حصري تقرير : شراء هونداي rb (أكسينت أو فيرنا الجديدة)

[me_medoo]

السلام عليكم ورحمت الله وبركاتو

انا بعد لف وتمحيص قررت أشتري هونداي أر بي ... طبعاً انا لغايت دلوقتي مش فاهم يعني ايه ار بي ... بس هيا هيا الفيرنا الجديدة او الهونداي أكسينت الجديدة حتى نفس الاحساس بس مطور شووية ... المهم رحت عند الطارق للعربيات في مول العرب ، بصيت على العربية وعجبتني وقلت خلينا نجيبها ونجربها ونشوف الكلام الحلو الي بنسمعوو عنها مزبوط ولا لأ وكل الناس قاعده تقول هونداي وهونداي وهونداي ... طبعاً انا كان زمان معايه ماتريكس 2006 بس طلقتها بعد ماجبت التويوتا اليارس طلقتها بالتلاته ...

المهم بعد ما حجزت النهردة رحت ادفع بقيت الفلوس هيا عاملة 103.000 جنية بس الراجل صعبة عليه فعملي خصم 250 جنية بعد ماقعدت افاصل معاه في سعرها ساعة ونص .

طبعاً لقيتو رمهالي بره ابن اللذينة
ماصدق انو خلص مني هههههههه

هنا بقة ... مسكتو أتخانقت معاه ... فييييييييييييين الاستيكر الابيض ، ده غشاء بكارة العربية ... هو ده الحاجة الوحيدة الي تدل ان العربية جديدة شلتوها ليه

قاعد يبرطم في شوية كلام ويقلي اصل دي سياسة شركة
ولازم نشيلو ونغسلها علشان يبان الخرابيش والخدوش
وهيخترع الاخ ... ووصلت اني كنت عاوز اقلو مليش دعوة
هتلي عربية تانية وخود ياعم ال 250 جنية التخفيض الي عملتهولي ... وهتلي عربية بكياسها وبورقتها ...

المهم الراجل الحقيقه هداني وجبلي حاجة سقعة سبوريت وقالي على فكرة انا نسيت اقولك يا عم الحج لمن تيجي تستلم اورقها
تعاله خود طقم دوسات هونداي الاصلية
فقلت لنفسي لا مدام فيها طقم دوسات خلاص حلال عليكم
الاستيكر الابيض ..

وده منظر التابلوة من جوة
شكلو شيك جداً وتصميم رائع والاضائة تحفة
بس عيبو المواد المستخدمة فية تعتبر أي كلام
نفس المادة البلاستيك بتاعت الفيرنا

تابع لسه بقيت الصورة وتجربت القيادة ..

[Medicalist]

بسم الله ماشاء الله ربنا يباركلك فيها يا باشا و كفايه صور خلى ربنا يسترها

[yoko]

مبروك يا كبير

[ashouhdy]

ماشاء الله ولا حول ولا قوة الا بالله

اكسى الدركسيون جلد تطريز باليد حيبقى تحفة

[Ashraf_Ibrahim]

ألف ألف ألف مبروك يا صديقي
والله يكرمك أجل الصور شوية عشان ربنا يسترها معاك
متبقاش مستعجل كدة
ربنا يباركلك فيها يا رب ويديلك خيرها ويكفيك شرها يا رب
نستناك كمان اسبوعين كدة بتقرير عن العربية مصور بقا :d

[Samir Elshahawy]

ألف مبروك و مرحبا بيك وسط اخوانك
و يشرفني أن أمنحك نجمة هيونداي لتنضم الي تحالف نجوم هيونداي
hyundai stars

[me_medoo]

نيجي بأه للتبالوة من جوة
هتلاحظو الكاسيت شبه العربية الشوفرلية الكروز
او البيكانتووو ... بس الي يغيظ ان مفيش حد فهمني عليه
خالص ولا بيشتغل منين ولا بيطفي منين حتى



شيك من جوة بس زي ماقلت الماتريل مش قد كده



أذكر الله
بسم الله مشاء الله



متورها لزيز
وهنيجي عن تجربة القيادة فيما بعد
صوتها بسم الله مشاء الله ناعم وغير مسموع
بس في المشكلة معيار احمر أنا أول مره أشوفو في أي عربية
حد يعرف بتاع أيه زي مقياس للزيت لونو أحمر كده ؟؟



ودي صورت جنوطها تقريبا 14
ومركبينها طيس أعتقد ان كوتشتها صغيرة عليها

[Donzi]

ما شاء الله ربنا يباركلك فيها

الف مبروك

[Ashraf_Ibrahim]

