الكورى اتطور فى اية؟؟؟ سمسم يسال و الهيونداوية تجيب :)

[devil_storm]

[QUOTE=semsem kane;3874454527]
وانا نفسى اعرف هيونداى اتقدمت فى اية نفسى حد يرد عليا كل مرة بتيجوا عند السؤال دة ومابتعرفوش تردوا
[/QUOTE]

دى بعض الحجات اللى اتطورت فى النترا 2012 عن النترا 2011 و فى المقابل تعالى نشوف اليبانى ذى المازدا 3 او الهوندا سيفيك اتطور فى اية:\

1- الفتيس
اصبح الفتيس 6 سرعات قصاد 4 سرعات فى الموديل السابق و دة ساهم فى تخفيض استهلاك الوقود بنسبة 6%
فى المقابل الهوندا و المازدا لم يتم تطوير شىء فى الفتيس

2- قاعدة العجلات و وسع الصالون
تم زيادة طول قاعدة العجلات عن الموديل السابق وده ادى الى مزيد من الثبات و زيادة فى مساحة الصالون و خاصة مساحة الارجل و عرض الصالون
فى المقابل المازدا لا يوجد تطوير و الهوندا صغرت قاعةد العجلات!!!! ايوة قاعدة عجلات الهوندا صغرت عن الموديل السابق مش بهزر J انا مش عارف هوندا بتعمل اية بصراحة فهمنى يا سمسم J

3- حجم الجنوط و الثبات
تم زيادة حجم الجنوط و عرضها عن الموديل السابق و تنشيف العفشة شوية و ده ساهم فى زيادة الثبات عن الموديل السابق
فى المقابل هوندا صغرت حجم الجنوط عن الموديل السابق!!! و ده قلل الثبات!!! و السيارة علية عن الارض يعنى ثبات اقل و اقل عن الموديل السابق!!! فهمنى يا سمسم هوندا بتعمل اية؟؟؟

4- الماتور
تم تطوير الماتور و ده ادى الى زيادة عدد الاحصنة 9 احصنة عن الموديل السابق مع تطوير ماتور gdi يولد قوة 140 حصان بس مش بينزل مصر علشان محتاج بنزين 95
فى المقابل لا تطوير فى الماتور للهوندا و المازدا 3!!!

5- الاوبشن و الرفاهية
تم اضافة كم هائل من الكماليات طبعا مستحيل اعرف احصرها بس دى عينة بسيطة: auto park – شاشة touch screen 7 inch with GPS - سخانات فى الكراسى الامامية و الخلفية – فوانيس led – 6 ايرباجز استاندر – كاميرا خلفية – زينون - بلوتوث – نظام البصمة – سنسور بارك ...
فى المقابل تطوير اليبانى ضعيف جدا فى الاوبش

6- التصميم الخارجى
تم تطوير التصميم الخارجى عن الموديل السابق و التصميم الجديد عامل طفرة فى العالم و بيزود ايدرودينامكية السيارة
فى المقابل مازدا غيرت الشكل للاسوء و الفم الضاحك فى المقدمة لاقى انتقادات كثيرة و هوندا كذلك غيرت الشكل للاسوء و الخبراء برة بيسالو هى هوندا بتعمل ايه!!!!

7- جودة الخامات و النظام الصوتى
الخامات الداخلية اصبحت افضل بكتير من الموديل السابق و اللى يركب الفولى لودد حيفهم انا بقول ايه و الكلام ده مش كلامى ده كلام كل المواقع اللى قيمة السيارة بره و قرنوها بالموديل السابق. كمان النظام الصونى اصبح تحفة و الصوت نقى جدا جدا و افضل بكتير من الموديل السابق.
فى المقابل الهوندا قللت من جودة الخامات جدا و اصبحت السيارة كلها بلاستيك و ده بردة مش كلامى ده كلام الخبراء بره و مستعد اجبلك 100 موقع بيقول كدة

8- الفرامل و وسائل الامان
فى مصر الموديل السابق مكنش فى فرامل abs ولا airbags فى حين الموديل الحالى اصبح فية يعنى الفرامل اصبحت اقوى و الامان زاد عن الموديل السابق.

بص انا تعبت و مش حكمل بس المختصر:
هيونداى النترا تطوير شامل عن الموديل السابق – تطوير فى الشكل و الرفاهية و الاوبشن و الثبات و الماتور و الوسع و الثبات و جوده الخامات المستخدمة و وسائل الامان و ... و ...
اليبانى ذى هوندا عدم تطوير او تطوير للاسوء!!!!

