يلا يارجاله هيونداي همتكم معانا قررت اشتري اليتنر 2013 خليجي واحتاج المساعدة

[lozaregypt]

بعد السلام ياجمل ناس واحلي منتدي الواحد يستفيد منه بجدواخدت منه خبرات كتير واتعلمت منه كتير


قررت اشتري اليتنر 2013 الفئة اللي فيها abs ,ebd airbag ومش عايز فتحه سقف وتكيف اوتو وكمبيوتر ملاحي وجنوط 17 والبتاع اللي ضد السرقه اللي مش فاكر اسمة هههه مواصفات خليجي اولا عايز ارعرف سعر الفئة دي كام
ثانيا معارض الخليجي فين مصر
ثالثا : ايه اخبار الضمان بيقولو ان الخليجي مالوش ضمان والصراحة انا مش مقتنع؟؟؟ هلدة صحيح


وهل المواصفات الخليجي احسن ولا غبور؟؟؟؟


مستني اراكم يارجاله

[lozaregypt]

اليتنر 2013 الفئة اللي فيها abs ,ebd airbag وتكيف اوتو وكمبيوتر ملاحي وجنوط 17 انا عايز فيها كل اللي فات ومش عايز فتحه سقف انا اسف علي الاخطاء الاملاائية

[الغزالى]

بص احنا جالنا الفئه دى فى معرض الاحمدى ( جنط 16 - فتحه سقف - كاسيت تاتش بكاميرا خلفيه - مفتاح ريموت اصلى - ... ) دى كانت ب 145 الف
فى واحده تانيه الى فيها ايرباج و abs كانت ب 148 الف جنيه بس دلوقتى حقيقى انا سايب المعرض ومش عارف اخبار الاسعار ايه لو مهتم ابعتلى وانا اسئلك

[lozaregypt]

شكرا ياكبير

شكرا لمرورك واهتمامك
شوف صندوق البريد ؟؟؟
وكمان ياجماعة ماحدش شرح فرق المصري من الخليجي والاسعار وقصة الضمان ايه يارجاله هيونداي

[alaamousa]

ان شاء الله المهندس سمير يدلك رايه بما انه اصلا راكب السيارة كمان

[AshTurbo]

مفيش فرق يذكر في المواصفات الفنية بين المصري أوالخليجي ولكن الأختلاف في حاجتين أوبشنز وضمان وبالنسبة للسعر متقارب كمان مش فرق شاسع فالحاجة الوحيدة اللي ممكن تخليك تشتري خليجي أنك تكون عاوز أوبشنز مش موجودة في التوكيل زي مثلاً 8 أو 10 آيرباج أو زي esp أو أوتو بارك وبما أنك مش عاوز حاجات زي دي يبقى تشترى خليجي ليه ؟

[DEVILRIDER]

بلاش الخليجى مفيش فرق اوى هات فئة عالية وكيل احسن وبلاش الجنط ١٧ هينشف العربية و بص على الفرامل تبقا ديسكات ادام و ورا بس لو لقيت خليجى فيها abs &esp & ebd و جنوط ١٦ اتكل على الله و اعملها ضمان ممن شرركة aaa و بص عند ممعرض سمير ريان وو القرش على المواصفات ديه غير الحاجات ديه هات وكيل فئة عالية

[Samir Elshahawy]

أخي الكريم..

طبعا أحنا كلنا أكيد سعداء بأنضمامك لنايل موتورز و بالاخص قسم النجوم حتي أن لم تكن من مالكي الهيونداي
بداية أحب أسألك شوية أسئلة و ياريت تجاوبني بكل صراحة :

- أيه اللي شدك أوي في الالنترا md بالرغم من سعرها العالي ؟
- و هل فكرت في سيارات اخري بديلة لها ؟ و ماهي ؟
- لو كنت فكرت في بدائل ليه فضلت الالنترا ؟
- نيجي بقي للسؤال الاهم : أيه أحتياجاتك من العربية و ماهي حدود قدرتك المادية لشراء سيارة ؟

