مساعدة بخصوص زيت فيرنا

[ggaamm]

السلام عليكم ورحمة الله وبركاته

انا بصراحة كل يوم بحتار اكتر وكل ما بدور عالنت بتزيد حيرتى

انا معايا عربية فيرنا 2008 .. 1500 .. 80 ألف كيلو

دلوقتى انا غيرت زيت شل الأحمر 50 احادى الدرجة
بصراحة انا ماكنتش مقتنع بيع بس حطيت لأنى كنت عاوز اشترى فالفولين واجربه بس ماقلتش حوليا فقلت امشى بده لغاية ما أشترى

المهم سألت واحد قالى : ياعم ليه ده زيت معفن كنت جبت طيب الثنائى وحبطنى

سألت حد تانى بتاع زيت : قالى مش فارقة كتير بس الثنائى افضل عشان بينتشر اسرع فى الموتور بس مش مهم كمل بده وبعد 1000 كيلو غيره لحاجة محترمة

دورت بقى عالنت دخلت فى متاهة تانى وهى زيت تخليقى وزيت معدنى وحوارات انا مش فاهمها بصراحة
وناس تقولك غير لشل الأصفر وناس تقولك خليك فى فالفولين وناس تانى تقول ليكوى .. وغيره وغيره


فيريت تساعدونى وتقولولى رأيكم فى الموضوع ده
وكمان ايه احسن زيت اغير له ويناسب عربيتى ويكون بيقعد 5 ألاف كيلو مثلاً أو أكتر

وشكراً مقدماً ليكم

[haysam2000]

انا بحط ليكوى مولى (مولىماكس) و كويس جدا والصوت فى المكنه مش عالى و بيقعد 10000 بس اول مرة 7000 و بحوالى 220 جنيه

[alrazy]

انا باستعمل كاسترول ايدج تخليقى 100% و دى لثالث مره و صوت المكنه هادى ..... كان فى تكتكة مع الدواره الصبح مع شل الاصفر بتاع التوكيل بس معاه اختفت خالص و بيقعد 15000 بس باغيره على 10000 و كمان بيوصلوه للبيت مجانا مع ارامكس ..... اسال الدكتور اشرف ابراهيم هو اللى نصح بيه .... و لو عايز اى استفسار اتصل بخدمة العملاء : بنزينة طاقه : و كلم المهندس قبل ما تجيبه و اساله على اى حاجه ..

[shooda2020]

انا حاسس فعلا الزيت شيل دا بجد مش كويس وفعلا التكتكه ال في الاول دي مجناني خالص و حاسس لو غيرت الزيت هايكون صوت المكنه اهدي

[Ashraf_Ibrahim]

انا باستعمل كاسترول ايدج تخليقى 100% و دى لثالث مره و صوت المكنه هادى ..... كان فى تكتكة مع الدواره الصبح مع شل الاصفر بتاع التوكيل بس معاه اختفت خالص و بيقعد 15000 بس باغيره على 10000 و كمان بيوصلوه للبيت مجانا مع ارامكس ..... اسال الدكتور اشرف ابراهيم هو اللى نصح بيه .... و لو عايز اى استفسار اتصل بخدمة العملاء : بنزينة طاقه : و كلم المهندس قبل ما تجيبه و اساله على اى حاجه ..

ازيك يا صديقي اخبارك ايه؟
كاسترول شكله عامل شغل كويس معاك

*صديقنا صاحب الموضوع
واضح ان عربيتك بتستعمل زيت معدني
انا معرفش ظروف الموتور ايه وبياكل زيت واللا لا
انصحك تحط زيت كاسترول ماجنيتيك ودا بيمشي 10000 كم او سنة ايهما اقرب
لو كمل معاك 10000 كم بدون ما ينقص ساعتها تقدر تنقل على الايدج واللي هيكون احسن للموتور بتاعك ان شاء الله

[ggaamm]

انا بحط ليكوى مولى (مولىماكس) و كويس جدا والصوت فى المكنه مش عالى و بيقعد 10000 بس اول مرة 7000 و بحوالى 220 جنيه

والله ياغالى كذا واحد لقيته بيقول بلاش ليكوى لأنه مش بينفع فى مصر !!
والله زى مابكلمك كده :)

المهم أنا سألت وسمعت انه بيطير وماتسألنيش ازاى .. هم قالولى كده :)

وشكراً لمرورك الطيب

[ggaamm]

ازيك يا صديقي اخبارك ايه؟
كاسترول شكله عامل شغل كويس معاك :b4_282:

*صديقنا صاحب الموضوع
واضح ان عربيتك بتستعمل زيت معدني
انا معرفش ظروف الموتور ايه وبياكل زيت واللا لا
انصحك تحط زيت كاسترول ماجنيتيك ودا بيمشي 10000 كم او سنة ايهما اقرب
لو كمل معاك 10000 كم بدون ما ينقص ساعتها تقدر تنقل على الايدج واللي هيكون احسن للموتور بتاعك ان شاء الله

تمام قوى ياباشا شكراً لنصيحة حضرتك وتواجدك


وواضح ان فيه إجماع على الكاسترول

طيب ممكن تدينى ضورة لشكل الجركن عشان ما أتوهش وأنا بشترى :)

وعلى فكرة انا نسيت اقول ان الموتور لسه جديد لأن العربية كانت جايبة وش سلندر من صاحبها قبل ما أخدها منه بيومين تلاتة كده وانا ساعتها جالى عرض كويس للموتور ده وبسعر مرتاح من واحد معرفة فخليته يركبه بالمرة :)

[ggaamm]

انا باستعمل كاسترول ايدج تخليقى 100% و دى لثالث مره و صوت المكنه هادى ..... كان فى تكتكة مع الدواره الصبح مع شل الاصفر بتاع التوكيل بس معاه اختفت خالص و بيقعد 15000 بس باغيره على 10000 و كمان بيوصلوه للبيت مجانا مع ارامكس ..... اسال الدكتور اشرف ابراهيم هو اللى نصح بيه .... و لو عايز اى استفسار اتصل بخدمة العملاء : بنزينة طاقه : و كلم المهندس قبل ما تجيبه و اساله على اى حاجه ..

