محرك هيونداي أكسنت من افضل 10 محركات بالعالم (مناقشات)

[Samir Elshahawy]

هوندا معملتش محركات مماثلة ( دية نكتة الموسم ) ياباشا انت اكتر محركات فى العالم بتتدار من محركات هوندا ( طائرات - سيارات - بواخر - يخوت - دراجات نارية - سيارات رياضية - رالى ) فين هيونداى ياباشا من كل دول

هوندا اللى صنعت اقوى محركات العالم فئة ال b16 محركات بقوة 175- 185 حصان من محرك 1600 سى سى يحتفظ بقوتة حتى الان كاملة , وكل دة بدون تيربو او حقن مباشر للوقود ولكن بنظام ال vtec اللى لو هيونداى قعدت عمرها كلة مش هتعرف تعمل صوت الماتور دة مش قوتة

معلش محرك السيتى ال1500 سى سى بيخرج قوة 118 حصان اقوى محرك 1500 سى سى بدون شواحن

محرك ال1600 سى سى بيخرج قوة 123 حصان من سنة 2007 فى حين ان ساعتها كانت هيونداى النترا بتخرج قوة 121 حصان والسيراتو 124 حصان والاتنين بيتبهدلوا رايح جاى

دلوقتى السيفيك لسة بنفس المحرك , والالنترا طورت المحرك وزودتة 9 حصان بس حد يقولى ال9 حصان دول راحوا فين انا مش حاسس بأى تغير الصراحة ( نفس التسارع - يمكن كمان التوب سبيد للجيل القديم اعلى منة )

هية دية محركات هيونداى اللى هوندا هتاخد منها , ياباشا دية هوندا نازلة بمحرك هيمسح بكرامة الهيونداى الارض , ومش معنى ان الظروف خلت الكوريين يفوقوا شوية معناة كدة انهم خلاص انتصروا , معلش ياباشا الهوندا راجعة بقوة والدليل على كدة ان محدش كان يقدر يجيب سيرة السيفيك موديل 2010 لكن لما نزلت السيفيك بنفس الاوبشن مع التطور اللى حصل بدأ الكورى يظهر معنى كدة ان الهوندا عقبة قدام الكورى

انتظرو السيفيك بالتعديل الجديد ماتستعجلوش كلة يفرح بالسنة دية شوية بعربيتة لحد مالسيفيك تنزل بالتعديلات الجديدة وساعتها كل واحد هيعرف مقامة وهترجع تانى السيفيك بعبع الهيونداى بس المرة دية مش لوحدها لأ السوبارو راجعة بقوة واللانسر الجديدة راجعة بقوة وساعتها هيونداى هيبقى لاحول لها ولا قوة , ولما عملت كل ماعندها هتفقد كثرة المبيعات لان محدش هيشتريها وتمنها يجيب سيفيك او سوبارو او لانسر او جيتا

لما هوندا و كل اللي أنت بتقول عليهم دول يرجعوا نبقي نتكلم
و علي فكرة اليابان كلها خلاص بخ بالنسبة للصناعات الثقيلة و صناعة المحركات
البالونة المنفوخة هوا خلاص قربت تفرقع امام الدبوس الكوري

ههههههههههه

[SAMEH_FOUAD]

لما هوندا و كل اللي أنت بتقول عليهم دول يرجعوا نبقي نتكلم
و علي فكرة اليابان كلها خلاص بخ بالنسبة للصناعات الثقيلة و صناعة المحركات
البالونة المنفوخة هوا خلاص قربت تفرقع امام الدبوس الكوري

ههههههههههه

لا يمكن ياباشا لان طول عمر الهوندا وحش وهتفضل كدة

هو حضرتك شايف امن الهوندا واقفة على السيفيك بس ( اكورد كوبية - اكورد سيدان - nsx اللى لو هيونداى قعدت عمرها كلة مش هتعرف تعمل شنطتها حتى - honda legend - honda pilot - honda crv ) كل دول فخر الصناعة اليابانية

وطبعا بقى محل الخلاف سيفيك اللى انا شايفها مع التعديلات القادمة هتمسح الالنترا من جديد

معلش ياباشا هوندا وحش لا يمكن هزيمتة وبجد مش هزار ولا اى كلام , خلى الهيونداى تتقدم زى ماهية عاوزة بس فية حاجز كدة مابينها وبين الهوندا هية عارفة كويس انها مش هتقدر تعدية

[i_Am_Legend]

