اين منسق هيونداى!!

[Ashraf_Ibrahim]

وانا معاكوا فعلا لو حبيتوا تفوقوا القسم
على الاقل الواحد يحس ان فيه قسم هيونداى فى المنتدى

مفيش مشكلة كل واحد يحاول يرد على المشاركات أو يطرح مواضيع جديدة بحيث يبأا فى إهتمام من الأعضاء بالمتابعة

تمام
طول ما فيه اعضاء القسم هينشط وهيبقا كويس جدا
مشكلة اي قسم عشان ينشط حاجتين وجود اعضاء ووجود مواضيع ومينفعش نبتدي مواضيع بدون اعضاء فدلوقتي فيه الحد المطلوب من الاعضاء وليكونوا 5 او 6 اعضاء يساهموا في عمل مواضييع قيمة وبالتالي يكون ملحل جذب للأعضاء سواء الحاليين او الجداد لأن الواحد لما بيحتاج حاجة بيفتح جوجل ويكتب ولما بيلاقي ان اكتر من مرة يطلعله نايل موتورز في النتايج ويلاقي فيها الاجابة المطلوبة ساعتها هيسجل وهيدخل نايل موتورز قبل ما يدخل جوجل

طيب مش قبل ما تسألوا اين منسق هيونداى
تسألوا الاول اين اعضاء وملاك هيونداى :)))
القسم ده عاملى انا شخصيا احباط
معقول على انتشار سيارات هيونداى بكل موديلاتها ورغم امتلاك الكثير جدا من الاعضاء لسيارات هيونداى
الا ان القسم مبيدخولش اعضاء وموضوعاته قليلة جدا وردود الناس اقل
ياريت فعلا تقدروا تنشطه
واحنا بالفعل بقالنا فترة محترين فى اختيار منسق يكون نشيط جدا عشان يقدر ينشط الناس معاه
ولو انتوا عندكم اختيار او ترشيح نرحب بيه جدا واهو هيبقا اختياركم :)
بس ياريت لو تلقوا نظرة على قسم نيسان وتشوفوا منسقه احمد مصطفى عامل فيه ايه ؟
طبعا احنا مش هنقول ان المنسق لازم يعمل كل اللى بيعمله احمد
بس اقل الامور تنشيط القسم وموضوعاته
تجميع موضوعات قيمة
حث الاعضاء على التقييمات المنسقة والهادفة
نقل التجربة بشكل واضح
يعنى اختاروا واحنا معاكم
وبالتوفيق ان شاء الله

اقترحو اسماء بس لازم فيها حد ادني من الشروط
اولها خبرة كويسة في العربيات ومحبوب من الاعضاء
ويكون حيادي مش متعصب ويكون قديم مش اقل من سنتين في المنتدى وله مشاركات فعالة كتير مش عينة شكرا وربنا يبارك فيك :-)
ويقدر يكون متواجد يوميا ولو ساعة واحدة او 5 ايام في الاسبوع على الاقل

كلام سليم جدا
اكثر ما اعجبني هو تفاعل ادارة المنتدى والرد سريعا وهذا دليل على الحرص على المكان

هو اخونا احمد كار فين بقى من الكلام دة كلوا؟؟
بعد الجواز بقى خارج نطاق الخدمة نهااااااااااائى

من الناس المحترمة واللي يصلح فعلا يكون موجود بس حد يستدعيه

اعضاء وملاك هيونداى
مبيخشوش القسم هنا خالص لان مش بيلاقوا فيه مواضيع هادفة او تفيد
القسم محتاج منسق يظبطه مثال لقسم نيسان فعلا انا منبهر بيه ...
واحدة واحدة الناس هتبدأ تخش حتى لو بالصدفة فى الاول لكن بعد كدة هيدخلوا وهيعلقوا بردود لأن بنسبة كبيرة جدا قد تكون 50 او 60 % يمتلكون هيونداى وباقى النسبة جميع مختلف الماركات
انا عن راى ارشح العضو
</B>Ashraf_Ibrahim
ليه خبرا بلاحظها فى ردوده فى مواضيع كبيرة
وبلاقيه متواجد تقريبا يوميا بالمنتدى

+111111
كلام مظبوط وياريت تعملواااا استفتاء (استطلاع رأى) ,,
وبالنسبة للأعضاء نشطاء وليهم ردود كتييييرة ف كذا موضوع وعندهم خبرة :
الأعضاء الافاضل : Ashraf_Ibrahim & HOSSAM99 ..
أنا هرشح الأتنين !!!!!!

