يلا يارجاله هيونداي همتكم معانا قررت اشتري اليتنر 2013 خليجي واحتاج المساعدة

[Samir Elshahawy]

أولا: إيه الي شدني للالنترا:
1- سحب رائع بالنسبة للاوتوماتيك خاصة من السكون لغاية 60 كيلو (مش علشان اجري لكن علشان افوت من العربيات بسهولة)
:s_thum1[1]:

2- تكييف ثلاجة حتى من التوكيل وده اصبح مهم جدا لي في حر مصر
:s_thum1[1]:

3- شكل عصري ثوري وألوان متميزة ودوكو محترم وصاج معقول وصالون مغري تقفيله جيد جدا ومريح عفشته مش ناشفة وما أدراكوا نشوفية عفشة السيراتو خاصة ورا
عزل صوت جيد بيخليك تعيش مع التكييف والموسيقى
:s_thum1[1]:و أن كان لي تعليق علي موضوع البوية أني شايف أنها خفيفة شوية بس يمكن علشان الطرق اللي انا بامشي عليها كلها نقل و زلط و حجارة متطايرة

4- استهلاك بنزين كويس اوي وطبعا 92 لان مافيش gdi عندنا وعلى فكرة ولا في العربيات الي شفتها في السعودية
علي فكرة المفروض الالنترا md برضه بنزين 95 مش 92 بغض النظر المحرك جي دي أي و لا لأ و فعلا بالتجربة أداء العربية افضل كتير مع ال 95 و أستهلاكها للبنزين أقل

5- توكيل رغم سمعته السيئة لكن موجود فيه جميع قطع الغيار باسعار متوسطة وفي بدائل بره التوكيل وقت الزنقة
و هنا لو جبت خليجي بمواصفات أفضل و سعر أقل يبقي أنت الكسبان طالما مش هاتفكر في غبور اللي مش امور و الهيونداي من وشه تغور

6- سعر إعادة بيع عالي نسبيا (السيراتو سعرها بيقع عن الالنترا بكتير للاسف) وده بيطمن ان سعر العربية فيها ماضاعش رغم انه اوفر اصلا (سيكولوجية المشتري عندنا وأنا منهم) وبيحسسك انك ممكن تغير بعدين بسهولة لو حبيت
:s_thum1[1]:

أنا دلوقتي بره مصر في السعودية وماشاء الله العربية انتشرت جدا عندي ولما ارجع هاسافر بيها حوالي 400 كيلو يوم ويوم لطبيعة بعد عملي عن سكني وعاوز عربية بتاعة مدينة وسفر وده بيحققه الالنترا ووسائل الأمان موجودة لو عاوز
:s_thum1[1]:

أخذت على العربية أن سعرها أعلى من كمالياتها مقارنة بغيرها وشكاوي التوكيل بس مزاياها غطت على عيوبها
و دي سببها أقبال المشترين علي العربية و تهافتهم عليها و أستعدادهم الدائم لدفع أوفر برايس مما دفع الوكيل للتفكير في الاستحواذ علي هذا الاوفر برايس



ثانيا: فكرت في العربيات البديلة في نفس الفئة السعرية أو ما قاربها مثل الفلونس واللانسر بومة وشارك والتيدا والريو والاسترا والفوكس وحتى الداستر والكارينز رغم اختلاف نوعها، بل وصلت للاغلى منها كالقشقاي والاوكتافيا وحتى السبورتاج أول فئة
عربيات كلها محترمة و أحسن من بعضها و فيها في رأيي اللي أحسن من الألنترا بس مالوش حظ في مصر

ثالثا: ليه فضلت الالنترا؟
1- الفلونس بالرغم من شكلها المميز ووسع صالونها وفخامته إلا انها يعيبها 3 نقاط رئيسية الرينو وسمعتها ومشاكل حساستها وغلو نسبي لقطع غيارها وعدم انتشارها بره التوكيل - الفلونس طلعتها سلحفة وسحبها بطيئ على السرعات المنخفضة - تكييفها مش قوي زي الالنترا رغم موجود فتحات للكنبة الخلفية.
أنت يمكن معاك حق في معظم النقاط ماعدا الانتشار لأني شايف العربية بدأت تنتشر بشكل جيد يمكن مش زي الالنترا و لكن أنتشارها ممكن يؤدي لتوافر قطع غيارها حتي لو استيراد خارج التوكيل أو من سيارات الحوادث بالحرفيين

