ثبات عداد الاربي ام!!!!!!!!

[ahmed_mido1889]

السلام عليكم يا اهل هيونداي الكرام

في مشكله غريبه حصلت مع صديق

هو عربيته النترا 2011 اوتو

عربيته الRPM بيثبت علي اخر نقله عند 5 rpm

لكن لو ادي 1او 2 او 3 بتوصل لغايه الريد زون وبتفصل عادي وهي بتجري

لكن بمجرد انه يدي d

العربيه بتمشي عادي بس بتيجي تقف علي 200 وار بي ام 5 والدواسه توصل للارض ومش بتزيد السرعه والار بي ام مش بيعلي

بس لو عمل كيك داون بتسقط عادي وبتعدي للريد زون وبتوصل ل7 ار بي ام

والعربيه عامله 49000كيلو

وكل صيانتها في تكنو وان وزيت الفتيس لسه متغير من 9000 كيلو والفلتر كمان

[Ashraf_Ibrahim]

يعني المشكلة انها مبتجيبش اكتر من 200 والار بي ام مش بيعلى عن 5000 ؟!

[ahmed_mido1889]

من غير شتيمه
ايوه

مع العلم ان في عربيه تانيه كسرت ال220 وفصلت وهي بتجري

[Ashraf_Ibrahim]

بص يا عزيزي الموضوع دا ليه اكتر من احتمال
بس خلينا نسأل سؤال الاول
هو ال 200 دي جت ازاي؟!
يعني فيه حرق واللا طالع عادي بغيارات عادية واللا ايه؟!
يعني قصدي الموتور متفتح كويس؟!

[ahmed_mido1889]

الموتور متفتح

وبيبقي فيه حرق احيانا

والتجربه كانت علي الساحلي الدولي مره ومره علي اسكندريه الصحراوي

رايح وجاي علشان نشوف مقاومه الهواء للعربيه

[Ashraf_Ibrahim]

الموتور متفتح طيب تمام
نقلب عاللي بعديه
البوجيهات والفتيس حالتهم ايه ؟! والبنزين كنت ممون من امتى وفلتر البنزين والطرمبة اخبارهم ايه ؟

[ahmed_mido1889]

البوجيهات من 10000

الفلتر برضه معاهم

البنزين 92

الفتيس بينقل عادي ومش بيرزع في النقل ومتغيرله زيت من 10000 كيلو او 9000

العربيه صيانتها كلها في تكنو وان علشان الضمان

الطرمبه مفيش معاها مشاكل

هو اللغز المحير اشمعني علي اخر نقله ما بتعديش ال5 rpm
وغير كده في كله بتعدي ال5 وبتعدي الريد زون

[Ashraf_Ibrahim]

قد يكون فيه شيء انا معرفهوش او مش هقدر اوصله
ممكن نستنى رد حد زي المهندس هاني !
لأن كل اللي انت بتقوله بيدل على ان العربية مظبوطة !

[sdelbassuny]

فى عربيات بتكون مقفوله يعنى (عند سرعه معينه) مينفعش تزود عن كده وسعات بيتم فتح العربيات ده على الكميوتر وبرنامج معين خاص بالسياره

أخى الكريم سيارتك هي هيونداى ألنتر وليست bmw z4, nissan z أو أى سياره رياضيه أخرى
التزم بالسرعه القصوى المححده من المصنع ولا تتعداها حفظا على سلامتك

وفكك من الردارهاهاهاهاهاهاها

[ahmed_mido1889]

انا شخصيا مش بجري اخري120

ولو بفتح الموتور 150/160

بس هو جه يجرب لقي كده

[hanyemad123]

فى عربيات بتكون مقفوله يعنى (عند سرعه معينه) مينفعش تزود عن كده وسعات بيتم فتح العربيات ده على الكميوتر وبرنامج معين خاص بالسياره

ارجح هذا الراى لان فى ملاك ل صنى اوتو كان عندهم نفس الحاله عند ال 160 و اربى ام 4

[koshary]

هو اكيد كمبيوتر العربيه بيفصل عند اخر نقله عند 5 ار بى ام مادام العربيه مظبوطه واسأل الفنى وانتا بتعمل صيانة اكيد هيفيدك

