سؤال بخصوص الفيرنا

[megadeath]

بهدوء يا شباب لو تسمحو احنا هنا بنفيد بعض مش بنتخانق :]



شوف يا عزيزي
دلوقتي اي موديل عربيات بيتم ايقافه في الشركة الأم زي ما حصل في الفيرنا سنة 2004 او الاكسنت 2004 بتستغنى الشركة الأم عن خط التصنيع في القمابل بيتم اعطاؤه لاحدى الشركات في الدول النامية دون مقابل شرط ان الوكيل دا يجمع العربية في مقابل انه يشتري قطع الغيار من الشركة الأم
لما كانت الفيرنا بتبيع مبيعات خيالية نتيجة السعر ومفيش اشتراط من الشركة الام ان الموديل يقف تم استمرار انتاجه داخل مصر مقابل شراء قطع الغيار من الشركة الأم
وكمان الفيرنا 2013 -خارج مصر - هي الاكسنت الآر بي داخل مصر !
الفيرنا 2013 هي الاكسنت 2004 بدون أي تعديل
مجرد تعديل بسيط في شكمان العربية والسوست ليس الا !
طيب ليه مينفعش اقارن الفيرنا والاوبترا ببعض؟! رغم ان الاتنين كوري والاتنين 1600 !
طب ما البي ام دابليو ال 316 i برده 1600 سي سي ؟!
هل دا معناه اني اقدر اقارنهم ببعض؟!
القمارنة ترتكز على عدة شرط
حجم العربية
مستوى الرفاهية
عزم الموتور وأداؤه
معدلات الأمان
الفئة السعرية !
وقتما تقاربت هذه المقاييس او تساوت ساعتها اقدر اقول ان العربيتين في نفس المستوى وأقدر أقارنهم ببعض
يعني أقدر أقارن الفيرنا باللانوس بس مينفعش أقارن لافيرنا بالأوبترا
اعتقد اني شرحت لحضرتك ليه العربية بتنزل لحد دلوقتي موديل 2013 وهتنزل كمان موديل 2014
وليه مينفعش نقارن الاتنين مع بعض
ايا ما كان نصيحتي ليك الاوبترا :s_thum1[1]:

الف الف شكر على ايضاحك الوافى انت بصراحة فهمنتى ايه اللى بيحصل بالظبط
الف مليون شكر

[haysam2000]

خاص الأستاذ صاحب الموضوع
اولا كل واحد راكب عربية هو مقتنع بيها لسبب معين
ثانيا مش موضوع كورى و 1600 طب ما الآلنترا كورى و 1600. محطهاش فى المقارنه لية ?
ثالثا مينفعش علشا حد بينصحك بالآحسن تقوم تتريق على اللى يقدر يملكه مهما كان السبب
رابعا اتمنى تكون وصلت لقرار و ربنا يكتبلك اللى فيه الخير

[megadeath]

بالظيظ كده ، طالما تقدر علي سعر الاوبترا توكل علي الله ، و ألف مبروك مقدمًا و ربنا يديك خيرها و يكفيك شرها.
بالمناسبة ،، أنا مش زعلان ، بس برضه و الله ما عظمت d: ، كل ما فيها اني حسيت النقطة بتاعت ٢٠٠٤ و ٢٠٠٨ اللي قلتلك عليها اصلا مش الفرق اللي يخليني احسم الموضوع ، اللي هو محسوم للأوبترا طالما انت معاك تمنها.
الفيرنا متفوقة في قطع الغيار و سهولة الصيانة ، بس ، عشان كده هي معايا ، و لو انا كنت استحمل تكاليف حاجة تانية اعلي كنت شلت يا باشا ، الموضوع بالورقة و القلم في الآخر ماكانشي ينفع.

نرجع لمرجوعنا، اظن اشرف ابراهيم قال اللي في دماغي بالظبط بوضوح.

الف شكر على ذوق حضرتك و عقبال محضر تركب bm الفئة السابعة
شكرا يا فندم

[coldheart]

متزعلوش قوى كدهوتتخانقوا مش حيشترى الاوبترالانالاوبترااوتوماتيك بقت ب 107 او 108 الف بدل 103 الف والصراحة كتير قوى عليها

[dragking]

لا تندم بعد شراء الاوبترا السيارة التي لا يوجد بها اي مشاكل خالص ولا اي حاجه

[sameh.rafat]

انا شايف ان ماحدش عظم حاجة
حضرتك الي قلت الفيرنا "سكة" وده الي هتقليل مش العكس

الفيرنا عربية من افضل مثيلاتها في السعر
أما الأوبترا فهناك مثيلاتها في السعر افضل منها

فيه فرق 30% بين سعر الاتنين
معلش سوري انا مش هاقارن التيدا بالقشقاي

بدون زعل
تقبل مروري

هتوكل علي الله واجيب عربيه اتوماتيك في حدود ٦٥ ال ٧٠
اجيب ايه عايزها مريحه واوسع من الفيرنا الماتريكس والاوبترا عيني عليهم وبيقولوا لانسر بومه
بس وضحلي بطريقه سلسه
عايزها واسعه واتوماتيك وثابته ومطلعش عيني

[khaled_legend]

فيفا \ فيرنا \ اكسنت \ اكسنت ار بي \ نيو اكسنت
كل دول عده اجيال لعربيه واحده

[karimmagdy50]

اوبترا واتكل على الله مفيش مقارنة اصلا