المعيار الاحمر دا مقياس زيت الفتيس يا عزيزي
بيكون موجود في العربيات الاوتوماتيك
مبروك عليك
ربنا يحفظهالك ويديلك خيرها يا رب ويحميك من شرها
أتمنى تتبع ارشادات التليين بكامل حذافيرها عشان العربية تبقا كويسة معاك لأطول فترة ممكنة ان شاء الله

[Samir Elshahawy]

بالنسبة للكاسيت هتلاقي كتالوج صغير له فيه شرح كامل عنه
اما لمقياس الزيت الاحمر فده خاص بزيت الاوتوماتيك ..... زي اللي كان عندك في الياريس

[Kareem Fawzy]

مبروووك عليك
وربنا يدييك خيرها ويكفيك شرها
وعايز اقول لحضرتك حاجة ان الاستيكر الابيض دة نقمه مش ميزة
لان اكم من عربيات صحابها اشتروها ورخصوها ولما جم يشيلوا الاستيكر اتفاجئوا ان فيه نقرات فى الكبوت والسقف
احمد ربنا على قد كدة
ومبرووك عليك الدواسات الجديدة :))
وعقبال لما تركبلها فرش من عند جينز كار

[Samir Elshahawy]

أتمنى تتبع ارشادات التليين بكامل حذافيرها عشان العربية تبقا كويسة معاك لأطول فترة ممكنة ان شاء الله

ده موضوع عن تليين العربية ممكن تقراه بالاضافة للتعليمات الموجودة في الكتالوج :
http://www.nilemotors.net/Nile/250241-a.html

[BUNSH]

بسم الله ماشاء الله ,,
وربنا يباركلك فيها يارب ويحفظها من كل عيييييييين ويديك خيرها ويكفيك شرها .

[me_medoo]

المهم البايخ بأه في الموضوع ... أنهم مكنوش حاطين أي نقططت بانزين فيهم مع اني دافع تيبس للواد الي غسلها وشال الاستيكر من عليها الاهي يكسر أيدو على شيل الاستيكر بتاعها الابيض دفعلو 100 جنية وسايبلي العربية على أخر شرطة وقاعده تنور وتطفي ... المهم رحت فولتها 40 لتر ... 92 بانزين ... كلفني حوالي 74 جنية وجنية تيبس للواد الي بيعبي ...

تجربة القيادة

نيجي بأه بأحساسي المبدئي وانا سايقها ... اول حاجة العربية بسم الله مشاء الله ملهاش صوت نهائي ، ناعمة هادية ... الدريكسيون ثقيل وناعم ومفيش رعشة فيه بسم الله مشاء الله .


بالتسبة للوسع هيا وسعهة من جوة وكرسي السائق فيه منفاخ .

بالنسبة للسحب سيئ ... متوقعتش يكون سحبها كده ابدا ً كنت فكرها اكمن هيا 1600 سي سي تبقى بتزحلق كده على الاسفلت وشكلها الانسيابي خدعني بتبقى عاوز تدوس بانزين علشان تجري كيك داون .. تحسها تقيلة جددددداً

كمان في صوت كده وانا راكبها سامع صوت الكوتش وصوت الاسفلت كدة بيحك في الارض ... وبالذات في العجل الي ورى ... فالسؤال هل هيا كده ... ولا ده عيب رمان بلي في العجل الي ورى .

كمان لاحظت ان القزاز بتعها جميل بينزل ويفتح بسرعة لكن ... تحسوو كده رفيع جداً مش تقيل ومحمل زي شبابيك التويوتا .
وأنشاء الله لمن أسوقها أكتر وأتعمق فيها هبتدي أفليها وأقولكم أيه عيوبها وأيه ممويزتها زي بقيت العربيات الي جربتها ...
وتحياتي ليكم جميعاً ..

http://www.nilemotors.net/Nile/264395-a.html
http://www.nilemotors.net/Nile/264452-a.html
http://www.nilemotors.net/Nile/275139-a.html
http://www.nilemotors.net/Nile/261575-a.html

[me_medoo]

بسم الله ماشاء الله ربنا يباركلك فيها يا باشا و كفايه صور خلى ربنا يسترها

حبيب قلبي تسلم واللهي كلك ذووق ... الساتر هو رب العالمين ... ما انا انشاء الله هئمن عليها لأن انتا عارف اي عربية جديدة كده او كده لازم تاخود العين ... هههههههههه
صحيح أدبحلها ولا ملهاش لازمة علشان الحمى القلاعية وكده .