عيوب فيلوستر 2012 تجربه شخصيه veloster problems 2012

[ashouhdy]

دى شبة الغرزة اللى قلتلك عليها بس على اوسع سننة

2012 Hyundai Veloster ESC TEST - YouTube

[ashouhdy]

بغض النظر بس وانا بقلب عجبنى الاعلان دة اوى هههههههههههه

The Hyundai Veloster banned commercial - YouTube

[haithamameen]

ما عربيتي طويله ورفيعة وكاوتش 195\55\16 ومفيش المشكله دي خالص
وعربيتي دنجل برده

مشكلة الار بى 14/70/170 يعنى رفيع جدا على حجم العربيه لاكن عربيتك زى مابتقول 16/55/195 وكمان مينفعش اقارن عربيتك بالار بى اصلا عربيتك تتقارن بالالنترا 2012 وتكون مانيوال وفيها جنوط 16/50/215

لكن الار بى افضل مقاس كوتش مناسب ليها 15/55/205 وساعتها نركب ونجرب ونحكم

الحاجه الاهم انا شايف ان الهيونداى عربيات عمليه واقتصاديه ومريحة وسهلة الصيانة واستهلاك البنزين معتدل لاكن مشبتاعة جرى سرعات ولا امان زى العربيات الاوربيه

سؤال : الار بى بنفس الحجم والشكل والخامات والاوبشن (فئة 113 الف - 1600 - 124 حصان - فتيس اتوماتيك ستبترونك - abs - ايرباج واحده ) لو نزلت من فيات مع اضافة علامة وعفشة الفيات وجنوط سبور وكوتش 15/55/205
ما مدى الاختلاف فى الثبات والسعر هل هتفضل 113 الف

[yasserelsayad]

ربنا يعوض عليك وان شاء الله يرزقك بأحسن منها ...

بس انا بصراحة ركبت veloster بتاعت واحد صحبى هاى لاين باردوا وجريت بيها جرى السنين واخدت بيها غرز على الضيق والواسع وبعرض الطريق وملفات .. تقريبا عملت بيها كل حاجة فى كتاب الجرى والتهور والعربية ما شاء الله كويسة جدا وعجبتنى والله .. وهو عامل بيها 15 الف كيلو ومسمعتش شكوى منه غير ان العفشة نشفة شوية بس دا طبعا بسبب الجنط بس باردوا هو كان دايما بيركب فى العربيات عنده جنوط 17 فا متعود اكيد.

[medo111]

مشكلة الار بى 14/70/170 يعنى رفيع جدا على حجم العربيه لاكن عربيتك زى مابتقول 16/55/195 وكمان مينفعش اقارن عربيتك بالار بى اصلا عربيتك تتقارن بالالنترا 2012 وتكون مانيوال وفيها جنوط 16/50/215

لكن الار بى افضل مقاس كوتش مناسب ليها 15/55/205 وساعتها نركب ونجرب ونحكم

الحاجه الاهم انا شايف ان الهيونداى عربيات عمليه واقتصاديه ومريحة وسهلة الصيانة واستهلاك البنزين معتدل لاكن مشبتاعة جرى سرعات ولا امان زى العربيات الاوربيه

سؤال : الار بى بنفس الحجم والشكل والخامات والاوبشن (فئة 113 الف - 1600 - 124 حصان - فتيس اتوماتيك ستبترونك - abs - ايرباج واحده ) لو نزلت من فيات مع اضافة علامة وعفشة الفيات وجنوط سبور وكوتش 15/55/205
ما مدى الاختلاف فى الثبات والسعر هل هتفضل 113 الف

المشكله في ال ار بي مش في الكاوتش انا بقول ان شوفتها قدام علي الطريق بتنزل وبتطلع جامد من اي نازله وطالعه بسيطه في الطريق وانا كنت بعدي علي نفس الاماكن ومكنتش حاسس ان في حاجه في الاسفلت تستدعي كل دا

[tamerosman]

حرام حد يدفع اكتر من 120 الف فى اى عربية كورى مهما كانت

الكلام ده عن تجربة ركوب كورى 8 سنين ( النترا 2005 خليجى اشتريتها زيرو و ركبتها 5 سنين و لانوس موديل 2001 برضه كانت زيرو و ركبتها 3 سنين ) + ركوب سيراتو 2009 لمدة شهر على سبيل التجربة

الفكرة من وراء شراء الكورى هى التوفير و value for money علشان كانت عربيات رخيصة بس لما تكون اسعارها مبلغ فيها بالشكل ده تبقى ملهاش اى لازمة

الكورى عربيات اعتمادية ( مش بتعطل ) ، شكل و كماليات بس لو جينا للثبات و الاتزان و العفشة لسا قدامها كتير و سنين طويلة علشان تحصل الالمانى او حتى العربيات اليابانى المحترمة زى الهوندا و المازدا و السوبارو

[mr_akram]

انا مقولتش ان العربيه وحشه قوي ومحدش يشتريها... انا مجرد حكيت قصتي مع العربيه دي من ساعت ما اشتريتها.

انا مش دافع 165 الف عشان اروح اغير جنوط او عفشه زي ما ناس تانيه قالتلي وادخل نفسي في مشاكل تانيه انا شاري عربيه زيرو عشان ارتاح...انا شايف ان العربيه دي مش لمصر ولو هتتركب في مصر عايزه فئه معينه من الناس اللي يبقى عندهم خلفيه عن الكلام ده كله.