2- اللانسر بومة رغم انتشار قطع غيارها وسهولة صيانتها وارتفاع سعر اعادة البيع إلا انها موديلها قديم اوي وعزل الصوت مش حلو وموتورها اضعف وغفشتها انشف شوية.
صح و سعرها برضه مازال مرتفع بالنسبة لأنها موديل قديم

3- اللانسر شارك رغم ان شكلها ثوري وموتورها 1600 قوي إلا ان قطع غيارها غالية نار بصورة خيالية ومش منتشرة.
و كمان موتورها غير مناسب لحجمها العربية دي بره أول مانزلت شوفتها 1800 سي سي
ده غير انها صالونها ضيق مقارنة بالانترا أو اللانسر البومة

4- التيدا الهاتشباك رغم مزاياها المتعددة من موتور قوي وسحب رائع وعزل رائع وتكييف ثلاجة وعفشة ناعمة وارتفاعها اكثر عن الارض ووسعها برضه وانتشار قطع غيارها جوه وبره توكيلها الممتاز إلا ان شكلها مش قادر اقرنه بفخامة الالنترا وعصريتها وسعر اعادة البيع سيئ. ودي الى الان خياري التاني بس مش عارف اقتنع بيه رغم ان سعرها احن كثيرا
بالعكس , أنا شايف أن دي أنسب عربية في مصر حاليا و عليها طلب كمان خاصة لو ياباني مش مكسيكي

5- الريو هاتشباك شكلها عصري لكن موتورها ضعيف وبتاكل بنزين وتكييفها مش شديد يعني وحاسس اني هانزل مستوى لو بدلت السيراتو بيها
الريو انا شايف أنها تتقارن بالاكسنت مش بالالنترا

6- الاسترا رائعة مواصفات اوروبية ووسع وحداثة لكن سحبها من السكون بطيئ (طبعا مش التيربو) وصيانتها وقطع غيارها اغلى وتكييفها اقل ودي نقطة مهمة عندي وطبعا اعادة البيع للاوروبي معروف انه اقل.
حقيقي دي العربية اللي ركبتها في زيارتي الاخيرة لليونان و عجبتني جدا و لكن حسيت أنها مش زي اللي في مصر و أن اللي بتنزل مصر دي فرز تاني لكن لو هاتجيبها من بره هات الاسترا بس يكون عندك استعداد تستغني عن وسع حجرة الحقائب الخلفية

7- الفوكس صالونها اقل وسع وانا معايا عائلة كبيرة وبرضه هتقل في السحب والتكييف عن الالنترا وقطع غيارها اعلى منها واعادة البيع.
عربية حلوة طبعا لكن غير عملية في مصر و حتي الاألنترا بتنافسها بقوة في المبيعات و أقتصاديات التشغيل في بلدها أمريكا نفسها

8- الداستر فقيرة من الداخل اوي وسحب اقل علشان فئتها والفور بي فور مش محتاجه اصلا بل بالعكس مش هاستعمله علشان السحب

9- الكارينز شكلها هيتغير وتكييفها مش قد كده وسحبها وحش علشان وزنها بالنسبة للموتور
القشقاي فيها موتور التيدا مع وزن اتقل سحبها من السكون اقل ووسع الكنبة الخلفية كمان اقل من 10- التيدا وسعرها اعلى والبانوراما مش باعتبرها ميزة في بلدنا ده رغم انها محترمة في جودة خاماتها وتكييفها وكده

ا11- لأوكتافيا اول فئة فقيرة في الكماليات ده غير سحب اقل وشكل قديم

12- السبورتاج اقل فية كماليات اقل وبنزين 95 وياعالم هيبقى بكام اصلها gdi زي ما صاحب الموضوع عاوز عربيته ودي انا باعتبرها مش ميزة بالعكس
انا شايف أن الأسبورتاج من أحلي و انجح العربيات في مصر لكن سعرها برضه مبالغ فيه بسبب التهافت و الاوفر برايس و جشع التوكيل و التجار