معلش أنا عارف انها غريبة أنك تدخل تسأل و أجي بعد كده أرد علي سؤالك بشوية اسئلة بس أجاباتك هاتخليني أنا و الاخوة الكرام نجاوب علي أستفساراتك بكل وضوح و امانة

[lozaregypt]

السلام عليكم جميعا

السلام عليكم جميعا شكرا ليكم جميعا واهتمامك في المنتدي الرائع
طبعا ها اجاوب علي اسئلة حضرتك يا م سمير
اللي شدني للعربيةدي اولا شكلها من جوة وبرة بعد المقارنه ببدائله والسوال عنها والتفتيش جوة نايل موتورالمحترم
والبدائل كانت: 1:جراند تيريوس
2:فولكس بسات 2007 مستعملة تماستبعدها عشان قريت شوية عن الفتيس dsg وطبعا البنزين

طبعافكرت في حاجات كتير
زي سعر اعادة البيع وكمان انا مجرب في البيت عندي الينتر 2011 الشكل القديم وبقلها سنتين مشاء الله مع اخويا وتوكيلها كويس

احتياجاتي للعربية : انا شغلي جوة القاهرة كمان وبخرج برة القاهرة نهاية كل اسبوع مسافة بتزيد عن 160 كيلو مثلا انا عامل 50000 كيلو في اقل من تسعة اشهر
بمشي في الزحمة كتير عايز عربية مترحمش عليا ويوم ما تعطل اقدر اصلحها وقطع غيار ظريفة
الامكانيات المادية ربنا يقدرني بحاول اجيب عربية ما فكرش ابيعها الابعد خمس ست سنين


وانا من النوع اللي سواقتي هادية طبعا يهمني الراحة في المسافات الطويله

[lozaregypt]

معلسش نسيت طبعا يهمني
عوامل الامان اكتر والابوشنز زي ايموبلازر وكمان gbs عشان كدة طلبتها خليجي الانيبحس ان تقفيلها احسن ومصصمه عشان الحر اللي هناك ومصر تقربيا اصبحت نفس الجو ؟؟؟وشكر لكم جميعا

وانتظر رددكم وحاصة رد م سمير الشهاوي

[abogharib]

السلام عليكم جميعا شكرا ليكم جميعا واهتمامك في المنتدي الرائع
طبعا ها اجاوب علي اسئلة حضرتك يا م سمير
اللي شدني للعربيةدي اولا شكلها من جوة وبرة بعد المقارنه ببدائله والسوال عنها والتفتيش جوة نايل موتورالمحترم
والبدائل كانت: 1:جراند تيريوس
2:فولكس بسات 2007 مستعملة تماستبعدها عشان قريت شوية عن الفتيس dsg وطبعا البنزين

طبعافكرت في حاجات كتير
زي سعر اعادة البيع وكمان انا مجرب في البيت عندي الينتر 2011 الشكل القديم وبقلها سنتين مشاء الله مع اخويا وتوكيلها كويس

احتياجاتي للعربية : انا شغلي جوة القاهرة كمان وبخرج برة القاهرة نهاية كل اسبوع مسافة بتزيد عن 160 كيلو مثلا انا عامل 50000 كيلو في اقل من تسعة اشهر
بمشي في الزحمة كتير عايز عربية مترحمش عليا ويوم ما تعطل اقدر اصلحها وقطع غيار ظريفة
الامكانيات المادية ربنا يقدرني بحاول اجيب عربية ما فكرش ابيعها الابعد خمس ست سنين


وانا من النوع اللي سواقتي هادية طبعا يهمني الراحة في المسافات الطويله

انت اكيد هتشترى العربيه زيرو يبقى حاط البدائل مستعمل ازاى
انت عندك بدلئل زيرو برضو زى
1:رينو فلوانس و اسعارها من 132 ل 150
2:اوبل استرا من 155 ل 205
3:فورد فوكاس من 155 ل 185
على فكره ال 3 عربيات فيهم اوبشن كتير و فيهم و سائل امنا مش موجوده فى الالنترا ناهيك عن الثبات على السرعات العاليه

