رابطة مالكي الElantra من 2007 الى 2011

[roland_yamaha]

detail KSPEC KDM Performance Center
ده كفر ليد بيركب ع المرايات يفيد الناس اللي معندهاش إشارات في المرايات ونفسها تركبها زي موديل 2010 وينفع للناس اللي جسم مرايتها مشروخ وعاوز يداريه كله شغال
السؤال بقي ده في منه في مصر ولا لأ؟

[roland_yamaha]

وده موقع حلو برضو للاكسسورات
Korean Auto Imports

[mahmoud_afifi]

فيه حاجات حلوه قوي بس السعر بعد التوصيل لمصر هيبقى غالي.
هو هيبقى حلو لو هنجمع عدد من الطلبيات ونجيبها

[mhDeeb]

السلام عليكم محبى الالنترا

عايز اشترى عربية الالنترا 2005 - 2006-2007

في حد عنده عربية كويسة وبسعر معقول وشكرا مقدما لتعاونكم

[roland_yamaha]

عاجباني أوي الفوانيس دي محدش يعرف نجيبها منين وبكام

[mahmoud_afifi]

السلام عليكم محبى الالنترا

عايز اشترى عربية الالنترا 2005 - 2006-2007

في حد عنده عربية كويسة وبسعر معقول وشكرا مقدما لتعاونكم

عليكم السلام ورحمة الله

في الحقيقه مافيش قدامنا بس ممكن تلاقي على موقع كونتاكت كارز. بس على فكره 2006 و 2005 نفس الشكل انما 2007 شكل مختلف. وهو بداية الشكل قبل الاخير. هيكون في فرق في السعر بينهم.

عاجباني أوي الفوانيس دي محدش يعرف نجيبها منين وبكام

على فكره نفس الفانوس ده الي انت حطيت صورته قبل كده http://www.nilemotors.net/Nile/3875153299-post291.html

ده موجود في محلات GO وسعره تقريبا معدي ال2000.

[roland_yamaha]

لقيته ب 2950 جنيه
شكلي هدور علي عدسات واعدل فانوسي أحسن

[mahmoud_afifi]

لقيته ب 2950 جنيه
شكلي هدور علي عدسات واعدل فانوسي أحسن

غاااااااااااالي جدا
انا بفكر اعمل كده برضه. اجيب العدسه بس ومش لازم اعمل الفانوس سموك ولا احط اي حاجه تانيه عشان مابوظش الفانوس.
بس نجيب العدسه الي بتتفكر وتتركب مش الي بتتلحم في الفانوس. ايه رأيك ؟

[roland_yamaha]

بعت أسأل عليهم ومستني ردود

[mahmoud_afifi]

بعت أسأل عليهم ومستني ردود

انت ماشي بمبدأ نحن نعمل في صمت

[mhDeeb]

ممكن يا جماعة حد يفهمنى اية الفرق بين باور الدركسيون الزيت وباور الدركسيون الكهرباء واية عيوب الدركسيون الكهرباء وهل ممكن يؤدى إلى حوادث ربنا يسلم طريقكم جميعاً
ملحوظة انا بتكلم على اول فئة في الالنترا 2010
وما هى عيوب الالنترا 2010 اول فئة اتوماتيك

[mahmoud_afifi]

ممكن يا جماعة حد يفهمنى اية الفرق بين باور الدركسيون الزيت وباور الدركسيون الكهرباء واية عيوب الدركسيون الكهرباء وهل ممكن يؤدى إلى حوادث ربنا يسلم طريقكم جميعاً
ملحوظة انا بتكلم على اول فئة في الالنترا 2010
وما هى عيوب الالنترا 2010 اول فئة اتوماتيك

بص يا باشا. الباور الزيت بيكون أتقل من الكهربا وده بيدي احساس بالثبات وسهوله في المناورات والغرز. عيبه انه محتاج صيانه وتغيير زيت الباور. اما الكهربا مالهوش صيانه. ميزة الكهربا انه مريح جدا في داخل المدينه خاصة وانت بتركن.
موضوع ان الدركسيون الكهربا ممكن يسبب حوادث ده خرافه اخترعها المصريين ههههههههه
انا كنت بسوق وبجري بيها عادي وبالصدفه بكلم واحد بيقولي اني لو مشيت على طوبه العربيه هتتقلب عشان دركسيون كهربا ههههههه. خرافات بقى :)

انا عربيتي اول فئه اوتوماتيك 2010 لحسن الحظ فهقولك خلاصة 4 سنين معايا.
العربيه كويسه بس عيبها ان مافهاش abs وكمان السوست بتاعتها خفيفه بمجرد ان حد يركب ورا العربيه بتهبط وتحك في المطبات. عيب غبي بصراحه يخلي الواحد يقفل من العربيه.
انما هي جرايه وبتسحب كويس وتكييف كويس احسن من الياباني في نظري لأني جربت الاتنين. تكييف اللانسر والياريس والالنترا.

وشوف حضرتك محتاج تستفسر عن ايه تاني وانا تحت امرك

[roland_yamaha]

بمناسبة التكيف بقي يا محمود
أنا عاوز منك خدمة / عاوزك تقعقد في الكنبة الخلفية وتشغل التكيف وتشوف هوا التكيف هيوصك علي سرعة 1 ولا 2 ولا كام
عشان انا عندي تكيف تاتش وسرعة المروحة ع الأخر ومش جايب هوا ورا للكنبة الخلفية خالص
ياريت متنسانيش

[mahmoud_afifi]

بمناسبة التكيف بقي يا محمود
أنا عاوز منك خدمة / عاوزك تقعقد في الكنبة الخلفية وتشغل التكيف وتشوف هوا التكيف هيوصك علي سرعة 1 ولا 2 ولا كام
عشان انا عندي تكيف تاتش وسرعة المروحة ع الأخر ومش جايب هوا ورا للكنبة الخلفية خالص
ياريت متنسانيش

انت تؤمر بس عبال ما اعمل كده هقولك على تجربتي لما حد بيقعد ورا.
طبعا لما المروحه تبقى على 1 دي استحاله توصل. انما 2 بتوصل ولو الدنيا ظهر وحر يبقى 3.
بس اهم حاجه توجه الفتحات الي في نص الطابلوه بحيث تيجي للبشر الي ورا :d

[roland_yamaha]

انا ورا مفيش هوا خالص بيوصل مع اني سامع صوت البلاور علي أخرها شكل التلاجة عندي مسدودة وعاوزة تنضيف