الى اصحاب الالنترا الجديده...ليه العربيه واقعه من ورا؟؟؟؟

[ahmad--ezzat]

يا جماعه كل ما بص لعربيه النترا جديده ماشيه فى الشارع وفيها اسره ومش هقول محمله قوى...بلاقيهه من ورا عامله زى البطه وواطيه جداا جدا
والكلام دة مش مره او اتنين
لا كتير
هو اليايات الخلفيه ضعيفه ولا مش شايله العربيه ولا ايه؟

بالطريقه دى العربيه اكيد عامله زى البحر فى الملفات !!!!!!!

ارجو الاجابه

[eemmoo]

العربيه عاديه ولا عاليه اوى ولا واطيه اوى
وثابته على السرعات العاليه وفى الملفات
اكيد اللى حضرتك شايفه ده من وجهه نظرك انت

[ahmad--ezzat]

العربيه عاديه ولا عاليه اوى ولا واطيه اوى
وثابته على السرعات العاليه وفى الملفات
اكيد اللى حضرتك شايفه ده من وجهه نظرك انت

:) اه فعلا
اللى بكتبه من وجهه نظرى

مش من وجه نظر الوكيل مثلا :)

[semi]

هي عفشة الهيونداي كده اصلا
العفشة ناعمة جدا ما شاء الله
وده بيبقى على حساب ثبات العربية والحمولة

[Ahmod]

قلنا كدة كتيير لكن للاسف الكوريين مش بيصدقو !!

الالنترا السوست بتاعتها تعبانة وناعمة بزيادة

مع الحمولة بتنزل على الارض جامد وبتحك في مطبات الدنيا والاخرة !!! وده اللى ملاك الالنترا مش عايزين يعترفو بيه لكن اي النترا جديدة في الشارع هتلاقيها نايمة على الارض مع الحمولة !!

[lanos2004]

قلنا كدة كتيير لكن للاسف الكوريين مش بيصدقو !!

الالنترا السوست بتاعتها تعبانة وناعمة بزيادة

مع الحمولة بتنزل على الارض جامد وبتحك في مطبات الدنيا والاخرة !!! وده اللى ملاك الالنترا مش عايزين يعترفو بيه لكن اي النترا جديدة في الشارع هتلاقيها نايمة على الارض مع الحمولة !!

طب نقول ايه على الكورلا لما اربعه بيركبوا فيها

[SAMEH_FOUAD]

الالنترا دة عيب موجود فيها من زمااااااان وصباح التنطيط مع مطبات الهواء والله بشوفها قدامها اول لما تاخد مطب هواء تطلع فوق وتنزل تحت مش اقل من تلاث اربع مرات , عادى يعنى دة الطبيعى ووجهة نظرك صحيحة ياباشا

[Ahmod]

طب نقول ايه على الكورلا لما اربعه بيركبوا فيها

الكورولا مابتنزلش زي الالنترا سواء شكل جديد ولا قديم

حتى الياريس نفس الكلام

اه بينزلو وبيهبطو مع الحمولة

مش بقول ان الياريس او الكورولا مش بتهبط مع الحمولة

بتهبط بس مش بنفس الطريقة اللى تخليها تحك في المطبات وتتبهدل في الحفر والمطبات !!

انا عندي العربية مش بتهبط لدرجة انها تحك الا لو راكب فيها 5 - 6 افراد ويكونو اوزان !!

[Ralliart]

هي طول عمرها كدة من أيام الشكل السابق مفيش حاجة اتغيرت

طب نقول ايه على الكورلا لما اربعه بيركبوا فيها

+1 كمالك سابق لكورولا 2003 ،العربية دي موتورها كويس ودركسيونها تحفة بس عفشتها عاملة زي مراجيح مولد النبي

[Ahmod]

هي طول عمرها كدة من أيام الشكل السابق مفيش حاجة اتغيرت


+1 كمالك سابق لكورولا 2003 ،العربية دي موتورها كويس ودركسيونها تحفة بس عفشتها عاملة زي مراجيح مولد النبي

هو مش بيتكلم على الثبات هو بيتكلم على ان العربية تهبط مع الحمولة

[M.belal]

انا فعلا بحس ان من ورا الكوتش كانه قرب يحك ف الكاتيره
مش الجديد بس حتى الشكل اللى قبلها بردو نفس الكلام

[ahmad--ezzat]

شيء مزعج فعلا

[Land_Cruiser]

انا برضه لاحظت الموضوع ده بس اعتقد لو اتغيرلها السوست و المساعدين لنوع تانى افضل الموضوع ده ممكن يتحسن بس العفشه هتبقى ناشفه

[ahmad--ezzat]

انا برضه لاحظت الموضوع ده بس اعتقد لو اتغيرلها السوست و المساعدين لنوع تانى افضل الموضوع ده ممكن يتحسن بس العفشه هتبقى ناشفه

مممممم يعني انا اجيب العربيه زيرو
واطلع اجيبلي طقم مونرو
واغير السوست ان لاقيت اصلا

واطلع علي ميكانيكي يحل المساعدين بالسوست ويغيرهم

اعتقد موضوع غير مقبول نهااائي :(

[saadelden]

هي المفروض عشان تبقى ناعمه مخليين السوست خفيفه
السوسته اما تكبر هاتشيل وزن اكتر و مش هاتهبط , بس لو العربيه فاضيه هاتفضل تهبد و تتنطط زي السيراتو !

كورولا الشكل القديم من اول 2000 لحد 2007 عربيه ناعمه و ماتور موفر
مش معموله عشان جري و سرعات
مع ذلك ثابته معاك لحد 120 و دا المطلوب من عربيه في الفئه دي

الشكل الجديد حسنو الثبات بتاعها و ممكن لحد 160 ماتحسش بحاجه

و الي ماركبش عربيه فوق 3000cc يبقى بلاش يتكلم ع الثبات و السرعات ماعدا بعض العربيات