مهزلة غبور = العربية فى التوكيل من شهر ونصف ولم ينتهوا من التصليح

[Samir Elshahawy]

نفسي حد يشكر في توكيل ويتفق ناس معاه

لازم الاول التجار و التوكيلات يحترموا عقول المستهلكين خاصة لما يكون هؤلاء المستهلكين من نوعية مثقفة و علي درجة عالية من الوعي و التحضر كمستخدمي السيارات

[mahmoud_afifi]

الواحد كل مايقول غبور ربنا هداه وبقى كويس والمعامله اتغيرت يظهرلي العكس تماما.
وده من اهم الاسباب الواحد مايفكرش في هيونداي مره تانيه خالص -__-

[khaledccie]

متشكر لردود حضراتكم والتفاعل مع الموضوع
وكلامكم كلة مظبوط يعتبر كلنا متفقين ان مفيش توكيل محترم فى مصر مهما كبر ومهما اغتنى
حاسس اننا نحتاج نعمل ثورة ونعمل اعتصامات امام التوكيلات وممكن نعمل اقتحام كمان
مشمعنا احنا على الاقل هيبقى لينا حجة واصحاب حق

للاسف اساليب الاحترام مش بتنفع مش عارف مع انة بياخد حق كل شئ باضعاف تمنة
ويمكن ان يعمل فرق صيانة من المهندسين والفنين على اعلى مستوى ويوفر قطع الغيار فى المخازن دة ابسط اساسيات التجارة - لان لو مش عندك الحاجات اللى هتبعها هتقفل -
بس دة طبعا فى الدول المحترمة لما يبقى فية منافسة اما فى مصر هو بيعاملك انه الوكيل الوحيد ومحدش هيعملك غيرى وهتنتظر غصبن عنك ولو عملت برة هخرجك من الضمان

هقولكم على شئ غريب :

يوم الاتنين بعت ايميلات ليهونداى كوريا وامريكا وكندا قلت اى حد يرد

هيونداى كوريا العالم اللى هو الموقع الرئيسى حتى الان مردش عليا
وهيونداى كندا رد عليا وبيتاسف لمشكلتى وبيقولى مش هنقدر للاسف نساعد حضرك وكلم وكيلك المحلى

فهنا المشكلة فى البلد مش فى الشركة البلد لما تحترم مواطنيها الشركة غصبن عنها هتحرمهم
لانها عارفة ان المواطن فى كندا مثلا لو مخدشى الخدمة كاملة هيروح حماية المستهلك وماادراك ما حماية المستهلك برة وهياخد حقة وزيادة وتعويض محترم وممكن يدولة عربية

بس فى مصر مفيش احترام للبنى ادم فالطبيعى مفيش احترام من الشركة

متشكر مرة تانية يا جماعة على شعوركم الطيب
ومتشكر لمهندس سمير على تعبك ومعلشى ان كنت قولت اى لفظ مش مناسب فى الموضوع بس انا حاولت اكون محترم للاخر معاهم وصبرت بما فية الكفاية - ولو فية اى لفظ مش مناسب فى الموضوع ممكن حضرتك تمسحة

وياريت لو حضرتك تعمل موضوع ثابت نعرض فية مشاكلنا مع غبور ويكون دليل لينا كلنا وكمان لو فية حد من خدمة العملاء بيهتم ويدخل المنتدى يقدر يتابع المشاكل

وهتابع معاكم باخر الاخبار والمستجدات وهكتبها ليكم

[Samir Elshahawy]

فعلا يا أستاذ خالد كلامك صحيح و عندك حق

ربنا يعلم قد أيه أنا بأحاول أجمع الناس و كل مالكي الهيونداي علشان نقدر نعمل تكتل مضاد يقدر يكون قوة ضغط علي الوكيل

و ده السبب أني عملت صفحة علي الفيس بوك و كان عندي أمل أني ألاقي تجاوب علي الاقل من مالكي هيونداي علي نايل موتورز كبداية لتكوين رابطة أو اتحاد ملاك مشهر و مسجل بشكل رسمي يقدر أنه يقف أمام التوكيل

لكن..

ليس من طبعي أن افقد الامل و دائما بأحاول بشتي الطرق حتي و لو منفردا لذا أستغليت معرض أوتوماك في محاولة للتقرب من التوكيل و عمل أتصالات و علاقات ببعض مندوبي المبيعات و المسئولين بالتوكيل و هذه المحاولات الان علي أشدها لفتح قنوات تواصل معهم علها تثمر هذه المرة و نحظي بفرصة تواجد حقيقي للتوكيل بالمنتدي حتي لسماع شكوانا المتكررة و الرد علينا

كل ما أرجوه من حضرتك و باقي الاعضاء هو الدعم و المساندة لتلك المحاولات و المجهودات حتي يكتب لها النجاح أن شاء الله

صفحة نجوم هيونداي علي الفيس بوك :

https://www.facebook.com/#!/HyundaiStarsEgypt

[dozo]

ربنا معاك و تستلم على خير ان شاء الله.
الغريب ان من مميزات شراء الهيونداى عموما انتشارها و توافر قطع الغيار فى التوكيل او خارجه . امال لو العربيه مش منتشره كان ايه اللى حصل !!!!!!!
يظهر ان فى حاجات كتيره فى مصر لازم تتغير .