العالم كلة بيتكلم عن تطور الكورى الرهيب و تاخر اليبانى و انت الوحيد يا سمسم اللى بتسال الكورى اتطور فى ايه؟؟؟؟

انا اتكلمت عن تطوير الالنترا لان ده اللى يهمنى, انا مش حتكلم عن الجنسيس او الايكوس او k9 لان ده ميهمنيش كمشترى!!! سبحان الله هو انا حشترى ايكوس او هوندا legand!!!

بس للى حابب يعرف بعض المعلومات عن تطور الكورى بشكل عام حقتبس مشاركة حسام مفيش افضل منها

ايه دا انتوا لسه مكملين :)

طيب بما ان سيرة التطور افتحت , هاحاول اقول نبذه مختصره عن تطور هيونداى وكيا والكورى عموما , صحيح هيونداى وكيا ملهمش تاريخ كبير زى معظم الماركات الاوروبى واليابانى بس مش شرط انها ملهاش تاريخ يبقى ملهاش حاضر ولا مستقبل

اولا المبيعات : طبعا المبيعات مش كل حاجه بس دا عامل مهم يدل على تطور الماركه ونجاحها ومدى ثقة المشترى فيها وانها بتلبى احتياجاته , ولو كانت المبيعات مش مهمه مكنش جنرال موتورز وتويوتا وفولكس فاجن يقطعوا بعض على المبيعات وهاتك يا بناء فى مصانع فى الصين وغيره :)

المهم , سنة 98 كانت مبيعات هيونداى حوالى 900 الف عربيه فقط , وكيا 365 الف , ترتيب هيونداى كان ال 15 عالميا , و كيا 21 عالميا , ولو جمعنا مبيعاتهم يبقى مليون و 265 الف فى المركز ال 13 عالميا ومعظم الماركات اليابانى والاوروبى سابقاهم فى الترتيب
سنة 99 كانت اول مره مبيعات هيونداى تعدى المليون وبالتحديد مليون و 307 الف وكيا 796 الف وطلعوا للمركز ال 11 عالميا
سنة 2001 طلعو للمركز التاسع بحوالى 2 مليون ونص عربيه , وفضلت فى نفس المركز لحد سنة 2005 بس مبيعاتها زادت شويه عدت ال 3 مليون للشركتين مع بعض
سنة 2006 كان فيها طفره لانهم وصلوا للمركز الخامس عالميا وهيونداى وصلت مبيعاتها 2 مليون ونص وكيا عدت المليون
سنة 2008 عدت مبيعاتهم ال 4 مليون واستمرت فى المركز الخامس لحد 2009
2010 كانت طفره تانيه ووصلوا للمركز الرابع واستمروا فيه لحد 2011 وغالبا السنه دى كمان 2012 لان المبيعات مازالت فى زياده , 2010 كيا وصلت 2 مليون و 2011 وصلت 2 مليون ونص , هيونداى فى 2011 عدت 4 مليون
بخلاف اجمالى المبيعات , الجديد فى السنوات الاخيره ان هيونداى وكيا وتحديدا هيونداى بقى ليها وجود وانتشار فى امريكا واوروبا ودى حاجه مكنتش موجوده من 10 سنين مثلا
ثانيا تطور العربيات :
فى البدايه هيونداى كانت بتعتمد على ميتسوبيشى فى المواتير فى موديلات زى البونى , وكيا خدت من مازدا زى السيفيا والبرايد , بس فى اواخر التسعينات واوائل الالفينات ابتدو يعتمدوا على نفسهم فى المواتير وغيره
لحد فتره قريبه كان اقوى موتور 1600 بيطلع 105 حصان كان بينزل فى معظم الموديلات , وبعد كدا بقى 112 حصان اللى فى الاكسنت الجيل التالت وريو الجيل التانى , وبعدها بقى 121 حصان فى الالنترا و 124 سيراتو ومؤخرا 130 فى الالنترا و 140 بال GDi
نفس الكلام باقى المواتير كلها اتطورت قدرتها زادت مع استهلاك بنزين وانبعاثات اقل
استعملت التربو فى الموتور ال 2000 سى سى Theta بيطلع 271 حصان 365 نيوتن بينزل فى السوناتا والاوبتيما والسبورتاج , تانى تربو كان ال 1600 اللى بينزل فى الفيلوستر 204 حصان 265 نيوتن
استعملت الحقن المباشر GDi فى معظم مواتيرها 1600 - 2000 - 2400 - 3000 - 3300 - 3800 - 5000
عملت اقوى موتور ليها لحد دلوقتى 5000 سى سى 430 حصان 510 نيوتن بينزل فى الايكوس والجينيسيس
طورت الفتيس من 4 سرعات ل 5 وبعدين 6 واخيرا 8 سرعات وشغالين على ال 10 سرعات
عملت فتيس دوال كلتش DCT بينزل فى الفيلوستر
بتستعمل نظام تعليق منفصل ( فى الموديلات الاوروبيه او الكبيره فقط )
عملت Full Size Luxury Car الايكوس والكوريس K9
معظم الاوبشنز والرفاهيه والتكنولوجيا الموجوده فى باقى الماركات بقت موجوده عادى
بقى عندهم اكتر من 30 موديل فى مختلف الفئات
الامان :
من الحاجات المهمه طبعا واللى اشتغلت هيونداى كيا عليه واللى اثبته نتايج ال EuroNCAP , وفى الموديلات الاوروبى وفى امريكا معظم العربيات 6 ايرباج و ESP وغيرهم من وسائل الامان
سنة 2007 كيا سييد كانت اول عربيه كورى تاخد 5 نجوم , ومن ساعتها كل عربيات كيا 5 نجوم لحد وقتنا هذا ( عدا البيكانتو ) وعددهم 6 موديلات , هيونداى كانت اول عربيه تاخد 5 نجوم ال i30 فى 2008 ومن بعدها برضه كلو 5 نجوم وعددهم 7 موديلات
دا غير اختبارات امريكا وال ANCAP للموديلات التانيه اللى مابتتباعش فى اوروبا وخدت 5 نجوم
الجوائز :
خدت كذا جايزه سواء سيارة العام او من افضل مواتير او احسن تصميم
وعموما هيونداى تعتبر الماركه الاكثر نموا فى العالم حاليا
وموديلاتها فرضت نفسها بقوة وبقى لها الحق والجرأه انها تتقارن بموديلات يابانى واوروبى وتتفوق احيانا باعترافات وتقييمات كبار خبراء السيارات فى العالم