13- حتى السوبارو فكرت فيها بس مين يجب عربية مالهاش قطع غيار ولو موجودة هتبقى بسعر خيالي وسعر اعادة البيع في الارض مهما كانت مزاياها الرائعة
عربية من اروع مايكون لكن يعيبها عدم الانتشار و أرتفاع أسعار قطع غيارها



نيجي للسؤال الأخير ايه احتياجاتي من العربية وحدود السعر (حوالي 150 ظابط يعني الف جندي هههه)
عربية صالونها واسع سحبها من السكون ممتاز تكييفها ثلاجة شكلها عصري قطع غيارها متوفرة وسعر اعادة البيع عالي يعني النترا بس عاوز برضه يكون قيمتها تعادل سعرها وهي دي المشكلة مع الالنترا الي تخلي الواحد يتردد لغاية ماتغلى تاني ويجيبها برضه ان كان لنا عمر والله اعلم

معلش انا اطلت عليكم بس بصراحة انا نفسي اسمع تعليقاتكم وخاصة الباشمهندس سمير وبرضه ياريت تصححوا اي معلومة اكون قلتها غلط وأنا متأكد من موضوعيتكم وحياديتكم

خالص تحياتي لهذا المنتدى واعضائه الكرماء
أخوكم

أخي الكريم ..

و الله انا كنت في حيرة لما جيت اغير العربية خاصة أن كان معايا تويوتا (ياريس - كورولا) و بابدل بينهم و كنت مهتم في المرة دي بموضوع سعر أعادة البيع اوي مع الاحتفاظ بنفس المميزات اللي كنت بأحصل عليها من تويوتا (الامان - التسارع - الثبات - التوكيل - قطع الغيار المعمرة - استهلاك البنزين - وسع و فخامة الصالون)
و حقيقي بعد بحث طال لمدة زادت عن ال 6 شهور و تجارب لسيارات عديدة استقر الرأي علي الالنترا md و بالرغم من خسارة بعض المزايا التي كانت تقدمها تويوتا ألا أني في المجمل كسبت أكثر مع الالنترا و أشعر برضاء تام عنها و عن أختياري لها

ربنا يوفقك في الاختيار أن شاء الله و نصيحتي لو هاتجيب الالنترا أهتم بالاساسيات من وسائل امان و طالما بتتكلم في 150 ألف يبقي هات الفئة الثالثة وكيل أو خليجي و ابعد عن البذخ و فتحة السقف و الجنوط ال 17 و الكلام ده و اللي هاتوفره أنت أولي به أو ممكن تدلع بيه عربيتك من تركيب شاشة أو باركينج سنسور او كاميرات او حتي جنوط 16

الالنترا md عربية ممتازة للاستخدام العادي و القيادة الهادية بعيدا عن الشد و الغرز و كلام الترزية و اللي بيفصلوا ملابس علي الطريق

[Kareem.ElAraby]

انا أعرف ان فيه النترا md فيها abs

و لكن هل فيه فئه فيها ebd & esp و تكون سكاكين ورا

حد يعرف حد معاه واحده فيها الامكانيات ديه

انا أخر علمي ما عدا الهاي لاين ان كله فيه abs و ديه متأكد منها و لكن ebd & esp لا

و فاكس كلام المعارض و التوكيل و مندوبين المبيعات ديه ناس عاوه تبيع و نسبتها

[Samir Elshahawy]

انا أعرف ان فيه النترا md فيها abs

و لكن هل فيه فئه فيها ebd & esp و تكون سكاكين ورا

حد يعرف حد معاه واحده فيها الامكانيات ديه

انا أخر علمي ما عدا الهاي لاين ان كله فيه abs و ديه متأكد منها و لكن ebd & esp لا

أيوه يا كريم فيه

[محمد بدر]

م / سمير
فعلا مفيش كلام تانى بعد تحليلك الدقيق - عفارم عليك - خبرة تحترم

[Ultramisho]

مهندس سمير الشهاوي
اشكركم من القلب على اهتمامكم وتعقيبكم على كلامي مما يساعد في تكوين الصورة النهائية لدي
وهو تعقيب من مهندس قدير خبير استطعت بحمد الله ان المح في فترتي الوجيزة في المنتدى مدى موضوعيته وحياديته وخبرته
وأشكر جميع الزملاء على تعليقاتهم المثمرة
موقع هيونداي لوحده يحبب الواحد في الهيونداي وعاوزين هبور مايغليش ههههه

كل عام وانتم بخير
اخوكم د هشام ضياء

[ICE_MAN]

نصيحة لوجه الله .. بلاااااااااااااااااش الخليجى

واحد صاحبى عربيته جابت فتيس بعد اسبوع واحد من الشراء و اتغير فى الضمان - عربية مانيوال على فكرة - لكن لو حصل معاك حاجة لا قدر الله فى عربية خليجى هاتخسر كتير.

