الحقوني يا النتراويه اعمل ايه في العلبه والقطمه

[Ashraf_Ibrahim]

ألف ألف مبروك على حل المشكلة يا بشمهندس
وحمدا لله على السلامة
واهلا بيك في منتدى هيونداي
اما عن الاستيكر بقا فيرد عليك كريم فوزي هو معاه الاستيكارات :d

[enghany]

شكرا للمنتدي الجميل والحمد لله المشكله اتحلت يا جماعه بفضل الله ومساعدتكوا و طبعا م/هاني ...وانا مقدرتش استني للصبح انا لسه جاي من عنده و قولت لازم اقول شهاده حق في الانسان ده..وبشكر طبعا ا/اشرف ابراهيم اللي كان مهتم بموضوعي جدا وكلمني كمان عشان يطمن عليا عملت ايه وتاني مره بشكر م/هاني وطبعا ححكيلكوا ايه اللي حصل...انا خدت رقم م/هاني وكلمته انهارده الصبح وحكيتله المشكله بصراحه انسان محترم جدا وذوق جدا وتحس انه قلبه عليك مش زي الصنايعيه اللي تحس انهم عايزين يمصوا دمك ويدخلوك في متاهات وخلاص..
المهم اتفقت علي معاد معاه عشان يشوف العربيه وبعد الكشف الحمد لله طمنني ان القطمه سليمه والمشكله في العلبه والوصله بس وده طبعا بعد الكشف بس موضوع فك العلبه بياخد وقت شويه وقالي لو ممكن تسيب العربيه بس انا قولتله اني جاي من الهرم _علي فكره يا جماعه هو في جسر السويس ورا حديقه بدر) بس بصراحه يستاهل المشوار واكتر والراجل تفضل مشكورا وبدؤا شغل في السياره والموضوع خد حوالي من ساعتين ونصف لثلاث ساعات وهو تقريبا عمل رجلاش للعلبه وطلعنا نجرب العربيه بعد مهو جربها الاول والحمد لله صوت التخبيط راح وقالي ان العلبه شغاله بنسبه 65% وده حل لحد مربنا يكرم واغير العلبه والوصله والحمد لله احنا كنا فين وبقينا فين كفايه اني اطمنت علي القطمه ...
انا خلاص ان شاء الله حتابع صيانه العربيه معاه لانه انسان عنده ضمير و اسعاره ارخص بكتير من التوكيل مع انه نفس الكفاءه واحسن من ناحيه السعر والاهتمام وسيبك بقي يا معلم من شغل الاسطي بليه ...
انا بشكركم يا جماعه تاني وبشكر المنتدي الجميل ده وطبعا شكرا للمهندس هاني لانه فعلا يستحق الشكر...

بص يا ابو حميد
انا اللي متشكر لذوقك و ادبك و ابتسانتك الجميله و ياريت اشوفك من غير العربيه يا سيدي تعالي نشرب شاي سوا و يارب ماتكنش طماع و راسم علي بيبسي و اهلا وسهلا بحضرتك اخ و زميل فاضل

[enghany]

ألف ألف مبروك على حل المشكلة يا بشمهندس
وحمدا لله على السلامة
واهلا بيك في منتدى هيونداي
اما عن الاستيكر بقا فيرد عليك كريم فوزي هو معاه الاستيكارات :d

يا عم اشرف انا اللي قولت للراجل الطيب علي الاستيكر احنا بقا عايزين نسبه ولا هتشتغل ببلاش

[Kareem Fawzy]

الف مليون مبرووك حل مشكلتك
وهانى فعلاً راجل زى العسل
انا عربيتى محدش مد ايده فيها غيره
ومحدش هيمد ايده فيها غيره بعد كدة

وبخصوص استيكر المنتدى كلمنى فى اى وقت ونشوف مكان نتقابل فيه تاخد منى الاستيكرات
رقمى
01110247080
وياريت تستمر معانا فى القسم والمنتدى وتتابع معانا وياريت كمان تساعدنا فى تنسيق القسم زى ما بنحلم
نبقا اكبر ملتقى لهيونداى فى مصر
وكمان ياريت تنورنا فى عيد ميلاد المنتدى يوم 20 ابريل فى اسكندرية