مساعدة بخصوص زيت فيرنا

[Ashraf_Ibrahim]

معلش ياباشا ممكن تقولى الفرق بين castrol edge و castrol magnatec

أقلك يا صديقي
*كاسترول ايدج لزوجته 5/40
*الماجنيتيك لزوجته 10/40 لزوجته أعلى شوية في بداية تشغيل الموتور بعكس الايدج لزوجته أقل فبينتشر أسرع -بس الفرق بينهم مش كبير-
*الايدج دا تخليقي بالكامل ودا مفيد جدا للمواتير اللي متعودة على زيت تخليقي واللي عاملة كيلومترات أقل من 100000 كم بيحافظ على الموتور وأداؤه عالي جدا
*الماجنيتيك جيد جدا للمواتير اللي بتستعمل زيوت نصف تخليقية او عدادها عدا 100000 كم وأداؤه فوق من ممتاز
*الايدج بيمشي 15000 كم او سنة أيهما أقرب
*الماجنيتيك بيمشي 10000 كم أو سنة أيهما أقرب ومننساش ان فلتر الزيت بيتغير في أفضل حالاته بعد 20000 كم فضروري يتغير فلتر الزيت مع كل تغييرة زيت سواء ايدج او ماجنيتيك
*تكنولوجيا تصنيع الايدج متفوقة عن الماجنيتيك والاضافات نفسها مختلفة عشان الزيت يقدر يكمل معاك لحد 15000 كم وانا شخصيا ليا تجربة معاه حطيت الزيت واتأخرت عليه 2000 كم يعني غيرته على 17000 كم وحرق وجري وتنطيط والزيت نزل لزوجته 10/10 ومش بينقص الحمد لله
*دي الفروق الجوهرية بين الاتنين*

[ggaamm]

أقلك يا صديقي
*كاسترول ايدج لزوجته 5/40
*الماجنيتيك لزوجته 10/40 لزوجته أعلى شوية في بداية تشغيل الموتور بعكس الايدج لزوجته أقل فبينتشر أسرع -بس الفرق بينهم مش كبير-
*الايدج دا تخليقي بالكامل ودا مفيد جدا للمواتير اللي متعودة على زيت تخليقي واللي عاملة كيلومترات أقل من 100000 كم بيحافظ على الموتور وأداؤه عالي جدا
*الماجنيتيك جيد جدا للمواتير اللي بتستعمل زيوت نصف تخليقية او عدادها عدا 100000 كم وأداؤه فوق من ممتاز
*الايدج بيمشي 15000 كم او سنة أيهما أقرب
*الماجنيتيك بيمشي 10000 كم أو سنة أيهما أقرب ومننساش ان فلتر الزيت بيتغير في أفضل حالاته بعد 20000 كم فضروري يتغير فلتر الزيت مع كل تغييرة زيت سواء ايدج او ماجنيتيك
*تكنولوجيا تصنيع الايدج متفوقة عن الماجنيتيك والاضافات نفسها مختلفة عشان الزيت يقدر يكمل معاك لحد 15000 كم وانا شخصيا ليا تجربة معاه حطيت الزيت واتأخرت عليه 2000 كم يعني غيرته على 17000 كم وحرق وجري وتنطيط والزيت نزل لزوجته 10/10 ومش بينقص الحمد لله
*دي الفروق الجوهرية بين الاتنين*

طييييييييب زى الفل ياسيد الناس كده انا راشق مع الإيدج بإذن الله

تسلم ياكبير وربنا يجازيك كل خير على مساعدتك

وتقبل تحياتى

[ggaamm]

*دي الفروق الجوهرية بين الاتنين*

بما أنك خبرة بقى .. أيه رأيك فى الزيت ده ؟؟

Motor Oil,View Motor Oil,Wolver Product Details from Wolver Lab on Alibaba.com

الزيت ده واحد صديقى لسه واخد توكيله فى مصر وعامل عليه عرض جامد

الجركن ال4 لتر ب 250 جنيه مع العلم انه المانى والأوبل والبورش بتوصى بيه

قالى خد جربه بس انا خايف بصراحة
مش منه لأ لأ لأ ,, أنا خايف عليه من العربية ههههههههههه
وكمان خايف ليعجب العربية وتتعود عليه وبعدين تاكله XD XD XD

