أخيرا .. فيديو يكشف كيف تتم سرقة الألنترا md

[mohammedabdallh]

‫سرقه النترا 2013 فى 2 دقيقه بس‬‎ - YouTube
‫سرقه النترا 2013 فى 2 دقيقه بس‬‎ - YouTube

[Mohab555]

حسبى الله و نعم الوكيل فى الحراميه الى بياخدوا شقى و تعب الناس فى 120 ثانية !!!!
كفايه نهضه بقه حرام الى بيحصل فى الناس والله ده احنا لو كفره و لقيين الفلوس فى الشارع مش هتتسرق بالسهوله دى

[devil_storm]

الله يخرب بيت الثوره اللي وصلتنا لكده!!! وربنا ينتقم من اللي مسكين البلد دلوقتي و سايبين الشعب يحصله كده و كل فكرهم مصلحتهم و مصلحه الجماعه اللي وراهم ... انا اول عربيه جبتها كانت كيا برايد في ٢٠٠٥ و اتسرقت من تحت البيت ... كانت ايام سودا و مش عايز افتكرها... دلوقتي السرقه بالاكراه و سرقه في عز النهار و حاجه تقرف!!! و اقتصاد في الضياع و غلو اسعار و شعب منقسم علي نفسه بسبب شويه .@&$ مسكين البلد و معندهمش اي رؤيه لبكره

[dozo]

فعلا الانترا ما فيهاش immobilizer غير اعلى فئه و دى نادره اوى بالنسبه لباقى الفئات .
السيراتو لغايه 2011 ما فيهاش immobilizer و من 2012 ابتدوا ينزلوه اساسى فى جميع الفئات و فعلا متهيالى سرقات السيراتو قلت بشكل ملحوظ .
اعتقد فى الظروف الهباب اللى احنا فيها ما حدش يدفع مبلغ زى ده فى عربيه من غير immobilizer و ربنا هو الحارس .

[Rsarabia]

على فكرة العربية دى وكيل و مفيهاش ايموبيليزر
اى عربية مفيهاش ايموبيليزر تتسرق بمنتهى السهولة
اللى من غير ايموبيليزر مستحيل تتسرق بالطريقة بتاعة الفيديو
ممكن تتسرق بس بطرق متطورة و لازم يتفتح الكبوت ;)

[DEVILRIDER]

السرقة بدات من الثانية ٤٠ لحد ٢ و ٥ ثوانى يعنى مكملش دقيقة و نص و كان طالع بيها ابن ال ٠٠٠٠٠ بجد الله ينتقم منهم يا رب يتحرقو كلهم و البلد بقى حالها يقرف لازم بجد نفكر فى تصعيد الامر للتوكيل و يتعرض الفيديو ده على غبور نفسه و يشوفولها حل و نفكر برده احنا فى حل ليها و اقروا التعليقات اللى تحت الفيديو اللى على الفيس هتعرفو اد ايه الشرطة بتعتنا ديه مش فلحة ف حاجة لا و من التعليقات بتبقى مظبطة مع الحرامية فى حكاية العربيات دى بالذات

[AshTurbo]

- أولاً العيال دي مغطية راسها ليه ياوديع ؟ ومفيش واحد فيهم ألتفت وراه شكلهم عارفين أن في كاميرا بتصور وراهم .

- كسر الزجاج ليه مشغلش جهاز الأنذار يعني الحرامي دخل على مهله من غير تسرع وبعد كده قعد عادي وبدأ يتعامل طيب بالنسبة للزرينة اللي بتضرب وفين النور اللي بيلعلع مش باين خالص في الفيديو ونور المرايات ليد على فكرة يعني هيبان هيبان في الفيديو كذا مرة ركزت ولو حد ركز يقولي لو في نور أشتغل .

- الفني اللي قعد يركب الجهاز قعد حوالي ساعة وشوية قول ساعة فالكلام ده علشان يتحل مش أقل من 10 دقائق طيب ده عمل أيه حله في دقيقتين اللهم أعلم .

بأي حال من الأحوال هنستنى لما نشوف حقيقة الفيديو ده ونبقى نحكم بس أعتقد العربية دي مفيهاش موشن سينسور ولافصل الطرمبة والمارش ولا بدنجان ..... أصلاً غبور معفن ونتن علشان ينزلها من غير أيموبلايزير يعني الصراحة بقى شعار غبور دلوقتي الأوبشن أصلأ حرام .

[mhkorayem]

الفيديو ده يخلي الواحد يفكر يغير عربيته بس ياترى ايه ارخص عربية فيها أيموبلايزير

[aymanshebl]

انا كنت بفكر فى كده برضه، بس انا يعنى اما اعرف مكان العربية هعمل ايه؟
لا شرطة هتيجى معايا
و لا انا هدخل عرين الاسد لوحدى اكيد !