[screamseko]

شيء طبيعي لان العربيه اوتوماتك وهو مش دايس ار الدواسه او مش عامل كيك داون
لان انت بيعتبر لما بتكون دايس عالنص او اكتر من النص بتغير العربيه عند 4 ونص وعشان نظرية الامان علي الموتور لان التحكم اوتوماتك فهو بييجي عند 5 ويقف وده نظام امان او لو سقط نقله وخليت التحكم يدوي او لو كانت ستيب ترونيك فكانت حتعدي معاك وتفصل زي منت عايز واحمد ربنا انها بتوصل معاك لل 200 لان النيسان الصني الاوتو بتقف عند 4 ونص و160 كيلو والناس بتشد في شعرها عربيه بالقوه دي ويبقي اخرها 160 في الاوتو

[Formulator]

لو العربية مضبوطة فعلا والصيانات تمام,
أعمل Restart لكمبيوتر العربية وجرب كده,
يمكن الفتيس عايز Re-Learn للنقلات (يتعلم سواقتك من الأول).. وطبعا لااااااااااااازم تبقى حارق من الـ1st.

افصل كابل البطارية (-) الأرضى لمدة 15 دقيقة iirc
و أول ما توصل, ماتدورش (المارش Revv) على طول, افتح الكونتاكت وسيبه 5 دقائق..
عشان الـSetup بتاع كل الطلمبات والتشيبات يرجع على الـDefault بتاعه,
أطفى ودور العربية.. وسواقة حارق لحد الـ6000-6500 rpm, ممكن المشكلة تتحل.. والله أعلم.
جرب كده وقولنا..
Regards,

[ahmed_mido1889]

ارجح هذا الراى لان فى ملاك ل صنى اوتو كان عندهم نفس الحاله عند ال 160 و اربى ام 4

بس توصل في اي غيار ما عدا الاخير ل7 ار بي ام؟؟

هو اكيد كمبيوتر العربيه بيفصل عند اخر نقله عند 5 ار بى ام مادام العربيه مظبوطه واسأل الفنى وانتا بتعمل صيانة اكيد هيفيدك

اناالصراحه لاقيتها بتفصل بعد 6.5

وفي عربيه مانيوال قفلنا عدادها وكسرت جزء كمان وفصلت وهي بتجري

شيء طبيعي لان العربيه اوتوماتك وهو مش دايس ار الدواسه او مش عامل كيك داون
لان انت بيعتبر لما بتكون دايس عالنص او اكتر من النص بتغير العربيه عند 4 ونص وعشان نظرية الامان علي الموتور لان التحكم اوتوماتك فهو بييجي عند 5 ويقف وده نظام امان او لو سقط نقله وخليت التحكم يدوي او لو كانت ستيب ترونيك فكانت حتعدي معاك وتفصل زي منت عايز واحمد ربنا انها بتوصل معاك لل 200 لان النيسان الصني الاوتو بتقف عند 4 ونص و160 كيلو والناس بتشد في شعرها عربيه بالقوه دي ويبقي اخرها 160 في الاوتو

الريد زون بتبتدي من 6.5 فيها

وبتوصلها في اي نقله ما عدا النقله الاخيره

لو العربية مضبوطة فعلا والصيانات تمام,
أعمل restart لكمبيوتر العربية وجرب كده,
يمكن الفتيس عايز re-learn للنقلات (يتعلم سواقتك من الأول).. وطبعا لااااااااااااازم تبقى حارق من الـ1st.

افصل كابل البطارية (-) الأرضى لمدة 15 دقيقة iirc
و أول ما توصل, ماتدورش (المارش revv) على طول, افتح الكونتاكت وسيبه 5 دقائق..
عشان الـsetup بتاع كل الطلمبات والتشيبات يرجع على الـdefault بتاعه,
أطفى ودور العربية.. وسواقة حارق لحد الـ6000-6500 rpm, ممكن المشكلة تتحل.. والله أعلم.
جرب كده وقولنا..
regards,

نجرب يا باشا مش هنخسر حاجه

بس في سؤال مش ممكن يكون الواير بتاع الدواسه مرخي شويه؟
بس برجع اقول ما تفصلش في اي نقله خالص والا وهي واقفه لو مرخي