[hossam_elwani]

مفيش فرق يذكر في المواصفات الفنية بين المصري أوالخليجي ولكن الأختلاف في حاجتين أوبشنز وضمان وبالنسبة للسعر متقارب كمان مش فرق شاسع فالحاجة الوحيدة اللي ممكن تخليك تشتري خليجي أنك تكون عاوز أوبشنز مش موجودة في التوكيل زي مثلاً 8 أو 10 آيرباج أو زي esp أو أوتو بارك وبما أنك مش عاوز حاجات زي دي يبقى تشترى خليجي ليه ؟

فيه فرق التكييف فى الوكيل بيركب هنا فى مصر لكن فى الخليجى بيجى من كوريا متقفل بحالته


والكلام ده اتناقشنا فيه قبل كده فى المنتدى

[Ultramisho]

أخي الكريم..

طبعا أحنا كلنا أكيد سعداء بأنضمامك لنايل موتورز و بالاخص قسم النجوم حتي أن لم تكن من مالكي الهيونداي
بداية أحب أسألك شوية أسئلة و ياريت تجاوبني بكل صراحة :

- أيه اللي شدك أوي في الالنترا md بالرغم من سعرها العالي ؟
- و هل فكرت في سيارات اخري بديلة لها ؟ و ماهي ؟
- لو كنت فكرت في بدائل ليه فضلت الالنترا ؟
- نيجي بقي للسؤال الاهم : أيه أحتياجاتك من العربية و ماهي حدود قدرتك المادية لشراء سيارة ؟

معلش أنا عارف انها غريبة أنك تدخل تسأل و أجي بعد كده أرد علي سؤالك بشوية اسئلة بس أجاباتك هاتخليني أنا و الاخوة الكرام نجاوب علي أستفساراتك بكل وضوح و امانة

في الحقيقة أسئلتك ياباشمهندس أثارت إهتمامي انا كمان لاني بافكر في الالنترا اوي وغلاء اسعارها خلاني متردد بس ماقدرتش استبعدها برضه
فضلت انتظر رد العزيز كاتب الموضوع الأول لان ده حقه بس قلت بعد رده اقدر ارد انا كمان لو سمحتولي يمكن كده نفتح افكار اكتر والفائدة تعم اكثر

أولا: إيه الي شدني للالنترا:
1- سحب رائع بالنسبة للاوتوماتيك خاصة من السكون لغاية 60 كيلو (مش علشان اجري لكن علشان افوت من العربيات بسهولة)
2- تكييف ثلاجة حتى من التوكيل وده اصبح مهم جدا لي في حر مصر
3- شكل عصري ثوري وألوان متميزة ودوكو محترم وصاج معقول وصالون مغري تقفيله جيد جدا ومريح عفشته مش ناشفة وما أدراكوا نشوفية عفشة السيراتو خاصة ورا
عزل صوت جيد بيخليك تعيش مع التكييف والموسيقى
4- استهلاك بنزين كويس اوي وطبعا 92 لان مافيش gdi عندنا وعلى فكرة ولا في العربيات الي شفتها في السعودية
5- توكيل رغم سمعته السيئة لكن موجود فيه جميع قطع الغيار باسعار متوسطة وفي بدائل بره التوكيل وقت الزنقة
6- سعر إعادة بيع عالي نسبيا (السيراتو سعرها بيقع عن الالنترا بكتير للاسف) وده بيطمن ان سعر العربية فيها ماضاعش رغم انه اوفر اصلا (سيكولوجية المشتري عندنا وأنا منهم) وبيحسسك انك ممكن تغير بعدين بسهولة لو حبيت
أنا دلوقتي بره مصر في السعودية وماشاء الله العربية انتشرت جدا عندي ولما ارجع هاسافر بيها حوالي 400 كيلو يوم ويوم لطبيعة بعد عملي عن سكني وعاوز عربية بتاعة مدينة وسفر وده بيحققه الالنترا ووسائل الأمان موجودة لو عاوز

