توكيل ابو رواش ( ارجوكم القراءه للعظة )

[Elawany13]

ياساتر يارب ده ايه القرف ده
ده الميكانيكى اللى على الناصية والصبى بتاعه برقبتهم

[أشرف العدوي]

انا شغال في المنطقة دي و جني مخازن غبور
و الله العظيم و الله على ما أقوله شهيد

لو شوفتوا سواقين غبور الي بينقلوا العربيات بيسوقوها أزاي محدش هيركب هيونداي خالص

عارف طبعاً الشارع الي فيه التوكيل الشارع ده بيمشوا فيه مش اقل من 120 / 130 كم / ساعة
طريق المخزن عبارة عن مدق في الصحراء
نفس الكلام
طبعاً حرق على موتور لسة ما لينش ده غير التكييف الي شغال ده غير العفشة الي بتبوظ
و العميل يا عيني يشتري و ياحافظ و الار بي ام ما يعديش مش عارف كام
و هو لو عرف الي فيها و الله يروح يشتري مستعمل احسن

دي شهادة امام الله
و الله على ما اقوله شهيد

[assaf]

ربنا يصبرك انا دمي غلي لما قريت الموضوع
الله يكون في عونك

[Mohamed.Ramah]

مكان سىء جداا ومش حيتغير ابدا انا كاتب تجربة ويعتبر نفس الكلام مشابة للحصل مع حضرتك فى سيارة صديق لى العربية بتدخلهم سليمة بتطلع اسوا من الاول
كانها عملت حادثة جوة مش بتتصلح وتعليقا على موضوع سرقة اشياء من السيارة دة كان ناقص نفك الكراسى علشان نضمن انهم ميتاخدوش اية التهريج دة !!

[elsheikh2010]

والله العظيم أنا جالي إكتئاب صدقني مرة واحدة تعاملت م توكيل قليوب بس في وجود المهندس هاني ميخائيل بس كان في قمة الأدب ولأخلاق والمهنية برضه ولكن المهنس هاني خلي بينا ربنا يوفقه ... فعليك وعلى المركز بتاعه و هو بيجبلك قطع الغيار الأصلية وبسعر رائ وتقريباً إعلانه في موضوعه ... وإن شاء الله لما هاخرج بره الضمان عليه عدل .... المهم انا تعاملت مع توكيل الغردقة حاجة في منتهى الإحترام و الأدب .... ممكن يكون صنايعة على قدهم شوية بس أدبهم وصبرهم يشفع ليهم وديه كلمةحق أمام الله .... ربنا يكون في عونك

[fahd101]