[AoA]

حمدا لله على سلامتك
ربنا يعوض عليك خير ان شااء الله

التوكيل معاملته ليك عامة وشامله الناس كلها
انا مثلا
من شهر 10 اللى فات وانا طالب قطعه غيار وبرضه قالولى هاتيجى فى خلال اسبوعين وكل مرة اكلمهم يقولولى الاسبوع الجاى حتى الأن

اتصلت برقم غبور وقدمت 3 شكاوى فى اوقات مختلفه
وولا عبرونى بأى حاجة

دة غير المهندسين اللى مش فاهمين اى حاجة اصلا
كل لما اشتيكلهم من حاجة يقولولى مفيش حاجة مع انى سبحان الله كشفت عليها بره وقالولى ايه اللى فيه مشكله

هو دة النظام فى مصر

[Mohab555]

معلش يا بشمهندس خالد ربنا معاك و يقويك عليهم
غبور اقسم بالله كان من اهم الدوافع انى مجبش عربيه هيونداى تانى و فعلا انا واخد عهد انى مش جايب عربيه هيونداى تانى بسببه

يعنى مش كفايه عربيات بسعر هلامى و كمان خدمه من سىء لاسواء السوء !! مش عارف الصراحة هما عايزين ايه !!! كفايه انهم واخدين لقب اسواء وكيل على الاطلاق فى مصر بشهاده كل الناس !!

انا شايف الصراحة ان لازم كل الى عانده شكوه يبعتها لهيونداى الام و يكرر الشكوى و يبعتها كتير
علشان فعلا غبور بخدمته الرديئه بيضيع سمعه عربيات هيونداى و لازم يتسحب منه التوكيل
ويروح لشركه محترمه زى اوتو ايجيبت مثلا تكبر اسم هيونداى فى مصر كمان و كمان
مش تدمره

[Samir Elshahawy]

أستاذ / خالد

تحياتي و أحترامي لك و للجميع ..

برجاء أرسال البيانات التالية لي من خلال رسالة أو من خلال رسالة موبايل sms
- رقم العربية ( اللوحات)
- رقم الشاسيه
- رقم الموتور
- موديل العربية

و ربنا يعمل اللي فيه الخير أن شاء الله

[khaledccie]

5463 س ق
موتور : 564561
شاسية: 550329
موديل : النترا 2013

[azwoz65]

أستاذ / خالد

تحياتي و أحترامي لك و للجميع ..

برجاء أرسال البيانات التالية لي من خلال رسالة أو من خلال رسالة موبايل sms
- رقم العربية ( اللوحات)
- رقم الشاسيه
- رقم الموتور
- موديل العربية

و ربنا يعمل اللي فيه الخير أن شاء الله

ياريت ياباشمهندس سمير تبذل قصارى جهدك مع الاخ خالد لأن اللى حصله ده كتييييييييييير والله يكون فى عونه

[essam_shaaban]

والله مش كل التوكيلات انا واحد صحبي معاه نيسان صني كان فيها مشكلة و سملها للتوكيل يحلوها و متحلتش و العربية كانت بتعوم جامد و اتصل بمهندس صيانة في توكيل السبع ومش عاوز ااقولكم عمل ايه معاه

1- بعت له ونش ع البيت سحب العربية مجانا (مع انها دايرة مفيش مشاكل)
2- التصليح في خلال 48 ساعة
3- تم تغيير جوز مساعدين امامي و السوست بتاعتهم بالبطاحات
4- ترصيص وزوايا كاملة و تقريط علي الصليبة بتاعت الدريكسيون
5- غسيل العربية من الموتور و الصالون و الخارج كانها جديد
6- كبير مهندسي الصيانة جه بنفسه الشغل عندنا و سملنا العربية و كنا في رمضان قبل الافطار
7- كل ما سبق مجانا (في الضمان) مع ان المهندس قالنا حرفيا انه عيب استخدام لانه لاقا مساعد معووج من مطب شديد و بالرغم من كده غير الجوز و السوست مجانا عشان راحة العميل و عدم زعله

انا عارف اننا بنتكلم عن توكيل هيونداي ولكن الشيئ بالشيئ يذكر و حبيت انقل لكم التجربة مش اكتر

[Samir Elshahawy]

والله مش كل التوكيلات انا واحد صحبي معاه نيسان صني كان فيها مشكلة و سملها للتوكيل يحلوها و متحلتش و العربية كانت بتعوم جامد و اتصل بمهندس صيانة في توكيل السبع ومش عاوز ااقولكم عمل ايه معاه

