هل أنت راضي عن أداء عربيتك الألنترا 2012 الجديدة

[AshTurbo]

[frame="9 80"]





أعزائي ملاك الهيونداي ألنترا الجديدة أزيكم يارب تكونوا بخير وبصحة جيدة ياريت نعرف رأيكم كملاك للعربية بشكل عام كأداء وراحة وثبات على الطريق علشان كلنا نستفيد وكمان علشان اللي بيفكر يشتريها يقدر يكون فكرة كويسة عنها وياريت كمان تقولوا أيه ملاحظاتكم عن العربية وأيه اللي بتتمنوا تلاقوه فيها في الموديلات الجديدة .



[/frame]

[AshTurbo]

بالنسبة لي أنا راضي عن السيارة وده علشان هي صفقة رابحة مقارنة بباقي السيارات في مصر ولكن أنا غير راض عن التوكيل ودي حاجة ملهاش علاقة بالعربية مع أنه يعتبر توكيل كويس مقارنة بباقي التوكيلات المصرية السيئة وهأوضح رأي في العربية على شكل نقاط :


- بالنسبة للمساحة الداخلية فهي أكبر مساحة داخلية في فئتها من حيث أماكن الجلوس الخلفية - كرسي السائق وطبعاً مساحة شنطة السيارة واسعة لدرجة أني بضطر أرمي نفسي جوا علشان أوصل لملمع الجلد في آخر الشنطة .

- بالنسبة للشكل الخارجي نقطة محسومة العربية حققتلي معادلة صعبة عربية عائلية بشكل الكوبية الرياضية أفتكر أول ما نزلت كنت أقف قدام معرض العربيات وأبصلها مذهول والله وكنت أقف أكلمها وأقولها يخربيت عقلك أيه الجمال ده هههههه .

- بالنسبة للتسارع بصراحة فوق الممتاز ومش عاوز تسارع أكتر من كدة بصراحة وأنا سواقتي كلها رياضية وفيها تسارع وشد وتسقيط نقل ومش تحيز للعربية لأن سوقت عربيات كتير وعمر مالواحد هيفضل معاه عربية واحدة بس بأمانة العربية دي موتورها صاحي ومتجاوب بشكل كبير .

- بالنسبة للفتيس هاديء ومريح وسريع الأستجابة .

- بالنسبة لعزل العربية فأنا راضي عنه تماماً مقارنة بالكورولا والمازدا الجداد يعني كلهم متقاربين في المستوى .

- بالنسبة لأستهلاك البنزين مش هأقدر أكون حيادي وموضعي في النقطة دي لأن نادراً لما بشوف لمبة الأيكو شغالة وبالتالي علشان سواقتي كلها سريعة مش هأتكلم عن تجربتي مع أستهلاك البنزين .

- بالنسبة لشكل التابلوه شايف أنه كويس جداً وشيك جداً يعيبه نقطتين الأولى هي البلاستيك المستخدم بكثره والثانية هي فتحات التكييف في منتصف التابلوه مفروض يظبطوا مكانها أفضل وده اللي حصل مع النسخة الصينية للألنترا 2013 وده متوقع يعتمدوه في كل العربيات الألنترا في العالم مش الصين بس .

ده الشكل الحالي

وده الشكل الجديد للتابلوه في النسخة الصينية

[john55]

ايه رايك في خامه دهان الالنترا انا بصراحه معايا اكسنت ار بي حاسس ان طبقه الدهان خفيفه واي حاجه لو بسيطه بتحك فيها بتعلم عليها بخطوط بيضاء خفيفه وشكرا

[AshTurbo]

ايه رايك في خامه دهان الالنترا انا بصراحه معايا اكسنت ار بي حاسس ان طبقه الدهان خفيفه واي حاجه لو بسيطه بتحك فيها بتعلم عليها بخطوط بيضاء خفيفه وشكرا

دهان الألنترا قوي وصعب يطلع هو ممكن يتخربش زي ما بتقول لكن يطلع صعب لازم خبطة جامدة .