يا اخوانى الافاضل طبعا الكل معاهم حق فى اللى بيتقال بس المشكلة انى مينفعش ازعق او اشتم او اعمل مشكلة لانى ببساطة الكثرة تغلب الشجاعه وهما الاغلبيه وبعدين هيطلعونى انا اللى غلطان وتعديت على الموظفين اثناء تأدية عملهم وجهاز حماية المستهلك اللى الاخوه الافاضل قالوا عليه مش هيعملى حاجة دلوقتى لسبب بسيط هيقولوا لى محدش ضربك على ايديك علشان تشتريها وبعدين الشكوى فى اول كام كيلو مش بعد 26 الف كيلو وبعدين هيتلككوا وهيقولك العربيه مستهلكة من اربع سنين لسه فاكر تشتكى ؟؟؟؟
بالنسبه لمشكلة ايه اللى خلانى اروح التوكيل انى للاسف كنت بدور على حد يكون مصدر ثقة وفاهم يعنى مش ميكانيكى يشتغلنى او يلعب فى حاجة هو مش فاهمها علشان كده قولت هما اكثر ناس فاهمين فيها وعندهم قطع الغيار المضمونه ويوم مايحصل حاجة فى العربيه نتيجه سوء قطعه الغيار او اى حاجة هيبقى سهل ترجع لهم لانهم هما اللى مركبينها لكن لو روحت لميكانيكى ورجعت ليهم هيقولوا اسفين انتا صلحتها بره والكلام ده وبالنسبه للمهندس هانى حضرتك انا اشتكيت للمهندس احمد فريد واظن حضرتك عارفه وطبعا قالى العربيه عايزة كذا وكذا ولازم يتغيروا وقالوا روح للمهندسة اللى فى المكتب رقم 7 وطبعا اكبد حضرتك عارف طريقتها فى الكلام ازاى وبرضه فى واحده زيها شايفه نفسها برضة ودى اللى كلمت الراجل الكبير بكل قله ذوق برغم سنه وحضرتك انا فى قليوب كانوا بيعملوا لى الصيانه العادية واقولهم العربيه مش مظبوطة ويقولوا لى كله تمام وظبطناها وطبعا بمشى شوية والاقى كان شيئا لم يكن ولما ارجع اشتكى تانى فى الصيانه اللى بعد كده يوقولوا لى من عينينا حاضر ونفس السياريو لدرجه انى تصورت انى انا اللى بيتهيالى مشاكل العربيه وان الموضوع بقى هاجس عندى لكن ابو رواش الموضوع خلانى اتأكد ان شكوكى فى محلها وده لسبب بسيط ان السيد احمد فريد لما بقوله ليه العربيه مش بتسحب كويس قالى طقم الكاتينه يتغير بسرعه انت ازاى مغيرتوش بقالك كل المده دى من ساعة الشراء ده المفروض انى اغيره بعد 3 سنين قلت له ليه مقالوش الكلام ده فى صيانه 20 الف او 25 الف سكت وقالى انا ماليش دعوه بتوكيل قليوب هنا الناس متخصصه واحسن بكثير هما شغالين بفكرهم هناك واحنا شغالين باسس فنيه هنا المهم قلت له ولما كنتوا مستنيين الضمان لما يخلص علشان كل المشاكل دى تطلع لى مره واحده وفى يوم واحد !!!!!!!!!!!!!!!!!!!!!!!! سكت ومردش وقالى الباشمهندسة الفلانيه مع حضرتك وهى هتعمل اللازم وطبعا كان سوء اختيار رهيب وطبعا عده محاولات لسحب العربيه لما التكلفه ضربت فى العالى ولكن دون جدوى وبعدين ياباشمهندس هانى انا مشفتش حضرتك اصلا الوحيد اللى كان موجود هو احمد وبسيب العملاء تتخانق ويقف يهزر مع البنات ؟؟؟ وطبعا اللى قاللى على التصليح بره ده واحد معرفتى ومش هقدر اقول على اسمه علشان المشاكل بس كفايه انه اقسم لى على التكلفه دى ومدى الفرق اللى التوكيل بياخذة كمصنعيات وبالنسبه للعربيه طبعا هى دلوقتى 1300 سى سى من غير التكييف وبالتكييف لو لوحدى مش محمل بيتقى
المهم انا مش بتكلم واقول على اللى حصل علشان حضرتك تطيب خاطرى ويتقال لى اتفضل واحنا هنعمل الللازم وهنرضيك انا بتكلم تنفيس عن غضبى وحرقه دمى ولن اتنازل عن شكوى للشركة الام وطبعا المشكلة مش ف800 سى سى فلكوا ان تتخيلوا مدى ماساتى ده غير البواقى التانيه
الشكوى لكن الفكره فى ان التوكيل هيتربى بعد كده لما يحصل حوار مع الشركة الام ويعرفوا هما سايبين التوكيل فى الشرف الاوسط لنوعيه ناس شكلها ايه

[BUNSH]

ودة العاااااااااااااااااادى من هبوووووووور !
هووة علشااااااان حضرتك محترم وملكش فى زعيييييق وكلام دة فبالتاااااالى هما جم عليك ,, أنا كاااان حصل موقف مشااااابة لحضرتك بس قووومت بالواااجب وزياااااااادة معااااهم ودخلت شماااال فيهم وفضلت لازق فى قفاااااااا فنى ومسبتيش عربية الا لما خلصوووها واستلمتهااا .. بجد طووول مااااااااحنا كل واحد فينا فى وادى مش هنعرف نااخد حق ولا بااااااااطل منووو ,, لازم نعمل جروووووووب جاااامد هنا ونظبط نفسنااااااا ونبدأ نتكلم معااااااهم بهدوة مرة ولو مفيش نتيجة نطينهااااااا عليهم وعلى دماااااااااغهم كلهم بمااااا فيها (هبوووووور) ,,

