قوة تحمل ألنترا md (من واقع حوادث حقيقية)

[Samir Elshahawy]

الاخوة و الأخوات الكرام / نجوم هيونداي

أسعد الله يومكم بكل الخير ووقاكم ووقانا من شر الطريق و شر أنفسنا

سؤال تبادر الي ذهني و الي أذهان العديد من الناس
هل اختبارات التصادم كافية للتعرف علي قوة تحمل السيارة و أمكانية نجاة ركابها ؟
أم أن الحادث الحقيقي يكون له وضع أخر

لذا بحثت عن حوادث حقيقية تكون ألنترا MD طرفا فيها كي نعرف حقيقة تدعيم الهيكل و مدي توافر وسائل الحماية للركاب بداخلها و نتناقش بموضوعية في تلك الفيديوهات و الصور

(1).. الفيديو الاول ..
حادث سقوط لسيارة ألنترا من أعلي كوبري
‫حادث النترا 2012من فوق الكبري.mp4‬‎ - YouTube


(2).. الفيديو الثاني ..
أختبار تصادم علي سرعة 64 كم/ساعة
2011 Hyundai Elantra/Avante NCAP Frontal Offset Impact (KNCAP) - YouTube


(3).. الفيديو الثالث ..
اختبار أخر للتصادم بالجانب
Elantra 2011 ANCAP crash test - YouTube

صور لحوادث ألنترا 2012

[M.Ayman]

السلام عليكم ورحمة الله وبركاته

فى رايى انه -لا شك- فى ان الجسم الخارجى ضعييف جدا -تقريبا ده فيبر مش صاج الله اعلم بس اكيد ده مش صاج- بمعنى انه من اى ترييحه بسيطه عادى ممكن تغير حاجات خارجيه ,,,,,, اللى مش عارفه بقى هو الشاسيه يعنى جسم العربيه الداخلى الامان بمعنى اصح لو لا قدر الله حادث قوى شويه هتبقى النتيجه من اتنين لو العربيه محترمه -و اتمنى تكون كده - فالسيناريو اللى هيحصل انه كالعاده الفيبر هيتدمر زى ما حضراتكوا شايفين كده فى كل الصور و الفيديوهات بس هيبقى لحد نقطه معينه من اولها هيبقى فى تدعيم للكبينه و الركاب بفولاذ -او ايا كان قوى ميتنيش- وبكده تبقى لعربيه امنه و الحمد لله بس طبعا ممكن يعيبها الفيبر اللى بره لان من اى ترييحه هتقرفك شويه ,,,, السيناريو التانى بقى و ده االلى مقلق قوووى ان ميبقاش فى حد فاصل يعنى العربيه كلها ميه واحده و شاسيه ضعيف ساعتها تبقى مش امنه للاسف ,,,,,,,,,,, الفيديو مش موضح قوى للاسف هى اى من النوعين

[M.Ayman]

بس تقريبا تقريبا هى من النوع التانى عشان انا حسيت من الخبطه اللى فى الفيديو انها اثرت شويه فى السقف بالطول و من تحت عند العتب كده فده معناه انهم عملين نوع من المعدن الاقوى شويه من باقى العربيه من اول كابينة الركاب بس مش قوى بشكل كافى لان لو الخبطه اقوى شويه كانت ابتدت تفكك اجمد و دخلت شويه ... والله اعلم برضه لان ده كله من مجرد النظر ممكن يبقى كلامى غلط

[Samir Elshahawy]

شوف ...
اللي أنا متأكد منه هو وجود بارات فولاذ عريضة أمامية و خلفية خلف الاكصطدامات مباشرة لأني فكيت الاكصطدام الامامي لما كنت بأركب الكاميرا الامامية و شوفته والخلفي أنا كشفت عليه في صيانة ال 1000 كم و أتأكدت منه

فعلا الاكصطدامات فبر مقوي لكن باقي الهيكل فمعدن بالاضافة لبارات فولاذية بالجوانب بالعتب و السقف
أما الابواب أنا مش متأكد منها

صور الحوادث اللي معروضة بتؤكد أن الصالون أمن تماما أكثر من الموديلات السابقة

[M.Ayman]

شوف ...
اللي أنا متأكد منه هو وجود بارات فولاذ عريضة أمامية و خلفية خلف الاكصطدامات مباشرة لأني فكيت الاكصطدام الامامي لما كنت بأركب الكاميرا الامامية و شوفته والخلفي أنا كشفت عليه في صيانة ال 1000 كم و أتأكدت منه

