أخيرا .. فيديو يكشف كيف تتم سرقة الألنترا md

[Samir Elshahawy]

الأخوة و الأخوات الكرام / مالكي ألنترا MD

أسعد الله أوقاتكم ...

أخيرا تم حل لغز سرقة الالنترا MD و بعد أن كانت مجرد تكهنات أصبحت واقع
فالبرغم من أن الألنترا MD مزودة بالفعل بجهاز أنذار أصلي و نظام حماية يمنع أقتحام السيارة أو تشغيلها بدون مفتاحها الاصلي ألا أنه حدث بالفعل سطو علي العديد من السيارات و كان التحليل الوحيد و المنطقي هو أنه يتم كسر الزجاج و الدخول الي السيارة من خلال الشباك و من ثم التعامل معها و تشغيلها بتخطي نظام الحماية

و بالفعل حصلت نجوم هيونداي علي فيديو يؤكد هذا الكلام

https://www.facebook.com/photo.php?v...type=2&theater

مع تحيات نجوم هيونداي
https://www.facebook.com/

[khaabas]

مكرر :)

[monamize4]

أسعد الله أوقاتكم ...

أخيرا تم حل لغز سرقة الالنترا md و بعد أن كانت مجرد تكهنات أصبحت واقع
فالبرغم من أن الألنترا md مزودة بالفعل بجهاز أنذار أصلي و نظام حماية يمنع أقتحام السيارة أو تشغيلها بدون مفتاحها الاصلي ألا أنه حدث بالفعل سطو علي العديد من السيارات و كان التحليل الوحيد و المنطقي هو أنه يتم كسر الزجاج و الدخول الي السيارة من خلال الشباك و من ثم التعامل معها و تشغيلها بتخطي نظام الحماية

متهيألى الموضوع لسه متحلش لاننا مش عارفين اشمعنى الالنترا بالذات اللى بيعرفوا يتخطوا نظام الحماية بتاعها و يشغلوها بدون المفتاح الاصلى !!!!! عكس عربيات كتير
لسه واحد معرفة مسروق منه النترا ف اكتوبر ,,,,,, ربنا يردهاله

[amagroup]

يا نهار الوان...!!!
في 2:33 خلص الليله

[mohmswailam]

اعتقد تخطي نظام الحماية فى الالنترا بيتم عن طريق فصل مجموعة البور الموجودة خلف الكارتيرة الفيبر الامامية وبالتالى يتم فصل نظام الحماية.

[mhf_77]

اومال امبلويزر ايه واشتغالات ايه وكبارة العالم كله مصنعينه فى شركاتهم من اقصى الارض لادناها وطالعين بيه السما وكأنهم جابو الديب من ديله وقعدو يخترعو فيه سنين واحنا عندنا اتفه حرامى بيفور الليله فى 120 ثانيه - يعنى الحرامى المصرى ده لو يفكر يكسب بالحلال هيبقى عالم نووى بالنسية لصناع السيارات - بس الحرام اسهل
ربنا يحفظنا جميعا - انفس واموال

[hamaka]

اومال امبلويزر ايه واشتغالات ايه وكبارة العالم كله مصنعينه فى شركاتهم من اقصى الارض لادناها وطالعين بيه السما وكأنهم جابو الديب من ديله وقعدو يخترعو فيه سنين واحنا عندنا اتفه حرامى بيفور الليله فى 120 ثانيه - يعنى الحرامى المصرى ده لو يفكر يكسب بالحلال هيبقى عالم نووى بالنسية لصناع السيارات - بس الحرام اسهل
ربنا يحفظنا جميعا - انفس واموال

ولله معاك حق ، الاموبيليزر ده باينه طلع اشتغالة و صناع العربيات بيحوروا بيه علينا....الحرامى المصرى ، .. أم الأجنبى

[Walid_M]

أنا يا باشمهندس اتفرجت على الفيديو ده من عدة أيام ....
ومن ساعتها وأنا بدأت في راسي عدة تساؤلات بلا أجوبة قاطعة !!!