من غير ما تزعل المنى
الغلط من عند حضرتك
لان فى المواقف اللى زى دى قلة الادب وعدم التربية والشتايم وسبهم هما واللى مشغلنهم الحل الوحيد
متسبش حقك وارجعلهم وافضحهم ومتعملش حاجة غير انك تقعد تزعق وتشتم التخين فيهم
دة توكيل عره
والمرة اللى جاية نصيحة ليك روح اى مركز معتمد او مركز سبيد بتاع البشمهندس هانى ميخائيل
بره فى اعلان عنه راجل فاهم وشاطر وعارف شغله

مشتمتهمش ليه و طلع تيت ام الجبوهم
خبطو العربيه و سكت و ربنا دنتا كنت ولعتلهم فى التوكيل
يحرقك يا غبور انتا و المشغلهم

[elsheikh2010]

يا جماعة فككم من حوار الشركة الأم ده لأنها لو كانت عايزة تعمل حاجة كانت عملتها من زمان هو انتم فاكرين غبور كان كويس زمان ودلوقتي بقى وحش طول عمره وحش وطول الوقت شكاوى رايحة جاية اكيد الشركة الأم راضية كل الرضا عن غبوووووووووور ولو اتشنقنا مش هايسألوا عنا .....
الحل إذن زي ما أخواتي قالوا نعمل بلبلة قدام التوكيل وكام يافطة وكاميرات تصور وجرايد تكتب وده هاتكون أول مرة ناس تعمل مظاهرة عشان توكيل مش عاجبهم وكل الكلام ده من غير عنف وصدقوني شوفوا النتيجة .

[Inteltech]

انا شغال في المنطقة دي و جني مخازن غبور
و الله العظيم و الله على ما أقوله شهيد

لو شوفتوا سواقين غبور الي بينقلوا العربيات بيسوقوها أزاي محدش هيركب هيونداي خالص

عارف طبعاً الشارع الي فيه التوكيل الشارع ده بيمشوا فيه مش اقل من 120 / 130 كم / ساعة
طريق المخزن عبارة عن مدق في الصحراء
نفس الكلام
طبعاً حرق على موتور لسة ما لينش ده غير التكييف الي شغال ده غير العفشة الي بتبوظ
و العميل يا عيني يشتري و ياحافظ و الار بي ام ما يعديش مش عارف كام
و هو لو عرف الي فيها و الله يروح يشتري مستعمل احسن

دي شهادة امام الله
و الله على ما اقوله شهيد

اه ده الكلام اللي يخوف بصراحة يعني بعد كلام حضرتك الواحد بقى يفكر لما يجيب يشتري خليجي وخلاص بس عندي كم سؤال للاخوة المختصين كمان
هو الكلام ده اللي بيحصل وبيقوله الاخ ممكن يأثر على الموتور ؟؟ ولا علشان المسافة مش كثيرة مش تأثير كبير؟؟ الحاجة التانية هو انا مش ممكن اجيب عربية ماشية زيرو كيلو متر حتى لو هنقلها بمعرفتي ؟؟ الحاجة الثالثة بقى لو هي خليجي مش برضو هتحتاج تعمل الصيانة بالتوكيل ده كمان وبرضو نفس المشكلة ؟؟؟ ولو طلع بالخليجي مشكلة عيب تصنيع ايه الحل بيكون ؟؟ وشكرا مقدما

[Inteltech]

يا جماعة فككم من حوار الشركة الأم ده لأنها لو كانت عايزة تعمل حاجة كانت عملتها من زمان هو انتم فاكرين غبور كان كويس زمان ودلوقتي بقى وحش طول عمره وحش وطول الوقت شكاوى رايحة جاية اكيد الشركة الأم راضية كل الرضا عن غبوووووووووور ولو اتشنقنا مش هايسألوا عنا .....
الحل إذن زي ما أخواتي قالوا نعمل بلبلة قدام التوكيل وكام يافطة وكاميرات تصور وجرايد تكتب وده هاتكون أول مرة ناس تعمل مظاهرة عشان توكيل مش عاجبهم وكل الكلام ده من غير عنف وصدقوني شوفوا النتيجة .