فعلا الاكصطدامات فبر مقوي لكن باقي الهيكل فمعدن بالاضافة لبارات فولاذية بالجوانب بالعتب و السقف
أما الابواب أنا مش متأكد منها

صور الحوادث اللي معروضة بتؤكد أن الصالون أمن تماما أكثر من الموديلات السابقة

فعلا شكل الحوادث بيدل ان الصالون جوه امن الحمد لله , و انا فعلا زى ما قلت فى تانى تعليق انه من الواضح ان فى صدادات من معدن ثقيل -زى ما بتأكد فولاذ - و دى نقطه كويسه قوى فيها بس سمك و حجم البارات قد ايه لان الفيديو زى ما قولت لحضرتك من شويه بيوضح رجه بسيط قوى فى السقف و العتب مش عارف يمكن انا مش واخد بالى ولا فى فعلا بس الرجه دى بتدل انه لو الخبطه زادت شويه عن كده ممكن تدخل شويه لجوه ,,,,,,,,,,,,,,,,, بس بوجه عام العربيه احسن مما كنت متخيل الاول عنها لانى كنت متصور انها مفيهاش اى وسيله من وسائل الامان على الاطلاق ,,,, معرفش عن العربيه كتير بس طبعا لازم يبقى فيها abs ebd و airbags لان دول اساسيات دلوقتى

[Samir Elshahawy]

أنا بصراحة لسه بأبحث في موضوع التدعيم ده لأني مش لاقي موقع رسمي أو رسومات لهيكل العربية
طبعا موضوع وسائل الامان مش هانختلف فيه أنه أصبح ضرورة و مش أوبشن
لكن هيونداي فعلا بتوفر العربيتين علشان تقدر ترضي كل القدرات المالية
- عايز عربية فيها امان عالي : أدفع
- مش قادر تدفع و عايز نفس العربية لأن شكلها عاجبك و كمالياتها عاجباك خلاص هيخفض لك سعرها و يشيل شوية وسائل الامان دي بس خلي بالك بقي و أنت سايق و ماتتهورش و سوق علي قد أمكانيات عربيتك اللي في حدود أمكانياتك المادية

هيا دي المعادلة يا عزيزي اللي ناس كتير مش عايزة تفهمها

[dodopop2]

ورق

[mshmshm3]

شوف ...
اللي أنا متأكد منه هو وجود بارات فولاذ عريضة أمامية و خلفية خلف الاكصطدامات مباشرة لأني فكيت الاكصطدام الامامي لما كنت بأركب الكاميرا الامامية و شوفته والخلفي أنا كشفت عليه في صيانة ال 1000 كم و أتأكدت منه

فعلا الاكصطدامات فبر مقوي لكن باقي الهيكل فمعدن بالاضافة لبارات فولاذية بالجوانب بالعتب و السقف
أما الابواب أنا مش متأكد منها

صور الحوادث اللي معروضة بتؤكد أن الصالون أمن تماما أكثر من الموديلات السابقة

+11111111

[yasserelsayad]

ما شاء الله العربية تمام
للاسف الناس فى مصر بتبص على شكل العربية من برا ويقولك ورق
لكن ما شاء الله الكبينة مفيهاش الهوا وبعدين اول حادثة اللى فى الفيديو دى دا اكيد كان طاير يعنى مش ماشى 100 مثلا ولا 120 حتى

[Ashraf_Ibrahim]

مما لا شك فيه واللي اقدر اقوله وانا واثق منه تماما ان هيونداي بتقدم بودي خفيف فعلا
في التصادمات بيون رد فعله على قدر من الأمان والقوة
المقصورة الداخلية مش محمية 100% زي الألماني طبعا
لكن على قدر من الأمان يحمي الركاب من التصادمات المتوسطة
الكلام دا طبعا مش مقتصر على الالنترا بس
زي ما المهندس سمير قال البارات دي برده في الفيرنا وانا بنفسي جربت تصادم مع 132 وكان رد الفعل غير متوقع ابدا !

