النترا 2008 عاملة حادثة وتم اصلاحها بحرفيه شديدة موضوع مصور

[Formulator]

هى المشكلة مش ان العربية تمشى 200-220 كام دقيقة, (Sprint يعنى) عادى على فكرة..؟!!
المشكلة الأكبر فى حالتين:
- لو ماشى بالسرعات العالية دى مسافة أو فترة كبيرة.. ماشى 200 مثلا لمدة 30-40 دقيقة, ضغط الهواء والـLoad بتاع السرعة على البودى بتاع العربية..
الـStructure اللى مش حته واحدة ده.. هيستحمل ولا لأ..؟؟؟!!

- الحاجة التانية فـ حالة التصادم والحوادث (لا قدر الله), هل هيبقى تحمل الصدمات هو هو..؟؟!!!
أعتقد ان اللحامات دى مهما كانت متقنة, لااااااازم هتغير فى توزيع الأحمال على البودى.

والله أعلم,
شكرا للموضوع..

[SAMEH_FOUAD]

هى المشكلة مش ان العربية تمشى 200-220 كام دقيقة, (sprint يعنى) عادى على فكرة..؟!!
المشكلة الأكبر فى حالتين:
- لو ماشى بالسرعات العالية دى مسافة أو فترة كبيرة.. ماشى 200 مثلا لمدة 30-40 دقيقة, ضغط الهواء والـload بتاع السرعة على البودى بتاع العربية..
الـstructure اللى مش حته واحدة ده.. هيستحمل ولا لأ..؟؟؟!!

- الحاجة التانية فـ حالة التصادم والحوادث (لا قدر الله), هل هيبقى تحمل الصدمات هو هو..؟؟!!!
أعتقد ان اللحامات دى مهما كانت متقنة, لااااااازم هتغير فى توزيع الأحمال على البودى.

والله أعلم,
شكرا للموضوع..

بالظبط انت كدة جيبت المفيد هو دة المتوقع من لحام ملحوم يدويا مقارنة بلحام ملحوم بالماكينات الالية وبدرجة حرارة معينة + وحدة كمبيوتر هية اللى بتقوم باللحام دة بناء على specification موضوعة بحيث يكون كلة نفس المستوى والدرجة

[Kareem Fawzy]

شكرا على الموضوع والصور
بيحصل كدة في مصر بس بردو العربية مبتطلعش مظبوطة غير بجهاز المواصفات وبتبقى مظبوطة بنسبة 80% عن الاصل

العفو يا باشا نورتنى بمرورك وبيحصل فعلاً اكتر من كدة فى مصر

[Kareem Fawzy]

هههههههههههه دي بقت زيرو ! عشان كدا المستعمل يخوّف

بس بصراحة نفسي اجرب اسوق عربية من دول و اشوف عاملة ازاي على الطريق :d

نورتنى يا محمدين باشا بمرورك

[Kareem Fawzy]

موضوع جميل

محمد عادل باشا اسعدنى مرورك جداً على موضوعى المتواضع

[Kareem Fawzy]

السلام عليكم و رحمة الله و بركاته

عندنا فى (سندوب - المنصورة) و فى بلدان تانية زى نبروه و بلقاس و شربين, بيعملوا الكلام ده, عالم مجرمين و مالهمش حل.

السؤال, هوا الشغل ده معمول فين, أصل اللى يقطع و يلحم, بيبقى فى البلاد اللى ورق العربية فيها ليه سعر زى مصر, لكن دول شكلهم كده, أوروبا الشرقية, الوضع عندهم أخباره ايه, الشغل ده كان يبقى أحسن, لو كان بيتعمل فى حاجة عالية, زى الbmw و الmercedes .

ألف شكر يا باشا على الموضوع الشيق ده.

وعليكم السلام ورحمة الله وبركاته
نورتنى يا باشا بمرورك وفعلاً بيحصل الكلام دة فى المرسيدس والبى ام اكتر من اى عربية تانية

[Kareem Fawzy]

يا باشا ريح دماغك وماتشتريش اى عربيه رشه نهائيا لأنى بشوف عربيات رشه موديل 2005والناس تقول وماله .........وانا كان معايا كذا عربيه من التسعينات غير مرشوشه

ايوة يا باشا بس فعلاً بتضطر ترش العربية برا علشان الخدوش منظرها بيبقا بشع
لاكن لية اخد عربية رشة جوا تحت اى ظرف من الظروف
نورتنى بمرورك يا استاذ عمرو

[Kareem Fawzy]

و مين قال ان مبيحصلش كدا في مصر !!
بيحصل ابو كده كمان , ده يمكن السمكري اللي فالصور دا مصري بس شغال بره ههههه

في صديق ليا كان بيشتري عربية و انا روحت اتفرج عليها بصراحة العربية اكتر من وهم و كل حاجة في مكانها رغم انها موديل 2000 و حالتها ولا الزيرو و شقلبنا العربية انا و صاحبي زيرو بمعنى الكلمة ( مش بوية جديدة بقى و احنا مخدوعين فيها ) لأ كله على ابوه زي ما بيقولو ا و طلعنا جربنا و جيبنا 140 و رجعنا و بنتكلم في السعر الراجل قالنا مبدئيا انا سمكري و العربية دي انا واخدها بيتي قوي و مش ماشية كتير و كانت فابريكة بره بس كان فيها خبطة مضيعة الشنطة لحاد الزجاج الخلفي فجييبت نص خلفي و قطعت مكان اللحامات الاصلية و لحمت و ظبتها و دي النتيجة و السعر كذا (نفس سعر السليمة)
انا و صاحبي احترمناه جدا و نزلنا حاجة بسيطة و اعتبرنا العربية سليمة لان هيا فعلا مصروف عليها بنضافة متناهية ولا اجدع توكيل يطلعها كده و ماشية زي الفل و بتجيب 200 و ثابتة جدا ولا صوت هوا ولا طقطقة ولا اي حاجة وانا شخصيا جيبت بها 190 مفيش الهوا
طبعا هوا اكدلنا انو لاحمها بنوعين من اللحام و انه عمل البنط في اماكنها و كلامه واحد فاهم مش سمكري بلدي يعني

