أفهم فتيس عربيتك الأوتوماتك

[ezatooo]

السلام عليكم
حصلت معاية مشكلة في الفتيس الأوتوماتك وبحاول احلها بنفسي وربنه يوفق ان شاء الله
لاكن مع كتر مادورت علي النت يعني عرفت شوية حاجات
الفتيس علشان يشغل صح لية كذا حاجة .
المشكلة الرئيسية هي عدم تغيرالزيت في معاده
وعدم تغير الفلتر واستخدام زيت رديئ قابل للأنضغاط
1-Pulse generator A, B ده عبارة عن حساسات النقل وتشتغل بالمغناتك يعني الكهرومغناطيسية ولومشكلة فيها تدربك الدنيا حلها لو المشكلة منهه يتغير او تفك وتسنفربسفرة نعامة جداً الجزء النحاسى اللي بيركب في الفتيس


2- Throttle position sensor حساس راكب علي بوابة الحقن ودة لتنظيم المسافة بين النقلة والنقلة ولازم الواصلة الكهربية تتنضف كويس



3-Solenoid valve & connector الوصلات الكهربائية لحساسات النقل لو فيها زيت أو اتساخ أين كان تعمل نفس المشكلة وبتنضف بكلينر وصلات كهربائي اما Solenoid valve حساسات تعمل بضغط الزيت وهي مسئوله عن النقل ومركبة علي نهاية أو بداية المجري ويوجد داخل المجري بلية مسئولة علي ضغط الحساس ليفتح للنقلة الي بعدها ولو في رايش في المجري بحجم شعرة الرأس تعمل مشكلة وتأخر النقل وبرجل الدنيا






4-Idle switch حساس راكب علي البوابة الحقن بسلكة واحدة يعمل بفس المشكلة راجعة وشوف الواصلة صح ولا لا

فلتر الزيت




يتبع بأذن الله

[mody1221]

الله ينور بس انت قلبك جامد انك تشتغل فيها بأيدك
ربنا يوفقك وتتظبط معاك

[rompo10]

بجد تسلم ايدك بس دا مجهود جامد اوي اوي ربنا يقويك

[original]

الله ينور عليك

[sabregas2010]

شكرا على المعلومات الهامة لكل اللى معاه اوتوماتيك

[ezatooo]

السلام عليكم
شكراً علي الردود الجميله
ان شاء الله هانزل صور كمان وفديوهات توضيحية عن طريقة عمل الحساسات وصيانتها . لكي نستفيد وتعم الفائدة علي الجميع لأني حاسس ان المشكلة دة بتصادف اي شخص يمتلك سيارة أوتوماتك سواء قديمة أو حديثة .
انا مبتكلمش علي الجميع ربنا يعفينا من المشاكل والغرمات المالية لاكن الموضوع اني مبحبش اكون تحت ايد صنيعي مبيفهمش انا كان مش فاهم وتبقي النصيبة نصبتين اتنين ههههههههه
انا أسف متطر أقفل و....

يتبع بأذن الله

[verna2008auto]

100 % >>> ممتاز

[mouraddesk]

قول يا باشا قول لحسن اخوك متبهدل من الاوتوماتيك ده فى الالنترا و عاوز يوصل لحل

[ezatooo]

قول يا باشا قول لحسن اخوك متبهدل من الاوتوماتيك ده فى الالنترا و عاوز يوصل لحل

ربنا يفك كربك و ان شاء الله توصل لحل . ممكن تقولنا علي مشكلتك علشان نتعلم منها ونقدر نحلها مع بعض

[ezatooo]

السلام عليكم
Solenoid valve
طبعا جسم حساسات السلونيد دة عبارة عن مجاري ينضغط فيها الزيت تفتح وتفل الحساسات حسب الضغط ده لازم تنظفها كويس زي الصور

[ezatooo]

شرح كيفية تغيير السرعات في الجير الاوتوماتيك عن طريق التروس الكوكبية

الصفحة ده منقولة من منتدي اخر ربنا يجزية خير صحبها

مجموعة التروس الكوكبية
Planetary Gearsets

(هدفها , مكوناتها الرئيسية , نسب التخفيض , كيف تعمل ؟)
* هدفها :
الهدف مهم جدا وهو الحصول على نسب التخفيض المختلفة ( الجير الاول , الثاني , الثالث .... , ريفيرس )

