شفاط الكربراتير

[Eldaw]

السلام عليكم ورحمة الله..
انا معايا اكسينت 1300 مو 2001..
والعربية كانت بتقطع معايا جامد ومكتومة وبتاكل بنزين
رحت للميكانيكي ونظفنا الكربراتير ومحصلش حاجة..بعد عدة محاولات الميكانيكي قالي ده الشفاط
مقفول,,فتح الشفاط وجربت العربية النهاردة والعربية بقت بتسحب كويس اوي و التقطيعة راحت و الكتمة راحت كاني راكب عربية تانية خالص,,بس لسة بتاكل بنزبن شوية..والعربية لما بدور الصبح بيبقي صوتها عالي اوي بس بيهدي الصوت ده لما العربية بتسخن..

سؤالي هو::ايه هو الشفاط وايه وظيفته وهل صح انه يتساب مفتوح علي طول والصوت العالي اللي بيفضل موجود لحد العربية ما تسخن عادي ولا ايه؟؟

يا ريت اصحاب الخبرة يفيدوني

[amrelsaqqa]

الشفاط هو عبارة عن ميكانيزم جوة الكربراتير بتكون بالكهربا او يدوى

وظيفتها :

بتخنق مسار الهوا وبترفع بكرة الاكسراتير سنة صغيرة زيادة

كل ده عشان الموتور يدور بسهولة وهو بارد
بحيث يبقى نسبة البنزين للهوا اعلى شوية

لان الموتور وهو بارد بيبقى محتاج بنزين اكتر وهواء اقل ( البنزين بيكون في حالة سائلة وبيتكثف على جدران البستم وبيكون صعب الاشتغال )

السيناريو بيكون كالتالى ، والعربية باردة الصبح ، بيكون في ازدواج حرارى في وضع منكمش ، الوضع المنكمش بيخليه يقفل الخانق (الشفاط) ويعلى السلانسيه والعربية تدور بسهولة


اول ما العربية تسخن الازدواج الحرارى متوصل بسخان كهربا و بيتمدد وده بيخلى الخانق يفتح تدريجيا والسلانسيه يرجع طبيعى


طبعا لو فضل الشفاط مقفول هتكون النتيجة ان العربية مكتومة وهى سخنة ( لان هى دى وظيفته اصلا ) بالاضافة للاستهلاك الزيادة للبنزين لانك بتضطر تدوس بنزين اكتر لتعويض نقص الهوا


طبعا اكيد في اشكال تانية للشفاط الاوتوماتيك في العربيات المختلفة ( مش شرط تكون فكرته ازدواج حرارى في كل العربيات )


بالنسبة للى بيكون يدوى بيبقى عبارة عن مفتاح شدة زي زرار فتح الشنطة مثلا ، متصل بسلك زي سلك الاكسراتير بيقفل ويفتح الشفاط يدويا وبتقفله الصبح قبل ما تدور العربية واول ما العربية تسخن وقبل ما تتحرك تفتحه ..


اتمنى تكون الامور واضحة واسف للاطالة

[MohssenRashed]

الشفاط هو عبارة عن ميكانيزم جوة الكربراتير بتكون بالكهربا او يدوى

وظيفتها :

بتخنق مسار الهوا وبترفع بكرة الاكسراتير سنة صغيرة زيادة

كل ده عشان الموتور يدور بسهولة وهو بارد
بحيث يبقى نسبة البنزين للهوا اعلى شوية

لان الموتور وهو بارد بيبقى محتاج بنزين اكتر وهواء اقل ( البنزين بيكون في حالة سائلة وبيتكثف على جدران البستم وبيكون صعب الاشتغال )

السيناريو بيكون كالتالى ، والعربية باردة الصبح ، بيكون في ازدواج حرارى في وضع منكمش ، الوضع المنكمش بيخليه يقفل الخانق (الشفاط) ويعلى السلانسيه والعربية تدور بسهولة


اول ما العربية تسخن الازدواج الحرارى متوصل بسخان كهربا و بيتمدد وده بيخلى الخانق يفتح تدريجيا والسلانسيه يرجع طبيعى