[BUNSH]

حمدلله راااضى ومقتنع جداا بيها ...
بس موضوع معمول (لملاك النترا) ومرة وااحدة بقدرة قااادر اتقلب وبقة مقارنة بينة وبين المانى ويابانى وهندوووسى !!!! ياااريت مشاركات اللى خارج موضوع يتعملها فلترة !



انا مش من ملاك العربيه بس لو تسمحلي اقول رأي لانها مع واحد صاحبي وسوقتها كتير
طالما مش من ملاكها و قيادتك لها محدودة مش هاتقدر تقييمها مظبوط , لازم علشان تقييم اي عربية و تصدر حكم نهائي تسوقها مسافة كبيرة أو وقت طويل طبعا حكمك عليها مش زي واحد عامل بيها 20000 كم

اول مره سوقتها كانت لسه عامله 300 كيلو
العربية قبل ال 1000 كم الاولي أدائها بيختلف و بعد ال 10000 كم بيختلف تماما

طبعا كنت موهوم بشكلها بس لما اعدت جواها وانا سايقها لقيت خامه الطابلوه سيئه جدا وفرش الصالون والابواب خفيف
الصاج خفيف بالمقارنة بأيه مثلا ؟؟ و لا حضرتك قدرت تقيس سمك الصاج علشان تعرف أنه خفيف

ولما سوقتها بقي عجبني بصراحه طالعه العربيه .. اكيد عشان زيرو بردو ف كل حاجه تمام والطلعه كانت كويسه

من طلعتها حسيت انها هتجيب ال 100 بسرعه ..بس خادت وقت
الفتيس 6 نقلات لو أنت سواقتك هادية فطبيعي انها تأخد وقت ده لو أنت بتقارنها بمانيوال مثلا أو عربية أوتو 4 سرعات

ولما جريت بيها لقيتها خفيفه جداااااااا علي الطريق والباور خفيف اوي حسيت ان العربيه مافيش ثبات خالص واصغر ظلطه في الارض بتخلي الدريكسون يلعب
دي مسالة تعود علي الباور الكهرباء مش أكثر لكن علي فكرة هو بيتقل و أحساسك مش صح و الا أزاي ناس كتير علي الطريق بيجروا بالعربية و بيأخدوا بيها غرز علي سرعات عالية ؟

قولت يمكن عشان مش متعود عليها لقيت بعدها ب اسبوع صاحبي كان سافر بيها اسكندريه
بيقولي الطريق كان مفتوح بس ماعرفتش اجري خوفت من العربيه بعد ال 120 بتبقي خفيفه اوي
هيا مسألة تعود و ثقة في العربية مش أكثر و دي بيتم أكتسابها مع الوقت لما تعرف أمكانياتها و اللي سايقها يعرف أمكانياته و قدرته علي التحكم فيها

المهم
-فتحت الكبوت اتفرج علي الموتور لقيت الصاج خفيف جداااا وضعيف والكبوت خفيف ومافهوش عزل للموتور
برضه عايز افهم يعني أيه صاج خفيف ؟ سمك الصاج أقل من 1 مم مثلا و لا سندت عليه بصباعك فأتخرم ؟
أما عزل الموتور فيكفي انك و العربية دايرة مش هاتسمع صوته و أنت جوه العربية و هنا أنا باقارن عزلها بالتويوتا كورولا و أقدر أقولك أنها مقاربة ليها جدا و ده عن تجربة

-الباور بتاعها عجبتني اوي وانا بركن ممكن تحركه بصباع واحد عادي
ودي ميزه حلوه اوي في الركن بس ع الطريق عيب مش ميزة زي ما قولت
ميزة طبعا داخل المدن و علي الطرق السريعة كويس برضه و ألا ماكنتش عرفت أخد بيها ملفات علي 140 كم/ساعة

-والعربيه واطيه جدا كمان علي الارض.. كنت انا وصاحبي بس اللي في العربيه وحكيت في مطب بعدي عليه كل يوم بعربيتي مع انها واطيه بردو بس مش بتحك زي ما الالنترا حكت كدا
أرتفاع عربيتك كام سم ؟

