زيت العربية محيرنى

[eslam3344]

اولا احب اشكر كل الناس اللي بتنقض سواء رد علي كلامي او رد علي كلام ناس تانيه لان النقد البناء هيساعد اننا نوصل الي معلومات ادق
اولا انا مش بفتي اولا انا جايب كلام علمي واول تجربه عايزك تعملها لو انت شايف ان زيادة الزيت مفيهاش مشكله ودي هتكون مخاطره علي حسابك الشخصي عشان متقولش اني انا المسئول حضرتك ممكن تحط 4 لتر زيت في عربيتك في المره اللي جايه واحنا داخلين علي الحر كله وامشي بالعربيه بتاعتك الساعه 2 او 3 الظهر واقرص مثلا علي الغيار التالت وخلي الار بي ام يعلي شويه يوصل ل 5 او 6 وامشي علي كده مثلا 5 دقايق ولو عربيتك مجابتش طقم oilseal كااااااااااااااااااامل والله اعلم ممكن الموضوع يتفاقم ويضربلك جوان ولا حاجه لو محصلش الكلام ده كله يبقي فعلا كلنا نحط 4 لتر زيت لان علامة ال maxmum اللي في مقياس الزيت مالهاش اي لزمه وهما في بلاد المنشأ للعربيه مش بيفهموا اي حاجه

ثانيا انت عربيتك تختلف عن عربيه غيرك بمعني اني انا واحد من الناس لو لاقيت نقطة زيت بره الموتور بتجنن ولازم اعرف جايه منين في حين اني عربيتي ماشيه 253 الف كيلو يعني معرض ان موتوري يكون فيه جوان عايز يتغير او بياكل زيت او اويل سيل عايز يتغير بس لله الحمد مفيش اي حاجه من دي بخلاف عربية اي عضو تاني ممكن تكون مغيره جوان وش سلندر ممكن تكون فيها اويل سيل ضارب وممكن حاجات كتير

خلاصة القول انا محبش ادي عقلي لغيري وعلي فكره ارقام تليفونات التوكيلات مش بعيده سهله جدا اتصل واسأل مش هتخسر بالعكس ممكن تستفيد اكتر ويا ريت كل واحد يقرأ كتالوج عربيته كويس

اسف للاطاله وصدقوني الكلام لوجه الله انا مش هاخد منك ال 300 ملل اللي باقين من الجركن بتاعك

[Samir Elshahawy]

أنا اللي أعرفه أن تزويد الزيت أو تغييره يكون حسب المقاس
يأخد 4 لتر يأخد 100 لتر المهم المقاس يكون مظبوط

[eslam3344]

امال انا بهااااااااااااااااااتي ونابح صوتي في ايه يا استاذ سمير

[khaabas]

