تجربتي مع النترا 2012 سيئه

[Inteltech]

اشكرك على سرعة الرد وعلى المعلومات القيمة ولكن حضرتك مجاوبتنيش على اهم سؤال بالنسبة لي لو امكن الخاص بنظام التعليق في الموديل الحالي وتخلي هيونداي عن النظام السابق وايهما افضل ؟؟؟

[OMARION88]

ركبت عربيات كتير تانيه مش بحس بالحركه اللى وره ديه

[Samir Elshahawy]

انا كنت راكب هيونداي اكسنت 2000 انا كل مشكلتي بحس عربيه بتتحرك من ورا في حفر و النقر و مشكلتي تانيه صوت الاطار عالي

هيا فعلا دي حقيقة مش مشكلة في عربيتك أنت بس
و ما أقدرش أقول أن ده عيب في التصميم و لكن قد يكون فعلا حسب أستنتاجي و بناء علي تجربة و مشاهدة عملية ميزة و ليس عيب زي ماشرحت في مشاركات سابقة بموضوعك هذا

[yoko]

الكلام ده في أي عربية جايز
لكن العربيات اللي بتيجي من عند عمو غبور الامور اللي أي حاجة من وشه تغور
ما أظنش أنهم بيزودوا ضغط الكاوتش
دول بيقللوا الاوبشن ياراجل تفتكر هايزودوا الهوا
كويس أوي أن فيها 4 فرد كاوتش :copy of m-s5:

لأ ده إجراء بيتعمل في الميناء في كوريا عشان لما العربيه تيجي هنا ميكونش الكاوتش ريح وتعذبهم عشان ينزلوها من السفينه (كل الشركات بتعمل كده وبتنصح لو العربيه هتتركن شهر او أكتر يتزود الكاوتش 0.5 بار)

[OMARION88]

طيب فب اي حل لتزويد stability ...وبعدين حركه ورا دي بتجيب توتر هل لو ركبت جنوط ده حل

[Samir Elshahawy]

اشكرك على سرعة الرد وعلى المعلومات القيمة ولكن حضرتك مجاوبتنيش على اهم سؤال بالنسبة لي لو امكن الخاص بنظام التعليق في الموديل الحالي وتخلي هيونداي عن النظام السابق وايهما افضل ؟؟؟

انا أجبت بالفعل في مشاركتي الاولي و قولت أن أحتمال ده يكون علشان تحسين ثبات العربية
و هأقولك علي دليل تاني عملي :

أمبارح كنت راجع من أسكندرية بالليل و طبعا فيه كام تحويلة رخمة علي الطريق منهم تحديدا تحويلتين طوال جدا و الطريق فيهم واسع و لكن يعيبه الملفات الكتير و بدون اي علامات توضح الملفات دي

الحمد لله انا حافظ التحويلات دي و كمان الجي بي أس بيوضح لي مسار الطريق علشان كده كنت داخل التحويلة علي سرعة 140 كم/ساعة و صادقت أني تخطيت ألنترا الشكل القديم
بعد ماتخطيته أكتشفت أنه كان خايف من الملفات و عدم وضوح الطريق لنه علي طول جري ورايا و طفي الانوار بتاعته علشان أكون دليل له

لاحظت الاتي :
- في الملفات الحادة و المفاجئة أنا كان عندي الامكانية أني أخد الملف علي سرعة 140 كم/ساعة
بينما هو لأ كان بيتطر أنه يهدي و بالتالي المسافة بيننا كانت بتزيد جامد
- في أحد الملفات كان هو جنبي علي اليمين و الطريق كان بيلف لليمين انا اخدت الملف بنفس سرعتي 120 كم/ساعة في نفس الحارة بينما هو لما حاول يعمل كده العربية أنحرفت منه للحارة التانية جهة اليمين لأن الفرق بيننا زاد فاضطر أنه يهدي سرعته

ده الفرق علي ما اعتقد في نظام التعليق بين السيارتين مع الفرض بأن أنا و هو لنا نفس القدرة علي التحكم في سيارتينا يعني هأحاول أثبت عنصر قائد السيارة

ارجو اني أكون قدرت أوضح لك وجهة نظري أو استنتاجي عن سبب لجوء هيونداي لتغيير نظام التعليق الخلفي للألنترا

[yoko]

[Samir Elshahawy]

طيب فب اي حل لتزويد stability ...وبعدين حركه ورا دي بتجيب توتر هل لو ركبت جنوط ده حل

الجنوط مالهاش علاقة بالحركة دي
و ثبات العربية مش سئ بالعكس

أنت بس مش متعود عليها بالاضافة أن فيه فرق تاني مهم جدا هو نظام التوجيه في الالنترا كهرباء لذا فهو خفيف جدا

انت هاتتعود عليها بس نصيحتي بلاش جري و سرعات عالية قبل ماتتعود علي العربية و يكون عندك الثقة في قدرتك علي التحكم فيها

[Samir Elshahawy]

تمام ياباشا , أنا مصدقك و الله
بس بأتريق علي عمنا الامور اللي الهيونداي من وشه تغور

[yoko]

ما هما عشان أمامير أكيد مش هيظبطوا الكاوتش
وأنا حطيتها للإفاده عموما
ومجتش على الجنيه ويتأكد من الكاوتش

[Samir Elshahawy]

ما هما عشان أمامير أكيد مش هيظبطوا الكاوتش
وأنا حطيتها للإفاده عموما
ومجتش على الجنيه ويتأكد من الكاوتش

و الله انا عن نفسي باعمل كده
اول ما بأستلم أي عربية باجري علي بتاع الكوتش و علي طول أغيره بنتروجين و أظبط ضغطه و أتأكد من رباط المسامير

دي أهم حاجة بتربط العربية بالارض ..... أه العمر مش بعزقة يا صديقي
:b4_048:

[hossam_elwani]

ياجماعه صاحب الموضوع عضو جديد وكتب كلام نقدى لتحقير العربيه وخلاص ده ضرب تحت الحزام فى اكبر منتدى مصرى للسيارات فاهمين طبعا هههههه

[OMARION88]

والله ابدن فعلن لسه جايبها و حاسس المشكله ديه

[mohamedkordy]

ياجماعه صاحب الموضوع عضو جديد وكتب كلام نقدى لتحقير العربيه وخلاص ده ضرب تحت الحزام فى اكبر منتدى مصرى للسيارات فاهمين طبعا هههههه

والنبى بقا احنا تعبنا من نظريه المواءمره ديه بقا ارحمونا وافترضوا حسن النيه

[mody3on]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دي العربيات اللي هو كاتبهم في الاكاونت بتاعه :)