رابطة مالكي الElantra من 2007 الى 2011

[SRAGIH]

صباح الخير على الجميع..
الحمد لله ربنا كرمني بـ Hyundai Accent موديل 2006 أخر الشكل القديم و فيها موتور Elantra موديل 2005 أوتوماتيك 1600CC. مش عايز أتكلم عن الثبات و الأداء العالي للعربية و خصوصاً إن عملية تغيير الموتور تمت بحرفية و دقة شديدة بس فيه مشكلة واحدة هيا اللي تاعباني و الحقيقية إني لما عملت بحث موسع على النت إكتشفت إن اللي تاعبني ده أوبشن مش عيب بس هو برضة مش عاجبني.
باختصار الموضوع يتلخص في إني لما باوصل لسرعة 60كم و تحديداً بعد النقلة التالتة بيطلع عندي علامة L/B لونها أخضر و دواسة البنزين بتبقى مخنوقة و علشان أعدي المرحلة دي لازم أدوس دوسة أجمد من الطبيعي. و زي ما قلت لما دورت على النت في مواقع أجنبية عرفت إن دي حاجة إسمها Lean Burn Mode و بتحصل لما الكنترول بيلاقي إن عدد لفات الموتور بيوصل للأداء الأمثل في إستهلاك البنزين فبيشتغل لوحده يعني بشكل أوضح ده زي الـ Eco في الإلنترا الجديدة بس بيشتغل بالعافية مش باختيار صاحب العربية!
سمعت إن الحكاية دي ليها حل أو ممكن إلغاء الأوبشن ده فياريت لو حد عنده أي معلومات يفيدني لأن دي هي الحاجة الوحيييييدة اللي مضايقاني في العربية.

أنا عملت نسخة من الموضوع ده في رابطة مالكي الأكسنت بس حبيت أضيفة هنا لعل و عسى إن يكون حد من مالكي الإلنترا مر بنفس التجربة و يقدر يفيدني خصوصاً إن العربية زي ما قلت فيها موتور إلنترا 2005.

شكراً

[M.Al-Hefnawy]

النترا 2008 اتوماتك عامله 70 كشفت على زيت الفتيس على ال 60 الف الراجل قالى تمام والعربيه الان 70 الف هل اغيره علشان لا يؤثر على شى ولا لا لانى حاسس انة الفتيس عادى مفهوش حاجة واية اهم الاشياء الاخرى يجب تغيرها مثلا بوجيهات وهل فى اشياء اخرى

المفروض الزيت يتغير على 40 الف

[SRAGIH]

الحمد لله ربنا كرمني بـ Hyundai Accent موديل 2006 أخر الشكل القديم و فيها موتور Elantra موديل 2005 أوتوماتيك 1600CC. مش عايز أتكلم عن الثبات و الأداء العالي للعربية و خصوصاً إن عملية تغيير الموتور تمت بحرفية و دقة شديدة بس فيه مشكلة واحدة هيا اللي تاعباني و الحقيقية إني لما عملت بحث موسع على النت إكتشفت إن اللي تاعبني ده أوبشن مش عيب بس هو برضة مش عاجبني.
باختصار الموضوع يتلخص في إني لما باوصل لسرعة 60كم و تحديداً بعد النقلة التالتة بيطلع عندي علامة L/B لونها أخضر و دواسة البنزين بتبقى مخنوقة و علشان أعدي المرحلة دي لازم أدوس دوسة أجمد من الطبيعي. و زي ما قلت لما دورت على النت في مواقع أجنبية عرفت إن دي حاجة إسمها Lean Burn Mode و بتحصل لما الكنترول بيلاقي إن عدد لفات الموتور بيوصل للأداء الأمثل في إستهلاك البنزين فبيشتغل لوحده يعني بشكل أوضح ده زي الـ Eco في الإلنترا الجديدة بس بيشتغل بالعافية مش باختيار صاحب العربية!
سمعت إن الحكاية دي ليها حل أو ممكن إلغاء الأوبشن ده فياريت لو حد عنده أي معلومات يفيدني لأن دي هي الحاجة الوحيييييدة اللي مضايقاني في العربية.[/QUOTE





شكراً يا جماعة.. لقيت الحل خلاص

[shiko85]

