قدر الله وما شاء فعل

[dozo]

اولا حمدالله على السلامه و ف داهيه الصاج . انا حاسس بشعورك بعد الخبطه و عايز تبيع العربيه بس لو هى مريحاك و عايز تبيع عشان كده بس انصحك بعدم البيع لانك بعد متصلحها ان شاء الله حترجع تحبها.
ثانيا: نصيحه من اخوك بلاش السرعه لو انت ضامن سواقتك انت مش ضامن سواقه اللى حواليك و اعتقد ان ده اللى حصل.
ثالثا : من الاخر بلدنا المحروسه حاليا مافيهاش مرور اصلا يعنى تلاقى تاكسى وقف مرة واحده فى نص الشارع عشان يركب زبون تلاقى ميكروباصات تحدف عليك مره واحده يعنى ولا فن ولا دوق و لا اخلاق و ربنا هو الحارس

[A.Adel]

تبيع إيه يا راجل !!!! ,دي الحمد لله خفيفة
أنا لسة واخد بالي من حوار البيع ده
أُمال لو جامدة شوية كنت عملت إيه

ده على كده ahmod يولع في عربيته الياريس :)
كل شوية تتخبط

الحمد لله إنك سليم و بدام جت في فلوس مش مشكلة

[Ashraf_Ibrahim]

اولا حمدالله عالسلامة يا كيمو يا سديكي :d
ثانيا حسك عينك اسمع كلمة ابيع دي
يابني عربيتك كويسة جدا ما شاء الله بس انت اهدى شوية وراعي انها اتوماتيك
وقول الحمد لله انك لميت الموضوع والخبطة عدت على خير

[أبو صلاح]

الحمد لله انها عدت على خير
انا اتعرضت لموقف زي ده على كوبري اكتوبر مع تاكسي فيرنا خليتني ماشي زي ما انا على طول لغاية لما خبط في وعربيته هو اللي عومت وخففت فرامل شوية قبل ما اخليه ياخد لفة كاملة والحمد لله بدون خسائر عندي وهو ربنا سترها معاه شوية خدوش

بالنسبة لبيع العربية لو البيع لاحسن توكل على الله لو البيع بسبب الحكة دي ياراجل كبر دماغك هي في عربية في مصر سليمة 100% بدون خدوش على الاقل ؟

[dede_dodo88]

طالما جت في الصاج تبقى بسيطة..
الحمد لله أنك بخير و ده المهم..

[SYD]

ولا يهمك يا كيمو
المهم ان انت بخير الحمد لله
وبردو الحمد لله اتعملت كويس - سيبها كدة شوية

والله المستعان
،
،

[Amr Axel]

الف سلامة عليك يا كيمو و فداك العربية
للأسف ناس كتيير بقت اغبية في السواقة بيدخل وقت مهو عايز مش مهم عربية جاية و لا مش جاية
بس متزعلش مني هو غلطان لكن انت برده غلطان بدل ما كنت تدخل معاه كنت تسيبه لحد ما تلاقي مكان مفتوح و تخرج منه متقولش هو هيوسعلي لما يشوفني توقع الغباء من اللي قدامك
انا لما بشوف حد قدامي كده ببعد عنه لحد ما اطلع منه مبدخلش معاه ابدا

المهم خلي العربية خسارة تبيعهامتتلككش عشان الاوبل ;) هههههههه

[ahmed9003]

الف حمد لله على السلامة يا استاذ كريم وربنا يعوض خير عن الخبطة ديه ان شاء الله

[samihanwar]

يا معالى الباشا ولا تتشاءم ولا حاجه والحمد الله انها بتيجى على قد كده ده انتا ماشى فى ام الدنيا مصر
وكده كده بتلاقى 90 % من الناس بترمى الهيلب عليك يا اما يعمل نفسو مش شايف عشان يقطع عليك الطريق
ده الواحد من كتر التركيز وهو سايق ببقى نازل من العربيه محول

[alaamousa]

قدر الله وما شاء فعل
حمد لله على سلامتك يا كيمو الحمد لله رب العالمين وانا مع راي المهندس سمير

[khalid_adel]

انا نفسي اعمل اللي بتقول عليه ده ومش عاااااااااارف
لسه كنت ماشي علي الدائري علي 120 تقريبا وفي الشمال فجاءه عربيه لقيتها جايه من اليمين وغرز وقال داخل عليا داخله
رد فعلي الطبيعي اني كسرت معاه شمال فجاءه وبعنف خلاني كنت حدخل في الاسمنت فلميت تاني بسرعه العربيه كانت حتعوم وروحي اتسحبت معاها
طب دلوقتي حته الحمار ده كان ممكن يقلبني وهو كده كده عداني وولا كان حيقف حتي يشوفني انه سببلي كارثه (لولا ستر ربنا)
وبعد الموقف ده ماخلص انا كان نفسي اثبت زي مانا وهو اللي كان حيتخبط في طرف عربيته في رفرفي من قدام يعني هو اللي كان حيتقلب لو لمسني الحمار لكن باللي انا عملته ده كان ممكن انا اللي اروح فيها
اعمل ايه في رد فعلي التلقائي ده مش عارف في تمارين تخليني اغير من نفسي كده ؟؟؟؟؟؟؟ ردو عليا بالله عليكم

حد يرد عليا بالله عليكو عايز اغير من اللي بعمله ده ومش عارف ؟؟؟؟؟

[aabozid]

حد يرد عليا بالله عليكم عايز اغير من اللي بعمله ده ومش عارف ؟؟؟؟؟

السلام عليكم و رحمة الله
الحقيقة كنت أتمني أرد عليك و أقولك لازم تغير أسلوبك المتحضر ده و لكن لا ياريت دايما تخليك زي ما أنت بأسلوبك الراقي في التعامل مع السيارات اللي حواليك و أنت ماشي و طبق دايما المقولة المتعارف عليها و هي (( أحذر خطأ الغير )) و كتير بيقابلوني علي الطريق بيمشوا و كأنهم ماشيين لوحدهم في الطريق و كل اللي أنا باعمله اني بادي لهم فرصة يعدوا و أكون هاديء الأعصاب و مافيش حاجة تستفزني عشان الهدوء بيخليني أعرف أتصرف في أي موقف و أخد القرار الصح . و أكيد في يوم من الأيام طريقة القيادة الصحيحة هي اللي هتمشي بغض النظر عن سلوكيات السائقبن اليومين دول. اسأل الله أن يديم عليك نعمة الخلق الطيب و يهدي علينا السائقين المتهورين و اللي بيستفزونا علي الطريق.

[Eng.Geo]

هو الكلام ده في نفس اليوم بعد ما سيبناك انا واحمد واشرف ؟

[Dr'AhmZZong]

فداك يا كريم بييييييييييييه :(

[haysam2000]

الف سلامه يا كيمو و المهم ان انت بخير و مش مهم اى حاجه تانيه
انا لما طلعت من الحادثه اللى عملتها بالفيرنا اتقالتلى كلمه حلوة قول الحمد لله لآنك انت اللى بتعمل الفلوس ف مش مهم لو الفلوس راحت لكن لاقدر الله انت لو حصلك حاجه العربية مش هتعملك حاجه