كلام سليم تمام اتفق معاك بس انا لسه مجبتش هيونداي بس ناوي ، واضيف على كلام حضرتك ان الشركات الكورية كمان يظهر انها بتهتم بالموزع اكثر من العميل مع ان العميل الاساس او يمكن لان مفيش اعلام بدا يتحرك ويبين للشركات دي ان في تهديد ان مبيعاتها تقف في اكبر سوق بالشرق الاوسط وهو مصر ولو حسوا بكده مليون بالمية كل السياسة هتتبدل وهنترحم من قرف غبور ومن العربيات اللي بتنزلنا بنص مواصفات بسعر 3 عربيات فول اوبشن برة وشكرا

[Samir Elshahawy]

أعمل شكوي في جهاز حماية المستهلك

[أشرف العدوي]

اه ده الكلام اللي يخوف بصراحة يعني بعد كلام حضرتك الواحد بقى يفكر لما يجيب يشتري خليجي وخلاص بس عندي كم سؤال للاخوة المختصين كمان
هو الكلام ده اللي بيحصل وبيقوله الاخ ممكن يأثر على الموتور ؟؟ ولا علشان المسافة مش كثيرة مش تأثير كبير؟؟ الحاجة التانية هو انا مش ممكن اجيب عربية ماشية زيرو كيلو متر حتى لو هنقلها بمعرفتي ؟؟ الحاجة الثالثة بقى لو هي خليجي مش برضو هتحتاج تعمل الصيانة بالتوكيل ده كمان وبرضو نفس المشكلة ؟؟؟ ولو طلع بالخليجي مشكلة عيب تصنيع ايه الحل بيكون ؟؟ وشكرا مقدما

هي المسافات مش قصيرة لانها بتتنقل من كذا مخزن في المنطقة
و علشان كدة ساعات بتشتري عربية زيرو و تفاجأ اناها عايزة طقم دبرياج ( كان في اخ معانا هنا كان عنده المشكله دي )
و ممكن تلاقي في مساعد ضارب كدة يعني
السواقين فعلاُ بيمشوا بغشومية رهيبة حتى انا بستغرب ازواي يمشي بالسرعة دي بعربية زيرو
هو مش خايف مثلاً تتخبط منه او تتقلب حتى
مهما حكيت مش حقدر انقلك الواقع
بس لو قدرت اصور مرة ان شاء الله اصور و ارفع الفيديو هنا
رغم كرهي الشديد و المعروف لمنصور و لكن السواقين الي بينقلوا عربياته أحسن من بتوع غبور بمراحل و كمان المخزن بتاعه قدام القرية الذكية على طول في حتة نظيفة و متسفلته كويس

[BUNSH]

انا شغال في المنطقة دي و جني مخازن غبور
و الله العظيم و الله على ما أقوله شهيد

لو شوفتوا سواقين غبور الي بينقلوا العربيات بيسوقوها أزاي محدش هيركب هيونداي خالص

عارف طبعاً الشارع الي فيه التوكيل الشارع ده بيمشوا فيه مش اقل من 120 / 130 كم / ساعة
طريق المخزن عبارة عن مدق في الصحراء
نفس الكلام
طبعاً حرق على موتور لسة ما لينش ده غير التكييف الي شغال ده غير العفشة الي بتبوظ
و العميل يا عيني يشتري و ياحافظ و الار بي ام ما يعديش مش عارف كام
و هو لو عرف الي فيها و الله يروح يشتري مستعمل احسن

دي شهادة امام الله
و الله على ما اقوله شهيد

هي المسافات مش قصيرة لانها بتتنقل من كذا مخزن في المنطقة
و علشان كدة ساعات بتشتري عربية زيرو و تفاجأ اناها عايزة طقم دبرياج ( كان في اخ معانا هنا كان عنده المشكله دي )
و ممكن تلاقي في مساعد ضارب كدة يعني
السواقين فعلاُ بيمشوا بغشومية رهيبة حتى انا بستغرب ازواي يمشي بالسرعة دي بعربية زيرو
هو مش خايف مثلاً تتخبط منه او تتقلب حتى
مهما حكيت مش حقدر انقلك الواقع
بس لو قدرت اصور مرة ان شاء الله اصور و ارفع الفيديو هنا
رغم كرهي الشديد و المعروف لمنصور و لكن السواقين الي بينقلوا عربياته أحسن من بتوع غبور بمراحل و كمان المخزن بتاعه قدام القرية الذكية على طول في حتة نظيفة و متسفلته كويس

