النترا 2008 عاملة حادثة وتم اصلاحها بحرفيه شديدة موضوع مصور

[Kareem Fawzy]

السلام عليكم ورحمة الله وبركاتة

وانا بقلب فى النت لاقيت موضوع عن لحام نصين لالنترا 2008 حبيت انقله ليكم علشان تشوفوا حرفية الشغل برا




















































































يتبـــــــع ..،،

[Kareem Fawzy]

يتبـــــــع ..،،

[Kareem Fawzy]

طبعاً حاجة زى كدة لو حصلت عندنا فى مصر ناس كتير ممكن تتخم فى بيع العربية ومتعرفش ان العربية متغيرلها نص

منتظر آرائكم فى الموضوع

منقـــــول..،،

[ashouhdy]

نهار أسود !!!

[Kareem Fawzy]

نهار أسود !!!

ههههههههههههههه
حزلئوم!!!
منور يا باشا

[eng.m7md.ali]

شكرا على الموضوع والصور
بيحصل كدة في مصر بس بردو العربية مبتطلعش مظبوطة غير بجهاز المواصفات وبتبقى مظبوطة بنسبة 80% عن الاصل

[mohdamin18]

هههههههههههه دي بقت زيرو ! عشان كدا المستعمل يخوّف

بس بصراحة نفسي اجرب اسوق عربية من دول و اشوف عاملة ازاي على الطريق :d

[MohammedAladel]

موضوع جميل

[MASERATI]

السلام عليكم و رحمة الله و بركاته

عندنا فى (سندوب - المنصورة) و فى بلدان تانية زى نبروه و بلقاس و شربين, بيعملوا الكلام ده, عالم مجرمين و مالهمش حل.

السؤال, هوا الشغل ده معمول فين, أصل اللى يقطع و يلحم, بيبقى فى البلاد اللى ورق العربية فيها ليه سعر زى مصر, لكن دول شكلهم كده, أوروبا الشرقية, الوضع عندهم أخباره ايه, الشغل ده كان يبقى أحسن, لو كان بيتعمل فى حاجة عالية, زى الbmw و الmercedes .

ألف شكر يا باشا على الموضوع الشيق ده.

[MNabeih]

شكرا على الموضوع والصور
بيحصل كدة في مصر بس بردو العربية مبتطلعش مظبوطة غير بجهاز المواصفات وبتبقى مظبوطة بنسبة 80% عن الاصل

معلش اية هو جهاز المواصفات؟؟؟
للاهمية

[amr3elrouby]

يا باشا ريح دماغك وماتشتريش اى عربيه رشه نهائيا لأنى بشوف عربيات رشه موديل 2005والناس تقول وماله .........وانا كان معايا كذا عربيه من التسعينات غير مرشوشه

[sanhory]

و مين قال ان مبيحصلش كدا في مصر !!
بيحصل ابو كده كمان , ده يمكن السمكري اللي فالصور دا مصري بس شغال بره ههههه

في صديق ليا كان بيشتري عربية و انا روحت اتفرج عليها بصراحة العربية اكتر من وهم و كل حاجة في مكانها رغم انها موديل 2000 و حالتها ولا الزيرو و شقلبنا العربية انا و صاحبي زيرو بمعنى الكلمة ( مش بوية جديدة بقى و احنا مخدوعين فيها ) لأ كله على ابوه زي ما بيقولو ا و طلعنا جربنا و جيبنا 140 و رجعنا و بنتكلم في السعر الراجل قالنا مبدئيا انا سمكري و العربية دي انا واخدها بيتي قوي و مش ماشية كتير و كانت فابريكة بره بس كان فيها خبطة مضيعة الشنطة لحاد الزجاج الخلفي فجييبت نص خلفي و قطعت مكان اللحامات الاصلية و لحمت و ظبتها و دي النتيجة و السعر كذا (نفس سعر السليمة)
انا و صاحبي احترمناه جدا و نزلنا حاجة بسيطة و اعتبرنا العربية سليمة لان هيا فعلا مصروف عليها بنضافة متناهية ولا اجدع توكيل يطلعها كده و ماشية زي الفل و بتجيب 200 و ثابتة جدا ولا صوت هوا ولا طقطقة ولا اي حاجة وانا شخصيا جيبت بها 190 مفيش الهوا
طبعا هوا اكدلنا انو لاحمها بنوعين من اللحام و انه عمل البنط في اماكنها و كلامه واحد فاهم مش سمكري بلدي يعني

بس المهم الامانة
انا شايف ان الراجل كان امين و راع ربنا و ادا الشغل حقه بغض النظر حتجيب الفلوس دي ولا لأ و كان امين وقال ايه اللي عمله يبقى مايستاهلش الخسارة و يستاهل يتقدر مجهوده عالنتيجة الرائعة اللي هو طلعها

[fouaa]

موضوع جميل بس مصر فيها كده واكتر كمان ومعظم العربيات الى بتغير انصاص فمصر بطلعى مش رشه تماما وده بيحصل قدام عينى يجيبو اجزاء خارجيه نفس اللون وطبعا فابريكه والحامات الداخليه محدش وهو بيشترى بيفك سقف ولا فرش وربنا يستر

[kar!m]

تعال اقعد مع السمكرى بتاعى و انت تشوف من الحاجات دى كل يوم.

السؤال بأه .. هل الحاجات دى بتطلع مضبوطه بالمللى .. و لا ممكن يطلع فرق بسيط فى طول العربية بعد اللحام؟

[sanhory]

تعال اقعد مع السمكرى بتاعى و انت تشوف من الحاجات دى كل يوم.

السؤال بأه .. هل الحاجات دى بتطلع مضبوطه بالمللى .. و لا ممكن يطلع فرق بسيط فى طول العربية بعد اللحام؟

يا باشا طول ايه هو بيلحم على مزاجه ! في علامات طبعا بيعملوها دا غير البيبان اللي بيظبط عليها غير مقاسات قاعدة العجلات بتاعت العربية اللي شغال فيها و كله بالمقاسات (ده بالنسبة للسمكرية النضاف)

في بقي اللى واخدنها بالنظر كده دا ايدك منه و القبر