انا معايا النترا 2007 خليجى فيها كاسيت شرايط و طاره مالتى فانكشن, انا نفسى اغير الكاسيت ده و اجيب حاجه فيها USB بس مش عارف هل المالتى فنكشن هيشتغل عادى ولا هيتلغى ؟؟؟ و ايه الحل ؟؟

[Samir Elshahawy]

الأخوة و الأخوات / نجوم هيونداي ألنترا HD

برجاء الدخول علي رابط الموضوع التالي و تسجيل بياناتكم

http://www.nilemotors.net/Nile/327996-hd.html

[mohammed adel]

اولا السلام عليكم ورحمة الله وبركاته ثانيا انا اشتريت من 5 شهور النترا 2009 خليجى اوتوماتيك كاملة والعربية عاملة 95000 كم المهم انا بدأت الاحظ ان سحب العربية ضعف جداااا بعد ما كانت بتسحب زى الطيارة رغم بستعمل بنزين 90 او 92 دايما غير مرتين 80 لان ماكنش متوفر ال 92 او 90 وبتكسف اشد مع حد بالعربية لانى عارف اللى فيها رغم الاول كنت بسحب بيها حتى لو مع مرسيدس ما كنتش بخاف لكن دلوقتى رحم الله امرأ عرف قدر نفسه وكمان العربية بدأت تعمل اصوات من كل مكان لان الطريق هنا كله مطبات وطبعا انا ما اعرفش حاجة عن الصيانة وهى معايا من 5 اشهر بغير زيت الموتور ومن كام يوم غيرت زيت الفتيس وخلاص لا اكتر ولا اقل لانى انا من المنيا ومافيش حد بيفهم قوى فى الالنترا فياريت تنصحونى اعمل ايه وهل ممكن احل المشكلة بنفسي يعنى اشتري الحاجات اللى هتقولوا عليها وممكن اى ميكانيكى يركبها لو مافيش مشلك كبيرة انشاء الله ياريت بس تقولوا لى اعمل ايه يا فطاحلة والف شكر ليكم جميعا

[Samir Elshahawy]

أ/ محمد عادل ..

- أخبار فلتر الهواء أيه ؟
لو ماكانش أتغير غيره بالفلتر الاصلي من الوكيل أو احد الموزعين المعتمدين لأن ممكن لو الفلتر متسخ أو تم تغييره بأخر فتحاته أصغر يكتم العربية

- كمان أيه اخبار فلتر البنزين ؟ اخر مرة تم تغييره أمتي ؟
ممكن الفلتر يكون متسخ من البنزين اللي أنت أستخدمته

- لو الفلاتر نظيفة و أصلية يبقي لازم تكشف علي البوابة و الحساسات الموجودة داخلها من الممكن أنها تكون متسخة و محتاجة تنظيف بأسبراي
و دي هاتعرفها لو أنت بتشعر بتقل في دواسة البنزين لما تيجي تكبس جامد عليها

كمان ياريت تراجع مستوي زيت المحرك , لأنه لو أعلي من المستوي اللي المفروض يكون عليه ممكن يسبب تقل في المحرك و عدم أستجابة للتسارع

و بعد كل ده ممكن تستخدم منظف رشاشات علي تفويلة كاملة و تشوف النتيجة و تقول لنا

[original]

انا معايا النترا 2007 خليجى فيها كاسيت شرايط و طاره مالتى فانكشن, انا نفسى اغير الكاسيت ده و اجيب حاجه فيها USB بس مش عارف هل المالتى فنكشن هيشتغل عادى ولا هيتلغى ؟؟؟ و ايه الحل ؟؟

سهلة لما تشترى كاسيت هتتأكد إن فى توصيلات للطارة ( Steering Wheel Control Ready )
زى ده مثلا :

http://www.jvcuae.com/product_details.asp?prodid=60

[Samir Elshahawy]

ممكن تركب لها شاشة زي دي :

[mohammed adel]

أ/ محمد عادل ..