-عجبني كمان التكييف اوي تلاجه بصراحه كنت عامله علي 3 كنت بتكتك من البرد بس مش عارف في الشمس يبقي شديد كدا ولا لأ
في الحر و عز الصيف أقصي حاجة اقدر أشغله علي 2 مش 3

من الاخر العربيه المُجمل بتاعها ك شكل حلو بس المضمون مش حلو خالص و سعرها كتير اوي عليها بصراحه
رأيك أحترمه طبعا و لكنه ليس مقياس

[hossam_elwani]

بالنسبة لي أنا راضي عن السيارة وده علشان هي صفقة رابحة مقارنة بباقي السيارات في مصر ولكن أنا غير راض عن التوكيل ودي حاجة ملهاش علاقة بالعربية مع أنه يعتبر توكيل كويس مقارنة بباقي التوكيلات المصرية السيئة وهأوضح رأي في العربية على شكل نقاط :


- بالنسبة للمساحة الداخلية فهي أكبر مساحة داخلية في فئتها من حيث أماكن الجلوس الخلفية - كرسي السائق وطبعاً مساحة شنطة السيارة واسعة لدرجة أني بضطر أرمي نفسي جوا علشان أوصل لملمع الجلد في آخر الشنطة .

- بالنسبة للشكل الخارجي نقطة محسومة العربية حققتلي معادلة صعبة عربية عائلية بشكل الكوبية الرياضية أفتكر أول ما نزلت كنت أقف قدام معرض العربيات وأبصلها مذهول والله وكنت أقف أكلمها وأقولها يخربيت عقلك أيه الجمال ده هههههه .

- بالنسبة للتسارع بصراحة فوق الممتاز ومش عاوز تسارع أكتر من كدة بصراحة وأنا سواقتي كلها رياضية وفيها تسارع وشد وتسقيط نقل ومش تحيز للعربية لأن سوقت عربيات كتير وعمر مالواحد هيفضل معاه عربية واحدة بس بأمانة العربية دي موتورها صاحي ومتجاوب بشكل كبير .

- بالنسبة للفتيس هاديء ومريح وسريع الأستجابة .

- بالنسبة لعزل العربية فأنا راضي عنه تماماً مقارنة بالكورولا والمازدا الجداد يعني كلهم متقاربين في المستوى .

- بالنسبة لأستهلاك البنزين مش هأقدر أكون حيادي وموضعي في النقطة دي لأن نادراً لما بشوف لمبة الأيكو شغالة وبالتالي علشان سواقتي كلها سريعة مش هأتكلم عن تجربتي مع أستهلاك البنزين .

- بالنسبة لشكل التابلوه شايف أنه كويس جداً وشيك جداً يعيبه نقطتين الأولى هي البلاستيك المستخدم بكثره والثانية هي فتحات التكييف في منتصف التابلوه مفروض يظبطوا مكانها أفضل وده اللي حصل مع النسخة الصينية للألنترا 2013 وده متوقع يعتمدوه في كل العربيات الألنترا في العالم مش الصين بس .

ده الشكل الحالي

وده الشكل الجديد للتابلوه في النسخة الصينية

جبت تأكيد حكاية فتحات لتكييف دى منين.... يارب تتم فعلا....

[AshTurbo]

جبت تأكيد حكاية فتحات لتكييف دى منين.... يارب تتم فعلا....

لو راجعت كلامي قولت " من المتوقع " بس أعتقد في ناس كتير أشتكت من مكان فتحات التكييف وبالتالي عدلوها في النسخة الصينية ليه ميعدلوهاش في باقي الأسواق .

[artist]

يجماعه كل عربية لازم يبقى فيها عيوب. مافيش حاجه كامله يعني! بس المهم ان العيوب دي تبقى بسيطه مش كبيره يعني او مش مؤثره!!! والحمد لله الالنترا عيوبها بسيطه يعني !