طبعا لو فضل الشفاط مقفول هتكون النتيجة ان العربية مكتومة وهى سخنة ( لان هى دى وظيفته اصلا ) بالاضافة للاستهلاك الزيادة للبنزين لانك بتضطر تدوس بنزين اكتر لتعويض نقص الهوا


طبعا اكيد في اشكال تانية للشفاط الاوتوماتيك في العربيات المختلفة ( مش شرط تكون فكرته ازدواج حرارى في كل العربيات )


بالنسبة للى بيكون يدوى بيبقى عبارة عن مفتاح شدة زي زرار فتح الشنطة مثلا ، متصل بسلك زي سلك الاكسراتير بيقفل ويفتح الشفاط يدويا وبتقفله الصبح قبل ما تدور العربية واول ما العربية تسخن وقبل ما تتحرك تفتحه ..


اتمنى تكون الامور واضحة واسف للاطالة

100% نفس الكلام في الاكسنت 98

[Eldaw]

الف الف شكر يا باشا..بس اللي انا فهمته منك ان طول ما العربية ماشية محتاجة الشفاط مفتوح عشان متكتمش....صح ؟؟؟؟
وبردو عايز اعرف لو هو مفتوح علي طول ومش بيقفل خالص زي ما الميكانيكي عمله,,ده غلط في حاجة؟؟
ويا تري ليه تاثير علي استهلاك البنزبن ولا لا ؟؟

[amrelsaqqa]

الف الف شكر يا باشا..بس اللي انا فهمته منك ان طول ما العربية ماشية محتاجة الشفاط مفتوح عشان متكتمش....صح ؟؟؟؟
وبردو عايز اعرف لو هو مفتوح علي طول ومش بيقفل خالص زي ما الميكانيكي عمله,,ده غلط في حاجة؟؟
ويا تري ليه تاثير علي استهلاك البنزبن ولا لا ؟؟

العفو يا باشا
تحت امرك

لو مفتوح على طول ممكن تدور بصعوبة الصبح في الجو البارد

[adel1212]

الشفاط هو عبارة عن ميكانيزم جوة الكربراتير بتكون بالكهربا او يدوى

وظيفتها :

بتخنق مسار الهوا وبترفع بكرة الاكسراتير سنة صغيرة زيادة

كل ده عشان الموتور يدور بسهولة وهو بارد
بحيث يبقى نسبة البنزين للهوا اعلى شوية

لان الموتور وهو بارد بيبقى محتاج بنزين اكتر وهواء اقل ( البنزين بيكون في حالة سائلة وبيتكثف على جدران البستم وبيكون صعب الاشتغال )

السيناريو بيكون كالتالى ، والعربية باردة الصبح ، بيكون في ازدواج حرارى في وضع منكمش ، الوضع المنكمش بيخليه يقفل الخانق (الشفاط) ويعلى السلانسيه والعربية تدور بسهولة


اول ما العربية تسخن الازدواج الحرارى متوصل بسخان كهربا و بيتمدد وده بيخلى الخانق يفتح تدريجيا والسلانسيه يرجع طبيعى


طبعا لو فضل الشفاط مقفول هتكون النتيجة ان العربية مكتومة وهى سخنة ( لان هى دى وظيفته اصلا ) بالاضافة للاستهلاك الزيادة للبنزين لانك بتضطر تدوس بنزين اكتر لتعويض نقص الهوا


طبعا اكيد في اشكال تانية للشفاط الاوتوماتيك في العربيات المختلفة ( مش شرط تكون فكرته ازدواج حرارى في كل العربيات )


بالنسبة للى بيكون يدوى بيبقى عبارة عن مفتاح شدة زي زرار فتح الشنطة مثلا ، متصل بسلك زي سلك الاكسراتير بيقفل ويفتح الشفاط يدويا وبتقفله الصبح قبل ما تدور العربية واول ما العربية تسخن وقبل ما تتحرك تفتحه ..