طبعا انتوا زهقتوا لان كدا مابقتش نبذه مختصره دانا حكيت تاريخ حياتهم :)

[ahmedsamir5edr]

يااااه ده انت افحمتهم. يا راجل

بالراحه شويه

[mazagngi2010]

لاحول ولا قوه الا بالله
ياجدعان كفايه هرى بقى فى المواضيع دى
وكل واحد وقناعته لانها مش هتتغير

[ibn_seena]

الهيونداي بكل التطورات اللي بتقول عليها.
بتفكرني بالموبايل الصيني.
نهاري ابيض موبايل وشريحتين وتليفزيون وراديو و..و...و.... و.
وكمان ارخص من النوكيا والايفون وامكانياته اعلي بكتيييييير. ... انا لازم اجيبه. والنتيجه. .... الاوبشنز. مش كل حاجه. المهم جودة الصناعه. عمر فرامل الكوري هتكون زي الالماني. . ولا ثباته ولا متانته ولا صاجه ولا عفشته. ...
من الاخر. الالنترا اللي دفع فيها 160. الف لبس خازوق كبيييير.
وجهة نظري. .... وعلي فكرة. انا لسه شاري اوبل كورسا الجديده .... والوالد كان مقتنع بالهيونداي بطريقة فظيعه. ولما خليته يركبها. قاللي ولا ببلاش. يا الماني يا ياباني. .....
وجهة نظرة بردة. ونرجو من السادة الافاضل تقبل وجهات النظر بصدر رحب

[SAMEH_FOUAD]

دى بعض الحجات اللى اتطورت فى النترا 2012 عن النترا 2011 و فى المقابل تعالى نشوف اليبانى ذى المازدا 3 او الهوندا سيفيك اتطور فى اية:\

1- الفتيس
اصبح الفتيس 6 سرعات قصاد 4 سرعات فى الموديل السابق و دة ساهم فى تخفيض استهلاك الوقود بنسبة 6%
فى المقابل الهوندا و المازدا لم يتم تطوير شىء فى الفتيس

- واضح جدا ان الفتيس تتطور الصراحة ياباشا احنا هنضحك على نفسينا فتيس الالنترا اسما 6 سرعات واداء مالوش اى لزمة , مانا سوقت ال6 سرعات عزم وتسارع ودى ريح الماتور خالص ومتبقاش حاضر معاك , واستهلاك بنزين اية اللى قل العربية بتعمل فى وسط البلد 200 كم زيها زى اى عربية مانيوال واتوماتيك اربع سرعات مش خمسة حتى

