سؤال بخصوص الفيرنا

[megadeath]

الاسم عليكم ان قررت ان شاء الله اغير عربيت و محتار ما بين الاوبترا و الفيرنا فبداءت اعمل بحث على النت علشان اقرر انهى احسن و فوجئت بالاتى :
العربية الفيرنا مش موجوده على web بتاع هيونداى حتى لما اكتب هيونداى فيرنا بالانجليزى يدخلنى على الاكسنت
حد يفهمن ايه قصة الفيرنا بقى الله يخليكم ؟

[haysam2000]

هى الفيرنا فعلا هىهى الأكسنت بالنسبه لمعظم الدول يعنى اللى عندنا فيرنا فى حته تانيه اكسنت و اللى بقى عندنا اكسنت هى فى حته تانيه فيرنا
و بالرغم من انى راكب فيرنا الا انى لو كان معايا الفرق كنت جبت اوبترا

[megadeath]

شكرا على الرد بس ليه اللعب فى الموديل على الدول ؟ و بعدين اصلا انا ملقتلاهاش و لا صورة ليها و لا حتى عربية واحد تشبها
ممكن حضرتك تقولى عيوبها ايه و اكون شاكر جدا

[fipmp]

على فكرة الاسم المتعارف علية للفيرنا هوا اكسنت الجيل الثاني
ودا رابط لتاريخ الاكسنت
Hyundai Accent Model History & List of Hyundai Accent Models | NADAguides | NADA Official Used Car Guides

[exact]

دي حاجة تسويقية وليست لعب اسمها
Extension of brand name
ودي معناها تمديد الاسم التجاري

اما تكون عندك الاكسنت (الشكل القديم) ناجحة جدا ولسه منحنى المبيعات بتاعها في الطالع يبقى غلط انك ما تستغلش ده... وتلغي منتجك الناجح عشان تنزل موديل جديد... فبيبدأ انه ينزل الموديل الجديد باسم تاني مع الابقاء على القديم زي ما هو

يعني بره مصر... كل دول فالسعودية نازلين اسمهم اكسنت.... اكسنت شكل قديم... ووراها فيرنا فيفا... ووراها فيرنا... ووراها اكسنت 2.... ووراها اكسنت سبور.... وووراها اكسنت ار بي

كل دول فالخليج نزلوا بمسمى أكسنت فقط ودون اي اضافات... فالعملية تسويقية بحتة للاستحواذ على اكبر شير فالسوق

[haysam2000]

عيوبها وزن خفيف فقط لا غير يعنى العربيه دى جوه البلد و على الطريق لغايه 120 عربية فوق الممتازة بعد كده الثبات بيقل لدرجه مخيفه و خصوصا انى كنت راكب فيليشيا قبل كده و دى وزنها 1550 كيلو ف الفرق بالنسبه ليا كبير علشان كده بفضل الأوبترا حجما اكبر و صالون و وزن و قطع غيار مش بطاله فى السعر لكن مش رخيصه زى الفيرنا

[megadeath]

دي حاجة تسويقية وليست لعب اسمها
Extension of brand name
ودي معناها تمديد الاسم التجاري

اما تكون عندك الاكسنت (الشكل القديم) ناجحة جدا ولسه منحنى المبيعات بتاعها في الطالع يبقى غلط انك ما تستغلش ده... وتلغي منتجك الناجح عشان تنزل موديل جديد... فبيبدأ انه ينزل الموديل الجديد باسم تاني مع الابقاء على القديم زي ما هو

يعني بره مصر... كل دول فالسعودية نازلين اسمهم اكسنت.... اكسنت شكل قديم... ووراها فيرنا فيفا... ووراها فيرنا... ووراها اكسنت 2.... ووراها اكسنت سبور.... وووراها اكسنت ار بي

كل دول فالخليج نزلوا بمسمى أكسنت فقط ودون اي اضافات... فالعملية تسويقية بحتة للاستحواذ على اكبر شير فالسوق

لو هو الموضوع كده طيب ليه على الweb بتاع هيونداى مافيش اى عربية حتى تشبة للفيرنا اى كان اسمها ؟

[Ashraf_Ibrahim]

دور على اكسنت 2004 هتطلعلك الفيرنا :]
وانا لو مكانك هشتري الاوبترا بغض النظر ان معايا فيرنا لكن الفيرنا والاوبترا الاتنين فئتين مختلفتين عن بعض مينفعش بأي حال من الاحوال نقارنهم ببعض مطلقا !

[megadeath]

شكرا على اهتمامك
انا كده فهمت من حضرتك ان الفيرنا القيها على هيونداى web تحت مسمى اكسنت 2004 ؟ طيب امال ايه الفيرنا 2013 ما هو على كلام حضرتك كده اخرها 2004
ثانبا حضرتك بتقول ما ينفعش اقارن الاوبترا بالفيرنا لانهم فئتين مختلفتين ازاى
الاوبترا كورى و الفيرنا كورى
الاوبترا 1600 و الفيرنا 1600
يبقى الاثنين فئه واحده
انا كده انا شاء الله استقريت على الاوبترا لان شكل الفيرنا ديه فيها كلام كتير و مش مظبوط وشكلها سكة( مع احترام لكافة الاعضاء اللى معاهم فيرنا ) بس يعنى ازاى العربية اخرها 2004 و هى بتزل لغاية 2013
و الله غبور ده استاااااااااااااااااااذ

[socratov]

علي فكرة ، زي ما الفيرنا برة وقفت ٢٠٠٤ ، الاوبترا وقفت ٢٠٠٨ ، الاوبترا اللي في مصر اوبترا الجيل الاول ، من ٢٠٠١ و اتوقفت برة ٢٠٠٨ ، عموما لو بتدور علي ثبات هي الاوبترا احسن ، و قارن علي مستوي الكماليات و الوزن و الصيانة و قطع الغيار ،متبنيش المقارنة علي عوامل تانية مش هتفرق الا لو احنا جايبين العربية لزوم الوجاهة مش الاستخدام العادي و علي فكرة الاوبترا متفوقة في كله ما عدا قطع الغيار و الصيانة ،ده رأي شخصي طبعا يحتمل الصواب او الخطأ.