بس المهم الامانة
انا شايف ان الراجل كان امين و راع ربنا و ادا الشغل حقه بغض النظر حتجيب الفلوس دي ولا لأ و كان امين وقال ايه اللي عمله يبقى مايستاهلش الخسارة و يستاهل يتقدر مجهوده عالنتيجة الرائعة اللي هو طلعها

نورتنى يا باشا بمرورك
فعلاً لو الشغل زى الشغل اللى فى الصور فوق مع وجود الامانة فى البيع والشراء
فعلاً تستحق التقدير

لاكن المشكلة انك تنزل السوق وتيجى تعاين عربيات يقولك فابريكا برا وجوه تيجى تقوله يا عم دى رشه جوا يقولك مببيعش يعنى خلاص مبقاش فيه ضمير
انعدام ضمير انعدام اخلاق انعدام تدين
ربنا يستر علينا

[Kareem Fawzy]

موضوع جميل بس مصر فيها كده واكتر كمان ومعظم العربيات الى بتغير انصاص فمصر بطلعى مش رشه تماما وده بيحصل قدام عينى يجيبو اجزاء خارجيه نفس اللون وطبعا فابريكه والحامات الداخليه محدش وهو بيشترى بيفك سقف ولا فرش وربنا يستر

شكراً يا باشا لمرورك
وفعلاً معظم العربيات اللى بيركبلها انصاص بيبقا النص نفس لون العربية علشان ميرشش جوا يرش برا بس
ربنا يستر علينا

[Kareem Fawzy]

تعال اقعد مع السمكرى بتاعى و انت تشوف من الحاجات دى كل يوم.

السؤال بأه .. هل الحاجات دى بتطلع مضبوطه بالمللى .. و لا ممكن يطلع فرق بسيط فى طول العربية بعد اللحام؟

معتقدش بيحصل فى اى فرق فى طول العربية
لانك بتقص وبتلحم فى نفس المكان
وبعدين مش اى سمكرى بيركب انصاص كل صنايعى وله شغله
يعنى فى صنايعى اخره يرد رفرف
وفى صنايعى اخره يفك الرفرف المخبوط ويركب الجديد
وفى صنايعى يقدر يعمل الكلام دة
زى ما بيقولوا كل فوله وليها كيال
نورتنى بمرورك

[Kareem Fawzy]

يا باشا طول ايه هو بيلحم على مزاجه ! في علامات طبعا بيعملوها دا غير البيبان اللي بيظبط عليها غير مقاسات قاعدة العجلات بتاعت العربية اللي شغال فيها و كله بالمقاسات (ده بالنسبة للسمكرية النضاف)

في بقي اللى واخدنها بالنظر كده دا ايدك منه و القبر

فعلاً فى صنايعية بيقطعوا الفلتو وبعد كدة بيرجعوا يحطوا سليكون ويرشوا عليه ويبان اكنه فلتو فابريكا
زى ما قولت انعدام ضمير

[Kareem Fawzy]

هى المشكلة مش ان العربية تمشى 200-220 كام دقيقة, (Sprint يعنى) عادى على فكرة..؟!!
المشكلة الأكبر فى حالتين:
- لو ماشى بالسرعات العالية دى مسافة أو فترة كبيرة.. ماشى 200 مثلا لمدة 30-40 دقيقة, ضغط الهواء والـLoad بتاع السرعة على البودى بتاع العربية..
الـStructure اللى مش حته واحدة ده.. هيستحمل ولا لأ..؟؟؟!!

- الحاجة التانية فـ حالة التصادم والحوادث (لا قدر الله), هل هيبقى تحمل الصدمات هو هو..؟؟!!!
أعتقد ان اللحامات دى مهما كانت متقنة, لااااااازم هتغير فى توزيع الأحمال على البودى.

والله أعلم,
شكرا للموضوع..

العفو يا باشا نورتنى بمرورك
انا اقدر ارد على الجزئية التانية
طبعاً اكيد لو الstructure ال non-homogenous او المش متجانس يعنى مش كله حتة واحدة بيبقى مقاومته للصدمات مش زى ال homogenous

[Kareem Fawzy]

بالظبط انت كدة جيبت المفيد هو دة المتوقع من لحام ملحوم يدويا مقارنة بلحام ملحوم بالماكينات الالية وبدرجة حرارة معينة + وحدة كمبيوتر هية اللى بتقوم باللحام دة بناء على specification موضوعة بحيث يكون كلة نفس المستوى والدرجة

كلام سليم يا باشا

[bassam nagy]

العربية طلعت زيرو
البلد فيها سمكرية كتير شغالين فى الحوادث وبيضحكوا على الناس فى الشراء على ان العربية فابريقة
ومافيش ضمير فى البيع

[Kareem Fawzy]

العربية طلعت زيرو
البلد فيها سمكرية كتير شغالين فى الحوادث وبيضحكوا على الناس فى الشراء على ان العربية فابريقة
ومافيش ضمير فى البيع

ربنا يرحمنا من قلة الضمير
شكراً يا باشا على مرورك