[M.Ayman]

أنا بصراحة لسه بأبحث في موضوع التدعيم ده لأني مش لاقي موقع رسمي أو رسومات لهيكل العربية
طبعا موضوع وسائل الامان مش هانختلف فيه أنه أصبح ضرورة و مش أوبشن
لكن هيونداي فعلا بتوفر العربيتين علشان تقدر ترضي كل القدرات المالية
- عايز عربية فيها امان عالي : أدفع
- مش قادر تدفع و عايز نفس العربية لأن شكلها عاجبك و كمالياتها عاجباك خلاص هيخفض لك سعرها و يشيل شوية وسائل الامان دي بس خلي بالك بقي و أنت سايق و ماتتهورش و سوق علي قد أمكانيات عربيتك اللي في حدود أمكانياتك المادية

هيا دي المعادلة يا عزيزي اللي ناس كتير مش عايزة تفهمها

و هو ده سر حبى و احترامى للالمانى و الاوروبى فى انهم بيعتبرو الامان مش كماليه للسياره يعنى ممكن تركب البيز لاين فى الجولف مثلا تلاقى فيها نفس وسائل الامان بس فاضيه من جوه مفيهاش الا كاسيت و تكييف مثلا ,,,, انما لما ادور على اللانسر مثلا او هيونداى و انا مش معايا غير يجيب البيز لاين الاقى نفسى راكب فى عربيه مش امنه حاجه وحشه قوى خلتنى مجيبش لانسر مع انى كنت هجيب هاى لاين بس معجبنيش طريقة الاستهانه بامان العربيه فمحبتش الموضوع من اوله

نصيحه لاى حد لو معهوش يجيب هاى لاين ميجيبش احسن -الكلام سارى على كل اليابانى و الكورى -

تصدق الصينى بيقلد الالمانى و بيهتم بالامان على حساب الكماليات

[AshTurbo]

بصراحة الحاجة المشتركة في كل الحوادث دي هي أن الكابينة سليمة لدرجة أن الزجاج متكسرش بس أعتقد لو على سرعات عالية أكيد هيبقى الشكل مختلف عن كدة وهو الحال مع أي عربية والمواد المصنع منها جسم العربية خفيفة لسبب وهو أمتصاص الصدمات مع وجود بارات أمامية وخلفية ودعامات فولاذ في الأربع أبواب كافيين أنهم يوقفوا التصادم عند حد معين وحماية الكبينة بالأضافة لأكياس الهواء كخط دفاع أخير أعتقد أن الألنترا كفيلة تحميني وتحمي أسرتي بأذن الله خاصة لو نزلوا النسخة الأمريكية أو الكورية اللي ب 10 آير باج أكيد هتبقى أفضل .

[AshTurbo]

[abogharib]

انا بعد ما شفت الصور و الفديوهات ..العربيه دى طلعت اى كلام انتو بتقولو امن ايه و بتاع ايه دا الفيديو التانى اللى مكتوب فيه الرسعه 64 كم/ساعة دا العربيه ضاعت من قدام خالص يعنى امشى على سرعه 64 و اخبط خبطه كده الاقى الكبوت مطبق على بعضو باللى فيه و انتو بتقولو المضصوره من جوه امان ماشى تمام الكلام اعمل حادثه على سرعه 64 كيلو و اللاقى ربع العربيه من قدام ضاع الغربيه انكو بتقولو امن دا ورق يا جدعان امال الناس اللى مجرباها و بتقول بنمشى على 160 و 200 و الحياه زبادى خلاط لو الواحد ماشى على 120 الله اعلم العربيه هتطبق لحد فين و فعلا كلام استاذ سامح طلع مظبوط لما قال الهيونداى اخرها 60 كم و بعد كده الله اعلم

[mody3on]

و هو ده سر حبى و احترامى للالمانى و الاوروبى فى انهم بيعتبرو الامان مش كماليه للسياره يعنى ممكن تركب البيز لاين فى الجولف مثلا تلاقى فيها نفس وسائل الامان بس فاضيه من جوه مفيهاش الا كاسيت و تكييف مثلا ,,,, انما لما ادور على اللانسر مثلا او هيونداى و انا مش معايا غير يجيب البيز لاين الاقى نفسى راكب فى عربيه مش امنه حاجه وحشه قوى خلتنى مجيبش لانسر مع انى كنت هجيب هاى لاين بس معجبنيش طريقة الاستهانه بامان العربيه فمحبتش الموضوع من اوله

نصيحه لاى حد لو معهوش يجيب هاى لاين ميجيبش احسن -الكلام سارى على كل اليابانى و الكورى -

تصدق الصينى بيقلد الالمانى و بيهتم بالامان على حساب الكماليات

معاك في النقطة دي