* مكوناتها الرئيسية :
- الترس الحلقي
- التروس الكوكبية وحامل التروس الكوكبية
- الترس الشمسي
الترس الشمسي في منتصف المجموعة وحوله التروس الكوكبية الصغيرة , التروس الصغيرة مثبتة بحامل عن طريق تزويد كل ترس بعمود ( Shaft ) صغير ليدور . اما الترس الحلقي فهو الاكبر ويثبت كل المجموعة .
قد يكون اي من هذه المكونات قائد ( input or driver ) او ناقل الحركة او مقاد ( output or driven ) , ايضا قد يتم ايقاف احد التروس اثناء نقل الحركة وعند ايقاف ترسين (مكونين ) يعني ذلك الحصول على السرعة الاخيرة وتكون نسبة التخفيض 1:1
* نسب التخفيض
قائد : هو الترس الذي يستقبل الحركة
مقاد : هو الترس المسوؤل عن نقل الحركة النهائية ( السرعة الحقيقة )
ثابت : ترس لا يتحرك
جدول السرعات للجير البسيط ( مجموعة بسيطة )

. عند تثبيت اي ترسين فان اتجاه الحركة والسرعة مثل القائد ونسبة التخفيض 1:1 ( سرعة عالية )
8. في حالة عدم تثبيت اي ترس فلا يوجد اي ترس مقاد وبالتالي لا تتحرك السيارة ( الوضع N )
في الحقيقة يوجد في الجير الاوتوماتيك مكونات اكثر مما تم ذكره في الاعلى , فهناك ترسين شمسيين واحد بحجم صغير والاخر اكبر , ويوجد مجموعتين من التروس الكوكبية ( التروس الصغيرة ) اما الترس الحلقي فهو واحد .


شرح عمل السرعات المختلفة للجير للجير الحقيقي :

السرعة الاولى ( الغيار الاول )

سيتم شرحها بتفصيل اكثر + صورة
اولا يدور الترس الشمسي الاصغر باللون الاخضر عن طريق محول العزم , حامل التروس ( اللون الاحمر ) يحاول الدوران بشكل عكسي لكن ذلك لا يتم بسبب الية تمنعه من ذلك وهي الية one-way clutch , بسبب ذلك يتم اجبار الترس الحلقي ( اللون الازرق ) على الدوران ويصبح الترس المقاد الذي يعطي نقل الحركة النهائي ( output ) . الان بخصوص اتجاه الدوران قد يبدو انه عكسي لكن ذلك غير صحيح , حيث ان مجموعة التروس الداخلية تقوم بتدوير التروس الخارجية والتروس الخارجية تقوم بتدوير الترس الحلقي بنفس اتجاه الترس الشمسي وبالتالي نحصل على اعلى عزم ممكن ( نسبة التخفيض 2.4:1 )



السرعة الثانية ( الغيار الثاني )

كما السرعة الاولى يكون القائد هو الترس الشمسي الاصغر ولكن في هذه المره يكون الترس الحلقي مثبت عن طريق قطعة ( رباط , band ) تضغط عليه فتوقفه ويتحرك حامل التروس على انه الترس المقاد والذي ينقل الحركة النهائية ونحصل على عزم اقل من الغيار الاول ( نسبة التخفيض 1.47:1 )

السرعة المباشرة ( غالبا الغيار الثالث )

في هذه الحالة تدور التروس كوحدة واحدة وتكون نسبة الخفيض ( 1:1 ) والتروس الكوكبية لا تدور لان الترس الحلقي يدورها مع عقارب الساعة والترس الشمسي عكس عقارب الساعة .

استخدام Overdrive

overdrive هو مفهوم يقصد به ان سرعة دوران المقاد اكبر من القائد .
في هذه الحالة يتصل عمود من حامل التروس مع محول العزم مباشرة ويأخذ منه السرعة ( في الحقيقة هي سرعة الفلايويل وبالاحرى سرعة المحرك نفسه ) . الترس الشمسي الاصغر يكون حر الحركة ( اي غير متصل مع توربين محول العزم ) والترس الشمسي الاكير يكون مقيد الحركة . في هذه الحالة القائد هو حامل التروس والمقاد هو الترس الحلقي ونسبة التخفيض 0.67:1
مثلا عند دوران المحرك 2000 دورة , يكون سرعة دوران وحدة النقل 3000 دورة

وهذه الخاصية لا تجهد المحرك اطلاقة وتوفر سرعة عالية بصرفيات قليلة للوقود .

