4 فرد كاوتش والحمد لله

[EngAhmedSakr]

والله حضرتك انا جبت ال Service manual بتاع ال HDوبدات اشتغل على بسيط
يا ريت الناس تعرف ان مشاركتها مهمه جداااااااااااااااااااااااااااا

الف مبروك الكاوتش الجديد
انا كمان نفسي اغير زيك تمام لـ 195 بريدجستون .. بس مكسل لسببين
مشواري اليومي 30 كيلو فقط ... وان الكاوتش الهانكوك شكله لسا جديد "بس انا خايف من زحفــــــــــــــــــانه مع الفرامل "...بالاضافه ان مفيش توكيل بريدجستون قريب مني بيشجعني علي التغيير :)

-انا نزلت المانيوال بتاع العربيه اللي هو 360 صفحه دا
بس لو حضرتك لاقيت الـService manual بتاع تشخيص الاعطال وطرق الإصلاح ياريت تدينا لينكات لتحميله او ترفعهولنا ويبقي كتر خيرك جدا :)

شكرا جزيلا

[Kareem.ElAraby]

متابع
و ألف مبروك علي الكاوتش عقبال الجنط ال 16 المره الجايا ان شاء الله
و حضرتك كنت سألت علي ما أتذكر و ان كنت مش متأكد تمام اليقين من الموضوع ده و سألت كمان علي الزيت و رديت عليك علي قدر معرفتي بصراحه انا من الناس اللي مش بأحب أفتي و أسوحك ده غير ان انا ما عنديش نت في الشغل

ان شاء الله نعوضهالك في مشاركه تانيه بالخير طبعا و ربنا يكفينا و يكفيك شر الطرق

مبروك علي الارض

[msobhy]

متابع
و ألف مبروك علي الكاوتش عقبال الجنط ال 16 المره الجايا ان شاء الله
و حضرتك كنت سألت علي ما أتذكر و ان كنت مش متأكد تمام اليقين من الموضوع ده و سألت كمان علي الزيت و رديت عليك علي قدر معرفتي بصراحه انا من الناس اللي مش بأحب أفتي و أسوحك ده غير ان انا ما عنديش نت في الشغل

ان شاء الله نعوضهالك في مشاركه تانيه بالخير طبعا و ربنا يكفينا و يكفيك شر الطرق

مبروك علي الارض

+1111111111111

[msobhy]

استكمالا لتجربتى
أولا بخصوص المطبات فعلا العربيه احسن بكتير جدا - وفعلا انصح اى حد يغير لمقاس ال 195

نيجى لأخر تجربه
السرعات العاليه

الحمد لله جربت العربيه امبارح وجبت بيها 180 على طريق مصر اسكندريه ولمدة 5 دقائق فقط - وبصراحه مردتش أزود لسببين - الاول ان الطريق كان زحمه
السبب التانى انى فعلا بطلت أجرى واكتشفت انى فعلا والحمد لله فقدت نهائيا مهارة انى اجرى بسرعه

تقييمى للسرعات
العربيه من 0 - 100 ثبات رائع وكل العربيات كده - والمناوره اتحسنت كتييييييييير
العربيه من 100 - 140 ثبات مختلف تماما عن السابق - العربيه كانت بتبقى زى ما تكون مبرجله - لكن دلوقتى والحمد لله بقت ناعمه جدا بالاضافه لعدم الاحساس بالسرعه اساسا - احساسى انى كنت ماشى على 80 بالكتيييييييير مش 140 - واحساس المناوره احسن بكتيييييير

........* العربيه من 140 - 180 بصراحه احساسى ان فيه حاجه غلط فى العربيه مش فى الكاوتش - العربيه كانت بتحدف معايا شمال شويه ويمين شويه - وبصراحه ديه غريبه قوى ومش عارف سببها ايه - انا اول مره اوصل بالالنترا ل 180 - انا كان معايا لانوس وكنت بجيب بيها 185 وكانت ثابته جدا - لكن الالنترا كانت فعلا مايتقلش عليها غير انها هابله بجد - العربيه بتجرى والسلام - وانصح اى حد مش محترف (زيى) انه ما يغمرش بأنه يسوق الالنترا بسرعه فوق ال 140

بالمناسبه انا باسوق من سنة 1991 - وسوقت مليون عربيه (أو مليون الا ربع مش فاكر بالظبط) وبأكد ان ده مش مقياس علشان حد يجرى بالعربيه - لأنها بجد زفت قوى على السرعات

أخر تقيم ولو انه ملوش علاقه بالموضوع - وكلنا عارفينه - تجميع العربيه فعلا أكثر من رائع (انا عربيتى مانيوال) بمنتهى بمنتهى بمنتهى السهوله بتوصل ل 140 - وبسهوله وصلت ل 180 - وعن تجربتى الشخصيه لو على طريق العالمين - العربيه ديه تقفل عداد (220 كيلو) - بشرط انك تبقى لواحدك وتكتب وصيتك قبلها

فى النهايه - انا كنت زعلان حبتين على الفلوس اللى دفعتها فى الكاوتش لأنى فعلا مزنوق ماديا جداااااااااااا - وفعلا انا مبسوط جدا جدا جدا بأنى دفعت ال 3000 جنيه دول - فعلا القيمه اللى اخدتها أعلى بكتير من الفلوس اللى اتدفعت

وللمره المليون وكل الناس بتقول الكلمه ديه - بلاش استخسار فى الكاوتش بالذاااااااااااات

[mado83]

مش لوحدك اللى بتشتكى من عدم الردود فى قسمك
حاجه غريبه فعلا اقسام شغاله واقسام لا مع ان العدد كبير مش قليل

[Walid_M]

........* العربيه من 140 - 180 بصراحه احساسى ان فيه حاجه غلط فى العربيه مش فى الكاوتش - العربيه كانت بتحدف معايا شمال شويه ويمين شويه - وبصراحه ديه غريبه قوى ومش عارف سببها ايه - انا اول مره اوصل بالالنترا ل 180 - انا كان معايا لانوس وكنت بجيب بيها 185 وكانت ثابته جدا - لكن الالنترا كانت فعلا مايتقلش عليها غير انها هابله بجد - العربيه بتجرى والسلام - وانصح اى حد مش محترف (زيى) انه ما يغمرش بأنه يسوق الالنترا بسرعه فوق ال 140

بالمناسبه انا باسوق من سنة 1991 - وسوقت مليون عربيه (أو مليون الا ربع مش فاكر بالظبط) وبأكد ان ده مش مقياس علشان حد يجرى بالعربيه - لأنها بجد زفت قوى على السرعات

أخي الفاضل

انا معايا نفس عربيتك ...... ومشوفتش الكلام ده خالص !!!

تصوري إنك عندك مشكلة ما في العفشة تحديداً !!!

من وصفك ده أعتقد ان عندك مشكلة في تيش الميزان وجلب المقصات
اكشف عليهم وعلى العفشة عموماً وأعد التقييم

تحياتي

[enggeorge]

لو سمحت انا عايز اعرف العربية عليت شوية يعنى مش بتحك فى المطبات زى الاول
علشان انا عايز اغير المقاس مخصوص ل 195/65 r15 علشان اعلى العربية شوية

[egyptiandiver]

مبروك

[msobhy]

أيوه يا افندم - العربيه عليت فعلا وتقريبا احساسى بالمطبات قل بنسبة 80%