الى اصحاب الالنترا الجديده...ليه العربيه واقعه من ورا؟؟؟؟

[Hacker5]

الالنترا الـ 2008 برضو فيها نفس المشكلة بتهبط بشكل غبى و بتحك فى المطبات و لو حملت 3 ورا العربية بتبقى عالية من قدام و واطية من ورا
هو اة المساعدين ناعمين جدا بس مش للدرجة دى

[ahmad--ezzat]

الالنترا الـ 2008 برضو فيها نفس المشكلة بتهبط بشكل غبى و بتحك فى المطبات و لو حملت 3 ورا العربية بتبقى عالية من قدام و واطية من ورا
هو اة المساعدين ناعمين جدا بس مش للدرجة دى

ده عيب يايات وليس مساعدين

[Land_Cruiser]

مممممم يعني انا اجيب العربيه زيرو
واطلع اجيبلي طقم مونرو
واغير السوست ان لاقيت اصلا

واطلع علي ميكانيكي يحل المساعدين بالسوست ويغيرهم

اعتقد موضوع غير مقبول نهااائي :(

مع حضرتك انه طبعا حاجه مش مقبوله بس مع الاسف ده أمر واقع بما ان المستوردين بيجيبوا اى حاجه من اى حد و بيبيعوها بأى سعر هما عاوزينه فالنصيحه من الناحيه العمليه لو كانت كل حاجه فى العربيه عاجباك ما عدا المشكله دى بس هى العيب الوحيد اللى ضايق حضرتك يبقى لو غيرتهم هتبقى العربيه بالنسبه لك مفيهاش غلطه وده بتفكير عملى لانك فى مصر مضطر تتعايش مع الموجود زى ما هو و لو دورت على اى عربيه فى الاسعار المعقوله طبعا هتلاقى فيها عيوب زى عيوب تقفيل او ثبات او سعر اعاده بيع ضايع او استهلاك بنزين عالى او رداءه توكيل او سعر بيع مبالغ فيه ... و احيانا كوكتيل من كل الحاجات دى و فى ظل كده تبقى حكايه تغيير سوست او مساعدين دى بسيطه لو جت على كده و ممكن حتى تبقى تتغير بعد فتره من الاستخدام مثلا. للاسف حاجه سيئه بس هو ده الواقع.

[Samir Elshahawy]

العفشة صحيح ناعمة و يمكن أنعم من التويوتا اللي كان معايا منها 3 موديلات مختلفة طوال 4 سنوات (ياريس - كورولا ياباني - كورولا جنوب أفريقي) كمان و لكن مع ذلك مافيش مشاكل في الثبات نهائي و لحد دلوقتي لم تواجهني مشكلة في ارتفاع العربية مع المطبات شاهقة الارتفاع التي تتميز بها شوارع مصر

العربية طبعا بأسافر بيها علي طول و متوسط سرعتي بيكون في حدود من 110 كم / ساعة و حتي 140 كم/ساعة علي حسب حالة الطريق و الملفات بتكون علي السرعات دي برضه حسب حالة الزحام في الطريق و لم أواجه اي مشكلة في أنحراف عن مسارها (oversteering / understeering) و أخرها النهاردة و أنا داخل ملف الرحاب و كان الطريق فاضي دخلته علي سرعة فوق ال 90 كم/ساعة و مافيش مشكلة في حدفة أو أنحراف

أما موضوع التحميل فطبعا جربت أن يكون ورا في الكنبة الخلفية 3 اشخاص من الوزن الثقيل و شخص بجانبي و دخلت بيها في طريق وعر غير ممهد و به مطالع و منازل (طريق المدافن علي طريق السويس) و الحمد لله لم تحتك بأي مطب أو أواجه اي مشكلة

الكلام ده عن تجربة مش كلام في الهوا أو رؤية أو مشاهدة أو كلام قرأته أو توقعات و تخمينات أو ضربا بالغيب
الكوريين أتقدموا و عرفوا يعملوا عربيات تنافس الاوروبيين اللي بقالهم 200 سنة و قريب أوي الجاب اللي بينهم هايختفي

[esam_ayad]

أنا من يومين كنت شايف جيتا وكانت محمله تلاته ورا والعربيه كانت خلاص علي الأرض.

وعن تجربه شخصيه ليا مع هيونداي أكسنت الشكل اللي قبل ده-بتاعة ابن عمتي-العربيه كانت شايله خمس أفراد وكنا رايحين عند عيون موسي -وأخدنا كذا مطب في الطريق وييجي عشر مطبات عاليه داخل القريه السياحيه والعربيه عدت منهم عادي-
فلا أعتقد ان الالنترا الجديده بعد كل ده تبقي أقل من الاكسنت الشكل القديم.

[megamoudy]

اصل الالنترا احسن من الهوندا السيفيك بقى معلش هههههههههههه

[ahmad--ezzat]

اصل الالنترا احسن من الهوندا السيفيك بقى معلش هههههههههههه

اشمعني السيفيك

[Kareem.ElAraby]

الالنترا الشكل القديم 2007 بتهبط و مقرفه في الموضوع ده و بتصعب عليا مع انني معظم المطبات علي عجلتين !

فيه ناس بترشح تركب صدادات و ناس بتقترح سوست سبور

انا بقي لا أفتي و لا أعلم !

بس طقم السوست السبور بيعمله 1450 قبل الفصال !

و بصراحه صعب أجرب في مبلغ زي ده

[AshTurbo]

طيب أنا هأعترف ياجماعة أهو ......... أعترف أن العربية دي عمرها ماحكت مني غير مرة واحدة من ساعة ماجبتها من سنة وكان معايا وزن ثواني أحسبها ..... حماة أخويا ( محسوبة بأتنين ) - خطيبة أخويا - اخويا - والدتي - أنا ( ضخم بردوا مش أي كلام ) ..... والمطب كان عالي أوي ده موقف .....