وده الموقع بتاعه وفيه تفاصيل

http://www.wolverlab.de/?include=news&news_id=22

فأيه رأيك ؟؟

[alrazy]

ازيك يا صديقي اخبارك ايه؟
كاسترول شكله عامل شغل كويس معاك :b4_282:

*صديقنا صاحب الموضوع
واضح ان عربيتك بتستعمل زيت معدني
انا معرفش ظروف الموتور ايه وبياكل زيت واللا لا
انصحك تحط زيت كاسترول ماجنيتيك ودا بيمشي 10000 كم او سنة ايهما اقرب
لو كمل معاك 10000 كم بدون ما ينقص ساعتها تقدر تنقل على الايدج واللي هيكون احسن للموتور بتاعك ان شاء الله

السلام عليكم ازيك يا دكتور اشرف بيه .... اخبارك ايه والله واحشنى جدا و اعذرنى ما رديتش عليك لان والله كان عندنى مشكله فى الارض .... جارى كان عايز ياخد منها جزء بدون حق و نظام هو كده و خلاص و ان كان عاجبك .... بس الحمد لله ربنا و فقنى و اخذت حقى بعد عنااااااااااااااااااااااااااء .... الحمد لله رب العالمين

تسلم ايدك و الله انا دايما باخد بنصيحتك من عير ما افكر و الف شكر الزيت ده مريحنى جدا

[alrazy]

وانا بارضو عندى موضوع التكتكة ده الصبح وبيقعد حوالى دقيقة او اكتر شوية كده وبيختفى

طيب لو هتنزل الزيت عندك قريب جرب كاسترول اللى الرجالة بيقولوا عليه ده وقلى الأخبار

بس على فكرة الشل ناس كتيرة بتشكر فيه جامد جداً

وعلى فكرة لازم تراعى ان كل عربية ليها زيت يوصى بيه والفيرنا لزوجة الزيت بتاعها
5w-40
وده اللى مكتوب فى الكتالوج وبتوع فالفولين وصونى بيه لما كلمتهم من فترة وكنت عاوز الزيت

معلش يا باشا انا يتهيالى ان لزوجة الزيت مرتبط بدرجة حرارة الجو مش ب العربية .... اسال كده .... او حتى شوف فى الكاتالوج هتلاقى ان فى رسم بيانى درجات الحرارة على ارقام لزوجة الزيت

[alrazy]

ازى اعمل الموضوع دا ؟ انى اطلب الزيت لحد البيت عشان محطات طاقة دى قليلة جدا
انا جربت اخر مره كاستروب gtx بيقعد 5000 وممتاز بصراحة

ادخل على الليتك ده هتلاقى كل ارقامهم و هم بيوصلوه مجانا للقاهرة الكبرى .... ده انا اصلا ساكن فى بلد جنب بنها و الراجل جابه للبيت فى كيس كبير متبرشم و الزيت كمان كان متغلف و كله تمام و جابوا معاه نتيجة و استيكر للعربية .... و كمان اتصلوا يتاكدوا انه وصل

Castrol Egypt | Facebook

كلمة اخيره .... الف شكر يا دكتور اشرف

[ggaamm]

ادخل على الليتك ده هتلاقى كل ارقامهم و هم بيوصلوه مجانا للقاهرة الكبرى .... ده انا اصلا ساكن فى بلد جنب بنها و الراجل جابه للبيت فى كيس كبير متبرشم و الزيت كمان كان متغلف و كله تمام و جابوا معاه نتيجة و استيكر للعربية .... و كمان اتصلوا يتاكدوا انه وصل

castrol egypt | facebook

كلمة اخيره .... الف شكر يا دكتور اشرف

والله ياباشا كلمتهم على الصفحة بس مالقتش اهتمام للأسف على غير المتوقع واللى بسمعه عنهم

بس يمكن عشان انا فى سوهاج فهو اتخض من المشوار فقلك ما اردش أحسن :)

هو ممكن يكونوا مابيردوش عالرسايل
انا هجرب بكومنت وكده وشوف

شكراً ليك

[ggaamm]

معلش يا باشا انا يتهيالى ان لزوجة الزيت مرتبط بدرجة حرارة الجو مش ب العربية .... اسال كده .... او حتى شوف فى الكاتالوج هتلاقى ان فى رسم بيانى درجات الحرارة على ارقام لزوجة الزيت

