ركبت كاوتش 13/185/70 وبدأت المطبات

[freeman12581]

ركبت كاوتش 13/185/70 وبدأت المطبات وكنت مركب جنوط قبل كدة ولما امشى بالعربيه محملة وتيجى المطبات الهوائيه على الاسفلت الكاوتش بيحك ومش عارف اعمل اية الكاوتش لسة راكب وما مشتش عليه لسة ونوعه جى تى

[exact]

الحكة دي مع المطبات وللا الحودة... لو مع المطبات ركب أقل علاية ممكن تتركب ويستحسن متركبش علاية قدام عشان متعومش العربية يا اما الحل الاصعب انك ترجع الكاوتش

[drmagieed]

أنا أسف ... يعني أية مطبات هوائية؟

[ashouhdy]

اصلا العيب فى مقاس الكاوتش
الهيونداى كلة 175 على 70 13 مش 185 !!

[ahmedzizo131]

بسم الله الرحمن الرحيم
185 بكون عريض جدا على العربية و فعلا بتحسبة اكثر وانتى كاسر العجل على الاخر
و بيحك فى العربية
فاسلم حل هو مقاس 13/70/175

[lad]

مقاس كوتش غلط

[mazeen]

المقاس غلط

[KING_A841]

ركبت كاوتش 13/185/70 وبدأت المطبات وكنت مركب جنوط قبل كدة ولما امشى بالعربيه محملة وتيجى المطبات الهوائيه على الاسفلت الكاوتش بيحك ومش عارف اعمل اية الكاوتش لسة راكب وما مشتش عليه لسة ونوعه جى تى

غلط غلط غلط وجبت الكوتش من غير ماتحسب الفرق في الأرتفاع
المفروض ان الأرتفاع كوتشك 70 في الميه من 185 يعني حوالي 13 سم الأرتفاع من الجنط لأخر الكوتش
فلما تعرض الكوتش لا زم تقلل ال70 في الميه عشان الأرتفاع ميزيدش
الستوك بتاع العربيه 13/175/70 وده يدي ارتفاع 12.2 سم يعني انت فارق عن الأصل حوالي 1 سم أو بالظبط أو 8 ملم بالظبط وده كتير

[freeman12581]

الحكة فىالخلف ولماتكون محملة بس وبعدين انا شوفت عربيه مركباه وصاحبها قال لى مافيش مشكله

[Kareem Fawzy]

المقاس فعلاً غلط وهو اللى عامل الحكه دى
لو ينفع ترجع الكاوتش ترجعه وتجيب المقاس اللى الاخوة قالولك عليه

[eyeswizard]

مقاس الكاوتش صح
بس
العيب فى رقم ال Offset او ET بتاع الجنط
لازم تجيبه مناسب للعربيه
و عموما انا معرفش الرقم المناسب كام بالظبط
لكن الرقم ده هو بالظبط المسئول عن العيب اللى حاصل معاك دلوقتى

و لو متعرفش الرقم حقولك على اللى هتدور عليه
لو الكاوتش خارج لبرا و قريب من الصاج الخارجى يبقى انت محتاج جنط ال offset او ال ET بتاعه اقل من اللى عندك
لو الكاوتش داخل لجوا بزياده فى الحاله دى هيبقى الكاوتش بيحك فى المساعدين و فى الحاله دى هتجيب جنط يكون ال offset او ال et بتاعه اكبر

يارب اكون قدرت افيدك
و ياريت لو سالت على الرقم المظبوط للفيرنا تكتبه هنا او تبعتهولى فى رساله لانى محتاجه بردو

[freeman12581]

انا ها على العربيه سنة صغيره وخلاص لأن الحكه دى مش جامدة وشكرا

[aymn6666]

مقاس الكاوتش صح
بس
العيب فى رقم ال offset او et بتاع الجنط
لازم تجيبه مناسب للعربيه
و عموما انا معرفش الرقم المناسب كام بالظبط
لكن الرقم ده هو بالظبط المسئول عن العيب اللى حاصل معاك دلوقتى

و لو متعرفش الرقم حقولك على اللى هتدور عليه
لو الكاوتش خارج لبرا و قريب من الصاج الخارجى يبقى انت محتاج جنط ال offset او ال et بتاعه اقل من اللى عندك
لو الكاوتش داخل لجوا بزياده فى الحاله دى هيبقى الكاوتش بيحك فى المساعدين و فى الحاله دى هتجيب جنط يكون ال offset او ال et بتاعه اكبر

يارب اكون قدرت افيدك
و ياريت لو سالت على الرقم المظبوط للفيرنا تكتبه هنا او تبعتهولى فى رساله لانى محتاجه بردو

فعلا كلامك مظبوط 100 *100للاسف حتلاقي الجنوط ناطره الكوتش زياده عن اللازم
وهو ده الي عامل كده

[hanyemad123]

ياجماعه الناس اللى بتقول المقاس غلط

احب اقولكو ان غبور بينزل الفيرنا دلوقتى بمقاس 185/70/r13

و محدش اشتكى من حاجه

و مش معقول يعنى غبور حيكلف نفسه و ينزل كاوتش تمنه اكتر من الاستوك و كمان يكون غلط

[moontear]

يا باشا مش هي بتحك من ورا روح لسمكري وخلية يتنيلك الشفة الداخلية للرفرف الخلفي والحكة هاتنتهي