النهاردة راجع من المطار كنت بجيب والدي معاه حوالي 3 شنط وأنا واخويا وخد عندك بقى مطبات وحفر ومطبات هواء ومطالع ومنازل حوالي 4 كباري زي الزفت من الطريق الدولي وماشاء الله مفيش مشاكل ولا حك ولا وجع دماغ اللهم الا وأنا داخل الجراج حكت سنة من الأكصدام الخلفي ورا لأن الجراج بمطلعايه غبية فطبيعي مستواها هينزل مع التحميل زيها زي عربية بس مش حاجة تستحق أننا نقف عندها .

[esam_ayad]

اصل الالنترا احسن من الهوندا السيفيك بقى معلش هههههههههههه

مين جاب سيرة السيفيك؟؟؟؟؟؟!!!!!!!!!!

[megamoudy]

اصل في حرب ضروس بين الالنترا والهيونداي

[esam_ayad]

عن تجربه شخصيه أخري ليا مع النترا 2012 -بتاعة زميلي في الشغل-
تحديدا يوم 23/6 اللي فات وده كان معاد نزولي مصر علشان أقضي أجازة نهاية العام الدراسي ,
زميلي جه علشان ياخدني يوديني مطار الكويت الدولي,
كان زميلي سايق وأنا جنبه وكانت زوجتي في الكنبه الخلفيه وجمبها شنطة سفر كبيره فيها أزيد من أربعين كيلو وشنطة صغيره فيها 15 كيلو وواحده كمان صغيره فيها 10 كيلو, وكان في شنطة العربيه شنطتين سفر كبار كل واحده أزيد من أربعين كيلو, والعربيه بسم الله ماشاء الله عليها ماشيه زي العسل , وكان في حته فيها مطبين معمولين غلط ولما كان بيبقي معايا اتنين ورا في عربيتي كانت بتلمس في المطبين دول, والالنترا عدت منهم بكل بساطه.

ياريت ياجماعه ماحدش يتكلم الا من غير مايجرب العربيه اللي داخل يتكلم عليها لأن ممكن واحد يكون خلاص ناوي يشتري العربيه دي ولما يلاقي واحد بيتكلم عنها وحش وهو ماساقهاش ولا جربها يبعد عن العربيه, فكده دي تبقي شهادة زور.

[Samir Elshahawy]

ياريت ياجماعه ماحدش يتكلم الا من غير مايجرب العربيه اللي داخل يتكلم عليها لأن ممكن واحد يكون خلاص ناوي يشتري العربيه دي ولما يلاقي واحد بيتكلم عنها وحش وهو ماساقهاش ولا جربها يبعد عن العربيه, فكده دي تبقي شهادة زور.

ياريت فعلا

من قال لا أعلم فقد افتي

[ahmad--ezzat]

عن تجربه شخصيه أخري ليا مع النترا 2012 -بتاعة زميلي في الشغل-
تحديدا يوم 23/6 اللي فات وده كان معاد نزولي مصر علشان أقضي أجازة نهاية العام الدراسي ,
زميلي جه علشان ياخدني يوديني مطار الكويت الدولي,
كان زميلي سايق وأنا جنبه وكانت زوجتي في الكنبه الخلفيه وجمبها شنطة سفر كبيره فيها أزيد من أربعين كيلو وشنطة صغيره فيها 15 كيلو وواحده كمان صغيره فيها 10 كيلو, وكان في شنطة العربيه شنطتين سفر كبار كل واحده أزيد من أربعين كيلو, والعربيه بسم الله ماشاء الله عليها ماشيه زي العسل , وكان في حته فيها مطبين معمولين غلط ولما كان بيبقي معايا اتنين ورا في عربيتي كانت بتلمس في المطبين دول, والالنترا عدت منهم بكل بساطه.

ياريت ياجماعه ماحدش يتكلم الا من غير مايجرب العربيه اللي داخل يتكلم عليها لأن ممكن واحد يكون خلاص ناوي يشتري العربيه دي ولما يلاقي واحد بيتكلم عنها وحش وهو ماساقهاش ولا جربها يبعد عن العربيه, فكده دي تبقي شهادة زور.

ههههههههههههههههههههه اه ويبقي قتل مع سبق الاصرار كمان

بس دي حقيقه وليس زور

[Survival]

اولا كل سنة وانتم طيبين و عيد سعيد على الكل

اولا احنا فى مصر و اللى يمشي عندنا غير اللى يمشي بره
انا عن نفسي و من خلال ملحظتى على طريق الاوتوستراد من حلوان ل حدائق القبة بصفة مستمرة الاتى
- الالنترا مش واطية زى ما بتبان لكن عشان شكل العربية و تصميها هى بتبان فعلا هابطة من ورا
مع المطبات مش بتحك لكن بتتنطط زى بطريقة زيادة شوية و لا تقارن بالسيفك او الجولف مثلا فى الموضوع ده
الفترة دى انا بدور انى اغيير العربية و بتفرج على العرببات و طريقة مشيها على الطريق و من وجهة نظرى انى فى مصر محتاج دبابة او مدرعة مش عربية خالص من كتر اللى بشوفه من اسلوب سواقة
و فى النهاية الالنترا عربية شكلها رائع و من احلى الموديلات اللى نزلت فى الفترة الاخيرة و اللى احلى منها السوناتا مع السقف البانوراما
و ربنا يبارك لكل واحد فى عربيته