والله لو حضرتك قدرت تصورلنا كلام دة ! يبقى كتر خيرك وجزاك الله كل خير ..
علشاااااااان تبقى فضاااااايح بجلاجل

[enghany]

يا اخوانى الافاضل طبعا الكل معاهم حق فى اللى بيتقال بس المشكلة انى مينفعش ازعق او اشتم او اعمل مشكلة لانى ببساطة الكثرة تغلب الشجاعه وهما الاغلبيه وبعدين هيطلعونى انا اللى غلطان وتعديت على الموظفين اثناء تأدية عملهم وجهاز حماية المستهلك اللى الاخوه الافاضل قالوا عليه مش هيعملى حاجة دلوقتى لسبب بسيط هيقولوا لى محدش ضربك على ايديك علشان تشتريها وبعدين الشكوى فى اول كام كيلو مش بعد 26 الف كيلو وبعدين هيتلككوا وهيقولك العربيه مستهلكة من اربع سنين لسه فاكر تشتكى ؟؟؟؟
بالنسبه لمشكلة ايه اللى خلانى اروح التوكيل انى للاسف كنت بدور على حد يكون مصدر ثقة وفاهم يعنى مش ميكانيكى يشتغلنى او يلعب فى حاجة هو مش فاهمها علشان كده قولت هما اكثر ناس فاهمين فيها وعندهم قطع الغيار المضمونه ويوم مايحصل حاجة فى العربيه نتيجه سوء قطعه الغيار او اى حاجة هيبقى سهل ترجع لهم لانهم هما اللى مركبينها لكن لو روحت لميكانيكى ورجعت ليهم هيقولوا اسفين انتا صلحتها بره والكلام ده وبالنسبه للمهندس هانى حضرتك انا اشتكيت للمهندس احمد فريد واظن حضرتك عارفه وطبعا قالى العربيه عايزة كذا وكذا ولازم يتغيروا وقالوا روح للمهندسة اللى فى المكتب رقم 7 وطبعا اكبد حضرتك عارف طريقتها فى الكلام ازاى وبرضه فى واحده زيها شايفه نفسها برضة ودى اللى كلمت الراجل الكبير بكل قله ذوق برغم سنه وحضرتك انا فى قليوب كانوا بيعملوا لى الصيانه العادية واقولهم العربيه مش مظبوطة ويقولوا لى كله تمام وظبطناها وطبعا بمشى شوية والاقى كان شيئا لم يكن ولما ارجع اشتكى تانى فى الصيانه اللى بعد كده يوقولوا لى من عينينا حاضر ونفس السياريو لدرجه انى تصورت انى انا اللى بيتهيالى مشاكل العربيه وان الموضوع بقى هاجس عندى لكن ابو رواش الموضوع خلانى اتأكد ان شكوكى فى محلها وده لسبب بسيط ان السيد احمد فريد لما بقوله ليه العربيه مش بتسحب كويس قالى طقم الكاتينه يتغير بسرعه انت ازاى مغيرتوش بقالك كل المده دى من ساعة الشراء ده المفروض انى اغيره بعد 3 سنين قلت له ليه مقالوش الكلام ده فى صيانه 20 الف او 25 الف سكت وقالى انا ماليش دعوه بتوكيل قليوب هنا الناس متخصصه واحسن بكثير هما شغالين بفكرهم هناك واحنا شغالين باسس فنيه هنا المهم قلت له ولما كنتوا مستنيين الضمان لما يخلص علشان كل المشاكل دى تطلع لى مره واحده وفى يوم واحد !!!!!!!!!!!!!!!!!!!!!!!! سكت ومردش وقالى الباشمهندسة الفلانيه مع حضرتك وهى هتعمل اللازم وطبعا كان سوء اختيار رهيب وطبعا عده محاولات لسحب العربيه لما التكلفه ضربت فى العالى ولكن دون جدوى وبعدين ياباشمهندس هانى انا مشفتش حضرتك اصلا الوحيد اللى كان موجود هو احمد وبسيب العملاء تتخانق ويقف يهزر مع البنات ؟؟؟ وطبعا اللى قاللى على التصليح بره ده واحد معرفتى ومش هقدر اقول على اسمه علشان المشاكل بس كفايه انه اقسم لى على التكلفه دى ومدى الفرق اللى التوكيل بياخذة كمصنعيات وبالنسبه للعربيه طبعا هى دلوقتى 1300 سى سى من غير التكييف وبالتكييف لو لوحدى مش محمل بيتقى
المهم انا مش بتكلم واقول على اللى حصل علشان حضرتك تطيب خاطرى ويتقال لى اتفضل واحنا هنعمل الللازم وهنرضيك انا بتكلم تنفيس عن غضبى وحرقه دمى ولن اتنازل عن شكوى للشركة الام وطبعا المشكلة مش ف800 سى سى فلكوا ان تتخيلوا مدى ماساتى ده غير البواقى التانيه
الشكوى لكن الفكره فى ان التوكيل هيتربى بعد كده لما يحصل حوار مع الشركة الام ويعرفوا هما سايبين التوكيل فى الشرف الاوسط لنوعيه ناس شكلها ايه