ماحدش يقارن هوندا بهيونداي...علشان اعصابي بتولع
بالظبط كأنك بتقارن ايفون 4.ب3000 جنيه..بأيفون صيني بخطين ب250 جنيه..هل معني ان دة بخطين انة عملي اكتر...ههههههههههههههههه

[HOSSAM99]

ماحدش يقارن هوندا بهيونداي...علشان اعصابي بتولع
بالظبط كأنك بتقارن ايفون 4.ب3000 جنيه..بأيفون صيني بخطين ب250 جنيه..هل معني ان دة بخطين انة عملي اكتر...ههههههههههههههههه

لأ كأنك بتقارن سوني بسامسونج

[Mohamed Fawzy]

يا جماعة محدش يقدر يعيب في الهوندا ولا يقول عليها تلت التلاتة كام انما بردو ده مش معناه اننا ننكر التقدم الكوري الواضح في الفترة الاخيرة والفيصل في الموضوع ده الانتشار والتنوع والكوريين الصراحة خطو خطوات عملاقة في الاتجاه ده وعملوا عربيات ومواتير تستحق الاشادة ومش غريب ابدا اننا نشوف موتور هيونداي واخد رانك عالمي هما يستحقوا ومحدش ابدا فير مع نفسه يقدر ينكر ده

[mody3on]

يا جماعة محدش يقدر يعيب في الهوندا ولا يقول عليها تلت التلاتة كام انما بردو ده مش معناه اننا ننكر التقدم الكوري الواضح في الفترة الاخيرة والفيصل في الموضوع ده الانتشار والتنوع والكوريين الصراحة خطو خطوات عملاقة في الاتجاه ده وعملوا عربيات ومواتير تستحق الاشادة ومش غريب ابدا اننا نشوف موتور هيونداي واخد رانك عالمي هما يستحقوا ومحدش ابدا فير مع نفسه يقدر ينكر ده

طول عمري بقول عليك برنس :)))

[Mohamed Fawzy]

طول عمري بقول عليك برنس :)))

تسلم يا باشا ربنا يخليك بس دي كلمة حق لازم تتقال وبعدين انت عارف انا هيونداوي قديييييييم :)

[hany63]

احب احيي اعضاء قسم هيونداي في الاول ناس في منتهى الرقي و الذوق و عمر ما المناقشات مهما اشتدت الا ان العلاقه بتفضل طيبه بينهم و قسم هوندا و اسمحولي اقول رءايي بحياديه بحكم اني من مالكي هوندا و بركب الالنترا حوالي مرتين في الاسبوع
١-اي حد ينكر ان شركة هيونداي حصل فيها طفره يبقى مش منصف
٢-يجب الاخد في الاعتبار ان هيونداي معظم موديلاتها متداوله في السوق المصري عشان سعة المحركات و رخص التمن بعكس الهوندا اللي مالهاش غير السيفيك و هي اصلا ١٨٠٠ انما بره الوضع مختلف بمعنى ان هنا انت شايف اخر هيونداي و مش شايف غير جزء بسيط من الهوندا
٣-ممكن نقول ان الهيونداي تنافس الياباني بس اول الياباني زي الصني انما هوندا متهيءالي لسه شويه
٤-مهما الكوري او الياباني او الاوروبي اتقدم هيفضل يتقدم في منطقته و مافيش داعي اذكر خصائص كل واحد اكيد الكل حافظه
٥-بدون زعل الفرق بين الكوري و الياباني زي الفرق بين طقم انتريه شكله حلو و الوانه زاهيه معمول في المناصره تمنه معقول و طقم تاني جايبه الضعف و شكله عادي بس شيك و متجاب من امريكان فيرنتشر مثلا ان معاك انهم حراميه بس شوف اللي هيحصل للطقم الاول بعد سنه
وتقبلوا مروري

[Samir Elshahawy]

أستاذ هاني ..

كل سنة و أنت طيب
و تحية لك علي كلامك المنصف جدا و اللي أتفق معاك في معظمه
و مرحبا بك دائما أخ عزيز في قسم هيونداي اللي مجمع الحبايب من كل أقسام المنتدي دائما في نقاش مثير و ساخن و مفيد في نفس الوقت دون تعصب أو أبتذال

و اسمح لي أن أطلب منك أن تقيم لنا ماتستخدمه من سيارات هيونداي و تعبر لنا عن رأيك فيها بكل الحيادية و الامانة

[hany63]

أستاذ هاني ..