- أخبار فلتر الهواء أيه ؟
لو ماكانش أتغير غيره بالفلتر الاصلي من الوكيل أو احد الموزعين المعتمدين لأن ممكن لو الفلتر متسخ أو تم تغييره بأخر فتحاته أصغر يكتم العربية

- كمان أيه اخبار فلتر البنزين ؟ اخر مرة تم تغييره أمتي ؟
ممكن الفلتر يكون متسخ من البنزين اللي أنت أستخدمته

- لو الفلاتر نظيفة و أصلية يبقي لازم تكشف علي البوابة و الحساسات الموجودة داخلها من الممكن أنها تكون متسخة و محتاجة تنظيف بأسبراي
و دي هاتعرفها لو أنت بتشعر بتقل في دواسة البنزين لما تيجي تكبس جامد عليها

كمان ياريت تراجع مستوي زيت المحرك , لأنه لو أعلي من المستوي اللي المفروض يكون عليه ممكن يسبب تقل في المحرك و عدم أستجابة للتسارع

و بعد كل ده ممكن تستخدم منظف رشاشات علي تفويلة كاملة و تشوف النتيجة و تقول لنا

يا سمير باشا الف شكر على ردك التى يبدو من خبير فاهم وانا فعلا اول ما فكرت فكرت فى تنظيف البوابة والحساسات لانهم من حواللى 15000 ما تنظفوش غير طبعا قبل كدة لما كانت مع صاحبها الله اعلم بيها اما كل اللى اعرفه انه قاللى عندما اشترتها منه انه غير فلتر البنزين باختصار كدة الواحد لازم يعمل اللى حضرتك قلت عليه بس عايز اعرف الاتى :
1- بالنسبة لتغيير الفلاتر و تنظيف البوابة والحساسات هل ده محتاج ميكانيكى متخصص ولا اى ميكانيكى يركب الفلاتر وينظف البوابة والحساسات عادى ؟
2 - انا احيانا وانا ماشي بالعربية بشعر برجة كبيرة جدا لدرجة ان جسمى بيتحرك معها لان ايدى بتبقى ماسك الدريكسون ورجلى يا اما على البنزين يا اما على الفرامل والرجة بتبدأ من سرعة 60 او 80 وكل ما ادوس بنزين تزداد الرجة لكن بعد لماغيرت التيل الامامى خفت شوية ولكن مازالت موجودة العجيب ان احيانا وليس دائما ان لما بتظهر الرجة وادوس بنزين بلاقى ان عزم العربية ضعف جدا حتى لو دوست بنزين على الاخر (كيك داون) العربية مش بتستجيب الا بعد فترة مع صوت عالى فى الموتور لدرجة ان والله احيانا لما بتيجى الرجة بخاف اعدى من عربية ربع نقل لان بيبقى فيه مقابل جاى مبخاف المسافة متجبنيش لانى حاسس بضعف سحب العربية انه غير الاول لان فى الاول كنت بعمل كيك داون كانت زى الطيارة وسألت ناس كتيررررررررر عن المشكلة وكل واحد له رأى غير التانى
بتمنى من الله ان الاقى الحل عند حضرتك وعند قسم النترا الذين لايبخلون على احد بالمساعدة
الف شكررررررررر لك يا باش مهندس سمير ويارب دائما فى تألق

[mohammed adel]

ممكن تركب لها شاشة زي دي :
يا سمير باشا ممكن اعرف تمن الشاشة اللى حضرتك حاطتها ومكان بيعها يعنى تفاصيل عنها وصنعها والامكانيات
والف شكرررررررررررررررر يا باش مهندس

[Samir Elshahawy]

1- بالنسبة لتغيير الفلاتر و تنظيف البوابة والحساسات هل ده محتاج ميكانيكى متخصص ولا اى ميكانيكى يركب الفلاتر وينظف البوابة والحساسات عادى ؟

- تغيير فلتر الهوا ممكن تعمله أنت بنفسك بس هات الفلتر الاصلي من التوكيل أو موزع معتمد
- تغيير فلتر البنزين محتاج حد فاهم لأنه داخل التانك و مع الطلمبة و هنا انصح بزيارة التوكيل أو مركز خدمة معتمد
- تنظيف البوابة برضه سهل هأحاول أجيب لك صورة لطريقة الفك و التنظيف و التركيب لو مافيش حد يعمل القصة دي عندك

