إيه حكاية قطم مسمار العجلة؟؟

[original]

حصلت برده فى الكيا معايا
لو عايز متخصصين مسامير فيه عند مرور العتبة كذا محل
بس مش عارف هتلاقى الصامولة بنفس الشكل هناك ولا لا

فعلا هيا المشكلة فى شكل الصامولة عشان يبئو شكل واحد

حصلت معايا في اللانسر مرة وانا بغير من الجنط الحديد للجنوط الاسبور وطبعا اشتريت صواميل نيكل عشان شكلها يكون شيك مع الجنوط والمفاجأة لما جيت اركب رينجات بتاع الكاوتش قاللي في فردة فيها 3 مسمامير هيتقطموا !!! قولتلوا ليه قاللي اتركبوا غلط وطلع العيب في الصواميل الجديدة مش المسامير بس طبعا غيرت الصواميل تاني كلها وغيرت ال 3 مسامير وجبتهم ياباني من التوكيل الواحد ب 15 ج وفي منه بره صيني ب 5 ج

واضح إنها مشكلة فى اليابانى والكورى بس ياترى المسمار يابانى أصلى؟؟ وعملها تانى وللا لأ؟؟

[verna2008auto]

فعلا هيا المشكلة فى شكل الصامولة عشان يبئو شكل واحد



واضح إنها مشكلة فى اليابانى والكورى بس ياترى المسمار يابانى أصلى؟؟ وعملها تانى وللا لأ؟؟

العيب علي (الفنش ... وعلي اللي بيفنش) .. يعني العيب مش في الصامولة ولا المسمار ..العيب علي اللي بيربط

[Ashraf_Ibrahim]

هو فعلا العيب الاكبر في اللي بيربط
تلاقيه بيربط الصامولة كأنه هينتحر ويقف فوق السليبة وبتاع وطبعا لما ييجي يفكها بيكون شبه مستحيل ولما بيتعافى عليها تاني يقوم قاطمها ويقلك اصله مكانش راضي يتفك