[SAMEH_FOUAD]

الالنترا 2013 مافيهاش immoblaizer , ebd

هما يدوبك abs , 2 airbag

فرامل طبلة خلفية بالنسبة للوكيل , اما الديسكات فبتكون خليجى وعلى حسب البلد

[DEVILRIDER]

الالنترا 2013 مافيهاش immoblaizer , ebd

هما يدوبك abs , 2 airbag

فرامل طبلة خلفية بالنسبة للوكيل , اما الديسكات فبتكون خليجى وعلى حسب البلد

انا وكيل اول فئة اوتو و عندى قدام و ورا ديسكات !!!

[SAMEH_FOUAD]

انا وكيل اول فئة اوتو و عندى قدام و ورا ديسكات !!!

والله ياباشا انا بشوف النترا كتير طبلة 2012و 2013 مش عارف بقى النظام اية انتوا ادرى

[azkalany]

أخي الكريم ..

و الله انا كنت في حيرة لما جيت اغير العربية خاصة أن كان معايا تويوتا (ياريس - كورولا) و بابدل بينهم و كنت مهتم في المرة دي بموضوع سعر أعادة البيع اوي مع الاحتفاظ بنفس المميزات اللي كنت بأحصل عليها من تويوتا (الامان - التسارع - الثبات - التوكيل - قطع الغيار المعمرة - استهلاك البنزين - وسع و فخامة الصالون)
و حقيقي بعد بحث طال لمدة زادت عن ال 6 شهور و تجارب لسيارات عديدة استقر الرأي علي الالنترا md و بالرغم من خسارة بعض المزايا التي كانت تقدمها تويوتا ألا أني في المجمل كسبت أكثر مع الالنترا و أشعر برضاء تام عنها و عن أختياري لها

ربنا يوفقك في الاختيار أن شاء الله و نصيحتي لو هاتجيب الالنترا أهتم بالاساسيات من وسائل امان و طالما بتتكلم في 150 ألف يبقي هات الفئة الثالثة وكيل أو خليجي و ابعد عن البذخ و فتحة السقف و الجنوط ال 17 و الكلام ده و اللي هاتوفره أنت أولي به أو ممكن تدلع بيه عربيتك من تركيب شاشة أو باركينج سنسور او كاميرات او حتي جنوط 16

الالنترا md عربية ممتازة للاستخدام العادي و القيادة الهادية بعيدا عن الشد و الغرز و كلام الترزية و اللي بيفصلوا ملابس علي الطريق

تحياتي للجميع والمناقشة اكثر من رائعة
انا عجباني العربية جدا من كل الجوانب (شكل داخلي وخارجي، وسع، عزل صوت ....الخ) بس لاحظت ان المهندس سمير ذكر موضوع الاستخدام العادي والقيادة الهادئة اكثر من مرة.
هل يوجد بها مشاكل في الثبات علي السرعات العالية ؟؟؟

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

3 ب
2:13 pm
20/11/2012

[mahamedaraby]

خلى بالك اهم حاجة فى الخليجى انها فية موصفة بتنزل 2 زجاج كهرباء بس اللى ادام و اللى وراء بتكون اكر وبتكون فيها ايرباج و abs استندر علشان متخدعش والموصفة دى التجار بيركبولها زجاج كهرباء وراء فى مصر ومبيكونش نوعيتة كويسة دى نقطة والنقطة التانية اياك اياك تانى مرة تشترى عربية النترا فيها gps لانه برضة بيكون متركب هنا ونوعية صينى زفت وبتسبب مشاكل راى خليك بالكاسيت الاستدنر بتاعها اللى فى الخليجى احلى الكاسيت بتاعها صوته احلى وحتى مكانة فتحة usb تحت فى الكنسول مش فى وش الكاسيت زى المصرى دى اهم حاجتين تاخد بالك منهم وعن تجربة شخصية بجد افضل شركة ضمان للعربيات الخليجى هى امان الشرق والله الشركة دى عن تجربة شخصية معاهم بتغير حاجات فى الضمان بدون تحمل اى تكلفة للعميل و انا شفت بعينى بتغير فتيس للعربيات جيتا فى الضمان
بالتوفيق ان شاء الله