2- قاعدة العجلات و وسع الصالون
تم زيادة طول قاعدة العجلات عن الموديل السابق وده ادى الى مزيد من الثبات و زيادة فى مساحة الصالون و خاصة مساحة الارجل و عرض الصالون
فى المقابل المازدا لا يوجد تطوير و الهوندا صغرت قاعةد العجلات!!!! ايوة قاعدة عجلات الهوندا صغرت عن الموديل السابق مش بهزر J انا مش عارف هوندا بتعمل اية بصراحة فهمنى يا سمسم J

كويس قاعدة العجلات كبرت والسقف وطى والزجاج الخلفى اختفى هو كدة عمل اية يعنى

وفى الاخر العربية انا ركبتها عادى جدا يمكن بقت بتضايق بسبب انخفاض السقف وانا طويل , فبقى الوضع غير مريح

وانا معاك ان قاعدة عجلات الهوندا صغرت ودة خطأ منهم بس فى المقابل رفعوا ارتفاع السقف

3- حجم الجنوط و الثبات
تم زيادة حجم الجنوط و عرضها عن الموديل السابق و تنشيف العفشة شوية و ده ساهم فى زيادة الثبات عن الموديل السابق
فى المقابل هوندا صغرت حجم الجنوط عن الموديل السابق!!! و ده قلل الثبات!!! و السيارة علية عن الارض يعنى ثبات اقل و اقل عن الموديل السابق!!! فهمنى يا سمسم هوندا بتعمل اية؟؟؟

حجم الجنوط اية ياباشا اللى بقى فية تطوير , هية دلوقتى الجنوط بقت بتدخل تمن تطوير العربية , وهية فين العربية الثابتة دية , والعفشة ناشفة اة , ثابتة لأ
ومين قالك هوندا قللت الكاوتش , لأ هو بينزل 16عادى خالص سواء فى اول فئة او اعلى فئة

وهية مين اللى اعلى عن الارض واقسم بالله الالنترا كانت مركبة فى العربية كلها اربع افراد حكت فى مطب وعدت من وراها فيرنا محملة العربية كلها وعليها حاجات فوق الشبكة لانها كانت تاكسى والله ولا حكت نهائى , وتقولى زود ارتفاع العربية هههههههههه
هيونداى لو لزقت العربية فى الارض مش هتبقى ثابتة بردة وحتى لو شالت المساعدين وحطط بدلهم مساعدين مسلح بردة مش هتثبت

4- الماتور
تم تطوير الماتور و ده ادى الى زيادة عدد الاحصنة 9 احصنة عن الموديل السابق مع تطوير ماتور gdi يولد قوة 140 حصان بس مش بينزل مصر علشان محتاج بنزين 95
فى المقابل لا تطوير فى الماتور للهوندا و المازدا 3!!!

هما فين ال9 حصان دول لما النترا 130 حصان توصل من صفر الى 100 فى 10.7 او 10.5 ثانية , والالنترا 121 حصان بتجيبهم فى 10 ثوانى , والسيفيك اللى شغالة بنظام drive by wire فى الطلعة بتجيبهم فى 10.2 ثانية , فين التطور دة ؟؟؟؟؟؟؟؟؟؟ حد يقولى راحوا فين ال9 حصان , اكيد وهما بيعملوا الماتور حد نسى غطاء التاكيهات مفتوح فالاحصنة هربت

ماتور الالنترا فية نظام ال dvvt , المفروض انة زى نظام عمل ال i-vtec فى الهوندا
اركب دة واركب دة وانت هتعرف مين اللى سابق فى التكنولوجيا بكتيييييييييييييييييييير فى المحركات , صوت ماتور الهوندا تحب تسمعة بعد ال4200 rbm من متعة نظام الvtec بعكس ماتور هيونداى تبقى عايز تحط قطنة فى ودنك من كتر ازعاج صوت المحرك وعايز تعرف حاجة كمان الالنترا اخرها بالعافية 210 كم السيفيك بتجيب 226 كم عادى جدااااااااااااااااا , ابقى سلملى على ال9 حصان
محرك الgdi اللى بيخرج ال140 حصان مش هتكلم علية عشان ماجربتوش

5- الاوبشن و الرفاهية
تم اضافة كم هائل من الكماليات طبعا مستحيل اعرف احصرها بس دى عينة بسيطة: auto park – شاشة touch screen 7 inch with GPS - سخانات فى الكراسى الامامية و الخلفية – فوانيس led – 6 ايرباجز استاندر – كاميرا خلفية – زينون - بلوتوث – نظام البصمة – سنسور بارك ...
فى المقابل تطوير اليبانى ضعيف جدا فى الاوبش

