للفيرناوي بس تعمل اية مع عربية من غير مراية .. حاجه صعبة ( موضوع للنقاش )

[verna2008auto]

السلام عليكم ورحمة الله وبركاته

موضوع وواجهته كتير فا حبيت اعرضة عليكم وخصوصا الفيرناوية .. طبع انتو عارفين( فراملها اضعف من موتورها)

قصة تعبتني جدا .. با اكون ماشي في امان الله ومرة واحده وبلا مقابل المح عربية جنبي يمين او شمال وبيكسر بطريقة وحشة جدا ... ولما ربنا بيسلم واعرف افادية اكتشف انه ((( من غير مرايا ))) يا بيكون قافلها او مش موجوده او مكسورة (( ومدلدلة ))

والغريبة مش عارف هوا بيبقي اعتماده علي المراية اللي في النص وبرضة مش بيبص عليها .

انا اتعقدت وبقيت ابص علي مرايات العربيات (( قبل ما امر من جنبها ))
وكتير الاقي ناس برده ماشية بدون المرايتين (( اليمين والشمال ))
هل للدرجة دي المرايا مش مهمه ...؟؟؟
حد عنده حل ؟؟؟

انا عن نفسي المرايا مهمة عندي جدا ...
ربنا يستر طريقنا ...
تحياتي للفيرناوية

[khalid_adel]

الانئح الاقي بنت ماشيه قدامي وبتلعب في الموبايل وبتتكلم فيه وقافله المرايتين عن قصد
طب دي يتعمل فيها ايه دي قبل ما تعمل هي فينا بلاويها دي

[El Prince]

المرايات عامةً مهمة جداً و خصوصاً الأجناب عند التخطى أو تغيير الحارة مع الالتزام بالاشارات
تحياتى

[Mohamed.Fawzy]

للأسف الشديد معظم المصريين بيعتبروا المرايات الجانبيه دى حاجه زياده فى العربيه و ملهاش لزمه و خصوصا السيدات و كبار السن .... بلاحظ ان كتير منهم مبيبوصش فى المرايات خالص او قافلها

[dolly13]

انا المرايات عندى مهمة جدا مع انى فضلت سنتين بالماروتى ايام زمان من غير مراية يمين وكان اجبارى ماكنتش لاقية مرايتها
كانت فترة صعبة جدا لكن اتعودت اعوج مرايا الصالون ناحية اليمين شوية كحل مؤقت وفضل الحل المؤقت لحد مابعتها :)

[Samir Elshahawy]

ياريت علي قد المرايات و بس

المهم أنه يبص فيها أو يعرف يظبطها ازاي

أنا واحد صاحبي بيمشي ظابط المرايتين يمين و شمال بحيث أنه يشوف أخر حاجة في عربيته و موطيها لتحت بحيث يشوف العجل الخلفي

طبعا كده مافيش و لا عربية وراه باينة عنده
و لما سألته ليه كده رد بمنتهي البرود , ماهيا المفروض كده علشان أشوف جنب العربية عندي !!
ده ترد عليه و تقول له أيه ؟

[verna2008auto]

الانئح الاقي بنت ماشيه قدامي وبتلعب في الموبايل وبتتكلم فيه وقافله المرايتين عن قصد
طب دي يتعمل فيها ايه دي قبل ما تعمل هي فينا بلاويها دي

مع احتراماتي للبنات والستات ..

يا زميلي العزيز انا كنت في إشارة والست صاحبة العربية اللي قدامي شايفاني في المرايا ورجعت بالعربية لغاية ما خبطت فيا ... وبعد ما حست انها خبطتني .. (( خرجت تزعق ))
اعمل اية ......

[verna2008auto]

المرايات عامةً مهمة جداً و خصوصاً الأجناب عند التخطى أو تغيير الحارة مع الالتزام بالاشارات
تحياتى

اي نعم يا مومبيك ..
بس ماحدش عارف قيمتها

[verna2008auto]

للأسف الشديد معظم المصريين بيعتبروا المرايات الجانبيه دى حاجه زياده فى العربيه و ملهاش لزمه و خصوصا السيدات و كبار السن .... بلاحظ ان كتير منهم مبيبوصش فى المرايات خالص او قافلها

الناس الكبيرة نقول ماشي نستحمل
طيب البنات او الستات الشباب ... نعمل اية

[verna2008auto]

انا المرايات عندى مهمة جدا مع انى فضلت سنتين بالماروتى ايام زمان من غير مراية يمين وكان اجبارى ماكنتش لاقية مرايتها
كانت فترة صعبة جدا لكن اتعودت اعوج مرايا الصالون ناحية اليمين شوية كحل مؤقت وفضل الحل المؤقت لحد مابعتها :)

دعيني احييكي ...