اتمنى تكون الامور واضحة واسف للاطالة

الله ينور عليك
و عايز اسالك السؤال الجدالي فى الفتره الاخيرة
التسخين في العربيات الحديثه ايه الافضل
تحياتي

[amrelsaqqa]

الله ينور عليك
و عايز اسالك السؤال الجدالي فى الفتره الاخيرة
التسخين في العربيات الحديثه ايه الافضل
تحياتي

الافضل طبعا اتباع ارشادات صانع العربية لانهم بيبقوا عارفين بيقولوا ايه وليه ..

وبالنسبة للعربيات الحديثة
لو الدنيا تلج اوى ، بالكتير دقيقة واحدة تسخين كافية جدا

وفي العادى 30 ثانية او اقل كفاية وبعدها يكون التحرك بهدوء وعدم تحميل مفاجئ على الموتور لحد ما الموتور يوصل لدرجة الحرارة الطبيعية وده افضل للعربية من التسخين فترة طويلة


تسخين العربية على السلانسيه فترة طويلة هيعمل مشاكل ولو على المدى البعيد:
* العربية هتسخن ببطء
* العربية وهى باردة بتكون نسبة البنزين اعلى زي ما احنا عارفين لان الكمبيوتر بيقول للرشاشات تدى بنزين زيادة ( مرادف لعمل الشفاط في الكربراتير )
* نسبة بنزين اعلى و كفاءة احتراق اقل مع تسخين لفترة طويلة وسرعة موتور منخفضة ، على المدى البعيد بيأثر على علب الشكمان اللى هتتملى كربون ، يأثر على نظافة الموتور والزيت من جوة ، يأثر على البوجيهات ، من الاخر يأثر على اداء العربية ككل واستهلاكها للبنزين و صداقتها للبيئة ..


طيب ليه الكلام ده مش بينطبق على القديم برضه ؟

المواتير الجديدة مش حديد زهر زي القديمة يعنى انتقال الحرارة بين اجزاء الموتور بيكون بطريقة متجانسة اكتر ومتعادلة اكتر على عكس المواتير القديمة فبالتالى مش محتاجة وقت كبير عشان تسخن
كمان انواع الزيوت الجديدة بتقاوم التغير في اللزوجة بدرجة اكبر من زمان
وطبعا نظام الحقن الالكترونى بيدى العربية البنزين اللى هى عايزاه بالظبط وبيحس بكل ظروف تشغيل العربية .
وحتى مع العربيات القديمة انا افضل التسخين ما يزيدش عن دقيقتين في الظروف العادية وبعدها يبدأ التحرك بهدوء على الغيار الاول لحد ما العربية تسخن .


في نقطة مهمة اللى هى مش معنى انى بسخن 30 ثانية بس انى اقرص على الموتور بعدها على طول ،

التحميل على الموتور يكون تدريجى والتحرك يكون بعد وصول سوائل التبريد ( المية والزيت لكل اجزاء الموتور )
فمش معنى انى بقولك سخن 30 ثانية انك بعدها تطلع امريكانى وتحرق ، لا طبعا


كنت قريت مرة في موقع اجنبى بيقولوا ما تسخنش العربية الجديدة اكتر من دقيقة واحدة الا لو درجة الحرارة الخارجية اقل من 0 فهرانهيت ( يعنى -32 درجة مئوية !)

[adel1212]

ا-عمرو
كفيت ووفيت
انا بقرا الاجابه كان يجي في بالي سؤال الاقي حضرتك مجاوب في الجزء اللي بعده
يزيدك الله من علمه الكثير
خالص شكري
تحياتي

[Eldaw]

شكرا يا جميل,,
وبجد والله افدتني وافدت الجميع ..
بس ليا سؤال اخير
لو شفاط الكربراتير فضل مفتوح علي طول ..ده يزود استهلاك البنزين ؟؟؟

[amrelsaqqa]

ا-عمرو
كفيت ووفيت
انا بقرا الاجابه كان يجي في بالي سؤال الاقي حضرتك مجاوب في الجزء اللي بعده
يزيدك الله من علمه الكثير
خالص شكري
تحياتي

العفو يا باشا :)

[amrelsaqqa]

شكرا يا جميل,,
وبجد والله افدتني وافدت الجميع ..
بس ليا سؤال اخير
لو شفاط الكربراتير فضل مفتوح علي طول ..ده يزود استهلاك البنزين ؟؟؟

طبعا انت قصدك بـ"مفتوح" يعنى الوضع الطبيعى (يعنى الشفاط تأثيره ملغى ) ..