ماهو مرتبط بحجات كتيرة
وفعلاً فى الكتالوج كاتبين الزوجة دى لدرجة الحرارة بتاعتنا

وكمان فالفولين طلعلولى نفس اللزوجة لما بحثت عن عربيتى بص فى صورة الأكسنت طبعاً لأنها بره مصر ماسمهاش فيرنا :)

[Ashraf_Ibrahim]

بما أنك خبرة بقى .. أيه رأيك فى الزيت ده ؟؟

Motor Oil,View Motor Oil,Wolver Product Details from Wolver Lab on Alibaba.com

الزيت ده واحد صديقى لسه واخد توكيله فى مصر وعامل عليه عرض جامد

الجركن ال4 لتر ب 250 جنيه مع العلم انه المانى والأوبل والبورش بتوصى بيه

قالى خد جربه بس انا خايف بصراحة
مش منه لأ لأ لأ ,, أنا خايف عليه من العربية ههههههههههه
وكمان خايف ليعجب العربية وتتعود عليه وبعدين تاكله XD XD XD

وده الموقع بتاعه وفيه تفاصيل
Wolver

فأيه رأيك ؟؟

منور يا عزيزي
بعتذر عن التأخير في الرد لأني مقضي اجازة العيد من قبل الوقفة بيوم في بلدنا العزيز
بص يا سيدي هما كاتبين كلام عظيم عن الزيت دا بس انا معرفش عنه حاجة الحقيقة
اللي بيحكم فعليا على الزيت هو التجربة
لو انت عاوز تحط الزيت دا لعربيتك يبقا حط اما
Wolver HIGHTEC 0W-40 ودا ممتاز جدا في بداية تشغيل العربية عشان لزوجته اللي بتساوي صفر دي
او حط
Wolver SUPERTEC 5W-40
ايهما عاوز تجربه جربه بس انا معنديش اي علم عن الزيت دا خالص او عن حد جربه او استخدمه !

السلام عليكم ازيك يا دكتور اشرف بيه .... اخبارك ايه والله واحشنى جدا و اعذرنى ما رديتش عليك لان والله كان عندنى مشكله فى الارض .... جارى كان عايز ياخد منها جزء بدون حق و نظام هو كده و خلاص و ان كان عاجبك .... بس الحمد لله ربنا و فقنى و اخذت حقى بعد عنااااااااااااااااااااااااااء .... الحمد لله رب العالمين

تسلم ايدك و الله انا دايما باخد بنصيحتك من عير ما افكر و الف شكر الزيت ده مريحنى جدا

الحمد لله انك بخير يا عزيزي
والحمد لله انك خدت حقك
الناس بقت بتاكل الحقوق اليومين دول عادي جدا ومش بيراعوا اي حاجة للأسف !
ربنا يبارك فيك يا عزيزي يا رب

ادخل على الليتك ده هتلاقى كل ارقامهم و هم بيوصلوه مجانا للقاهرة الكبرى .... ده انا اصلا ساكن فى بلد جنب بنها و الراجل جابه للبيت فى كيس كبير متبرشم و الزيت كمان كان متغلف و كله تمام و جابوا معاه نتيجة و استيكر للعربية .... و كمان اتصلوا يتاكدوا انه وصل

Castrol Egypt | Facebook

كلمة اخيره .... الف شكر يا دكتور اشرف

تحت أمرك يا صديقي العزيز واي شيء انا تحت امركم جميعا فيه باذن الله

[ggaamm]

منور يا عزيزي
بعتذر عن التأخير في الرد لأني مقضي اجازة العيد من قبل الوقفة بيوم في بلدنا العزيز
بص يا سيدي هما كاتبين كلام عظيم عن الزيت دا بس انا معرفش عنه حاجة الحقيقة
اللي بيحكم فعليا على الزيت هو التجربة
لو انت عاوز تحط الزيت دا لعربيتك يبقا حط اما
wolver hightec 0w-40 ودا ممتاز جدا في بداية تشغيل العربية عشان لزوجته اللي بتساوي صفر دي
او حط
wolver supertec 5w-40
ايهما عاوز تجربه جربه بس انا معنديش اي علم عن الزيت دا خالص او عن حد جربه او استخدمه !

