تحليلي الشخصي للالنترا 2012

[besbest]

اولا شكرا جدا للمنتدي العبقري اللي دايما بيمدنا بالمعلومات والاعضاء المتميزين اللي بيفدونا بتجربهم
انا معايا النترا 2012 وهتكلم عليها من واقع تجربتي الشخصيه ....
العربيه ماشاء الله ثبات حلو جدا (اقصي سرعه جبتها 170 كم\ساعه) و الموتور بتاعها اداء قوي جدا
يعيب السياره في عفشتها المساعدين الخلفيين اذا كانت العربيه محمله اشياء تقيله في الشنطه والكنبه الخلفيه بها اشخاص (العربيه بتنزل اوي وبتكون قريبه من الارض إلي جانب ان اداء المساعدين الخلفي مش قد كده )
موضوع ان الكنبه لايمكن طيها مضايقني اوي,الي جانب ان استهلاك البنزين لا بأس به (شغااااااااااال)
صالون العربيه عموما شيك جدا واشيك من عربيات كتير في نفس الفئه بس عايز اهتمام ونظافه
وياريت لو قصرت في شئ تخبروني بيه وانا تحت امر اي حد عايز يستفسر عن حاجه
اعذروني طولت عليكما لانها اول مشاركه ليا في المنتدي

[AshTurbo]

أهلاً بيك عضو معانا في المنتدى بشكل عام وقسم هيونداي بشكل خاص ومبروك العربية الجديدة ربنا يرزقك خيرها ويبعد عنك شرها .

بالنسبة لكلامك عن الألنترا فهو صحيح والحاجة الوحيدة الغلط فيها العفشة التورشن بيم لو العربية دي فيها ملتي لينك مفيش حاجة هتقف في وشها بس هنقول أيه الحلو ميكملش دة لا يعيب ثبات العربية بالعكس العربية على الطرق المستقيمة والمنحنيات أدائها ممتاز وتحس كأنك مش ماشي بيها لكن لو أنت ماشي في منحنى ولقيت مثلاً طوبة أو نقرة هتلاقي العربية ضهرها نط مرة واحدة حاجة مزعجة ولكن يمكن التعامل معاها في مقابل مميزات أخرى كتير .

[besbest]

كلامك صح فعلا ومشكور جدا علي الرد يا عمنا

[bakar77]

اولا شكرا جدا للمنتدي العبقري اللي دايما بيمدنا بالمعلومات والاعضاء المتميزين اللي بيفدونا بتجربهم
انا معايا النترا 2012 وهتكلم عليها من واقع تجربتي الشخصيه ....
العربيه ماشاء الله ثبات حلو جدا (اقصي سرعه جبتها 170 كم\ساعه) و الموتور بتاعها اداء قوي جدا
يعيب السياره في عفشتها المساعدين الخلفيين اذا كانت العربيه محمله اشياء تقيله في الشنطه والكنبه الخلفيه بها اشخاص (العربيه بتنزل اوي وبتكون قريبه من الارض إلي جانب ان اداء المساعدين الخلفي مش قد كده )
موضوع ان الكنبه لايمكن طيها مضايقني اوي,الي جانب ان استهلاك البنزين لا بأس به (شغااااااااااال)
صالون العربيه عموما شيك جدا واشيك من عربيات كتير في نفس الفئه بس عايز اهتمام ونظافه
وياريت لو قصرت في شئ تخبروني بيه وانا تحت امر اي حد عايز يستفسر عن حاجه
اعذروني طولت عليكما لانها اول مشاركه ليا في المنتدي

السلام عليكم
انا عاوز اشترى العربية دى بس خايف من حتة انها واطية لان الطرق اللى بمشى فيها طرق وحشة جدا "ارياف المنصورة" لذلك انا محتار بينها وبين اللانسر بس انا ميال اكتر للالنترا عشان لسه شكل جديد قدامه وقت كتير عبال ميغيروه انما اللانسر البومة شكل استهلك فلو عاوز اقارنها باللانسر البومة فى حتة الارتفاع عن الارض انهى الاحسن؟
جزاكم الله خيرا

[minicooper20]

تقيم جميل

[besbest]

لو من حيث الارتفاع والخلوص الارضي يبقي لانسر تتفوق بس انا انصحك بالإلنترا اولا لشكلها الجديد الايروديناميكي الي جانب الثبات العالي (وزنها تقريبا 1800كجم) وثانيا شياكه الصالون الداخلي واتساع مساحته ومشكله الارتفاع مش سبب يخليك تبعد التفكير في العربيه

[besbest]

شكرا ليك يا minicooper20

[bakar77]