شكرا شكرا يا اصدقائي
هديكم فلتر الزيت اللي اتفقنا عليه وطارة الدروكسيون
لا بجد بقا
انا بشكركم فعلا على ثقتكم دي
مش مهم مين يكون منسق المهم انه يكون يصلح فعلا ويقدم شيء كويس للمنتدى
انا عن نفسي برشح
SE_coralsea
لو هيكون عنده وقت كافي للمتابعة

[HOSSAM99]

وانا معاكوا فعلا لو حبيتوا تفوقوا القسم
على الاقل الواحد يحس ان فيه قسم هيونداى فى المنتدى

طيب عايزين التقرير المتين عن صيانة النهارده

طيب مش قبل ما تسألوا اين منسق هيونداى
تسألوا الاول اين اعضاء وملاك هيونداى :)))
القسم ده عاملى انا شخصيا احباط
معقول على انتشار سيارات هيونداى بكل موديلاتها ورغم امتلاك الكثير جدا من الاعضاء لسيارات هيونداى
الا ان القسم مبيدخولش اعضاء وموضوعاته قليلة جدا وردود الناس اقل
ياريت فعلا تقدروا تنشطه
واحنا بالفعل بقالنا فترة محترين فى اختيار منسق يكون نشيط جدا عشان يقدر ينشط الناس معاه
ولو انتوا عندكم اختيار او ترشيح نرحب بيه جدا واهو هيبقا اختياركم :)
بس ياريت لو تلقوا نظرة على قسم نيسان وتشوفوا منسقه احمد مصطفى عامل فيه ايه ؟
طبعا احنا مش هنقول ان المنسق لازم يعمل كل اللى بيعمله احمد
بس اقل الامور تنشيط القسم وموضوعاته
تجميع موضوعات قيمة
حث الاعضاء على التقييمات المنسقة والهادفة
نقل التجربة بشكل واضح
يعنى اختاروا واحنا معاكم
وبالتوفيق ان شاء الله

القسم يا فاندم فيه نسبة مشاهده عاليه بالنسبه لقسم نيسان و فيع نسبة مشاركات تقدر بالضعف لكن يعيبه إن المعلومات متناثره و مفيش تجميع
و مفيش متابعه
و مفيش قائد
........

+111111
كلام مظبوط وياريت تعملواااا استفتاء (استطلاع رأى) ,,
وبالنسبة للأعضاء نشطاء وليهم ردود كتييييرة ف كذا موضوع وعندهم خبرة :
الأعضاء الافاضل : Ashraf_ibrahim & hossam99 ..
أنا هرشح الأتنين !!!!!!

ثقة غاليه أعتز بها

[ASKAFRAWY]

Ashraf ibrahim
se-coralsea
hossam 99
دول اكتر 3 ممكن يتم اختيار احدهم كمنسق للقسم
لحسن القسم عامل زى البحتضر وهيموت

[original]

ده الموضوع ده سخن الجو على الآخر

[ASKAFRAWY]

ده الموضوع ده سخن الجو على الآخر

الناس جالها شلل من القسم والله ياباشا
تيجى تسال تلاقى مافيش اى رد
تحس انك فى كوكب تانى
انا بصراحة كنت فى اوبل ودايو ولسة ميتجد فى هيونداى كنت فاكر الناس فى اجازة او حالفين على القسم دة

[original]

أى واحد موجود يهمه إن يكون فيه مواضيع يشترك فيها أو لما ينشر موضوع يلاقى اللى يشترك فيه
لما كنت فى قسم الفولكس أول ما اشتركت فى المنتدى كانت المواضيع سخنة بس برده بمساعدة الأعضاء

[el_nahal2004]

ملحوظة بس انا شايف الى هيكون منسق او منظم للقسم
هيكون عبئ ومسئولية اكتر من ان هية ميزة
وبالذات ادام نفسه لما هيلاقى الاقسام التانية عاملة شغل والمنسقين ظابطين الاداء
فديما هيكون فى تحديات مابينهم
طبعا تحديات مش علانية
بتبقى داخليا
فانا افضل انو يكون الشخص المرشح عنده قدرة على ده
ده طبعا غير الخبرة
وشيئ مهم ان هو يكون عنده قدرة على الصبر لانه هيلاقى ردرد من اعضاء جدد غريبة شوية
مطلوب منه الشرح وتوصيل المعلومة ...... الخ

ممكن واحد يكون عنده خبره ولكن معندوش قدرة على تحمل حاجة زى كدة او استيعاب والعكس صحيح
ارجو من المترشيحين ان هما يكونوا واصل ليهم المعلومة دى

الله الموفق

[Ashraf_Ibrahim]

