اشترى الانترا 2008 مستعمله ؟؟؟

[cyber007]

معلش يا جماعه ممكن مكان الموضوع مش هنا لانى حاطه فى قسم التويوتا بس هوا مشترك وعاوز اسمع رايي شباب الهيونداي زى ما هسمع رايي الشباب فى تويوتا

استكمالا لمسلسل الحيره المستمره اللى مش عارف اطلع منها ويعد ما كنت خلاص نويت على الياريس بدأ الوسواس يجيلى تانى والمره دى مع الانترا

انا معايا 80 - 85 كحد اقصى بعد ما ابيع الانوس اللى معايا ( شاريها زيرو ومكملتش 15000 الف كيلو ) ، هبيعها لانى عاوز عربيه اتوماتيك - شكلها حلو - احس انى راكب عربيها من زمنا دا مش عربيه تسعينات (هيا موديل 2011 ) وعاوز عربيه مسمعش صوتها وبتجري حلو ، ياعنى لما اسخن مع حد مركنش على جمب انا - واخر حاجه لما ابيعها مخسرش كتير وكفايه اول خساره

طبعا بما انى من المنصوره مسمعتش كلام حلو عن الياريس فى اعاده البيع والانتشار ودا اللى خلانى اشوف حاجه تانيه قبل ما اتسرع واحسن انى جبت عربيه 1300 سحبها مش اللى هوا اتضايق منها زى الانوس

احنا عندنا كورولا 1300 اتوماتيك وسحبها مش عاجبنى وان كان افضل من الانوس بمراحل بس هل الياريس نفس المستوى كده !!!!!!!!!!!!!!!!!!!!!!!!!!!!!!!!!!!!!!!

http://www.nilemotors.net/Nile/324892-a.html#post3874697992

[Kareem Fawzy]

هو كأعادة بيع وقطع غيار وجرى يبقى النترا
لاكن كخامات وقطع غيار معمرة يبقى الياريس
وانا فى رأيي اللى يركب النترا مبيعرفش يسوق غيرها
ودة حالى
بالتوفيق يا باشا
بس لو هتشترى النترا حاول تجيب موديل جديد 2010 او 2011 ماشية كيلوات وقليل ودة هتلاقى كتير منها بدام
البادجت بتاعتك 85 الف بالتوفيق ان شاء الله

[cyber007]

85 يجيب 2010 ؟؟؟

[S O P H O S]

85 يجيب 2010 ؟؟؟

مانيوال مش اوتو الي حضرتك طالبه ..

[dr_abooody]

احسنلك هات النترا اللي قبل موديلات 2010 - 2011 لان الخامات و البلاستيك استرخصوا فيهم و كمان الوانهم بهتانة شوية و مفيهاش مؤشر حرارة و الشبكة بتاعتها شكلها مش حلو يعني قدامك 2007 - 2008 -2009 بس اللي بعد كدة بلاش
و طبعا لو ماشية كيلوهات قليلة تبقى حلوة

[Hacker5]

بالضبط زى ماقالوا الاخوة الاعضاء هات موديلات من 2007 الى 2009 و هات عربية حالتها كويسة و ماتركزش على الكيلومتر المهم تبقى العربية سليمة ممكن تلاقى عربية عاملة كيلومتر قليل و صاحبها هاينها و مبهدلها

[cyber007]

مانيوال مش اوتو الي حضرتك طالبه ..

لا دا لازم اوتو شرط اساسي .. ياعنى 85 يجيبو ايه كويس عشان لما اسال ابقى عارف السعر كويس والا لا ... وكنت عاوز اعرف هيا الفئات بتاعتها ايه ومتوسط سعرها
ياعنى اتوماتيك بس بكام تقريبا -- اتوماتيك وفتحة سقف ممكن ب 85 اجيب موديل ايه لو ينفع ولو حاجه فيها abs يبقى كويس

[abogharib]

لا دا لازم اوتو شرط اساسي .. ياعنى 85 يجيبو ايه كويس عشان لما اسال ابقى عارف السعر كويس والا لا ... وكنت عاوز اعرف هيا الفئات بتاعتها ايه ومتوسط سعرها
ياعنى اتوماتيك بس بكام تقريبا -- اتوماتيك وفتحة سقف ممكن ب 85 اجيب موديل ايه لو ينفع ولو حاجه فيها abs يبقى كويس

ممكن 85-90 يجيبولك سيراتو 2010

[cyber007]

انا وصلت 90 كتير عليا دا هوا 80-85 بالعافيه

[cyber007]

والسيراتو انا مطلعها من اختياراتى خالص

[motoxp]

ممكن تجيبلك سيراتو 2010 كامله اوتو وده رأيى

او النترا 2008 اوتو تكييف تاتش برده هتبقى حالتها حلوه

[cyber007]

ممكن تجيبلك سيراتو 2010 كامله اوتو وده رأيى

او النترا 2008 اوتو تكييف تاتش برده هتبقى حالتها حلوه

والله انا مستبعد السيراتو من حساباتى لسبب غير معروف بس متشائم منها

ال2008 تاتش دى ياعنى فيها فتحة سقف و abs ?

[motoxp]

اعتقد فتحه سقف و abs ( اتاكد وانت بتشتريها عشان فيها منها فئات كتير اوى )

وممكن كورولا موديل 2006 اوتو 1300 برضه عربيه ممتازة و حماله اسيه بصراحه

او لانسر بومه 2008 سبورت اكشن برضه هتبقى صفقه حلوه

[virus2007]

الانترا عربية محترمة وكل موديلاتها كويسة من وجهة نظرى ومفيهاش عيوب تذكر

الرنج الى معاك يجيلك عربية اوتو 2007 او 2008 وفيها الى انتا عاوزوا

ومتبصش على كيلوات العربية على اد متبص على حالة العربية بشكل عام انا اعرف ناس كتير معاهم العربية ومعدين ال 200 الف والعربية مشاء الله كانها جديدة مدام صاحبها مش هاينها ومحافظ عليها وعلى صيانتها

[kimokaim]

اﻻلنترا افضل بكثير من الياريس

واختيار موفق جدا لو اشتريتها