للفيرناوي بس تعمل اية مع عربية من غير مراية .. حاجه صعبة ( موضوع للنقاش )

[loshabih]

مع احتراماتي للبنات والستات ..

يا زميلي العزيز انا كنت في إشارة والست صاحبة العربية اللي قدامي شايفاني في المرايا ورجعت بالعربية لغاية ما خبطت فيا ... وبعد ما حست انها خبطتني .. (( خرجت تزعق ))
اعمل اية ......

بتفكرني بوحده في مصطفي النحاس دخلت الملف من غير متبص ولما بكلكسلها سابت الدركسيوووون خالص

السلام عليكم ورحمة الله وبركاته

موضوع وواجهته كتير فا حبيت اعرضة عليكم وخصوصا الفيرناوية .. طبع انتو عارفين( فراملها اضعف من موتورها)

قصة تعبتني جدا .. با اكون ماشي في امان الله ومرة واحده وبلا مقابل المح عربية جنبي يمين او شمال وبيكسر بطريقة وحشة جدا ... ولما ربنا بيسلم واعرف افادية اكتشف انه ((( من غير مرايا ))) يا بيكون قافلها او مش موجوده او مكسورة (( ومدلدلة ))

والغريبة مش عارف هوا بيبقي اعتماده علي المراية اللي في النص وبرضة مش بيبص عليها .

انا اتعقدت وبقيت ابص علي مرايات العربيات (( قبل ما امر من جنبها ))
وكتير الاقي ناس برده ماشية بدون المرايتين (( اليمين والشمال ))
هل للدرجة دي المرايا مش مهمه ...؟؟؟
حد عنده حل ؟؟؟

انا عن نفسي المرايا مهمة عندي جدا ...
ربنا يستر طريقنا ...
تحياتي للفيرناوية

دلوقتي ببص كويس جدا علي العربيه اللي هعدي من جنبها واو مفيش مرايه مبعديش او لو مستعجل مبشلش ايدي من علي الكلاكس لحد معدي وكتير ببص في مرايته اشوفه بصصلي ولا لا

ياريت علي قد المرايات و بس

المهم أنه يبص فيها أو يعرف يظبطها ازاي

أنا واحد صاحبي بيمشي ظابط المرايتين يمين و شمال بحيث أنه يشوف أخر حاجة في عربيته و موطيها لتحت بحيث يشوف العجل الخلفي

طبعا كده مافيش و لا عربية وراه باينة عنده
و لما سألته ليه كده رد بمنتهي البرود , ماهيا المفروض كده علشان أشوف جنب العربية عندي !!
ده ترد عليه و تقول له أيه ؟

تقله ربنا يكرمك بنقل

اللي تلاقيه قافل المرايات خايف عليها افتحهاله
عملتها في مرة واحد في ميدان العباسية الساعة 3 العصر معاه سبرانزا و بيحدف عليا مرة و اتنين و قافل المرايا
قولت يمكن مكسورة دققت فيها لاقيتها سليمة فتحتهاله و قولتله كدة احسن ما نمسك في بعض
بصلي كأن انا متخلف عقليا
كنت هكمل الجميل معاه و افتحله الباب اللي ورا يمين و غتاتة ب غتاتة بس الطريق فضي و كنت عايز امشي

بتفكرني بصحبي قفل لواحد المرايه وقله متبص في تييت ام المرايه

[verna2008auto]

اللي تلاقيه قافل المرايات خايف عليها افتحهاله
عملتها في مرة واحد في ميدان العباسية الساعة 3 العصر معاه سبرانزا و بيحدف عليا مرة و اتنين و قافل المرايا
قولت يمكن مكسورة دققت فيها لاقيتها سليمة فتحتهاله و قولتله كدة احسن ما نمسك في بعض
بصلي كأن انا متخلف عقليا
كنت هكمل الجميل معاه و افتحله الباب اللي ورا يمين و غتاتة ب غتاتة بس الطريق فضي و كنت عايز امشي

دي مش غتاته يا مونشير ... دي إيجابية منك انك تفتحلة المرايه
واكبر ((غتاته)) منه ان المرايه سليمة ومش بيستخدمها

