اتحطيت فى موقف بايخ جداا ومعرفتش اعمل ايه .....

[shaddadfalcon1]

المشكله مش في الفلوس
المشكله ات التخميس ده هيعمل هسهس في دماغك وتبقي ماشي اي صوت تسمعه او حاجه غريبه في العربيه هتحس ان ده بسبب التخميس وتتضايق اكتر من صاحبك

[koshary]

هههههههههههههههههه

حبيب قلبي يا كوشري ... ياجماعة أنتو سيبتو كل حاجة ومسيكتوا ان الواد خمس بالعربية ، أنا عاوز أعرف ال 140 جنية تمن شحن الفريون وال 70 جنية بتاع زينة الورد والبانزين الي اتحرق دول كمان حسابهم عند مين ...

وبعدين يا كوشري ... كل حاجة أقدر أصدقها بس أن تويوتا لاند كروزر تعطل ... دي أكيد هنجت من البانزين المصري الي عندنا بس لا يمكن تعطل دي ياباشا ههههههههههه ( أكيد الواد كان بيتلكك علشان ياخود عربيتك ) ... حبيب قلبي يا كوشري الحمدالله أني مسيف نمرتك عندي علشان لو أتزنقت في زفة ولا حاجة ... المهم عاوزك ترجع للراجل بتاع التكيف وتقلوا ايه ده ياعم الفريون السكة الي ملتهولي ... الفريون طار ... وخليه يكشفلك على دورة التبريد وإن شاء الله ممكن تلاقي البلف أو حتت مسورة صغيرة محتاجة تغير ... وطول عمرك جدع ياكشري . وصاحب صاحبك ... يا غالي .

@@@@@@@

والله انا اللى دفعت الفلوس دى حتى بتاع الزينة محاسبتوش الا تانى يوم لان الفلوس معايا مكانتش مكملة وانا روحت لبتاع التكيف وكشف وقالى فى تسريب فى الخراطيم وهيتغير خرطومين ب 320 جنية قولتلو هبقى اجيلك بعد اسبوعين اكون خلصت امتحانات وقالى هشحنهولك تانى من عندى بس طلع راجل جدع جدا ... المهم انت تؤمرنى فى اى زفة انا تحت امرك فى اى وقت دا انت اكتر من اخ كفاية بس اخلاقك مع الناس فى المنتدى

انا لو منك ياكشرى والله ماكنت اديلة العربية , عايز يزف اختة انا اقوم بالواجب وازفهملة احسن زفة وكل دة من غير ماابوظ العربية ولا اهرى الكاوتش وكمان مش هيزعل

وبعدين والله والدك دة فعلا محترم جدا زيك ياكشرى انة مانزلش ظبط صاحبك دة

وبعدين زى مابيقول me-medo مين اللى دفع حق الزينة والفريون ( مصيبة لا تكون انت كمان ) تبقى كملت

كاوتش - وفريون - وزينة - وتيل فرامل

انا اللى دفعت ياسامح حق الحاجة بس هو اصلا قل من نظرى جامد بعد الحوار ده هو مش صاحبى اوى يعنى بس الحمد لله انا مقصرتش معاه ولما كلمنى قالى انا كنت فرحان ولما حصل موقف العربية انا ملقيتش حد غيرك قدامى وعلشان فرح اختى مايبوظش وبتاع وقلى خد حق الحاجة اللى انت عملتها قولتلو لا شكرا دى زى اختى وكدا وانا معملتش حاجه حتى والدى قالى متاخدش منو فلوس بس متسلفش عربيتك لحد تانى

[BUNSH]

عقبالك يابو جلال لما نفرح فيك قصدى بيك !!
وربنا يجعلة فى ميزاان حسناتك ... بصراااااااحة موقف اوملييييت ! بس اديك عرفت وحطوة فى بلاك ليست دوغرى ..