توكيل ابو رواش ( ارجوكم القراءه للعظة )

[Samir Elshahawy]

ده موضوع فيه دعوة للتجمع كملاك هيونداي كي نتخذ موقفا موحدا تجاه التوكيل

http://www.nilemotors.net/Nile/282674-a.html

[mhDeeb]

طيب اية الحل يا جماعة وهل هم وصولوا لكدة علشان مفيش ادارة جيدة لديهم
ام لانهم لديهم اكبر نسبة مبيعات في مصر وبيتحكموا في البشر
حسبى الله ونعم الوكيل

[alaa1968]

عندى كذلك تجارب مش كويسة مع غبور قليوب كل مرة :
مع الفيرنا :
اتغير الأريال بتاعهاا لجديد باريال مكسور
دخلت بيها الأكسصدام سليم طلع مخدوش خدش جامد من اليمن
كان عندى مشكلةتسريب بطبة الزيت بالرغم انلا لا اغير الزيت الا فى الصيانة - وقالوالى ها تغير الكارتيرة ساعتها كان ب600 جنية ووافقت لكن لطعونى 6 ساعات وبعد الزعيق والصوت العالى والتهزيق ليهم تم تنشيط الطبة بدون تغيير الكارتيرة
ومع الألنترا :
-اشتريت علامات للسيارة بدل اللى اتسرقوا فضلت رايح جاى ما بين المخزن والخزنة اكثر من 5 مرات وفى الأخر - استلمت العلامات مش اللى انا عايزها - ثم علشان يتعدل الوردؤ لفيت 3 مرات تانى وفى الأخر سبيت ليهم و رجعت القلوس ورميت فى وشهم علامتهم الى مش الى انا عايزها
-دفعت يكاليف الصيانة بالفيزا لقيت الموظف شد الكارت على الماكينة 3 مرات واكتشفت انى دفعت 3 مرات بسبب ان الماكينة متركب فيها الورق مقلوب و مبتلعش ايصال - عملت مشكلة واسترديت فلوسى بعد شهرين و 3 زيارات لغبور

[fahd101]

ياطولة بالك يا استاذ علاء ده انت صبووووووووووووووووووووووووور اوى على كل البهدلة دى
انا بصراحة عمرى ماشفت توكيل بيسترخسوا فى الصنايعيه بتوعهم وبيوفورا فى تكاليف الانتاج علشان يهبروا فى الصيانه يعنى لو عربيه زى الفيرنا دى كانت متقفله كويس بما يرضى الله زى العربيات المستورده واللى كان معايا واحدة منها وكانت هيونداى اكسيل تقفيل كورى بالكامل موديل 95 بصراحة عربيه ولا اروع من حيث التكييف اللى بتشغله بالضبط ربع ساعه والعربيه بتبقى ثلج حتى لو فى عز الشمس وتقفل التكييف وتفضل العربيه سقعه لمدة ساعه على الاقل المهم نصيبنا ورضينا به .