انا عملت الموضوع ده عشان الناس اللي بتفكر تشتريها يبقى عندهم خلفيه كويسه عن العربيه وهوا اللي يقرر يجبها ولا لا...لان محدش من اللي في المعارض هيقولك على الكلام ده هيبقى عايز يبيع العربيه وخلاص.

[fahd_628]

فية عيب تانى ان ال Quality بتاعت الخامات الداخلية سيئة !!!

يعنى انا ركبتها فى المعرض و شكل التابلوة و كدة جميل

تيجى تمسكة بقى حتلاقى بلاستيك ناشف جدا تخبط علية تحس بصوت بلاستيك مش صوت مكتوم زى العربيات المحترمة

لو حد اخد بالة ال Cover بتاع السماعات الخلفية بلاستيك ضعيف جدا جدا جدا !!!

الشماسة بتاعت فتحة السقف تدوس عليها تلاقيها بتطلع لفوق اكنها حتة قماش كدة مش حاجة محترمة و ماسكة نفسها

الجلد تحس انة كاوتش !!!!!!!!!!! مكنش عاجبنى خالص ملمسة !

فية حاجات كدة خليتنى اقول ان ال Quality مش حلوة

[ls1090]

قدر الله وما شاء فعل
انا راى الشخصى ان العربية الى اشترتها كان فيه عيب والعلم عند الله
لانى ركبت العربية كويسة هى صحيح ناشفة بس موضوع التعويم !!!!!!!
قول الحمد الله

[manitto]

.................................................. ......................................

يرجي عدم كتابه العربيه بالاحرف الانجليزيه حتي لا يتم تطبيق القواعد
يرجي مراجعه قواعد المنتدي

11.55ص
6/12/2011

م.ع.12

[eletr]

مع احترامي الكامل لحضرتك و لرايك
بس انا شايف ان حضرتك غلطان من البداية علشان تدفع 165 الف في عربية كوري في حين فيه عربيات كتير ممتازة و بنفس السعر او اقل كمان
زي السيفيك و الكورولا و الجيتا

[د.محمود صلاح]

قدر الله وما شاء فعل

المفروض في الزمن الحالي تشتري اي عربية شعبية عادية جدا ... عربيات الكماليات والرفاهية في حالة سفرك للخارج فقط

[Formulator]

انا مستغرب من مقاس الكاوتش الصراحة ... 215 !! على 18
دة انا عندى 205 على 16 وال17 225

عشان الكارينز عربية كبيرة يا شهدى, لاااااااااازم جنط 16" أو 17".. وكاوتش عريض..!!
لكن مش عشان الأداء..

سؤال : الار بى بنفس الحجم والشكل والخامات والاوبشن (فئة 113 الف - 1600 - 124 حصان - فتيس اتوماتيك ستبترونك - abs - ايرباج واحده ) لو نزلت من فيات مع اضافة علامة وعفشة الفيات وجنوط سبور وكوتش 15/55/205

- فيات مابتعملش عربيات بالخامات (الـCheap Plastics) بتاع الهيونداى.. فـ أكيد المكونات والأوبشنز هتبقى أعلى بكتييييييير..!!
- الـ1600 بتاع فيات هيبقى 115 حصان بس (مش 124).. لكن العزم أعلى وبيطلع على rpm أقل..!!
- فيات معندهاش فتيسات أوتو: هيبقى Dualogic/Selespeed ودى فتيسات F1.
- فيات مابتنزلش ABS بس: لاااااااااازم ABS+EBD ومعاهم HBA كماااان.
- فيات مابتنزلش ايرباج واحدة: أقل حاجة 2, 4, 6 أو 7 فـ عربيات الفئة دى..؟!!
- فيات مش هتحط لوجو وعفشة فقط.. كل حاجة فـ العربية هتتراجع, شاسيه, بودى, ميكانيكا, كهرباء ووو.... etc
- الكاوتش الـ205 عند فيات: مابيركبش الا على جنط 16".. الـ15" ده يركبله 195

ما مدى الاختلاف فى الثبات والسعر هل هتفضل 113 الف

- الثبات هيبقى زى الـCharacteristic لعربيات فيات.. ثبات, هاندلينج وتحكم = أمااااااان.
- نتيجة لكل اللى فات (اللى قولتهولك فوق).. العربية طبعا مش هتفضل 113 ألف..؟؟!!!
المصيبة بقى: لو لقينا اللينيا دى نزلت بـ 120-125 ألف مثلا, تفتكر ساعتها تبقى الـrb تستاهل سعرها؟؟!!! (خد فـ الأعتبار كل الفروق الفنية اللى قولتلك عليها)..؟!!

تقريبا عملت بيها كل حاجة فى كتاب الجرى والتهور والعربية ما شاء الله كويسة جدا وعجبتنى والله

كتاب الجرى اللى عندك يا اما Edition قديمة..؟!!
أو مفيهوش الـChapter بتاع الـSpirited Driving Techniques..؟؟!!!

[Hosam_Optrawy]

بغض النظر بس وانا بقلب عجبنى الاعلان دة اوى هههههههههههه

The Hyundai Veloster banned commercial - YouTube

هههههههههههههههه جامد

[yasserelsayad]

كتاب الجرى اللى عندك يا اما Edition قديمة..؟!!
أو مفيهوش الـChapter بتاع الـSpirited Driving Techniques..؟؟!!!

ههههه ... ازاى بقى انا بقولك طلعت كل اللى العربية تقدر تعمله فى المرة دى لحد الـ limit بتعها.