بداية العذاب مع غبور !

[zakiali]

السلام عليكم

اولا مبروك عليك العربية معلش جت متأخرة شوية :)
ثانيا ........ ياعم عربية إية إللي تبيعها .... وحد الله .... والناس إللي بتقول بيعها ياريت ياجماعة بلاش الأراء المتسرعة دية وإللي إيدة في المية مش زي إللي إيده في الايس كريم :) يعني نحط نفسنا مكان الراجل وبلاش كلام محبط وخلاص.

شوف ياعم الحج.... الفرنا عربية كويسة على قد فلوسها وأكيد سمعت الكلمة دي كتير...... لو بعت دلوقتي حتخسرلك بالميت من 10 إلى 15 ألف جنية وإنت لسة بتقول يا مسهل.... وطالما جايب فرنا او عربية أقل من 100 ألف يبقى زيك زينا بتقول يا هادي وعاوز عربية تلمك إنت والأسرة .... يعني مش معاك تشتري كل يوم عربية وتبيعها وتخسر مبلغ وقدرة(انا أسف لصراحتي) .... يبقى إنسى فكرة البيع دلوقتي لحد صيانه ال 100 ألف إن شاء الله.

المهم .... تقل فرامل اليد طبيعي جدا زي ما الأخوة قالوا .... الزيت مش مصيبة يعني ومعلش تتعوض المرة الجاية .... بالنسبة لوساخة العربية وتشغيل التكييف وطافية السجاير ..... شوف ياعم انا معايا تويوتا ياريس 2008 وكنت عند توكيل تويوتا (الرزق) وإسمه توكيل تويوتا إللي الناس بتحكي وتتحاكى عنه .... وحصل معايا نفس الكلام وليا مشاركة في قسم تويوتا بالتفصيل .

يعني للأسف طول ما العماله المصرية معدومة الضمير موجودة (إلا من رحم ربي) وطول ما مفيش رقابة صارمة وطول ما مفيش رقي بمستوى الفني التعليمي والأخلاقي والمعيشي حتشوف الكلام ده في كل التوكيلات .... وعندي صاحب شركتي حكالي على موقف شبه ده في توكيل Bmw وعربية الفئة الخامسة ...... ! هو طبعا خد حقه في الأخر بس برده عربيته إتهانت وهي في التوكيل!

يبقى الحل تشوف مركز خدمة محترم وتروح عندهم وتقف على إيديهم وتعمل إللي إنت عاوزه بمزاجك.

معلش في كلام من كلامي متكرر وقالوه الأخوة قبل مني بس حبيت ألم لك المفيد.
والله المستعان.

والله كلامك ريحني .. انا عملت الأتي امبارح

1- اشتريت سائل تبريد موبيل 33 % من محطه موبيل بدل مية الحنفيه اللي حطينهالي دي الراجل بتاع الرادياتيرات قالي انهم ساعات بيصفو الميه الخضره اللي بتيجي مع العربيه وبياخدوها !

2- رحت لمركز صيانه تكييفات قلتله الزرار معلق قالي " بتاع الرجل والوش ؟ " قلتله الله ينور عليك ! قالي ده عيب في الفيرنا عموما وبيكون نتيجه واير بايظ اللي بيتحكم في فتحات التكييف وزبطهالي - أحب انا الناس الفاهمه دي . الموضوع مخدش ربع ساعه ولو كنت رحت التوكيل كنت اتلطعت 5 ساعات ملل قاتل .

3- موضوع الفرامل ده طلع طبيعي فعلا .

وعلي فكره الحاجات دي كلها معرفتهاش الا لما روحت البيت الدنيا كانت ضلمه ومشفتش الأرضيه والهاندبريك مشدتهاش الا عند البيت والتكييف مشغلتوش يومها طفيته علطول وانا طالع بيها عشان الجو كان كويس وميه الرادياتير مشفتهاش طبعا الا لما فتحت الكبوت تحت البيت . انا لو عرفت كل ده كنت ارتكبت جريمه علي ارض ابورواش وتطلع تاني يوم في الجرايد .