السرعة الخلفية ( ريفيرس Reverse )

هنا يكون الترس الشمسي الاصغر حر الحركة والترس الشمسي الاكبر متصل مع توربين محول العزم وحامل التروس مثبت والترس الحلقي هو المقاد ونسبة التخفيض 2.0:1

بخصوص وضع N

في هذه الحالة لا يتم تثبيت اي ترس ولا يوجد اي جزء متصل مع محول العزم

الان بقي امر واحد وهو كيفية تثبيت التروس ( حذوة او كلتشات )

طريقة تثبيت الترس الحلقي : يتم ذلك عن طريق رباط يضغط على الترس الحلقي مثل الية فرامل من نوع Drum

يوجد بستون متصل مع الحذوة يضغط عليها بواسطة نظام هيدروليكي ( جزء من نظام الاوتوماتيك الهيدروليكي المعقد )


صورة حقيقية للحذوة والبستون ( Actuator مقصود فيها البستون او ما يؤثر على الحذوة , band هي الحذوة )

ثانيا طريقة الكلتشات : طريقة معقدة في الحقيقة وتتكون من مجموعة من دكسات كلتش ومجموعة ضاغطة ( مثل الكلتش في الجير العادي
مبدأ العمل باختصار ضغط من بستون على مجموعة الكلتشات بواسطة الزيت فيحصل شبك لجزأين مثل حامل التروس والترس الشمسي , او وصل الترس الشمسي مع العمود القادم من محول العزم
وهذه بعض الصور




مصطلحات :

مجموعة التروس الكوكبية : Planetary Gearsets
الترس الشمسي : Sun Gear
الترس الحلقي : Ring Gear
التروس الكوكبية : Planet Gears or Pinion Gears
حامل التروس : Planet Carrier
ترس قائد : Driver Gear
ترس مقاد : Driven Gear
نسب التخفيض : Gears Ratio

يتبع بأذن الله

[el_nahal2004]

ماشاء الله عليك دماغك حلوة

[Kareem Fawzy]

ما شاء الله بجد عليك
وقلبك جامد قوى انك تشتغل لوحدك
بس بصراحة احبطنى لانى كنت فاكر نفسى بفهم فى العربيات
طلعت بطيييييييييخة هههههههههههه
جزاك الله خيراً ومتابع وان شاء الله مشكلتك تتحل

[mouraddesk]

هبده فى فتيس النترا 2008 اوتوماتيك

العنوان بتاع المشاركة كنت كتبت عنه قبل كده و هتلاقية بنفس العنوان و فى مشاركات كتير بس للاسف مفيش افاده و الحدوتة بأختصار انى غيرت حساسين a b لان العربية لما بتسخن تمشى على السرعة التالته بس و بعد ما غيرت و نضفت الفلتر و غيرت الزيت مشيت شويه زى الفل و رجعت تعملها تانى كلمت اللى عمل الفتيس قالى هاتها و حطها على الجهاز لقى ان كل شئ تمام لكن حرارة الزيت وحشه رحت غيرت الزيت تانى و المشكلة مستمرة رحت موديها تانى للراجل حطها على الجهاز قالى لا الكمبيوتر مهيس و عمل رى ست و ضبطت شويه بس المشكله قائمة مع الفارق انها لما تعمل كده تبطل و تدور تانى تضبط زى ما تكون بتعمل رى ست و القرار النهائى ان بتاع الفتيس قالى هاتها و سيبها يومين نجربها و نشوف و نمشى مع الضفيرة لان الكمبيوتر مش مبين اى اعطال و كمان فى الطوالى ما بتعملش الحركة دى بس جده البلد مع السخونة بتعملها و اخر مره كنت فى الزحمة قلت ابطل و ادور لقيت زى ما تكون البطارية وقعت مفيش مارش و لا اى حاجه فكيت كابلات البطارية و ركبتها دارت زى الفل مع استمرار العيب فى الفتيس ارجوك لو فى عندك اى حل يا ريت تفتينى بيه و فى اسرع وقت مع العلم انى كنت راكب ميجان و انت عارف شهره الفتيس بتاعها و كانت زى الفل و لو حصل الكلام ده بتغير السولونويد و الزيت و بتمشى زى الفل

[verna2008auto]

100 % >> مجهود رائع