لك ان تندهش ان فى بعض مراكز الخدمة المعتمدة اللى اتعملت معاها ومعرفش التوكيل بيعمل ايه لانى مبحبش اتعامل مع التوكيلات بيحطوا فى حالة تغيير الفلتر 3.75 او 4 بس الا حاجة بسيطة اوووى ، برده راعى اختلاف الاحوال المناخية والاحوال البيئة بين بلد المنشأ وبلد المستهلك لان كل بلد يختلف فيها الحال عن الاخرى مثلا لاحظت فى كتالوج الار بى أن تغيير القطع الاستهلاكية مثل فلتر الهوا او البنزين او البيجوهات وخلافه بيختلف من بلد لاخرى لذلك مثلا تلاقى كتبلك ينصح بتغيير فلتر الهوا كل 40.000 عدا دول الشرق الاوسط والصين فينصح بالتغيير كل 10.000 شايف الفرق لان عندنا مثلا الاتربة وسوء الاحوال الجوية وسوء البنزين المستخدم وتباعا بيؤثر الكلام ده كله على حرق الزيت والاجزاء الميكانيكية وده بيختلف طبعا عن بلاد اخرى منها بلد المنشأ لكن برده بنقول ينصح باتباع تعليمات الصانع لانى مقتنع بحاجة مهمة ان بيبقى فيه فروق فردية بين العربيات حتى في البلد الواحدة والمعلومة دى من تجربة شخصية بحته ، و أومال تقول ايه للى بيضيف زيت ابرو ( المعروف بالبلدى زيت شنبر ) مع كل غيار زيت فى عربيته من الزيرو وعن تجربة صديق فعلا حافظ على الموتور بتاعه وماشي بعربيته للان 200.000 ومغيرش جوان وما شاء الله لسه بيقفل عداد عربيته للان . ومفيش ميكانيكى مد ايده فى عربيته ما شاء الله لحد دلوقتى وكل اللى بيعمله الصيانة الدورية العادية بجانب ما سبق ذكره .
وتقول ايه بردو للى بيحط زيت موبيل دلفاك لعربية النترا ( عارف يعنى ايه زيت موبيل دلفاك ) الزيت المخصص لعربيات النقل ومعدات النقل الثقيل :) وبيشكر فيه جدا وكان فيه موضوع جميل فى منتدى اخر تم طرحه بخصوص وضع زيت موبيل دلفاك لمحركات البنزين وتم توجيه سؤال على موقع موبيل الالكترونى وكانت الاجابة انه لا ضرر اطلاقا من وضع زيت موبيل دلفاك لمحركات البنزين بل على العكس وده لنك السؤال علشان اللى بيقول فتى وموش عارف ايه وعلشان حضرتك تتطلع عليه برده Mobil 1 vs. Mobil Delvac 1 for a Gasoline Engine

[khaabas]

صحيح هو المالك الاصلى لما سألته قالك كان بيحط كام لتر ؟؟؟؟

[eslam3344]

استاذ khaabas يسلم ايدك علي الرد الموضوعي وصدقني والله انا كل اللي بقولوا يا ريت كل واحد فينا يمشي حسب كتالوج عربيته وفعلا في بعض العربيات كتالوجها بيفسر الدول اللي في المناطق كذا تعمل كذا وكذا المفروض والمنطقي اننا نمشي علي كل كلمه من الكلام ده دون ادني تغيير حتي وان كان الفارق بسيط ولكن سيؤثر بالسلب علي عربيتك ولو كان في تغيير يؤدي للايجاب كانت الشركه المصنعه كتبته في الكتالوج

[mhkorayem]

بالنسبة لموضوع زيت الابرو ده ايه لزمتوا عند تغير الزيت وهو بيتحط مع الزيت ولا بيتحط قبل الزيت وبيتشال تاني عشان نحط الزيت.

[eslam3344]

بالنسبة لموضوع زيت الابرو ده ايه لزمتوا عند تغير الزيت وهو بيتحط مع الزيت ولا بيتحط قبل الزيت وبيتشال تاني عشان نحط الزيت.

اولا مساء الفل يا باشا ثانيا انا هقولك ايه هو زيت الابرو ده
زيت الابرو هو زيت يستخدم للمحركات الخفيفة يعني التي بدات تصرف زيت وتحتاج الى عمرة او تغيير
بمعني اني هسألك سؤال ولو حضرتك جاوبت ب اه استعمله ولو الاجابه ان شاء الله لا يبقي اوعي تستعمله لانه هيتعب موتورك جامد واحتمال يخليك تعمر

السؤال : هل موتور عربيتك يحتاج الي عمره او الي تغيير ؟؟

[khaabas]

اولا مساء الفل يا باشا ثانيا انا هقولك ايه هو زيت الابرو ده
زيت الابرو هو زيت يستخدم للمحركات الخفيفة يعني التي بدات تصرف زيت وتحتاج الى عمرة او تغيير
بمعني اني هسألك سؤال ولو حضرتك جاوبت ب اه استعمله ولو الاجابه ان شاء الله لا يبقي اوعي تستعمله لانه هيتعب موتورك جامد واحتمال يخليك تعمر