[socratov]

Daewoo Lacetti - Wikipedia, the free encyclopedia
ديه الاوبترا يا سيدى الفاضل

[megadeath]

شكرا على اهتمامك بالردود بس حضرتك شكلك زعلان ليه
على العموم زى محضرتك قولت الاوبترا احسن من الفيرنا و على فكرة لو حضرت دخلت على gm ويب على الاقل حتلاقى الاوبترا موجوده ( لغاية 2013 ) هناك مش زى الفيرا الل ملهاش اثر
و كده الحمد لله انى بعدت عن الفيرنا و الفضل لله و بعدين ليك لان رودودك ما كنتش منطقية و بتحاول تعظيم الفيرنا
شكرا

[Ultramisho]

انا شايف ان ماحدش عظم حاجة
حضرتك الي قلت الفيرنا "سكة" وده الي تقليل مش العكس

الفيرنا عربية من افضل مثيلاتها في السعر
أما الأوبترا فهناك مثيلاتها في السعر افضل منها

فيه فرق 30% بين سعر الاتنين
معلش سوري انا مش هاقارن التيدا بالقشقاي

بدون زعل
تقبل مروري

[Ashraf_Ibrahim]

بهدوء يا شباب لو تسمحو احنا هنا بنفيد بعض مش بنتخانق :]

شكرا على اهتمامك
انا كده فهمت من حضرتك ان الفيرنا القيها على هيونداى web تحت مسمى اكسنت 2004 ؟ طيب امال ايه الفيرنا 2013 ما هو على كلام حضرتك كده اخرها 2004
ثانبا حضرتك بتقول ما ينفعش اقارن الاوبترا بالفيرنا لانهم فئتين مختلفتين ازاى
الاوبترا كورى و الفيرنا كورى
الاوبترا 1600 و الفيرنا 1600
يبقى الاثنين فئه واحده
انا كده انا شاء الله استقريت على الاوبترا لان شكل الفيرنا ديه فيها كلام كتير و مش مظبوط وشكلها سكة( مع احترام لكافة الاعضاء اللى معاهم فيرنا ) بس يعنى ازاى العربية اخرها 2004 و هى بتزل لغاية 2013
و الله غبور ده استاااااااااااااااااااذ

شوف يا عزيزي
دلوقتي اي موديل عربيات بيتم ايقافه في الشركة الأم زي ما حصل في الفيرنا سنة 2004 او الاكسنت 2004 بتستغنى الشركة الأم عن خط التصنيع في القمابل بيتم اعطاؤه لاحدى الشركات في الدول النامية دون مقابل شرط ان الوكيل دا يجمع العربية في مقابل انه يشتري قطع الغيار من الشركة الأم
لما كانت الفيرنا بتبيع مبيعات خيالية نتيجة السعر ومفيش اشتراط من الشركة الام ان الموديل يقف تم استمرار انتاجه داخل مصر مقابل شراء قطع الغيار من الشركة الأم
وكمان الفيرنا 2013 -خارج مصر - هي الاكسنت الآر بي داخل مصر !
الفيرنا 2013 هي الاكسنت 2004 بدون أي تعديل
مجرد تعديل بسيط في شكمان العربية والسوست ليس الا !
طيب ليه مينفعش اقارن الفيرنا والاوبترا ببعض؟! رغم ان الاتنين كوري والاتنين 1600 !
طب ما البي ام دابليو ال 316 i برده 1600 سي سي ؟!
هل دا معناه اني اقدر اقارنهم ببعض؟!
القمارنة ترتكز على عدة شرط
حجم العربية
مستوى الرفاهية
عزم الموتور وأداؤه
معدلات الأمان
الفئة السعرية !
وقتما تقاربت هذه المقاييس او تساوت ساعتها اقدر اقول ان العربيتين في نفس المستوى وأقدر أقارنهم ببعض
يعني أقدر أقارن الفيرنا باللانوس بس مينفعش أقارن لافيرنا بالأوبترا
اعتقد اني شرحت لحضرتك ليه العربية بتنزل لحد دلوقتي موديل 2013 وهتنزل كمان موديل 2014
وليه مينفعش نقارن الاتنين مع بعض
ايا ما كان نصيحتي ليك الاوبترا

[socratov]

بالظيظ كده ، طالما تقدر علي سعر الاوبترا توكل علي الله ، و ألف مبروك مقدمًا و ربنا يديك خيرها و يكفيك شرها.
بالمناسبة ،، أنا مش زعلان ، بس برضه و الله ما عظمت d: ، كل ما فيها اني حسيت النقطة بتاعت ٢٠٠٤ و ٢٠٠٨ اللي قلتلك عليها اصلا مش الفرق اللي يخليني احسم الموضوع ، اللي هو محسوم للأوبترا طالما انت معاك تمنها.
الفيرنا متفوقة في قطع الغيار و سهولة الصيانة ، بس ، عشان كده هي معايا ، و لو انا كنت استحمل تكاليف حاجة تانية اعلي كنت شلت يا باشا ، الموضوع بالورقة و القلم في الآخر ماكانشي ينفع.

نرجع لمرجوعنا، اظن اشرف ابراهيم قال اللي في دماغي بالظبط بوضوح.