أخذت على العربية أن سعرها أعلى من كمالياتها مقارنة بغيرها وشكاوي التوكيل بس مزاياها غطت على عيوبها

ثانيا: فكرت في العربيات البديلة في نفس الفئة السعرية أو ما قاربها مثل الفلونس واللانسر بومة وشارك والتيدا والريو والاسترا والفوكس وحتى الداستر والكارينز رغم اختلاف نوعها، بل وصلت للاغلى منها كالقشقاي والاوكتافيا وحتى السبورتاج أول فئة

ثالثا: ليه فضلت الالنترا؟
1- الفلونس بالرغم من شكلها المميز ووسع صالونها وفخامته إلا انها يعيبها 3 نقاط رئيسية الرينو وسمعتها ومشاكل حساستها وغلو نسبي لقطع غيارها وعدم انتشارها بره التوكيل - الفلونس طلعتها سلحفة وسحبها بطيئ على السرعات المنخفضة - تكييفها مش قوي زي الالنترا رغم موجود فتحات للكنبة الخلفية.
2- اللانسر بومة رغم انتشار قطع غيارها وسهولة صيانتها وارتفاع سعر اعادة البيع إلا انها موديلها قديم اوي وعزل الصوت مش حلو وموتورها اضعف وغفشتها انشف شوية.
3- اللانسر شارك رغم ان شكلها ثوري وموتورها 1600 قوي إلا ان قطع غيارها غالية نار بصورة خيالية ومش منتشرة.
4- التيدا الهاتشباك رغم مزاياها المتعددة من موتور قوي وسحب رائع وعزل رائع وتكييف ثلاجة وعفشة ناعمة وارتفاعها اكثر عن الارض ووسعها برضه وانتشار قطع غيارها جوه وبره توكيلها الممتاز إلا ان شكلها مش قادر اقرنه بفخامة الالنترا وعصريتها وسعر اعادة البيع سيئ. ودي الى الان خياري التاني بس مش عارف اقتنع بيه رغم ان سعرها احن كثيرا
5- الريو هاتشباك شكلها عصري لكن موتورها ضعيف وبتاكل بنزين وتكييفها مش شديد يعني وحاسس اني هانزل مستوى لو بدلت السيراتو بيها
6- الاسترا رائعة مواصفات اوروبية ووسع وحداثة لكن سحبها من السكون بطيئ (طبعا مش التيربو) وصيانتها وقطع غيارها اغلى وتكييفها اقل ودي نقطة مهمة عندي وطبعا اعادة البيع للاوروبي معروف انه اقل.
7- الفوكس صالونها اقل وسع وانا معايا عائلة كبيرة وبرضه هتقل في السحب والتكييف عن الالنترا وقطع غيارها اعلى منها واعادة البيع.
8- الداستر فقيرة من الداخل اوي وسحب اقل علشان فئتها والفور بي فور مش محتاجه اصلا بل بالعكس مش هاستعمله علشان السحب
9- الكارينز شكلها هيتغير وتكييفها مش قد كده وسحبها وحش علشان وزنها بالنسبة للموتور
القشقاي فيها موتور التيدا مع وزن اتقل سحبها من السكون اقل ووسع الكنبة الخلفية كمان اقل من 10- التيدا وسعرها اعلى والبانوراما مش باعتبرها ميزة في بلدنا ده رغم انها محترمة في جودة خاماتها وتكييفها وكده
ا11- لأوكتافيا اول فئة فقيرة في الكماليات ده غير سحب اقل وشكل قديم
12- السبورتاج اقل فية كماليات اقل وبنزين 95 وياعالم هيبقى بكام اصلها gdi زي ما صاحب الموضوع عاوز عربيته ودي انا باعتبرها مش ميزة بالعكس
13- حتى السوبارو فكرت فيها بس مين يجب عربية مالهاش قطع غيار ولو موجودة هتبقى بسعر خيالي وسعر اعادة البيع في الارض مهما كانت مزاياها الرائعة