لو من حيث الارتفاع والخلوص الارضي يبقي لانسر تتفوق بس انا انصحك بالإلنترا اولا لشكلها الجديد الايروديناميكي الي جانب الثبات العالي (وزنها تقريبا 1800كجم) وثانيا شياكه الصالون الداخلي واتساع مساحته ومشكله الارتفاع مش سبب يخليك تبعد التفكير في العربيه

متشكر جدا لسرعة رد
مشكلة الارتفاع دى عمله قلق لانى من المنزلة وساكن فى دمياط الجديدة وكتير جدا بسافر من المنصورة المنزلة لدمياط الجديدة وانت عارف الطرق دى فيها مطبات كتير الناس عاملاها والمطبات دى فعلا عاملة ذى الجبال فمش عاوز العربية تحك منى وانا سالت كتير فيه ناس قالو اللانسر واطية وناس تانية قالت الالنترا واطية فمش عارف ياريت لو حد يجيب الارتفاع من البروشور بتاع العربية للالنترا واللانسر بحيث الواحد يعرف يقارن كويس. وهل الارتفاع اللى مكتوب فى البروشور ده بيبقى هوه اقل ارتفاع (يعنى لما العربية تكون محملة) ولا الارتفاع ده والعربية فاضية وبيقل طبعا لما تكون محملة؟

[Formulator]

شكرا يا باشا على الـreview, بس اسمحلى ليا كومنت..

العربيه ماشاء الله ثبات حلو جدا (اقصي سرعه جبتها 170 كم\ساعه) و الموتور بتاعها اداء قوي جدا

أنت متأكد من جزئية الثبات دى؟؟!!! أصل كل الريفيوهات قالت أن العربية عند 140-160 ثباتها بيقل drastically
وده مش جديد على الهيونداى, خصوصا أن ده شاسيه وعفشة السيراتو..!!
كمان مقياس الثبات بيختلف من شخص لآخر, ومن طريق للتانى.. يعنى 200 كم/س على طريق ناعم و straight لا يعبر أطلاقا عن الثبات..؟!!

يعيب السياره في عفشتها المساعدين الخلفيين اذا كانت العربيه محمله اشياء تقيله في الشنطه والكنبه الخلفيه بها اشخاص (العربيه بتنزل اوي وبتكون قريبه من الارض إلي جانب ان اداء المساعدين الخلفي مش قد كده )

هو مش كده بالضبط, هى العفشة الخلفية التورشن زى ما الأخوة الأعضاء قالولك.. عشان الـsetup الغريب بتاع الهيونداى-كيا..؟؟!!!

بس ده لا يمنع أن ملاحظتك صحيحة: هى فعلا مشوار المساعد صغير, والـdamping-rate سىء خاصة فى التحميل أو السرعات.. برضه عشان الـdesign الغريب..!

دة لا يعيب ثبات العربية بالعكس العربية على الطرق المستقيمة والمنحنيات أدائها ممتاز وتحس كأنك مش ماشي بيها لكن لو أنت ماشي في منحنى ولقيت مثلاً طوبة أو نقرة هتلاقي العربية ضهرها نط مرة واحدة حاجة مزعجة ولكن يمكن التعامل معاها في مقابل مميزات أخرى كتير .

على الطرق الـstraight ممكن.. (ولو أنها مش دايما كده), لكن فـ المنحنيات؟؟!!! صعبة أوى دى
وخد بالك ان الـ Loss of Traction بتاع أحدى العجلتين اللى ورا ده (نتيجة انهم dependent عشان الدنجل).. صعب أوى التعامل معاه فـ السرعات..
وربنا يسترها معانا isA

(وزنها تقريبا 1800كجم)

مستحيل الرقم ده.. No way
ده وزن عربية ألمانى RWD وموتورها 6-سلندر.. مايجيبش الرقم ده؟؟!!!
الهيونداى آخرها 1200 كجم أو 1.25 طن بالعافية!!

[AshTurbo]

على الطرق الـstraight ممكن.. (ولو أنها مش دايما كده), لكن فـ المنحنيات؟؟!!! صعبة أوى دى
وخد بالك ان الـ Loss of Traction بتاع أحدى العجلتين اللى ورا ده (نتيجة انهم dependent عشان الدنجل).. صعب أوى التعامل معاه فـ السرعات..
وربنا يسترها معانا

بص أنا مش هقولك أنها ثابتة في المنحنيات على 160 ولا على 180 بس أنا أخدت بيها ملف صعب جداً - حاجة كدة زي ملفات الفورميلا وان ال sharp - على 120 وثباتها ما شاء الله كان ممتاز بس كنت خايف الاقي طوبة ولا نقرة وظهر العربية يعوم مني بس كان ملف جبار بصراحة لكن أي منحنيات عادية ممكن تجيب بيها 150 عادي جداً وأنت مطمن بالنسبة للطرق المستقيمة العربية بتجيب 180 وثبات ممتاز - on rails - ومقاومة هواء معدومة تقريباً ومشفتش ريفيوهات قالت أن العربية ثباتها وحش بعد 140- 160 في الطرق المستقيمة وحط في بالك أن العربية بتنزل برة ب Electronic stability control يعني قدرة عالية على المناورة وثبات أعلى بس للأسف عندنا التوكيل بيشيل حاجات بتأثر على أمكانيات العربية وبالتالي تقييمها بيقل .