[verna2008auto]

بتفكرني بوحده في مصطفي النحاس دخلت الملف من غير متبص ولما بكلكسلها سابت الدركسيوووون خالص

واو .... ايه اللي حصل انا اصل النوعية دي با قابلها كتير وبخاف انبههم بكلاكس ولا بإشارة حتي ...عشان ما يرشاقوش في حيط واكون انا السبب

دلوقتي ببص كويس جدا علي العربيه اللي هعدي من جنبها واو مفيش مرايه مبعديش او لو مستعجل مبشلش ايدي من علي الكلاكس لحد معدي وكتير ببص في مرايته اشوفه بصصلي ولا لا

السواق اللي مش بيستخدم المرايا مش ها ينتبه لكلكس حتي ...
بيبقي معتمد ان الناس شايفاه ..مش لازم هوا يتعب نفسة ويشوفهم

تقله ربنا يكرمك بنقل
بتوع النقل دلوقت بيمشو عكس اتجاه ... عافية

بتفكرني بصحبي قفل لواحد المرايه وقله متبص في تييت ام المرايه

[YHYAKOTB]

الحل الامثل للتعامل مع الى مش معاة مراية هو الكلاكس الجامد والقلاب النور لحد اما يبان انو اخد بالة ان فى عربية عاوزة تتخطاة او حتى ماشية جمبو عشان ساعات بيبقى عاوز يتفادى مطب وتلاقية رمى نفسة على الجمب ومش مهم العربية الى جمبة

الحل الامثل للتخطى من عربية فاتحة مراياتها بس مش بتبص فيها ويمكن ظابطاها غلط هو انك لازم تبص فى المراية الجانبية للعربية الى عاوز تعدى منها لو شفت وشة فيها يبقى كدة هو شايفك كدة تديلة كلاكس صغير امان كدة وتعدى اما لو مشفتش وشة يبقى تعاملة معاملة الى معندوش مرايا كلاكسات ونور
انا عارف انو كدة مزعج بس صدقنى البلد مبقاش فيها ناس بتعرف بتسوق كتير لحد اما المرور يطور نفسة ويعمل كتب للطرق الصحيحة للسواقة وكمان يطور مدارس السواقة بناس بتسوق وفاهمة كل القواعد المرورية الصحيحة ومعدلات الامان فى السواقة ونرجع تانى لزمن القيادة اخلاق وفن

[micho129]

الحل الامثل للتعامل مع الى مش معاة مراية هو الكلاكس الجامد والقلاب النور لحد اما يبان انو اخد بالة ان فى عربية عاوزة تتخطاة او حتى ماشية جمبو عشان ساعات بيبقى عاوز يتفادى مطب وتلاقية رمى نفسة على الجمب ومش مهم العربية الى جمبة

الحل الامثل للتخطى من عربية فاتحة مراياتها بس مش بتبص فيها ويمكن ظابطاها غلط هو انك لازم تبص فى المراية الجانبية للعربية الى عاوز تعدى منها لو شفت وشة فيها يبقى كدة هو شايفك كدة تديلة كلاكس صغير امان كدة وتعدى اما لو مشفتش وشة يبقى تعاملة معاملة الى معندوش مرايا كلاكسات ونور
انا عارف انو كدة مزعج بس صدقنى البلد مبقاش فيها ناس بتعرف بتسوق كتير لحد اما المرور يطور نفسة ويعمل كتب للطرق الصحيحة للسواقة وكمان يطور مدارس السواقة بناس بتسوق وفاهمة كل القواعد المرورية الصحيحة ومعدلات الامان فى السواقة ونرجع تانى لزمن القيادة اخلاق وفن

انا بقيت اعمل كده علي طول

[verna2008auto]

انا بقيت اعمل كده علي طول

انا كمان حاولت اعملها في مرة ... جات في عربية مقاول ولقيتة من الناس اللي مركبة (( رجلين )) في ايدوة .. ولو كان نزللي من العربية كان ( هايشرومني نصين )