عندى مشكلة فى التكيف .... ارجو المساعدة

[ibnmoaz]

خولوص الكلام ...

كلام تمام التمام .. دعني احييك

يا سيدي الله يكرمك . انا اصلي اتبدهلت كتير في مواضيع التكيف دي ومع الصنايعيه بتوعه و حاسس باخونا صاحب الموضوع ربنا يعينه

[koshary]

شوف يا سيدي الفاضل واضح من السيناريو اللي حضرتك حكيتو ان التسريب في منطقه مستخبيه لان مفيش اي حد بتاع تكيف هترحلو ومش هيكشف علي الدوره بتاعت الخراطيم بالمياه والصابون . التسريب كده من اللواكير اللي بتتربط في الكويل ودي بتبقي تحت التابلوه مش باينه عشان انت قلت انك مغير الكويل. تروح عند اي حد بتاع تكيف من الشباب اللي قالولك عليه وتقولو علي موضوع اللاكور ده وموضوع الكويل اليي انت غيرته ولازم يفكه ويركبه ويتاكد منه قدامك ومتسمعش كلامه لو قالك غير كده (لان فك الكويل وتركيبه غلبه بصراحه) بس لابد من كده, معلومه اخري لسيادتك لو فك الكويل ماتخلهوش يعمل اي حاجه في الكويل نفسه من جوه مجرد يفك اللاكور ويربطه تاني كويس وبس .في جوه الكويل جزء كده مش فاكر اسمه بصراحه بيوزع الفريون داخل الكويل او التلاجه زي ما بيسموه دا بيبقي مزبوط زبطه المصنع علي حسب حجم الكويل نفسه. وبالتوفيق ولو سيادتك قريب من الهرم قولي ادلك علي واحد محترم في المريوطيه

اها انا ساكن فى الهضبة ياريت عنوان الراجل اللى فى المريوطية لان هيبقا قريب ومادام حضترك بتشكر فية يبقا تمام معلش هتعب حضرتك معايا

[ibnmoaz]

الورشه اسمها عباد الرحمن هتمشي علي المريوطيه اكنك رايح الدائري وتعدي مطعم فلفله اللي هناك ومتطلعش الدائري انزل من تحتيه وكمل علي طول بعد حوالي نص كيلو هتلاقي جسر علي شمالك يعدي بيك المريوطيه سيبك منه وعدي علي طول 500 متر وهتلاقي الورشه علي يمينك الورشه علي المريوطيه الرئيسي الصنايعيه عماد و احمد اخوات وهتلاقي هناك علابيات ملاكي واوتوبيسات سياحه كتير احكلهم علي موضوع الكويل وهما هيعملوا الواجب وهما بيضمنوا شغلهم علي فكره يعني لو في حاجه ارجعلهم تاني وهيرحبو وعماد نمرته 01221823794