كل سنة و أنت طيب
و تحية لك علي كلامك المنصف جدا و اللي أتفق معاك في معظمه
و مرحبا بك دائما أخ عزيز في قسم هيونداي اللي مجمع الحبايب من كل أقسام المنتدي دائما في نقاش مثير و ساخن و مفيد في نفس الوقت دون تعصب أو أبتذال

و اسمح لي أن أطلب منك أن تقيم لنا ماتستخدمه من سيارات هيونداي و تعبر لنا عن رأيك فيها بكل الحيادية و الامانة

بص حضرتك انا طول عمري اقيم الهيونداي من اول الاكسيل ٩٣ المصري لغاية جيل الالنترا md احسن قيمه مقابل السعر
يعني مثلا محدش ينكر ان هيونداي عملت عربيه ١٥٠٠ و كانت طياره في نظري ب ٣٣٠٠٠ جنيه مقارنه بال si وقتها كانت ب ١١٥٠٠٠ جنيه شوف يعملوا كام دلوقت
الملحوظه ان كل عربيات هيونداي ايامها عباره عن مواتير فايقه و دمتم
اخر عربيه باركبها حاليا هي الالنترا md وانا الصراحه شايفها عربيه عمليه جدا مميزاتها :
١-طلعتها جامده جدا ولا المانيوال
٢-عفشه معقوله
٣-تكييف كويس
٤-صاجها معقول و ماسكه نفسها

العيوب
١-سحبها من الحركه مش بدرجة سحبها من الثبات يعني اول ما تطلع تفتكر انها ٢٠٠٠سي سي بعد كده سحبها عادي
٢-العربيه بتحك في طوب الارض لما ٢بيركبوا ورا اكتر من السيفيك
٣-التشطيبات الداخليه لا ترقى للياباني
٤-احساس بالخوف بعد ال ١٣٠

طبعا لما نتكلم على عربيه تمنها اخره ١٢٠ الف يبقى مش من الانصاف نتكلم على عوامل الامان و الثبات اللي بجد
يعني مره انا شفت الموت قدامي بالباسات و كسرت جامد على ١٢٠ كم و حسيت العربيه هتقلب و هاخبط في العربيه اللي على يميني لقيت العربيه زي ما تكون هي اللي بتسوق و عدلت نفسها و مشيت في خط مستقيم

و احقاقا للحق انا ماجربتش الالنترا الجديده و اول ما اجربها هاقول رءايي بحياد

[Samir Elshahawy]

بص حضرتك انا طول عمري اقيم الهيونداي من اول الاكسيل ٩٣ المصري لغاية جيل الالنترا md احسن قيمه مقابل السعر
يعني مثلا محدش ينكر ان هيونداي عملت عربيه ١٥٠٠ و كانت طياره في نظري ب ٣٣٠٠٠ جنيه مقارنه بال si وقتها كانت ب ١١٥٠٠٠ جنيه شوف يعملوا كام دلوقت
الملحوظه ان كل عربيات هيونداي ايامها عباره عن مواتير فايقه و دمتم
اخر عربيه باركبها حاليا هي الالنترا md وانا الصراحه شايفها عربيه عمليه جدا مميزاتها :
١-طلعتها جامده جدا ولا المانيوال
٢-عفشه معقوله
٣-تكييف كويس
٤-صاجها معقول و ماسكه نفسها

العيوب
١-سحبها من الحركه مش بدرجة سحبها من الثبات يعني اول ما تطلع تفتكر انها ٢٠٠٠سي سي بعد كده سحبها عادي
٢-العربيه بتحك في طوب الارض لما ٢بيركبوا ورا اكتر من السيفيك
٣-التشطيبات الداخليه لا ترقى للياباني
٤-احساس بالخوف بعد ال ١٣٠

طبعا لما نتكلم على عربيه تمنها اخره ١٢٠ الف يبقى مش من الانصاف نتكلم على عوامل الامان و الثبات اللي بجد
يعني مره انا شفت الموت قدامي بالباسات و كسرت جامد على ١٢٠ كم و حسيت العربيه هتقلب و هاخبط في العربيه اللي على يميني لقيت العربيه زي ما تكون هي اللي بتسوق و عدلت نفسها و مشيت في خط مستقيم

و احقاقا للحق انا ماجربتش الالنترا الجديده و اول ما اجربها هاقول رءايي بحياد

طبعا رأي يحترم جدا جدا و شايف أنه معقول خاصة بالنسبة للالنترا الجديدة و لكن أحقاقا للحق نفس اللي حصل معاك في الباسات حصل معايا علي سرعة فوق ال 120 كم/ساعة و انت عارف باور الالنترا و ساعتها قولت أنا ضعت خلاص .... لكن الحقيقة كانت مفاجئة أن العربية عدلت نفسها تاني و رجعت لمسارها من أول لمسة دريكسيون