ولو حد يعرف مركز صيانه تاني معتمد يكون محترم وسريع يلحقني بيه أنا عاوز اشتري راحة بالي مش جايب عربيه عشان اتعذب .

[kewies]

يرجلش علي الفرامل الخلفيه يعني يضبطها ... مع استعمل الفرامل التيل الخلفي بيتاكل بمرورالوقت .. كل ما يتاكل شويه بيبعد عن الطنبوره فا تبقي قوة الفرامل الخلفيه أقل و تبقي الهاند خفيفه ..
لما بيرجلش معناها بيحرك مسمار سنتيريك جوه الفرامل يقرب من خلاله التيل شويه للطنبوره عشان يعوض نسبة التأكل فا ترجع الفرامل كويسه تاني و الهاند تتقل ..
تقل الهاند ظاهره صحيه و بتدل علي ان الفرامل الخلفيه مضبوطه كويس و لما الهاند تبتدي تخف معناه التيل الخلفي حصل له نسبة تأكل و محتاج رجلشه مره أخري ... و هكذا لحد ما التيل الخلفي يتاكل خالص و يتغير ... بنحتاج رجلشه كل 5000 كيلو عشان نضمن ان الفرامل الخلفيه تعمل بكفاءة باستمرار ..
تحياتي لك .

الف شكر على الايضاح الجميل دة .

[sokasoon]

انا حاسس انهم بيعذبوك علشان ماتعملش صيانة عندهم تانى

خلى بالك بعد كده وشيك على العربية بنفسك قبل ما تتحرك من التوكيل

[Ahmed Anwer]

بس نصيحة صغيرة

متدييش ودنك اوي ،، لبتوع البنزينات ،،

كتير اوي بيعملوا شغل ،،

كانت ناقصه كذا و كان فيها كذا و الحركات دي

[zakiali]

بس نصيحة صغيرة

متدييش ودنك اوي ،، لبتوع البنزينات ،،

كتير اوي بيعملوا شغل ،،

كانت ناقصه كذا و كان فيها كذا و الحركات دي

محدش قالي دانا شفت بعيني

[Matrixawy]

توكيل مهمل جـــــــــــــــــــــــدا بهدلولى سيارتى و نصبوا عليا منهم لله

[أبو عبدالله]

المشكلة الناس اللي بتحاول تبرر بأي حاجه تانيه
والناس بتجرب بنفسها اهه وبتشوف بعينها مش كلام مسموع وخلاص
والناس بتطلع بالعربيه اللي دخلت سليمه بايظه من الوكيل بتاعها في اكتر من كده
مش عارف بعد كده هيبقى في ايه

[Matrixawy]

اليكم صورة من المهزلة اللى فى سيارتى الماتريكس الجديدة و هى توضح مدى الاهمال و سؤ التركيب لجهاز الانذار فى غبور فى حين ان الاستاذ عاطف باشا مسؤول غبور يقول انهم بيخدوا 200 جنية مصنعية تركيبه لانهم بيستخدموا وصلات و فيش معتمدة و تركيب على اعلى مستوى و هذا الكلام للاسف ليس له اى اساس فى الواقع و كله داعية و اعلان فى المنتدى ببلاش ليس اكثر و للعلم ان جهاز الانذار له اربعة اسلاك رئيسية يتم توصيلها بالسيارة و معنى ان غبور بياخد 200 جنية اجرة تركيبه يعنى بياخد على ربط كل سلكة بشريط لحام مبلغ 50 جنية يا بلاش و يوهموا الناس المساكين انهم بيركبوا وصلات و فيش معتمدة و كله اونطة فى اونطة و نصب فى نصب و اتلاف واضح فى ضفيرة السيارة لا يفرق بينه و بين اى كهربائى على الرصيف كما هو واضح فى الصورة دة غير ان جهاز الانذار راكب غلط فى سيارتى.
و الشنطة و الكبوت و نور الفلاشر ليس لهم علاقة به .
خسارة كل شىء فى البلد بينحدر و النصب على الناس بقى شىء عادى .
و لا يسعنى الا ان اقول حسبى الله و نعم الوكيل فى هذا التوكيل