طبعا ده الوضع العادى اللى المفروض تكون العربية عليه اغلب الاوقات ماعدا وقت التسخين في الجو البارد


ده ردى في المشاركة رقم 5 لو حضرتك مخدتش بالك منها

http://www.nilemotors.net/Nile/3874164869-post5.html

وعامة هو مش هيزود استهلاك البنزين ولا حاجة بس هيخلى العربية تدور الصبح بصعوبة ويخليها تاخد وقت اطول في التسخين وهتلاقي نفسك كل ما تيجى تتحرك ، العربية تبطل فتضطر تستنى كمان شوية ، وده اللى ممكن نقول انه شبه بيزود الاستهلاك لانك بتسخنها وقت اطول بس طبعا ده لا يعتبر سبب مباشر لزيادة الاستهلاك

[Eldaw]

لا انا قصدي بالشفاط مفتوح يعني كانك شديت السلك وفتحتح وسايبه مفتوح علي طول
انا كانت مشكلتي ان الشفاط بيعلق (مكانش بيفتح خالص)والعربية كانت مخنوقة وبتقطع فلما رحت للميكانيكي قطع السلك وسابه مفتوح علي طول

[amrelsaqqa]

لا انا قصدي بالشفاط مفتوح يعني كانك شديت السلك وفتحتح وسايبه مفتوح علي طول
انا كانت مشكلتي ان الشفاط بيعلق (مكانش بيفتح خالص)والعربية كانت مخنوقة وبتقطع فلما رحت للميكانيكي قطع السلك وسابه مفتوح علي طول

انت لخبطتنى بالرد ده الصراحة :d

سيبك من كلمة مفتوح ومقفول خالص

دلوقتى الشفاط بيبقى على الوضع 1 وانت بتسخن العربية الصبح ( اللى هو بيعلى العربية و بيسهل دوارتها )

ولما العربية بتسخن بيبقى على الوضع 2 اللى هو المفروض انه الوضع العادى كأن الكربراتير مفيهوش شفاط خالص

دلوقتى هو كان معلق معاك على انهى وضع وبتسأل على تأثيره لو فضل في انهى وضع ؟

[mostafa_dvd]

ا عمر حضرتك استاذ بجد وكأنك بتوصف حاله عربيتى بالظبط لانى كنت بسبها تسخن كتير حوالى 5 او 6 دقايق لحد ماصوتها يهدى خالص و بعد فتره لاحظت ان زيت العربيه فعلا بينزل مسود شويه اكتر من الاول وكمان الشكمان ملييييييان كربون لدرجه انى كذا مره اعمل امبليهات على البارد كدا كانت بتطلع كميه كربون كتيره جدا يملى الشارع ورايا كانه بودره مكن التصوير ومعفر الشارع ورايا كمان بقت بتسخن ببطء شديد
انضفها وارجعها زى الاول ازاى
وانا شاكر لحضرتك جدا لافادتنا بعلمك

[Eldaw]

معلش علي اللخطبة..
بص يا باشا..
العربية كانت بتقطع,,لما رحت للميكانيكي قاللي ان السبب ان الشفاط مقفول (قبل وبعد التسخين )علي طول وده بيكتم العربية وبيخليها تقطعو..اللي انا عارفه ان في العادي لما بتدوس بنزين الشفاط بيفتح(صح ؟؟؟)
انا بقي الشفاط مكانش بيفتح خالص بابه مقفول يعني ,,,الميكانيكي بقي ثبته علي انه يبقي مفتوح علي طول..
لما بدور الصبح العربية بتدور عادي وصوتها بيعلي كاني دايس بنزين والصوت بيرجع يقل لما تسخن
وكمان بقت بتسحب كويس والكتمة والتقطيعة اللي كانو فيها راحو وبقت تمام..
بس حاسس انها بتاكل بنزين سنة زيادة او سنتين...يا تري ده بسبب ان الشفاط مفتوح علي طول ؟؟؟