اية ياعم الاوبشن دة , والله دة نازل فى السيفيك من موديل 1993

وبلوتوث اية بس اللى بقى اوبشن دلوقتى هات 1500 جنية وانزل اجيبلك جهاز فية كل دة

معلش معلش

6- التصميم الخارجى
تم تطوير التصميم الخارجى عن الموديل السابق و التصميم الجديد عامل طفرة فى العالم و بيزود ايدرودينامكية السيارة
فى المقابل مازدا غيرت الشكل للاسوء و الفم الضاحك فى المقدمة لاقى انتقادات كثيرة و هوندا كذلك غيرت الشكل للاسوء و الخبراء برة بيسالو هى هوندا بتعمل ايه!!!!

شوف عملت شكل حلو اة , ايرديناميك لأ
مازدا شكلها وحش ياراجل حراااااااام عليك

هوندا شكلها مش مقبول من الخلف فقط لكن من الامام والجنب كويسة جدااااااااا , بس على الاقل معمولة بنظام ايرودينامك عالى جدا

7- جودة الخامات و النظام الصوتى
الخامات الداخلية اصبحت افضل بكتير من الموديل السابق و اللى يركب الفولى لودد حيفهم انا بقول ايه و الكلام ده مش كلامى ده كلام كل المواقع اللى قيمة السيارة بره و قرنوها بالموديل السابق. كمان النظام الصونى اصبح تحفة و الصوت نقى جدا جدا و افضل بكتير من الموديل السابق.
فى المقابل الهوندا قللت من جودة الخامات جدا و اصبحت السيارة كلها بلاستيك و ده بردة مش كلامى ده كلام الخبراء بره و مستعد اجبلك 100 موقع بيقول كدة

ههههههههههههههه خلاص اعتراف منك ان كل الفئات اللى بتنزل من الالنترا كنب , والفولى لودد بس هية اللى كويسة , مع ان crypton ومعاة 2012 قالك عادى جدا ومش شايف تغييييييييييييييييييير , يبقى ملاك الفولى لودد بيضحكوا على نفسيهم عشان يحللوا ال160 الف اللى مدفوعين فيها
وبعدين ياباشا ماخلاص هو انت لسة عايش فى خامات السيفيك اللى نزلت فيها اول ظهورها انسى خلاص كل دة اتعدل

مش هو دة النظام الصوتى اللى ماتقدرش تجيب فية اكتر من 22 ههههههههههههه
انت بتحسسنى انى كنت راكب عربية تانية

8- الفرامل و وسائل الامان
فى مصر الموديل السابق مكنش فى فرامل abs ولا airbags فى حين الموديل الحالى اصبح فية يعنى الفرامل اصبحت اقوى و الامان زاد عن الموديل السابق.

انت على فكرة معلوماتك قليلة قوى عن هيونداى عشان هيونداى فى موديل 2011 واخر 2010 نزلت النترا Abs- airbag

وماشاء الله العربية بقى فيها انظمة امان وماردوش يحطوا ال ebd عشان هيغلى العربية صح , ههههههههههه وب 160 الف جنية ومافيهاش نظام اتزاااااااااااااااااااااااان
وفراملها تعبانة 142 قدم مقابل 131 للسيفيك وموقع هيونداى هو اللى بيقول كدة مش جايب حاجة من عندى

معلش ياباشا كل اللى بيركب الالنترا 2012 و والنترا 2010 بيقولك مافيش فرق الا فى التصميم وحاجات بسيطة والكل بيقول 2010 واظن الاخ اللى عمل سفر بالالنترا 2012 لمسافة 800 كيلو قال فى النهاية افضل الالنترا 2010 , مش لو كانت تقدمت كان قالك 2012 واهو ولا معانا ولا معاكوا

العالم كلة بيتكلم عن تطور الكورى الرهيب و تاخر اليبانى و انت الوحيد يا سمسم اللى بتسال الكورى اتطور فى ايه؟؟؟؟

ولسة بسأل يا devil فيييييييييييييييييييييييييين التقدم

[horas3000]

لاحول ولا قوه الا بالله
ياجدعان كفايه هرى بقى فى المواضيع دى
وكل واحد وقناعته لانها مش هتتغير

يا باشا سيبهم براحتهم
دي المواضيع دي هي اللي مخليه للمنتدي جو خصوصا بعد عزل القسم الاجتماعي و السياسي
بمعني اخر
خليهم يتسلوا

[koshary]