ملحوظة بس انا شايف الى هيكون منسق او منظم للقسم
هيكون عبئ ومسئولية اكتر من ان هية ميزة
وبالذات ادام نفسه لما هيلاقى الاقسام التانية عاملة شغل والمنسقين ظابطين الاداء
فديما هيكون فى تحديات مابينهم
طبعا تحديات مش علانية
بتبقى داخليا
فانا افضل انو يكون الشخص المرشح عنده قدرة على ده
ده طبعا غير الخبرة
وشيئ مهم ان هو يكون عنده قدرة على الصبر لانه هيلاقى ردرد من اعضاء جدد غريبة شوية
مطلوب منه الشرح وتوصيل المعلومة ...... الخ

ممكن واحد يكون عنده خبره ولكن معندوش قدرة على تحمل حاجة زى كدة او استيعاب والعكس صحيح
ارجو من المترشيحين ان هما يكونوا واصل ليهم المعلومة دى

الله الموفق

كلام سليم طبعا
اي لقب او منصب بيكون ليه متطلبات ومستلزمات اهما انه يؤدي الامانة ودا طبعا هيتطلب منه تكليف اكثر منه تشريف
ربنا يوفق ان شاء الله

[Kareem Fawzy]

اى حد يا جماعة المهم نتابع القسم كلنا لان بجد احنا اغلبية فى المنتدى
وبجد بشوية متابعة هيبقى افضل قسم ان شاء الله

[Samah AbdAllah]

يا جماعة المنسق مش مطلوب منه يجاوب على كل سؤال
لان الكمال لله واحدة
دى مهمة اعضاء القسم مش المنسق
والمنسق بدون اعضاء بيعملوا موضوعات مش هيقدر يعمل حاجة لوحده
لازم اعضاء يساعدوه
كفراوى واحد من الناس اللى كان متواجد فى اوبل وعارف وفاكر اوبل كان عامل ازاى
موضوعات متميزة تلاقى اجابة لاى مشكلة
ممكن كل عضو يبدا بنفسه من دلوقتى
يجمع مووضعات مهمة
يجمع مشكلات وحلولها من الموضوعات القديمة
ممكن يتعمل سجل بمشاكل كل موديل من موديلات هيونداى تستعينه فيه بالموضوعات القديمة والكتيرة جدا
وكل واحد عنده فكرة يشارك بيها او يبدا فى تنفيذها
تقارير صيانة
تقارير عن الاكسسوارات اللى اى واحد فيكم بيركبها يشارك بيها باقى الاعضاء يمكن يستفيدوا ويجربوا زيه
كتير بيعملوا صيانات فى التوكيل يحاولوا يجيبوا عروض وخصومات للاعضاء
نبدا وان شاء الله القسم يبقا انشط اقسام نايل

[el_nahal2004]

ايه يارجالة هيونداى
مش عايزين ننسى الموضوع
عايزين بجد القسم اقوى من كدة
عايزين نصوت للمنسق يارجالة
Ashraf ibrahim
se-coralsea
hossam 99

ودول الى اترشحوا للمنسق
ياريت كله يخش ويصوت على الاسم الى شايفه جدير بالمنسق
وان شاء الله الرئيس التنفيذى هيخش ويشوف التصويت وهيتم عليه

[original]

مازال القسم يعانى من النووووووووووووووووووم

[ASKAFRAWY]

اعتقد نفس الناس البتشارك كل مرة والباقى متفرج
طيب ماحد ياجماعة يعمل موضوع جديد وفيه اسنطلاع على الاسماء
بحيث يكون اسهل معرفة الاصوات

[Samir Elshahawy]

أنا عندي أقتراح ...

ياريت يتم تأجيل الاسنطلاع حتي أتمام مقابلة هيونداي المقررة خلال هذا الشهر

و خلال المقابلة نتناقش في موضوع المنسق و نتعرف علي المرشحين بشكل اكثر قربا
و بعد المقابلة أذا لم نتفق علي اسم يتم عمل الأستطلاع بالقسم لأختيار المنسق

و الاهم من المنسق هو تفاعل باقي الاعضاء مع القسم

[el_nahal2004]

أنا عندي أقتراح ...

ياريت يتم تأجيل الاسنطلاع حتي أتمام مقابلة هيونداي المقررة خلال هذا الشهر

و خلال المقابلة نتناقش في موضوع المنسق و نتعرف علي المرشحين بشكل اكثر قربا
و بعد المقابلة أذا لم نتفق علي اسم يتم عمل الأستطلاع بالقسم لأختيار المنسق

و الاهم من المنسق هو تفاعل باقي الاعضاء مع القسم

تمام كلامك
خلاص ان شاء الله