أمبارح كان في شتا رهيب في أسكندرية وقولت أجرب العربية وبالذات الفرامل وعلى طريق الكورنيش وفي حتى فيها ميه - مش بركة ميه لأن كان في بحيرات - طريق زلق للغاية كبست فرامل وانا على 80 علشان أشوف كفاءة الأطارات وكفائة ال ABS ماشاء الله الكاوتش الهانكوك اللي فيها ممتاز حتى مكلبش في الأرض ولا كأن في نقطة مية وبالتالي ال ABS ما أشتغلش بصراحة أنا شايف أن الكاوتش الهانكوك ممتاز يعيبه فقط الصوت العالي على الطرق الغير معبدة بشكل جيد اما على الأسفلت الناعم معدوم الصوت

نوع الكاوتش عندي : Hankook Kinergy Eco

Hankook Kinergy Eco (K425) - YouTube

http://www.hankooktire-eu.com/about/news/single-news-view/article/hankook-tire-launches-kinergy-eco-heralding-a-new-era-in-the-tyre-segment-in-europe.html?tx_ttnews

[besbest]

شكرا جدا للرد والحوار الجميل المفتوح حول السياره بس بالنسبه لوزن السياره انا متأكد منه لأن ده اللي مكتوب في الكتالوج بتاعها اللي جاي معاها وطبعا انا مصدقتش الكلام ده وفعلا انا وزنت العربيه علي ميزان بسكول واتاكدت فعلا ان وزنها كده 1800 كجم

[Formulator]

هو المفروض مادققش أوى.. بس معلش:

شوف كده Fifth generation MD آخر جيل وقولى رينج الأوزان:
Hyundai Elantra - Wikipedia, the free encyclopedia

وده بروشور بتاع أمريكا بتنزل عندهم 1800 (أعتقد أثقل).. ولا أيه.. خد بالك مكتوبة بالرطل:
Hyundai Elantra Trim: Safe & Stylish Cars - Most Interior Among Small Cars | Hyundai

ملحوظة: 1 رطل = 0.4536 كجم,, أو 1 كجم = 2.24 رطل... وأحسبها انت بقى (بس قولى)!!

- ممكن حضرتك تصورلنا الوزن فـ "الكتالوج" بتاع العربية, أو حتى الـprint-out بتاع البسكول..؟؟!!!

طبعا احنا بنشوف الـKerb Weight أو الـCurb Weight اللى هو الوزن فارغة!
ممكن انت تكون قصدك أن الـFull Loaded weight.. (أقصى وزن بالركاب والحمولة) بس ده برضه آخره 1600-1700 كجم..!!!

[omarmosalem]

أنا معايا الفوكاس وزنها 1800 كجم حسب الكاتالوج بس دا طبعا Gross Weight مش Kurb weight

[besbest]

الأخ الفاضل formulator وزن العربيه فعلا زي الكتالوج اللي هو gross wieght =1800 kg
ودي حاجه انا متاكد منها فعلا بس عموما الاختلاف لا يفسد في الود قضيه وشكرا جدا لاهتمامك

[msalama]

Elentra 2012 test drive - YouTube

اولا شكرا جدا للمنتدي العبقري اللي دايما بيمدنا بالمعلومات والاعضاء المتميزين اللي بيفدونا بتجربهم
انا معايا النترا 2012 وهتكلم عليها من واقع تجربتي الشخصيه ....
العربيه ماشاء الله ثبات حلو جدا (اقصي سرعه جبتها 170 كم\ساعه) و الموتور بتاعها اداء قوي جدا
يعيب السياره في عفشتها المساعدين الخلفيين اذا كانت العربيه محمله اشياء تقيله في الشنطه والكنبه الخلفيه بها اشخاص (العربيه بتنزل اوي وبتكون قريبه من الارض إلي جانب ان اداء المساعدين الخلفي مش قد كده )
موضوع ان الكنبه لايمكن طيها مضايقني اوي,الي جانب ان استهلاك البنزين لا بأس به (شغااااااااااال)
صالون العربيه عموما شيك جدا واشيك من عربيات كتير في نفس الفئه بس عايز اهتمام ونظافه
وياريت لو قصرت في شئ تخبروني بيه وانا تحت امر اي حد عايز يستفسر عن حاجه
اعذروني طولت عليكما لانها اول مشاركه ليا في المنتدي