اخيرا لمبه التشيك في النيو اكسنت

[sheka]

السلام عليكم

كان فيه ناس اتكلمت علي لمبة التشيك انها مش موجوده في النيو اكسنت وطبعا هي فعلا مش موجوده

[shfaf2]http://www10.0zz0.com/2011/06/28/23/880134893.jpg[/shfaf2]

والمفروض مكانها زي الصورة دي

[shfaf2]http://www10.0zz0.com/2011/06/28/22/619099551.jpg[/shfaf2]

وطبعا كان عندي نفس الحوار وكان فية ناس اتكلمت عليها هنا لأنها فعلا مهمه
والحمد لله يوم السبت اللي فات فكيت العداد بطريقه سهلة جدي وسعيد جدا انها اشتغلت عقبال عندكوا
هتعمل الاتي هتفك مسمارين فوق في الاول و بعدين تسحب الوش وتشيل فيشة زرار عداد الرحلات وهتلاقي اربع مسامير بعدها اسحب العداد بالراحه و هتلاقي 3 فيش واحده يمين و2 جنب بعض شمال كدا العداد حر طلعه بره ومن ورا هتلاقي حوالي 6 مسامير نجمه فكهم واسحب الفبره دي هتلاقي لمبة التشيك مقفولة بلزقه شيل اللزقه بالراحه وفك اللمبه اللي جنبها علي طول اللي هي بتاعة الايرباج وحطها في التشيك واقفل التانية باللزقه اللي فكيتها وبعد كدا الخطوات العكسيه ومبروك عليك اللمبه

[samirsaid1]

مش مصدق نفسى

يعنى ممكن اللمبة تشتغل انا غلبت من كتر الأسئلة عن الموضوع دة ولكن بدون جدوى

[samirsaid1]

يعنى قصد حضرتك انهم مجرد شايلين اللمبة بس

[sheka]

مش مصدق نفسى

يعنى ممكن اللمبة تشتغل انا غلبت من كتر الأسئلة عن الموضوع دة ولكن بدون جدوى

لازم تصدق :)

[sheka]

يعنى قصد حضرتك انهم مجرد شايلين اللمبة بس

تمام كدا... انا برضه ماكنتش مصدق

[Hacker5]

طب كان ايه لازمتها تتشال اصلها ؟
يالهوى على التوكيل دة غبور دة مثال للبخل الدكر يا ساتر يا رب
انا عندى فى الالنترا مش بتنور بس صعب اعمل حاجة زى كدة بنفسى

[mazeen]

الله ينور عليك يا sheka انا نزلت طلعت العده وعملتها فوراً واشتغلت تمام
بس عايزين نعرف السر فى الغائها يا ترى من غبور ولا هى نازله كده من كوريا؟ولو غبور هو اللى لاغيها يا ترى ليه؟؟؟؟؟؟

[Mohab555]

طب يا ترى شغالة مظبوط ولا بتخرف ( تشتغل و تطفى و تعلق وكدة )لا ؟؟؟ قول الاخبار معاك ايه ؟؟

[sheka]

طب كان ايه لازمتها تتشال اصلها ؟
يالهوى على التوكيل دة غبور دة مثال للبخل الدكر يا ساتر يا رب
انا عندى فى الالنترا مش بتنور بس صعب اعمل حاجة زى كدة بنفسى

هو حاجه زي دي غبور اللي بيشيلها ؟ ... هو هيستفاد ايه

مش عارف ايه ظروفها في الالنترا بس ممكن تبص عليها كدا وماتقلقش

[sheka]

الله ينور عليك يا sheka انا نزلت طلعت العده وعملتها فوراً واشتغلت تمام
بس عايزين نعرف السر فى الغائها يا ترى من غبور ولا هى نازله كده من كوريا؟ولو غبور هو اللى لاغيها يا ترى ليه؟؟؟؟؟؟

عدوا الجمايل :)
ما اعتقدش غبور لأن اكيد مافيش عليها جمارك :)

[sheka]

طب يا ترى شغالة مظبوط ولا بتخرف ( تشتغل و تطفى و تعلق وكدة )لا ؟؟؟ قول الاخبار معاك ايه ؟؟

لحد دلوقتي بتشتغل في اول الدواره وتطفي وغالبا مافيهاش مشاكل ان شاء الله انا كل اللي عملته حطيت اللمبه بسسس :)

[Kareem Fawzy]

انا شغالة عندى فى الالنترا بس غبور يعمل كدة لية انا مش فاهم

[samirsaid1]

هو غالبا بيشيلها عشان انت متحسش ان فى عطل فى العربية
وبالتالى الأعطال تتراكم عليك وبالتالى تروح لية والعربية عايزة اد تمنها

[original]

حركة جامدة وإنشاء الله أعملها وأبلغكم..

[mahmoud_afifi]

الحركه دي في الاكسنت بس ولا تنفع للالنترا كمان ؟
ومعلش كمان سؤال. ازاي اشغل اللمبه بتاعة الفوج لايت الي في العداد ؟؟ هل نفس الطريقه ؟
جزاك الله خير يا باشا