ثبات عداد الاربي ام!!!!!!!!

[Kareem Fawzy]

على فكرة موضوع كسر ال200 دة متوقف على حاجات كتير
منها حالة الطريق طالع او نازل
واتجاة الرياح

[ahmed_mido1889]

جربت في اكثرر من طريق وفي الاتجاهين

مفيش :(

[yoko]

أولا متقارنش أوتو بمانيوال خالص لا تسارع ولا توب سبيد
عادي جدا إنها تقف عند ال200 لو الطريق مايل حاجة خفيفة أو فيه هواء خفيف مش هنعدي ولو أجمد شويه هتلاقيها أخرها 180 ولا حاجة
من الأخر كبر دماغك لحد الصيانه الجايه وإبقى جرب تاني

[ahmed255741]

لا قدرة العربيه
بتكون عبارة عن حاصل ضرب الار بي ام في عزم العربيه فانت وصلت لغاية 200 كم /س ب 5000 فطبيعي ان ع حسب الحمل الي العربية بتقاومة لغاية ماتوصل لغاة 128 حصان فممكن توصل 180 ويبقي الار بي ام اخره مثلا 4500 لو العزم زاد مثلا يعني علاقة عكسية
ف الغيرات التانية بيزيد لغاية 7000 ار بي ام لا السرعة بتكون قليلة فبيكون مقاومة العربية اقل فالعزم بيقل والعكس
والله اعلم

[Eng.Geo]

انا حاسس انه طبيعي شوية
انت المفروض تقول مابتعديش ال 200 مش علي أخر غيار بتقف عند 5000
البوجيهات بقالها 10000 كم ... دول كتير علي ان العربية تكسر ال 200
وخد بالك العربية أوتو ب torque converter ... فمش ناقصة

وحوار ان العربية مقفولة علي سرعة معينة ده مش سليم
اللي بيتقفل بيبقي في الغالب ألماني وعلي سرعة 250
انما ألانترا لأ
ومفيش عربية بتتقفل أقل من 200 الا بعض النقل

[ahmed_mido1889]

المشكله اتحلت ووصلت لار بي ام 5800

وسرعه 210 وكانت قابله للزياده

كان السبب بسيط وهايف ومكنش محطوط في الاعتبار

فلتر الهوا كان السبب كان لسه متغير مكملش 2000 كيلو

بس لعربيه سافرت مرتين في جو مشبع بالتراب كتم الفلتر

مجرد انه اتنفخ بالهواء المضغوط

العربيه عدت ال200 وكسرت ال5 اربي ام

شكرا لكل واحد حاول معانا وحاول يساعدنا