اخي المحترم جدا جدا
بص اولا حاليا انا مش في التوكيل لكن كل واحد منهم الي في التوكيل عارف طريقته و اسلوبه وماتقوليش علي احمد فريد فهو مالوش لزمه في اي حاجه و ياريت الناس اللي بتقرا الموضوع ماتقولش ان هاني مايصحش يقول كده بس و اللهي هي دي الحقيقه لان اسلوبه في حل المشاكل معروف لينا كمهندسين جميعا و هي انه يرمي المشكله علي مهندس الاستقبال و يطلع هو فان لو ينفع علي الورشه المهم يطلع منها هو و لذلك لم نكن نلتجاا له في شيءو زي ما قلت لك في مدير اكبر المهم ان حضرتك ماكنتش تستلم العربيه او تستسلم كده بدون مقاومه و علشان كده هما عملوا اللي عايزينه و بعدين لكل واحد بيقول التوكيل كذا و كذا طاب ايه الي جايبك لما انت عارف كده اما موضوع الشركه الام سيتم تحويل الخطاب الي المكتب الاقليمي لهيونداي منه الي التوكيل انت عايز نصيحتي بجد اطلع قابل رؤوف غبور و شوف التوكيل هيتقلب علي الموضوع ده و بعدين هما بيقولولك انهم متخصيين و قليوب زباله هما يتحاكموا علي الكلمه دي لان الواحد خدم هنا و هنا بالعكس تماما قليوب الاقدم والاصل و الصنايعيه القدام ذوي الخبره و برده هي بتقولك التكلفه قبل الاصلاح ليه و افقت و برده العربيه اتصلحت ولسه فيها مشكله و انت تعرف احمد فريد قالك الكاتينه هي الكاتينه بتاثر علي السحب ؟؟ جديده دي بس هو قالك كده علشان الفاتوره تقبل تحياتي

[fahd101]

اخى المهندس هانى والاخوة الافاضل شكرا لرد حضراتكم ومشاركتكم للموضوع
بس طبعا المشكلة انى لىسف مش لاقى حد كبير ومحترم ممكن الواحد يكلمة هناك علشان كده انا قلت كلهم انيل من بعض وللاسف اللى هبط معنوياتى كمان ان الناس اللى اتسرقت مشيت ومحدش رضى يعمل مشكلة كل واحد قعد يزعق بصوت عالى وخلاص ولما الناس كانت بتخرج بره كنت بحاول اشوفهم يمكن يوقفوا واتكلم معاهم بس الغضب كان بيسيطر عليهم وبيخليهم يركبوا العربيه ويطلعوا ازح
المهم ان الناس مش بتتعظ وللاسف الكل بيروح على العربيات الزباله دى للاسف الشديد لانهم عرفوا ازاى يتحكموا فى الناس ويخلوهم يشتروا العربيات الهيونداى لان سعرها رخيص بالمقارنه بالعربيات التانيه
بس خلاص لازم ناخذ حقنا من الناس دى ونشوف حل وكفايه ضحك علينا لحد كده