م الاخر الكورى من 0-100 بس

[Samir Elshahawy]

[frame="3 80"]
- واضح جدا ان الفتيس تتطور الصراحة ياباشا احنا هنضحك على نفسينا فتيس الالنترا اسما 6 سرعات واداء مالوش اى لزمة , مانا سوقت ال6 سرعات عزم وتسارع ودى ريح الماتور خالص ومتبقاش حاضر معاك , واستهلاك بنزين اية اللى قل العربية بتعمل فى وسط البلد 200 كم زيها زى اى عربية مانيوال واتوماتيك اربع سرعات مش خمسة حتى
[/frame]



استهلاك الالنترا معايا في المدينة (انا لم أسافر منذ شهر و كل أستخدامي داخل المدينة) :
- 250 كم / 20 لتر
- متوسط الأستهلاك حسابيا و من خلال قراءة كمبيوتر العربية تتراوح من 7.5 الي 8.0 لتر/ 100 كم
- متوسط السرعة لهذا الاستهلاك : من 35 الي 40 كم / ساعة
- أسلوب القيادة : عادية (يعني فيها شوية حرق حسب الظروف علي شوية سواقة هادية)
- التكييف : شغال طوال الفترة الماضية (و لو أني شايف أن ليس له تأثير كبير علي الاستهلاك)

أختبار أخر مع تحميل العربية علي الدائري:
- 5 أفراد
- شنطتين وزن خفيف
- متوسط السرعة 56 كم / ساعة
- أقصي سرعة وصلت الي 90 كم / ساعة (حسب حالة الطريق)
- التكييف شغال
- المسافة المقطوعة 226 كم
- متوسط الاستهلاك 8.0 لتر / 100 كم
- الأستهلاك الفعلي : لم يتم حسابه بعد و سأعلنه بعد أعادة ملء التانك



أما علي الطرق السريعة :
- حتي سرعة 138 كم/ساعة متوسط الاستهلاك مابين 6.5 الي 8.0 لتر / 100 كم
- أفضل متوسط أستهلاك حققته كان 4.6 لتر / 100 كم علي سرعة 110 كم لمسافة 50 كم
- التفويلة حوالي 40 لتر (سعة التانك 48 لتر) بتعمل معايا في المتوسط حوالي 500 كم

استهلاك الالنترا أقل من أستهلاك الياريس (1300 سي سي) و أقل من أستهلاك الكورورلا و ده من واقع ارقام فواتير البنزين اللي عندي

[SAMEH_FOUAD]

معلش يااستاذ سمير مافيش عربية النترا بتعمل 250 كيلو فى الصفيحة , اقصى تقدير يوم ماتكون ماشى على سرعة 90 كم العربية ممكن تعمل معاك 210 كم

وبعدين معلش ياباشا حضرتك كاتب سرعة 30-40 , هو مين فى البلد بيمشى على سرعة 30-40 لية ماشى فين فى حارة

اكيد طبعا السرعة فى مصر مابتقلش عن سرعة 70 كم

وبعدين عشان حضرتك تبقى عارف ان افضل سرعة ليك فى استهلاك البنزين هية سرعة 90 بعد كدة وقبل كدة استهلاك بنزين عالى

انا صاحبى معاة ال rb العداد بيكتب 450 كم فى التفويلة وطبعا بتبقى اقل من كدة فعلى دة بالنسبالى رقم وهمى لان العربية مابتعديش ال400 كم فى افضل الاحوال

[Samir Elshahawy]

معلش يااستاذ سمير مافيش عربية النترا بتعمل 250 كيلو فى الصفيحة , اقصى تقدير يوم ماتكون ماشى على سرعة 90 كم العربية ممكن تعمل معاك 210 كم

وبعدين معلش ياباشا حضؤتك كاتب سرعة 30-40 , هو مين فى البلد بيمشى على سرعة 30-40 لية ماشى فين فى حارة

(1).. أنت بتقاوح في ايه بس ؟
أنا جايب لك ارقام من علي كمبيوتر العربية (الكوري) و من الجي بي أس (الصيني) و من خلال حساباتي أنا (مصري)
أنا باقدم أدلة و براهين و ارقام أنت بتستند علي ايه ؟