2 - انا احيانا وانا ماشي بالعربية بشعر برجة كبيرة جدا لدرجة ان جسمى بيتحرك معها لان ايدى بتبقى ماسك الدريكسون ورجلى يا اما على البنزين يا اما على الفرامل والرجة بتبدأ من سرعة 60 او 80 وكل ما ادوس بنزين تزداد الرجة لكن بعد لماغيرت التيل الامامى خفت شوية ولكن مازالت موجودة العجيب ان احيانا وليس دائما ان لما بتظهر الرجة وادوس بنزين بلاقى ان عزم العربية ضعف جدا حتى لو دوست بنزين على الاخر (كيك داون) العربية مش بتستجيب الا بعد فترة مع صوت عالى فى الموتور لدرجة ان والله احيانا لما بتيجى الرجة بخاف اعدى من عربية ربع نقل لان بيبقى فيه مقابل جاى مبخاف المسافة متجبنيش لانى حاسس بضعف سحب العربية انه غير الاول لان فى الاول كنت بعمل كيك داون كانت زى الطيارة وسألت ناس كتيررررررررر عن المشكلة وكل واحد له رأى غير التانى

خلينا نشوف بعد تغيير الفلاتر و تنظيف البوابة أيه اللي هايحصل

طبعا انا بأشكرك جدا علي كلامك و مجاملتك أنا لا خبير و لا حاجة أنا بأحاول أجتهد و قد اصيب أو أخطئ

المهم خلينا نعمل الاتي و بالترتيب :

(1).. تغيير فلتر الهواء بواحد أصلي لو كان اللي راكب مش نظيف
(2).. تنظيف البوابة و ده من خلال رش اسبراي من الفتحة بعد فك خرطوم الهوا اللي جاي من الفلتر

(3).. بعد كده جرب العربية , لو أتحسنت يبقي كده تمام أنقل علي الخطوة اللي بعدها
(4).. أضف منظف دورة الوقود و أنصحك ب cyclo Max 45 بس لازم تفول التانك بعدها علي الاقل 40 لتر و ممكن تستخدمه علي مرتين

أما لو أداء العربية لم يتحسن أو تحسنها كان بسيط يبقي ندخل علي الخطوة الجاية
(5).. تغيير فلتر البنزين بفلتر اصلي

مع ملاحظة الأتي :
- ضرورة ظبط ضغط الاطارات
- مراجعة مستوي الزيت في المحرك لأنه لو أعلي من المقاس المظبوط ممكن يسبب مشاكل
- الكشف علي الأوتوماتيك و حساسات الاوتوماتيك بالاسكانر أن أمكن

و ياريت تبلغنا عملت أيه و النتيجة بعد كده و لو أحتجت اي مساعدة كلنا تحت أمرك في أي وقت


و بالنسبة لشاشة الألنترا دي موجودة عند السجان بشارع دمشق بالقاهرة و هي عبارة عن :
- شاشة دي في دي تاتش
- جي بي أس
- يو اس بي
- ممكن يركب عليها كاميرا خلفية
سعرها في حدود 2500 جنيه تقريبا

[mohammed adel]

طبعا انا بأشكرك جدا علي كلامك و مجاملتك أنا لا خبير و لا حاجة أنا بأحاول أجتهد و قد اصيب أو أخطئ

المهم خلينا نعمل الاتي و بالترتيب :

(1).. تغيير فلتر الهواء بواحد أصلي لو كان اللي راكب مش نظيف
(2).. تنظيف البوابة و ده من خلال رش اسبراي من الفتحة بعد فك خرطوم الهوا اللي جاي من الفلتر

(3).. بعد كده جرب العربية , لو أتحسنت يبقي كده تمام أنقل علي الخطوة اللي بعدها
(4).. أضف منظف دورة الوقود و أنصحك ب cyclo max 45 بس لازم تفول التانك بعدها علي الاقل 40 لتر و ممكن تستخدمه علي مرتين

أما لو أداء العربية لم يتحسن أو تحسنها كان بسيط يبقي ندخل علي الخطوة الجاية
(5).. تغيير فلتر البنزين بفلتر اصلي

مع ملاحظة الأتي :
- ضرورة ظبط ضغط الاطارات
- مراجعة مستوي الزيت في المحرك لأنه لو أعلي من المقاس المظبوط ممكن يسبب مشاكل
- الكشف علي الأوتوماتيك و حساسات الاوتوماتيك بالاسكانر أن أمكن