ولا يهمك ياباشا أحنا نستناك سنين مش ايام :)
كل سنة وانت طيب وربنا يعود عليك الأيام بخير

على العموم انا هجرب وانقلكم التجربة بس انا احس ازاى اذا كان كويس ولا لأ ؟؟
يعنى هل فيه مؤشرات او بوادر او اى حاجة آخد بالى منها عشان اعرف احدد ؟؟

هو انا حاسس ان مع الزيت الجديد اللى انا حطيته اللى هو الشل الأحادى ده ان العربية بتسخن بسرعة بس مش عارف هل ده صحيح ولا أنا بيتهيألى

وشكراً على تعاونك معانا يادكتور

[Ashraf_Ibrahim]

ولا يهمك ياباشا أحنا نستناك سنين مش ايام :)
كل سنة وانت طيب وربنا يعود عليك الأيام بخير

على العموم انا هجرب وانقلكم التجربة بس انا احس ازاى اذا كان كويس ولا لأ ؟؟
يعنى هل فيه مؤشرات او بوادر او اى حاجة آخد بالى منها عشان اعرف احدد ؟؟

هو انا حاسس ان مع الزيت الجديد اللى انا حطيته اللى هو الشل الأحادى ده ان العربية بتسخن بسرعة بس مش عارف هل ده صحيح ولا أنا بيتهيألى

وشكراً على تعاونك معانا يادكتور

ربنا يبارك فيك يا عزيزي
بص يا باشا
الزيت الكويس ليه عدة صفات
لونه يغمق بالاستخدام
مينقصش في الموتور لو الموتور مظبوط
لزوجته تفضل سليمة لنهاية الاستخدام
صوت الموتور ميعلاش اوي
متسمعش اي صوت غريب في الموتور ويكون في بداية تشغيله زي بعد 20 ساعة من التشغيل من حيث صوت الموتور
جرب كدة وقلنا ! وحاول تنزل الزيت الاحادي دا بأسرع ما يمكن عشان دا غلط مش كويش

[ggaamm]

ربنا يبارك فيك يا عزيزي
بص يا باشا
الزيت الكويس ليه عدة صفات
لونه يغمق بالاستخدام
مينقصش في الموتور لو الموتور مظبوط
لزوجته تفضل سليمة لنهاية الاستخدام
صوت الموتور ميعلاش اوي
متسمعش اي صوت غريب في الموتور ويكون في بداية تشغيله زي بعد 20 ساعة من التشغيل من حيث صوت الموتور
جرب كدة وقلنا ! وحاول تنزل الزيت الاحادي دا بأسرع ما يمكن عشان دا غلط مش كويش

طيب الله ينور عليك هجرب طيب واقلكم الأخبار بإذن الله

وبجد انت كده قلتنى من الأحادى ده مع انه يادوب مامشيش غير 300 كيلو تقريباً بس بعد العيد بإذن الله هنزله أحسن لأن الحجات دى مفهاش توفير .. لأن التوفير فيها ممكن يدفعك قده 10 مرات :)

فبإذن الله يومين كده ولا حاجة واغيره عشان بس محتاج العربية ومافيش وقت
وربنا يسترها على مواتيرنا :) :) :)
ههههههههههه

[smsmsmsm1983]

والله ياغالى كذا واحد لقيته بيقول بلاش ليكوى لأنه مش بينفع فى مصر !!
والله زى مابكلمك كده :)

المهم أنا سألت وسمعت انه بيطير وماتسألنيش ازاى .. هم قالولى كده :)

وشكراً لمرورك الطيب

و الله صحيح الكلام و صوت الموتور عالى و بينعر بمعنى الكلمة سامحونى على الكلمة بس الزيت ده ضايقنى كتير و خصوصا فى اوقات الحر الشديد مع تشغيل التكييف كانك راكب عربية من السبعنيات

[ggaamm]

و الله صحيح الكلام و صوت الموتور عالى و بينعر بمعنى الكلمة سامحونى على الكلمة بس الزيت ده ضايقنى كتير و خصوصا فى اوقات الحر الشديد مع تشغيل التكييف كانك راكب عربية من السبعنيات

عندك استعداد تجرب الولفر الألمانى معايا ؟؟

انا ممكن اشحنلك جركن فى المكان اللى انت فيه

او جرب الكاسترول سألت عليه بارضو وناس كتيييييير نصحت بيه