(2).. أنا كاتب (متوسط سرعة)
طبعا عارف يعني أيه متوسط سرعة ؟

و بعدين هو جوه البلد حد بيعرف اليومين دول يمشي ؟ ده أحنا تقريبا معظم الوقت واقفين بسبب الاشارات و الزحمة و حوادث الطرق و بنحرق بنزين علي الفاضي
معلش أصل هيونداي لسه ماتقدمتش و عملت أجنحة للعربيات علشان تطير فوق العربيات اللي واقفة قدامها في الطريق
بس مش بعيد يعملوها و يسبقوا هوندا زي ماهما سابقينها دلوقتي في المبيعات و تكنولوجيا المحركات (بأمارة المحرك اللي من أفضل 10 محركات في العالم)

[SAMEH_FOUAD]

[frame="3 80"]
ماهية المشكلة انى بشوف حاجات غريبة على الكمبيوتر دة و يعنى لما تلاقى الكمبيوتر قارى 380 كم مسافة فاضلة وتمش شوية وتزود سرعة عربيتك 5 كم بس زيادة تلاقى القراية بقت 378 ثم 376 عشان بس زودت 5 كم , معلش انا شايفة غير صحيح بالمرة
[/frame]

ماهو بيتغير تبعا لتغير متوسط الاستهلاك لأن لما بتغير السرعة ممكن متوسط الاستهلاك بيعلي لأنك ممكن تكون حرقت شوية و الكمبيوتر بيعيد حساباته بناء علي المتوسط الجديد

و ممكن يحصل العكس أن متوسط الاستهلاك ينخفض فالمسافة المتبقية تزيد و ده تقدر تلاحظه بعد التفويل مباشرة أن قراءة المسافة المتبقية بتكون فيحدود ال 510 أو 520 كم و متوسط الاستهلاك بيكون علي أكثر من 11 لتر/ 100 كم و بمجرد التحرك و ان العربية تأخد سرعتها يبدأ متوسط الاستهلاك ينخفض تدريجيا الي 8 لتر/ 100 كم (انا باتكلم عن عربيتي) و هنا بترتفع قراءة المسافة المتبقية و قد تصل الي 530 كم بالرغم من أني قد أكون قطعت مسافة 5 أو 10 كم مثلا

واضح ان تكنولوجيا الالنترا لسه ماوصلتش هوندا علشان كده مش قادر تفهمها ياسمسم و ده اكبر دليل أن هيونداي أتطورت و قفزت بشكل أنتوا مش قادرين تلاحقوه


اما باقي كلامك فلن أعلق عليه و هأترك الاخوة نجوم هيونداي يعلقوا عليه او مايعلقوش

[Samir Elshahawy]

هو فيه ايه ياجدعان
أيه اللي بيحصل في المنتدي ده ؟

المشاركات بتروح فين ؟
و ايه اللي لخبط المشاركات كده ؟

[SAMEH_FOUAD]

ماهو بيتغير تبعا لتغير متوسط الاستهلاك لأن لما بتغير السرعة ممكن متوسط الاستهلاك بيعلي لأنك ممكن تكون حرقت شوية و الكمبيوتر بيعيد حساباته بناء علي المتوسط الجديد

و ممكن يحصل العكس أن متوسط الاستهلاك ينخفض فالمسافة المتبقية تزيد و ده تقدر تلاحظه بعد التفويل مباشرة أن قراءة المسافة المتبقية بتكون فيحدود ال 510 أو 520 كم و متوسط الاستهلاك بيكون علي أكثر من 11 لتر/ 100 كم و بمجرد التحرك و ان العربية تأخد سرعتها يبدأ متوسط الاستهلاك ينخفض تدريجيا الي 8 لتر/ 100 كم (انا باتكلم عن عربيتي) و هنا بترتفع قراءة المسافة المتبقية و قد تصل الي 530 كم بالرغم من أني قد أكون قطعت مسافة 5 أو 10 كم مثلا

واضح ان تكنولوجيا الالنترا لسه ماوصلتش هوندا علشان كده مش قادر تفهمها ياسمسم و ده اكبر دليل أن هيونداي أتطورت و قفزت بشكل أنتوا مش قادرين تلاحقوه


اما باقي كلامك فلن أعلق عليه و هأترك الاخوة نجوم هيونداي يعلقوا عليه او مايعلقوش

دة على اساس اية معلش فى الهوندا ياباشا الاستهلاك بيطلع مظبوط فعلا واللى احنا بنستهلكة هو دة اللى بنمونة

لكن فى الهيونداى معلش ياباشا القرايات غير مظبوطة بالمرة , وبعدين انا بقولك زودت خمسة كم , هو كدة ابقى حرقت , ههههههههههههه

وتكنولوجيا اية ياباشا صلى على النبى خلى الطابق مستور


شركة هيونداى دية بالظبط عاملة زى المستهلك المصرى ,بيشترى ويركب وشكرا , هية بقى بتشترى وتركب وشكرا , عشان كدة ولا احنا تطورنا ولا هية عمرها هتتطور