[verna2008auto]

ياريت علي قد المرايات و بس

المهم أنه يبص فيها أو يعرف يظبطها ازاي

أنا واحد صاحبي بيمشي ظابط المرايتين يمين و شمال بحيث أنه يشوف أخر حاجة في عربيته و موطيها لتحت بحيث يشوف العجل الخلفي

طبعا كده مافيش و لا عربية وراه باينة عنده
و لما سألته ليه كده رد بمنتهي البرود , ماهيا المفروض كده علشان أشوف جنب العربية عندي !!
ده ترد عليه و تقول له أيه ؟

يا مومبيك سمير باشا الشهاوي ... ده طبع المصررين ..(( عندنا جينات من فرعون ))
لا تراجع ولا استسلام ...
وانا ومابعدي الطوفان .. اعدي انا الاول وبلاش غيري يعدي ...
وهوا ياخد باله مني .. انا لا ماخدش بالي

[magic girl]

انا لما بلاقي حد من غير مراية، بدون تفكير باسيبه يعدي او احاول ابعد عنه من غير تفكير، عشان مرة واحد حاج في 128 من غير مرايات انا كنت على يمينه و الحمد لله كان هايلبسني في الحيط..

انا ساعات لما بانزل مثلاً مستعجلة و البواب يكون قافل المراية اليمين و اكتشف ده بعد ما اطلع، لازم اركن على جمب و افتحها.. و لو حد و انا سايقة في زحمة الشارغ قفلي المراية بقف و بعدلها، مينفعش اصلاً اتعامل من غيرها..

احنا زمان كان عندنا 125 من غير مرايات، والدي و والدتي كانوا جايبيين مراية الصالون عريضة بس، لحد دلوقتي بحاول استوعب هما كانوا ماشيين بيها ازاي كده خاصة انها ابعادها كبيرة، بس توصلت انها كانوا بيعتمدوا ان الناس بتخاف منهم، و اللي تقريباً واثقة منه ان ماما مكانتش بتستخدمها اساساً هههههههههه d:

[samihanwar]

انا اكتر حاجه بتقلقنى انى لما اتجاوز واحد معندوش مرايه

[verna2008auto]

انا لما بلاقي حد من غير مراية، بدون تفكير باسيبه يعدي او احاول ابعد عنه من غير تفكير، عشان مرة واحد حاج في 128 من غير مرايات انا كنت على يمينه و الحمد لله كان هايلبسني في الحيط..

انا ساعات لما بانزل مثلاً مستعجلة و البواب يكون قافل المراية اليمين و اكتشف ده بعد ما اطلع، لازم اركن على جمب و افتحها.. و لو حد و انا سايقة في زحمة الشارغ قفلي المراية بقف و بعدلها، مينفعش اصلاً اتعامل من غيرها..

احنا زمان كان عندنا 125 من غير مرايات، والدي و والدتي كانوا جايبيين مراية الصالون عريضة بس، لحد دلوقتي بحاول استوعب هما كانوا ماشيين بيها ازاي كده خاصة انها ابعادها كبيرة، بس توصلت انها كانوا بيعتمدوا ان الناس بتخاف منهم، و اللي تقريباً واثقة منه ان ماما مكانتش بتستخدمها اساساً هههههههههه d:

دعيني احييكي علي الصراحه دي ...
لان فعلا انا كتير بتجيلي علامات استفهام وانا سايق في الموضوع ده ..
طلع صح اهه فعلا فية ناس مش بتبص في المرايا وبتعتمد علي خوف الناس منهم
...
واوووو

[mshmshm3]

اللي تلاقيه قافل المرايات خايف عليها افتحهاله
عملتها في مرة واحد في ميدان العباسية الساعة 3 العصر معاه سبرانزا و بيحدف عليا مرة و اتنين و قافل المرايا
قولت يمكن مكسورة دققت فيها لاقيتها سليمة فتحتهاله و قولتله كدة احسن ما نمسك في بعض
بصلي كأن انا متخلف عقليا
كنت هكمل الجميل معاه و افتحله الباب اللي ورا يمين و غتاتة ب غتاتة بس الطريق فضي و كنت عايز امشي