[arch_peter]

معلش ماتزعلش يا سيدى الفاضل وان شاء الله المرات الجاية فى الصيانة تكون الامور افضل
لو تقرد معلش تقول لى تكلفة صيانة الخمس الاف كام بالتحديد لانى رايح قريب اوى
ولك جزيل الشكر

[Khalid_Mostafa]

يجب ان نفرق بين حجتين يا جماعه ..الفرق بين ان التوكيل وحش وان العربيه وحشه
والتوكيل وحش بدون شك ...بس العربيه مش وحشه بدون شك

[zakiali]

هي العربيه تمام بس التوكيل زباله ده مختصر الكلام .

[zakiali]

اليكم صورة من المهزلة اللى فى سيارتى الماتريكس الجديدة و هى توضح مدى الاهمال و سؤ التركيب لجهاز الانذار فى غبور فى حين ان الاستاذ عاطف باشا مسؤول غبور يقول انهم بيخدوا 200 جنية مصنعية تركيبه لانهم بيستخدموا وصلات و فيش معتمدة و تركيب على اعلى مستوى و هذا الكلام للاسف ليس له اى اساس فى الواقع و كله داعية و اعلان فى المنتدى ببلاش ليس اكثر و للعلم ان جهاز الانذار له اربعة اسلاك رئيسية يتم توصيلها بالسيارة و معنى ان غبور بياخد 200 جنية اجرة تركيبه يعنى بياخد على ربط كل سلكة بشريط لحام مبلغ 50 جنية يا بلاش و يوهموا الناس المساكين انهم بيركبوا وصلات و فيش معتمدة و كله اونطة فى اونطة و نصب فى نصب و اتلاف واضح فى ضفيرة السيارة لا يفرق بينه و بين اى كهربائى على الرصيف كما هو واضح فى الصورة دة غير ان جهاز الانذار راكب غلط فى سيارتى.

و الشنطة و الكبوت و نور الفلاشر ليس لهم علاقة به .
خسارة كل شىء فى البلد بينحدر و النصب على الناس بقى شىء عادى .
و لا يسعنى الا ان اقول حسبى الله و نعم الوكيل فى هذا التوكيل

يا دي جهاز الانذار اللي معذبك ده .. انا لو منك ارميه في الزباله واشتري واحد جديد واركبه بره وخلاص وصدقني مفيش حاجه بتطلعك بره الضمان انا عامل العجب في الفيرنا بتاعتي مركبلها كل اللي تتخيله بره زجاج كهربا وسنتر وانذار ووحدات رفع وريموت وسي دي وجي ام وسماعات وكل ده بره .. ولما رحت الصيانه المهندس مفتحش بقه وقلتله كمان علي مشكله البطاريه اللي بتفور وزبطوهالي . كبر دماغك واشتري نفسك وراحة بالك .

[bassam nagy]

عمتا مشكلة الانذار تقريبا مشكلة حصلت فى جميع الماتريكس
وحلها ان حضرتك تروح لمحل عشم نوار فى مصر الجديدة ويغيرولك الانذار باحاجة احسن من الية راكب
ومرة كنت فى التوكيل وكان فية مشكلة فى الانذار واتاخرت بسبب ان الفنى الية موجود فى التوكيل تبع عشم نوار مش غبور ومن الضغط علية بيلصم الحاجة فاحسن حاجة حضرتك تروح المحل وكل حاجة هاتبقى قدام حضرتك ومش هاتخرج من الضمان