكن تشوفى المستعمل بتاعها موديلات 2005 او 2006 (بس هايبقى الشكل القديم وهو حلو اوى برضو) و هاتبقى هايلة و فى حدود الخمسينات

ربنا يوفقك إن شاء الله

[fahd_628]

فعلا انا رأى ليكى حتبقى مناسبة جدا جدا الكيا بيكانتو

هية 1100 سى سى فل اوبشن ( تكييف و باور و 2 زجاج كهرباء و سنتر و عداد Rpm ) و على فكرة موفرة جدا فى البنزين

و التوكيل محترم جدا و الضمان الوحيد فى مصر 5 سنين او 100 الف كم ايهما اقرب

[hfekry]

أختى الكريمة :
أنصحك بـــ كيا بيكانتو

[Mzeid]

أولاَ أهلاَ بك يا بشمهندسة في المنتدى ..
فعلا البيكانتو احسن إختيلر لك ..
كماليات + قوة + أوسع سيارة في فئتها + سعر مناسب + قطع غيار + توكيل محترم + ضمان ..
:):)
و أتمنى أنك تختاري الأنسب لك فيس النهاية و ربنا يوفقك إن شاء الله ..
:):)

[hazem_khidr]

اة كدة فهمت
باشمهندسة نجوى
اشترى الكيا بيكانتو الجديدة
وعلى ضمانتى
فيها كل اللى انتى عايزاة و اكتر كمان
لها مميزات تانية كتير
(توكيل ممتاز -قطع غيار فى المعقول-سعر اعادة بيع هايل -توفير رهيب فى البنزين -ابعاد مناسبة للسواقة -حرية الحركة فى البلد-...)

ولو مش عايزة زيرو و عايزة توفرى ممكن تشوفى المستعمل بتاعها موديلات 2005 او 2006 (بس هايبقى الشكل القديم وهو حلو اوى برضو) و هاتبقى هايلة و فى حدود الخمسينات

ربنا يوفقك إن شاء الله

طب سيب ليا حاجه اقولها يا باشمهندس :)
بصراحه مش لاقي كلام اقول
فعلا يا باشمهندسه البيكانتو افضل حاجه ليكي

[Yarisawy]

كمان رأى لبيكانتو بعد كلام م\عمرو اضيف ان العربية دى تناسب اى بنت لان شكلها فعلا بناتى

[Nile_Storm]

لا ازيد عن راي الاخوه البيكانتو افضل بالنسبه لكي

[SEATLOVER]

طب سيب ليا حاجه اقولها يا باشمهندس :)
بصراحه مش لاقي كلام اقول
فعلا يا باشمهندسه البيكانتو افضل حاجه ليكي

بلاش انت يا حازووم .. دة كل موضوع بتسبق لية
بافتكر انى انا اللى كاتب مشاركتك

ربنا يديم التوافق
وانت الخير و البركة

[eng_nagwa]

السلام عليكم
انا متشكرة جدا جدا يا جماعة ... طيب ممكن سؤال تانى... ايه رايكم فى فيات باليو ؟

[eng_nagwa]

و كمان احب اعرف رايكم فى هيونداى اتوس؟