طبعا ماعنديش أستعداد أكرر التجربة تاني لأن ربك هو اللي بيسترها لكن صدقني عن تجربة و قيادة للعربية دي لمسافة تخطت ال 24000 كم كلهم تقريبا سفر علي طرق سريعة و مدقات رملية :
- العربية ثباتها جيد جدا و أقدر اقول لحد ال 180 كم/ ساعة
- ارتفاعها لم أواجه مشاكل معه حتي في أقصي حالات التحميل و ده بأؤكد عليه في أكثر من موقف
- التشطيبات أعتقد أنها حسب الفئة و أن كنت شايفها معقولة مش وحشة
- اما السحب فاتفق معك في أنه علي مراحل يعني تحت ال 80 تجميعها بطئ لكن جرب كده فوق ال 120 و تحديدا من ال 140 و أنت طالع هتلاقي حاجة تانية خالص

و انا سعيد جدا بمشاركتك و رايك و منتظر منك المزيد أن شاء الله

[minicooper20]

ناس فى قسم هيونداى جيبين ماتور تبع الشركه المنتجه للعربيه الركبينها
و بيتفاخرو بيه
ماتور موجود حقيقى مش افتكاسه
اثبت اعتماديه عاليه
و هما بيتفخرو بيه
ايه دخل الناس التنايه بقااااااا
انتا حد دسلك على طرف يا سمسم
ناس فى قسمهم يعملو الهما عايزينو قادا مش بيالفو
و بيعرفونا معلومه جديده و موجوده فى الحقيقه
الانصاف يا جماعه و كفانا حساسه من بعض لمجرد الماركه الحنا منعرفش نعمل مسمار فيها
تحياتى

[Samir Elshahawy]

ناس فى قسم هيونداى جيبين ماتور تبع الشركه المنتجه للعربيه الركبينها
و بيتفاخرو بيه
ماتور موجود حقيقى مش افتكاسه
اثبت اعتماديه عاليه
و هما بيتفخرو بيه
ايه دخل الناس التنايه بقااااااا
انتا حد دسلك على طرف يا سمسم
ناس فى قسمهم يعملو الهما عايزينو قادا مش بيالفو
و بيعرفونا معلومه جديده و موجوده فى الحقيقه
الانصاف يا جماعه و كفانا حساسه من بعض لمجرد الماركه الحنا منعرفش نعمل مسمار فيها
تحياتى

لك كل تحياتي , فعلا انت محق و ده اللي نفسي فيه أننا ننقل الخبر و المعلومة اللي هيا من مصدر موثق علشان نستفيد يمكن نتعلم و نعرف نعمل زيهم

[devil_storm]

ناس فى قسم هيونداى جيبين ماتور تبع الشركه المنتجه للعربيه الركبينها
و بيتفاخرو بيه
ماتور موجود حقيقى مش افتكاسه
اثبت اعتماديه عاليه
و هما بيتفخرو بيه
ايه دخل الناس التنايه بقااااااا
انتا حد دسلك على طرف يا سمسم
ناس فى قسمهم يعملو الهما عايزينو قادا مش بيالفو
و بيعرفونا معلومه جديده و موجوده فى الحقيقه
الانصاف يا جماعه و كفانا حساسه من بعض لمجرد الماركه الحنا منعرفش نعمل مسمار فيها
تحياتى

اوبا مينى كوبر بيقول كده... ار اعترف مين رشاك!!! بعدين بالراحة على سمسم هو حيلاقيها من مين ولا مين!! هو قادر يسد على ملاك الكورى علشان يسد على ملاك الاوربى كمان... خخخخخ

خلاص يا جماعة الراجل ده مينفعش يساب لوحدة تستفردوا بية كدة!!! انا معاك يا سمسم مواتير هيونداى تعبانة و الالنترا صالونها ضيق جدددددا و خامتها بلاستيك تعبان و مش ثابتة بعد 90 و بتضرب شالبظات و هى ماشية و صباحك فل يا سمسم هاهاها

و اللى مش مقتنع ان صالون الالنترا ضيق ادى الدليل:




هاهاهاهاى

[ahmedbasto]

بصراحة هيواندى يرفع لها القبعة بعد نكسة التسعينات وصلت لترتيبات عالمية الى الأمام يا هيواندى مع تحفظى على غبور