طيب والله زى الفل وناس محترمة :)
انا جنبى واحد بتاع زيوت ومحل كبير وعنده كاسترول لو كده اروح اجيبه وأجربه لو على ضمانتك :)

وفعلاً انا بسمع صوت تكتكة كده وأفتكرتها تاكيهات بس روحت للميكانيكى قالى لأ ولازلت محتار فواضح انها حالة عامة بقى

وشكراً لتعاون حضرتك معايا

ومعلش أستأذنك فى اسم الزيت او صورة للجركن اللى بتستعمله

[ggaamm]

انا حاسس فعلا الزيت شيل دا بجد مش كويس وفعلا التكتكه ال في الاول دي مجناني خالص و حاسس لو غيرت الزيت هايكون صوت المكنه اهدي

وانا بارضو عندى موضوع التكتكة ده الصبح وبيقعد حوالى دقيقة او اكتر شوية كده وبيختفى

طيب لو هتنزل الزيت عندك قريب جرب كاسترول اللى الرجالة بيقولوا عليه ده وقلى الأخبار

بس على فكرة الشل ناس كتيرة بتشكر فيه جامد جداً

وعلى فكرة لازم تراعى ان كل عربية ليها زيت يوصى بيه والفيرنا لزوجة الزيت بتاعها
5w-40
وده اللى مكتوب فى الكتالوج وبتوع فالفولين وصونى بيه لما كلمتهم من فترة وكنت عاوز الزيت

[lolita]

زيت فيسكو 5000 و ادعيلى لماتور مالوش ممكن ممتاز و بيخلى ا جامد 10000 كم و ب 125 جنية الماتور من غير صوت

[blazer]

انا باستعمل كاسترول ايدج تخليقى 100% و دى لثالث مره و صوت المكنه هادى ..... كان فى تكتكة مع الدواره الصبح مع شل الاصفر بتاع التوكيل بس معاه اختفت خالص و بيقعد 15000 بس باغيره على 10000 و كمان بيوصلوه للبيت مجانا مع ارامكس ..... اسال الدكتور اشرف ابراهيم هو اللى نصح بيه .... و لو عايز اى استفسار اتصل بخدمة العملاء : بنزينة طاقه : و كلم المهندس قبل ما تجيبه و اساله على اى حاجه ..

ازى اعمل الموضوع دا ؟ انى اطلب الزيت لحد البيت عشان محطات طاقة دى قليلة جدا
انا جربت اخر مره كاستروب gtx بيقعد 5000 وممتاز بصراحة

[Ashraf_Ibrahim]

* ما دام الموتور جديد يا عزيزي يبقا حط كاسترول ايدج
دا جركن اصفر دهبي ولزوجته 5/40 وبيعد 15000 كم او سنة ايهما اقرب وانا بحطه من فترة طويلة وشغال معايا زي الفل الحمد لله وسعره 270 جنيه زيت تخليقي بالكامل
ودي صورة الجركن


وممكن برده تستعمل اللينك دا عشان تشوف موقع كاسترول هيرشحلك ايه من الزيوت لعربيتك
Castrol Middle East

ازى اعمل الموضوع دا ؟ انى اطلب الزيت لحد البيت عشان محطات طاقة دى قليلة جدا
انا جربت اخر مره كاستروب gtx بيقعد 5000 وممتاز بصراحة

فعلا الجي تي اكس بيعد 5000 كم
لو حالة موتور عربيتك افضل ممكن تحط كاسترول ماجنيتيك
دا بيعد 10000 كم او سنة ايهما اقرب

[ggaamm]

* ما دام الموتور جديد يا عزيزي يبقا حط كاسترول ايدج
دا جركن اصفر دهبي ولزوجته 5/40 وبيعد 15000 كم او سنة ايهما اقرب وانا بحطه من فترة طويلة وشغال معايا زي الفل الحمد لله وسعره 270 جنيه زيت تخليقي بالكامل
ودي صورة الجركن


وممكن برده تستعمل اللينك دا عشان تشوف موقع كاسترول هيرشحلك ايه من الزيوت لعربيتك
castrol middle east



فعلا الجي تي اكس بيعد 5000 كم
لو حالة موتور عربيتك افضل ممكن تحط كاسترول ماجنيتيك
دا بيعد 10000 كم او سنة ايهما اقرب

شكراً ليك يا معالى الباشا ونخدمك فى الفرح دايماً :)

هشوف الدنيا كده وأول ما أجربه هبعت أقلكم آخر الأخبار وأديكم التفاصيل

وشكراً للجميع

[ggaamm]

زيت فيسكو 5000 و ادعيلى لماتور مالوش ممكن ممتاز و بيخلى ا جامد 10000 كم و ب 125 جنية الماتور من غير صوت

انا دورت عليه لقيت ناس كتيرة بتشكر فيه

طيب هو ايه صناعته ده .. وهل موجود بسهولة ولا صعب


وشكراً لمرور حضرتك

[ggaamm]

معلش ياباشا ممكن تقولى الفرق بين Castrol Edge و Castrol Magnatec