السؤال : هل موتور عربيتك يحتاج الي عمره او الي تغيير ؟؟

زيت الابرو بيستخدم للمحركات الحديثة والقديمة يرجى الاطلاع على الكتابة الموجودة بالعلبة ووظيفتة تقليل الاحتكاك مما يؤدى الى تقليل درجة الحرارة داخل المحرك بالإضافة وتوفير استهلاك البنزين فضلا عن وظائف تانية منها تشحيم الاجزاء الداخلية للمحرك
وبالتالى الاضافة للمحركات الحديثة موش هيضر بل على العكس هيطيل من عمرها ان شاء الله
وموضوع استخدام زيت الابرو فى المحركات الحديثة محل خلاف دائما لكن استخدامة اذا كان موش هينفع فموش هيضر برده وده رأى شخصى بحت

[mhkorayem]

اولا مساء الفل يا باشا ثانيا انا هقولك ايه هو زيت الابرو ده
زيت الابرو هو زيت يستخدم للمحركات الخفيفة يعني التي بدات تصرف زيت وتحتاج الى عمرة او تغيير
بمعني اني هسألك سؤال ولو حضرتك جاوبت ب اه استعمله ولو الاجابه ان شاء الله لا يبقي اوعي تستعمله لانه هيتعب موتورك جامد واحتمال يخليك تعمر

السؤال : هل موتور عربيتك يحتاج الي عمره او الي تغيير ؟؟

الف شكر يا اسلام باشا
والحمد لله الماتور عندي كويس ومفهوش مشاكل وربنا ما يجبش مشاكل ان شاء الله

[mhkorayem]

زيت الابرو بيستخدم للمحركات الحديثة والقديمة يرجى الاطلاع على الكتابة الموجودة بالعلبة ووظيفتة تقليل الاحتكاك مما يؤدى الى تقليل درجة الحرارة داخل المحرك بالإضافة وتوفير استهلاك البنزين فضلا عن وظائف تانية منها تشحيم الاجزاء الداخلية للمحرك
وبالتالى الاضافة للمحركات الحديثة موش هيضر بل على العكس هيطيل من عمرها ان شاء الله
وموضوع استخدام زيت الابرو فى المحركات الحديثة محل خلاف دائما لكن استخدامة اذا كان موش هينفع فموش هيضر برده وده رأى شخصى بحت

طيب حضرتك جربتوا في عربية حديثه وحسيت انه فارق ولا لأ
عشان انا المفروض هغير الزيت قريب وبصراحه كنت فاكر انه حاجه بتحسن من اداء المحرك بس كلام استاذ اسلام قلقني
لو كنت جربتوا بنفسك قولنا

[khaabas]

طيب حضرتك جربتوا في عربية حديثه وحسيت انه فارق ولا لأ
عشان انا المفروض هغير الزيت قريب وبصراحه كنت فاكر انه حاجه بتحسن من اداء المحرك بس كلام استاذ اسلام قلقني
لو كنت جربتوا بنفسك قولنا

انا جربتوا والحمد لله مكنش فيه اى مشاكل وقبل ما تجرب اى حاجة شوف تعليمات الصانع المكتوبة على العلبة وادخل على موقع المنتج

[mhkorayem]

انا جربتوا والحمد لله مكنش فيه اى مشاكل وقبل ما تجرب اى حاجة شوف تعليمات الصانع المكتوبة على العلبة وادخل على موقع المنتج

انا عامل 160000 بالعربية ومكنتش بغير غير زيت شل الترا الـ 10000 وفلتر الزيت كل مره
والمفروض أغير الزيت الفتره اللي جايه عشان وصلت للـ 160000 حضرتك تنصحني بايه في الموضوع ده أغير عادي زي كل مره ولا اضيف الابرو ولا في اي نصايح تانيه ممكن اعملها للعربية مع العلم ان انا معنديش اي مشاكل مع العربية والحمد لله