و ياريت تبلغنا عملت أيه و النتيجة بعد كده و لو أحتجت اي مساعدة كلنا تحت أمرك في أي وقت


و بالنسبة لشاشة الألنترا دي موجودة عند السجان بشارع دمشق بالقاهرة و هي عبارة عن :
- شاشة دي في دي تاتش
- جي بي أس
- يو اس بي
- ممكن يركب عليها كاميرا خلفية
سعرها في حدود 2500 جنيه تقريبا

يا سمير باشا كلمة شكر قليلة جدااااااااا عليك يكفى بس متابعتك واهتمامك بالموضوع بس انا فعلا اخذت قرار انى انزل القاهرة بعد 10 ايام واعمل الصيانة كلها بالمرة ايه رأيى حضرتك ؟؟ وياريت تنصحنى بمكان كويس اعمل فيه الصيانة لان سمعت عن مشاكل كتيررررر فى التوكيل وياريت تقوللى التكلفة كام بعد اذنك عالشان ده مشوار كبير وعايز اعمل حسابى وظبط كل شيء بالمرة !!!!!!!!!!
فيه شيء تانى بالنسبة لزيت الموتور انا لما اشتريت العربية من صاحبها الاول من شهر 8 اللى فات كان الاخ بتاع تغيير الزيت بيحطلى فى العربية 4 كيلو مع الفلتر و 3,5 من غير تغيير الفلتر الغريبة ان لاحظت ان الزيت بيكون دايما فو ق العلامة العليا بمسافة كبيرة وكنت بغير زيت شل 5000 ولكن اخر مرة حبيت اغير من شل الى موبيل 10000 و انا بنفسي غيرت الزيت وغيرت الفلتر كمان عالشان اظبطها ومقاس الزيت يبقى على العلامة العليا العجيب ان العربية اخدت 3 كيلو بس رغم تغيير الفلتر ومقاس الزيت بعد كدة بقى على العلامة بالظبط يعنى مش زايد زى الاول
وهذا ايضا مع زيت الفتيس انه دايما فوق العلامة العليا بمسافة كبيرة وانا اخدتها كدة من صاحبها ولما غيرت زيت الفتيس من اسبوع اخدت حواللى 3 كيلو وبرضة فوق العلامة بمسافة ولما سألت الاخ اللى بغير عنده دايما قاللى كدة افضل بمعنى لما يكون فوق العلامة العليا افضل ما يكون تحتيها وقاللى خاللى الفتيس (يشبع) زيت ياعم وهو الان فوق العلامة بمسافة
والله انا بتيجى فترة وبزهق مش عارف الصح من الغلط
اسف ان بصدعك معايا بس هعمل ايه
ومرة اخيرة الف شكرررررررررررررررر وربنا مايحرمنا منك ومن استشاراتك

[mohammed adel]

السلام عليكم ورحمة الله
ايه يا النتراوية هو خلاص مافيش حد هنا يرد علينا انا كاتب مشاركة من حواللى 3 ايام و مافيش رد خالص والاستاذ سمير وكل القسم اختفوا ايه الحكاية ؟؟ عايزين بس نفهم بدل ما نكتب على الفاضي هههههههههه والف شكررررررررررررر لكم جميعاااااا

[Samir Elshahawy]

السلام عليكم ورحمة الله
ايه يا النتراوية هو خلاص مافيش حد هنا يرد علينا انا كاتب مشاركة من حواللى 3 ايام و مافيش رد خالص والاستاذ سمير وكل القسم اختفوا ايه الحكاية ؟؟ عايزين بس نفهم بدل ما نكتب على الفاضي هههههههههه والف شكررررررررررررر لكم جميعاااااا

أنا أسف جدا علي التأخير في الرد عليك
معلش ماشوفتش الموضوع غير النهاردة

عموما حضرتك تشرف و تنور القاهرة

أنا شخصيا بأرشح لك تكلم المهندس / هاني (سبيد سيرفس) خاصة أن عربيتك خارج الضمان
تقدر تدخل علي موضوعه أو تكلمه شخصيا و تنسق معاه

http://www.nilemotors.net/Nile/287642-speed-service-center-enghany-68.html

و لو محتاج أني أجي معاك أنا تحت أمرك , بس يارب أكون موجود في القاهرة لأني مسافر النهاردة و مش هارجع قبل يوم 18 يناير