مثلاًًً !!! , تحديد اللص للضحية !!!
هل لو العربية مغطاة كان ممكن الحرامي ما ياخدش باله من العربية دي تحديداً ؟

هل العربية دي من غير إنذار ؟ !!!
ولو بإنذارلماذا لم يعمل مع كسر الزجاج الجانبي ؟ , وازي الشوك سنسور محسش بالحركة دي ؟

هل العربية دي فيها فصل الدوارة ؟ !!!
ولو فيها اتخطاه ازاي ؟ وفك اللوك بتاع الدريكسيون ازاي ؟

أعتقد لو وصلنا لأفضل إجابات لهذه الأسئلة ممكن نصل لافضل وسيلة للتأمين ....

تحياتي

[said.d.y]

يا جماعة انا اعرف ان الكاميرا الصورت العربية كانت جوة محل كوك دور بالاسكندرية، والحرامى كلم صاحب العربية تانى يوم وطلب 35 الف جم وتم الاتفاق ودفع 30 الف جم واستلام العربية، وكان الكونتاكت مفكوك وعلبة الدركسيون مكسورة والتصليح كلفة حوالى 10 الالف جم.
وعلى فكرة عربية اختى النتزا 2013 اتسرقت الشهر الفات ولقوا مكانها زجاج مكسور، تقريباً نفس الطريقة، بس للاسف محدش اتصل حتى الان.
ربنا يستر.

[S O P H O S]

طب ومفيش حل من التوكيل

[matantawy]

هل ده ممكن يكون حل؟ او حد يعرف ايه ده اصلا و بيشتغل ازاى بالظبط؟
ادفع 259 جنيه بدلاً من 700 جنيه و احمي سيارتك من السرقة بنظام مانع الحركة من Auto Parts

*متأسف لو حد اعتبر ده اعلان، انا بستفسر بس والله :D

[aymanshebl]

الحل فى gps tracker

[matantawy]

الحل فى gps tracker

انا كنت بفكر فى كده برضه، بس انا يعنى اما اعرف مكان العربية هعمل ايه؟
لا شرطة هتيجى معايا
و لا انا هدخل عرين الاسد لوحدى اكيد !

و ارخص من GPS Tracker هو انك تسيب موبايل قديم مش بتستخدمه و تخلى الشرطة تجيب مكانه بكل سهولة، بس مش دى المشكلة، المشكلة انك تروح تجيبها بقى

لو حد عنده رؤيا مختلفة يقول و يا رب نخرج من المناقشة دى بحل عملى لأن الموضوع ده اكيد يؤرقنا كلنا :S

[mshmshm3]

ياجماعة الالنترا مفيهاش ايموبلايزر
اعلي فئة بس هي اللي فيها
والايموبلايزر محدش هايعرف يدور العربية من غير المفتاح بتاعها لو اتنطط
ليه اشتري عربية ب 140 الف وزيها زي ال 128 و الاكسنت تشتغل من غير مفتاح

[monamize4]

هل العربية دي فيها فصل الدوارة ؟ !!!
ولو فيها اتخطاه ازاي ؟ وفك اللوك بتاع الدريكسيون ازاي ؟

أعتقد لو وصلنا لأفضل إجابات لهذه الأسئلة ممكن نصل لافضل وسيلة للتأمين ....

تحياتي

+1111111111111111
ال immobilizer لو متعرفش على الكود الاصلى بتاع المفتاح و حصل matching مع الكود اللى ف ال ECU مش هيحصل fuel flow , ignition , steering unlock

الكلام دا basic ,,,,,لو هنتكلم عن انظمة متطورة زى mercedes يبقى احنا بنحكى ف نظام interior motion sensor المرتبط ب auxiliary heating system دا غير نظام tow away protection غير ال ATA

هل كل الالنترا فيه immobilizer ؟
لو العربيه اللى ف الفيديو دى فيها immobilizer يبقى $%& ,,,,, دا فورد بتستخدم نظام PATS من سنه 1996
و لو مافيهاش يبقى &^%# برضه ان عربية موديل 2012 مافيهاش immobilizer