[abogharib]

انا عمرى ما سمعت ان الانترا 2012 ولا 2013 فيها ebd ,esb

[lozaregypt]

شكرا لكم جميعا

السلام عليكم

شكرا ليكم يارجاله علي الافادة الكبيرة جدا واخدت قرار الحمدلله وجهزت فلوسي ورحت اسال في اوتو سميرريان علي اليتنر 2013 اول فئه في ABs وايرباج ايموبيليزر اللي هو مانع السرقة
ان سعر العربية 150000 وفيها 1 اير باج ومفيهاش مانع السرقة طبعا حاجة تحرق الدم مفيش حد يعرف معارض تانية يارجاله
؟؟؟؟؟؟؟
وبصراحة الواحدهيتخنق ازاي عربية تمنها 150000 ومفيهاش ايموبيليزر واحد ايرباج بس

محدش شاف تانية والكماليات دي في معارض تانية حتي لو 2012

حسبي الله في الاسعار ؟؟؟

[Samir Elshahawy]

تحياتي للجميع والمناقشة اكثر من رائعة
انا عجباني العربية جدا من كل الجوانب (شكل داخلي وخارجي، وسع، عزل صوت ....الخ) بس لاحظت ان المهندس سمير ذكر موضوع الاستخدام العادي والقيادة الهادئة اكثر من مرة.
هل يوجد بها مشاكل في الثبات علي السرعات العالية ؟؟؟

أطلاقا ..
أنا ساعات باجيب ال 180 و باعديها كمان و مافيش مشكلة بس الصراحة بعد ال 180 كم/س بأبدأ اعاني في التحكم و السيطرة علي العربية خاصة لو الطريق غير ممهد بشكل جيد

لكن انا لا أنصح أطلاقا بالجري و السرعات العالية حتي لو راكب بي أم دبليو أو اعلي العربيات امانا و ثباتا لأن الطرق عندنا مايعلم بيها الا ربنا و الناس اللي ماشية لاتعرف أي قواعد للامان او كيفية استخدام الطريق

يعني لحد 120 كم/س كويس أوي اوي و كمان فيه وفر في أستهلاك البنزين عند السرعة دي او تحتها

[azkalany]

أطلاقا ..
أنا ساعات باجيب ال 180 و باعديها كمان و مافيش مشكلة بس الصراحة بعد ال 180 كم/س بأبدأ اعاني في التحكم و السيطرة علي العربية خاصة لو الطريق غير ممهد بشكل جيد

لكن انا لا أنصح أطلاقا بالجري و السرعات العالية حتي لو راكب بي أم دبليو أو اعلي العربيات امانا و ثباتا لأن الطرق عندنا مايعلم بيها الا ربنا و الناس اللي ماشية لاتعرف أي قواعد للامان او كيفية استخدام الطريق

يعني لحد 120 كم/س كويس أوي اوي :_alshmokh22[1]: و كمان فيه وفر في أستهلاك البنزين عند السرعة دي او تحتها

بس انا شفت غير كدا ولا يبقا في حاجة غلط
انا كنت ماشي علي طريق الاسماعيلية الصحراوي علي 140 ، و زي ما حضرتك قولت لغاية 120 كويس بعد كده حسيت ان العربية خفيفة جدا والهوا بيأثر فيها اوي مع اي حركة للدريكسيون
بصراحة زهلت من اللي بيحصل عربية زي دي تعمل كدا مع ان وزنها فاضية حوالي1180 وبصراحة مكانش في مجال ازود السرعة اكتر من كدا لان المسافة المقطوعة كانت حوالي 30 كيلو
وبعدين في نقطة تانية عاوز اسأل حضرتك عليها انا سمعت ان الباور بتاعها مش بيفصل في السرعات العالية زي اي عربية