1- بعت له ونش ع البيت سحب العربية مجانا (مع انها دايرة مفيش مشاكل)
2- التصليح في خلال 48 ساعة
3- تم تغيير جوز مساعدين امامي و السوست بتاعتهم بالبطاحات
4- ترصيص وزوايا كاملة و تقريط علي الصليبة بتاعت الدريكسيون
5- غسيل العربية من الموتور و الصالون و الخارج كانها جديد
6- كبير مهندسي الصيانة جه بنفسه الشغل عندنا و سملنا العربية و كنا في رمضان قبل الافطار
7- كل ما سبق مجانا (في الضمان) مع ان المهندس قالنا حرفيا انه عيب استخدام لانه لاقا مساعد معووج من مطب شديد و بالرغم من كده غير الجوز و السوست مجانا عشان راحة العميل و عدم زعله

انا عارف اننا بنتكلم عن توكيل هيونداي ولكن الشيئ بالشيئ يذكر و حبيت انقل لكم التجربة مش اكتر

كل توكيل له عيوبه ... و تقدر تسأل مالكي النيسان صني الجديدة عن التوكيل اللي مافيهوش أكصطدامات للعربية و لا قطع غيار مع أن العربية بيتم تجميعها في مصر

مش بس هيونداي ... كله كده ألا من رحم ربي

[khaledccie]

والله مش كل التوكيلات انا واحد صحبي معاه نيسان صني كان فيها مشكلة و سملها للتوكيل يحلوها و متحلتش و العربية كانت بتعوم جامد و اتصل بمهندس صيانة في توكيل السبع ومش عاوز ااقولكم عمل ايه معاه

1- بعت له ونش ع البيت سحب العربية مجانا (مع انها دايرة مفيش مشاكل)
2- التصليح في خلال 48 ساعة
3- تم تغيير جوز مساعدين امامي و السوست بتاعتهم بالبطاحات
4- ترصيص وزوايا كاملة و تقريط علي الصليبة بتاعت الدريكسيون
5- غسيل العربية من الموتور و الصالون و الخارج كانها جديد
6- كبير مهندسي الصيانة جه بنفسه الشغل عندنا و سملنا العربية و كنا في رمضان قبل الافطار
7- كل ما سبق مجانا (في الضمان) مع ان المهندس قالنا حرفيا انه عيب استخدام لانه لاقا مساعد معووج من مطب شديد و بالرغم من كده غير الجوز و السوست مجانا عشان راحة العميل و عدم زعله

انا عارف اننا بنتكلم عن توكيل هيونداي ولكن الشيئ بالشيئ يذكر و حبيت انقل لكم التجربة مش اكتر

-----------------------------------------------------

شئ رائع اننا نشوف توكيل فى مصر بالشكل الرائع
اللى ميجيش فى احلامنا ان كل دة يحصل واحنا مش طماعين ومش عاوزين كل دة
احنا بس عاوزين لما نوديلهم العربية يراعوا ربنا فيها بس مش اكتر
واحنا هندفع وهنروح نجيبها مش هنتعبهم

[khaledccie]

اخر المستجدات
اليوم الاتنين 4-2-2013

كما كان متوقع تماما ولم يخيبوا ظننا
لم تات قطعة الغيار التى وعدنى بها مدير خدمة العملاء ومدير قطع الغيار

الجميل هو الثبات على المبدا وهو تعذيب الزبون وعدم احترام اى ميعاد معاه

ناس صراحة زوق زوق واهم حاجة النظام فى بهدلة العميل

ربنا يديهم ويبارك لهم على اد ما بيدونا وبيحترمونا

[saint2011]

كل توكيل له عيوبه ... و تقدر تسأل مالكي النيسان صني الجديدة عن التوكيل اللي مافيهوش أكصطدامات للعربية و لا قطع غيار مع أن العربية بيتم تجميعها في مصر

مش بس هيونداي ... كله كده ألا من رحم ربي

أنا من مالكى الصنى الجديدة وبقول لحضرتك يا بشمهندس سمير أن توكيل نيسان من التوكيلات المحترمة جدا ولو فيه مشكلة فى أى عربية نيسان سرعة الأستجابه عالية جدا وأكصدامات الصنى الجديدة موجودة ومتوفرة جدا يمكن فى بداية نزول العربية السوق كان مش كل قطع الغيار متاحة بس ده كان طبيعى عشان العربية لسه جديدة لكن سرعان ماتداركت نيسان هذا وجميع قطع الغيار متوفرة فى التوكيل وهناك تواصل مستمر مع شركة نيسان مصر بخصوص أى مشكلة فى السيارة وكفاية أقولك أن كان فيه مشكلة تصميم فى صاجة التيل الخلفى بالسيارة يصدر عنها تصفير وقد تم أبلاغ كل مالكى الصنى الجديدة وخصوصا الدفعة الأولى والذين يعانون من هذه المشكلة بالتوجة للتوكيل لعلاج هذا العيب فى التوكيل مجانا علما أن هذا التعديل تكلفتة 4700 جنية أيوه 4700 جنية مجانا ولك تحياتى