[Hussein_Ramdan]

السلام عليكم ياشباب يمكن ان كنت اول واحد او تانى واحد فى المنتدى دى جبت العربية كانت هاى لين
بعد اكتر من شهرين من بيعة
انا اشعر بالندم بالعلم ان هجيب حاجة اعلى فئة تانية مثل جيب او بى ام
للكن للاسف العربية دى مازلت تمتلك مكان داخل قلبى حتى لو جبت فيرارى
تحية الى هذى العربية
بغض النظر عن بس المشاكل البسيطة التى وجهتنى فيها لكن كان من السهل حلها

[AshTurbo]

طيب ... بما أني صاحب الموضوع بطلب من المشرف على القسم طلبين :

- حذف المشاركات الغير فنية والخارجة عن سياق الموضوع ( الموضوع خاص بالملاك فقط ) .
- لو أمكن جعل الأستطلاع ظاهر للجميع لأن من صوت بلا لم يوضح سلبيات السيارة ومشاكلها كمالك لها وبالتالي هو نقد هدام وغير بناء .

[besbest]

انا املك السياره الجميله الالنترا 2012 md من حوالي 9 شهور تقريبا رايي الشخصي فيها : السياره ناعمه جدا وهادئه جدا
عفشتها قاسيه الي حد ما وهذا يدل علي انها ثقيله اي مع السرعات العاليه ثابتها مضمون
الي جانب الباور الكهربا اللي بيخلي العربيه رشيقه جدا في المنحنيات والملفات بسرعه اكتر من 120 كم /ساعه
صالون السياره مريح جدا وواسع لدرجه الاستيعاب
خامات فرش الابواب مش علي المستوي المطلوب اي انها بعد عده سنوات مش هتستحمل درجه حراره بلدنا الحلوه
تسارع العربيه بالفتيس الجديد فوق الرائع
بالذات النقله 3 و4
استهلاك البنزين حوالي 8 لتر لكل 100 كم
وده رايي المتواضع وشكرا

[Samir Elshahawy]

اللي بيقول الالنترا مش ثابتة و فراملها وحشة
ييجي يتفرج النهاردة الصبح و الدنيا بتمطر علي طريق السويس و طريق المطار

قدامي عربية تويوتا عرضت في الملف و كملت في شجرة
ورايا عربية بيجو لفت حوالين نفسها
مع أنهم كانوا داخلين الملف بنفس سرعتي تقريبا 60 كم/ساعة

[Samir Elshahawy]

عذرا ...

الموضوع ده لملاك الألنترا لتقييم سياراتهم و أبداء الرأي فيها

السادة الملاك :
برجاء التقييم بدون مبالغات و ذكر الحقائق فقط التي تشمل العيوب و ما أكثرها قبل المميزات أن وجدت و لا داعي للمقارنة بسيارت أخري حتي و أن كانت صينية لأن الألنترا هي أسوأ ما أنتجت هيونداي

[AshTurbo]

خمس نجوم سلامة للألنترا

HYUNDAI ELANTRA 2011 Crash Test - YouTube

http://www.ancap.com.au/crashtestrecord?Id=403

[Samir Elshahawy]

بعد أكثر من 25000 كم قطعتهم بالالنترا الجديدة في طرق معظمها سفر اقدر اقول أني راضي عنها تماما و لو عاد بي الزمن هأشتريها حتي لو معايا مبلغ أكبر
الحاجة الوحيدة بس اللي مضايقاني هيا عدم وجود وسائل أمان مساعدة (اي بي أس - أيرباجز) و دي مش مشكلة كبيرة اوي بالنسبة لي

و عموما دي مجموعة موضوعات عن تقييمي للألنترا 2012

(1).. http://www.nilemotors.net/Nile/302272-md-25000-a.html

(2).. http://www.nilemotors.net/Nile/299232-md-3-a.html

(3).. http://www.nilemotors.net/Nile/301118-a.html

(4).. http://www.nilemotors.net/Nile/291659-a.html

(5).. http://www.nilemotors.net/Nile/277467-md.html