نيجي للسؤال الأخير ايه احتياجاتي من العربية وحدود السعر (حوالي 150 ظابط يعني الف جندي هههه)
عربية صالونها واسع سحبها من السكون ممتاز تكييفها ثلاجة شكلها عصري قطع غيارها متوفرة وسعر اعادة البيع عالي يعني النترا بس عاوز برضه يكون قيمتها تعادل سعرها وهي دي المشكلة مع الالنترا الي تخلي الواحد يتردد لغاية ماتغلى تاني ويجيبها برضه ان كان لنا عمر والله اعلم

معلش انا اطلت عليكم بس بصراحة انا نفسي اسمع تعليقاتكم وخاصة الباشمهندس سمير وبرضه ياريت تصححوا اي معلومة اكون قلتها غلط وأنا متأكد من موضوعيتكم وحياديتكم

خالص تحياتي لهذا المنتدى واعضائه الكرماء
أخوكم

[Ultramisho]

الأخ الكريم لوزارايجيبت
عفوا إختلط على الأمر راجعت كلامكم وانتم تريديون gbs وليس gdi
أعتذر عن اختلاط المفهوم
تحياتي

[Samir Elshahawy]

- اللي شدني للعربيةدي اولا شكلها من جوة وبرة بعد المقارنه ببدائله والسوال عنها والتفتيش جوة نايل موتورالمحترم
معاك حق فعلا .. شكل العربية من بره حلو و شيك جدا و لكنه قد يمثل مشكلة و خوف لسائقها بسبب حجم الفوانيس الامامية و الخلفية الكبير جدا , لكن ربنا يسترها
اما عن الداخل فهو فعلا بديع و يعطي أحساس بالوسع و المتعة خاصة مع القيادة الهادئة و المتزنة

والبدائل كانت: 1:جراند تيريوس
2:فولكس بسات 2007 مستعملة تماستبعدها عشان قريت شوية عن الفتيس dsg وطبعا البنزين
أعتقد الباسات موديل 2007 مافيهاش مشكلة الفتيس اللي بتتكلم عليها المشكلة ظهرت في الموديلات الاخيرة
اما التيريوس فهي عربية بطيئة جدا و فقيرة من الداخل مقارنة بالالنترا مثلا

طبعافكرت في حاجات كتير
زي سعر اعادة البيع وكمان انا مجرب في البيت عندي الينتر 2011 الشكل القديم وبقلها سنتين مشاء الله مع اخويا وتوكيلها كويس

احتياجاتي للعربية : انا شغلي جوة القاهرة كمان وبخرج برة القاهرة نهاية كل اسبوع مسافة بتزيد عن 160 كيلو مثلا انا عامل 50000 كيلو في اقل من تسعة اشهر
بمشي في الزحمة كتير عايز عربية مترحمش عليا ويوم ما تعطل اقدر اصلحها وقطع غيار ظريفة
الامكانيات المادية ربنا يقدرني بحاول اجيب عربية ما فكرش ابيعها الابعد خمس ست سنين

وانا من النوع اللي سواقتي هادية طبعا يهمني الراحة في المسافات الطويله

لو سواقتك هادية يبقي الالنترا فعلا هاتكون مناسبة جدا و هاتلاقيها مناسبة للسفر و المشاوير الطويلة و موفرة جدا في البنزين سواء داخل المدينة (6.8 - 8.0 لتر/ 100 كم) او علي الطرق السريعة (5.4 - 6.2 لتر/ 100 كم)
و لو بتحافظ عليها هاتعدي معاك ال 5 سنين بنفس الحالة و هاتجيب لك سعر كويس عند اعادة بيعها

طبعا وسائل الامان مهمة جدا علشان كده لازم تبدا في التفكير في الالنترا أعتبارا من الفئة الثالثة (اللي فيها وسائد هوائية و فرامل مانعة للانغلاق) و سيبك من فتحة السقف و الجنوط و الكلام ده

لو الخليجي بنفس السعر و فيها مميزات أكثر هات الخليجي لو أنت مستغني عن الضمان و مش هايفرق معاك في حاجة

و ربنا يوفقك أن شاء الله