هوندا لما اخترعت نظام ال vtec بهر العالم بقوتة , وتطورتة الى ان اصبح i-vtec
ودة النظام الوحيد اللى بيخرج قوة عالية من سى سى قليل بدون شواحن , ومايماثلة من انظمة من شركات يابانية كل الناس عارفاها

هيونداى بقى عملت اية اشتريت نظام مشابهة وركبتة على مواتيرها وياريتة نافع انما نظام تعبان و لا لية اى لزمة والله تشيلة احسن , عمرى ماسوقت عربية هيونداى وحسيت بوجودة فى المحرك بالعكس بشك كل مرة انة مش موجود اصلا واسم وخلاص زى حاجات كتير ماهية اسم ومنظر

وكويس اوى ياباشا كلمة (انا بتكلم عن عربيتى ) يعنى على كدة ممكن اركب هيونداى مالاقيش الارقام دية والاقى الاستهلاك زايد زى الشكاوى الكتير اللى عندكوا فى القسم

طيب قول بقى الحمد لله ان عربيتك مافيهاش العيب دة

[Samir Elshahawy]

دة على اساس اية معلش فى الهوندا ياباشا الاستهلاك بيطلع مظبوط فعلا واللى احنا بنستهلكة هو دة اللى بنمونة

لكن فى الهيونداى معلش ياباشا القرايات غير مظبوطة بالمرة , وبعدين انا بقولك زودت خمسة كم , هو كدة ابقى حرقت , ههههههههههههه

وكويس اوى ياباشا كلمة (انا بتكلم عن عربيتى ) يعنى على كدة ممكن اركب هيونداى مالاقيش الارقام دية والاقى الاستهلاك زايد زى الشكاوى الكتير اللى عندكوا فى القسم

طيب قول بقى الحمد لله ان عربيتك مافيهاش العيب دة

ماهو برضه و انا باتكلم عن التجربة في عربيتي اللي الكمبيوتر بيطلعه بيكون مطابق لحسباتي و اللي بأمونه

اما الشكاوي فواحد او اثنين مش شكاوي و قبل كده أنت قولت نفس الكلام و عملت موضوع لتجميع الشكاوي لاقيت 2 أو 3 و هما عاملين مواضيع مكررة و بعد كده ماحدش أشتكي

و أنا لما شرحت طريقة الاستفادة من ميزة الايكو ماحدش أشتكي بعد كده و بالعكس كل اللي قابلتهم و معاهم ألنترا md ماحدش بيشتكي من الاستهلاك بالعكس بيشكروا في العربية

بطل أشاعات ياسمسم و شيل الالنترا من دماغك

[SAMEH_FOUAD]

ماهو برضه و انا باتكلم عن التجربة في عربيتي اللي الكمبيوتر بيطلعه بيكون مطابق لحسباتي و اللي بأمونه

اما الشكاوي فواحد او اثنين مش شكاوي و قبل كده أنت قولت نفس الكلام و عملت موضوع لتجميع الشكاوي لاقيت 2 أو 3 و هما عاملين مواضيع مكررة و بعد كده ماحدش أشتكي

و أنا لما شرحت طريقة الاستفادة من ميزة الايكو ماحدش أشتكي بعد كده و بالعكس كل اللي قابلتهم و معاهم ألنترا md ماحدش بيشتكي من الاستهلاك بالعكس بيشكروا في العربية

بطل أشاعات ياسمسم و شيل الالنترا من دماغك

ياباشا هو كام واحد معاة ال md فى القسم ؟؟؟؟؟؟

معلش ياباشا الeco mode مالوش اى تأثير فى العربية سواء فى استهلاك او فى محرك والله انا سوقتها بية محستش بأى حاجة نهائى

وانتوا نفسكوا اعترفتوا ان فعلا نظام ال eco mode منظر بس

معلش ياباشا انا مش بطلع اشاعات , حضرتك ممكن تشوف استطلاع رأى كدة اللى معاة النترا و rb وتشوف الاستهلاك معاهم كام على سرعات ماتعديش ال 100 كم داخل المدينة
وساعتها هتعرف انا بطلع اشاعات ولا لأ ؟؟؟

وانا هحط الالنترا لية فى دماغى ياباشا انتوا اللى شيلوا الهوندا من دماغكوا وماتحاولوش تتدخلوها فى مقارنة مع هيونداى لان لسة بدرى جدااااااااااا