و ارخص من gps tracker هو انك تسيب موبايل قديم مش بتستخدمه و تخلى الشرطة تجيب مكانه بكل سهولة، بس مش دى المشكلة، المشكلة انك تروح تجيبها بقى

لو حد عنده رؤيا مختلفة يقول و يا رب نخرج من المناقشة دى بحل عملى لأن الموضوع ده اكيد يؤرقنا كلنا :s

هو حضرتك ال gps tracker مش بيجيب مكان العربية و بس لكن ممكن يبعت رسايل كمان يعنى لو العربية حصل لها كسر او حركة او اى حاجة بيبعت رسالة على الموبيل مثلا ان الباب اتفتح او حدث خبط على العربية او العربية اتحركت او العربية دارت و ممكن تسمع اللى بيحصل جوه كمان مش بس كده ممكن تبعت رسايل الى العربية توقفها يعنى تقطع بنزين و كهربا كمان يعنى اللى هيسرق مش هيعرف يمشى بيها و لو فرضا اتقطرت بيجيلك رسالة ان العربية اتحركت و تبتدى تتصرف علطول و فيها زرار نجدة علشان لو اتثبت و اتسرق منك الموبيل كمان تدوس على الزرار و هو يبعت رسايل الى خمسة ارقام باحداثيات العربية طبعا المواصفات دى على حسب امكانيات الجهاز و تفرق كتير لما تعرف مكان العربية عن انك ما تعرفوش يعنى انك تروح تشوف المكان الاول و تشوف ظروفه ايه و ممكن تجيب الشرطة لو وافقت او مجموعة من صحابك و تحاولوا تجيبوها و ربنا الحافظ طبعا

[احمد نظمي]

يعني علي كلام الاخوة انه اسهل عربية ممكن تتسرق هي النترا
طيب ايه السبب؟ يبقا في حاجة بتسهل سرقة الالنترا بالذات
وبعدين الشرطة عارفاهم طيب ليه مش بتمسكهم ولا بينصصو معاهم
ربنا يستر علي مصر

[matantawy]

هو حضرتك ال gps tracker مش بيجيب مكان العربية و بس لكن ممكن يبعت رسايل كمان يعنى لو العربية حصل لها كسر او حركة او اى حاجة بيبعت رسالة على الموبيل مثلا ان الباب اتفتح او حدث خبط على العربية او العربية اتحركت او العربية دارت و ممكن تسمع اللى بيحصل جوه كمان مش بس كده ممكن تبعت رسايل الى العربية توقفها يعنى تقطع بنزين و كهربا كمان يعنى اللى هيسرق مش هيعرف يمشى بيها و لو فرضا اتقطرت بيجيلك رسالة ان العربية اتحركت و تبتدى تتصرف علطول و فيها زرار نجدة علشان لو اتثبت و اتسرق منك الموبيل كمان تدوس على الزرار و هو يبعت رسايل الى خمسة ارقام باحداثيات العربية طبعا المواصفات دى على حسب امكانيات الجهاز و تفرق كتير لما تعرف مكان العربية عن انك ما تعرفوش يعنى انك تروح تشوف المكان الاول و تشوف ظروفه ايه و ممكن تجيب الشرطة لو وافقت او مجموعة من صحابك و تحاولوا تجيبوها و ربنا الحافظ طبعا

الله ينور، ما كنتش اعرف الكلام ده
بس ده بكام؟ و تركيبه يخرج العربية من الضمان؟

[CryptonX]

ولا عزاء للي ركبوا نظام الحماية الجديد من غبور !

الاخت صاحبة السيارة المسروقة ركبت الجهاز الجديد !!! و العربية اتسرقت بمنتهى السهولة !!!
لولا عربيتي عليها حظر بيع كنت بعتها !! ده ايه القرف ده !

وكل اجهزة ال gps الي شوفتها .. صناعة ردئية صينية ... يعني انت وحظك !! ممكن تفضل شغالة 100 سنة و ممكن متكملش اسبوع و ساعة السرقة تنام في العسل .. انا مش ححط امان عربيتي على جهاز صيني .... !!

[killercorc]

الحل هو تحديث الانذار فى التوكيل لانة التحديث دة بيفصل الكونتاكت من الدوارة لو العربية متفتحتش بالريموت بتاعها

الشرح :

اولا العربية من غير تحديث الانذار :
لو انت قاعد جوة العربية وقفلت العربيية بالريموت اقعد حوالى 1 دقيقة وبعدين دور العربية من غير ماتفتح الريموت هتلاقى العربية دارت ومشيت معاك ودة اللى بيعملو الحرامى بيدخل العربية من الازاز وبعدين يوصل السلكين اللى بيدوروا ببعضهم والانذار مبيشتغلش علشان الابواب متفتحتش

ثانيا العربية بعد التحديث الانذار:

لو انت قاعد جوة العربية وقفلت العربيية بالريموت اقعد حوالى 1 دقيقة وبعدين دور العربية من غير ماتفتح الريموت هتلاقى الانذار اشتغل والعربية مش هتدور حتى لو مافتحتش الابواب الانذار هيشتغل


على فكرة تحديث الانذار مش هيكلف اكتر من 300 جنية فى التوكيل

[CryptonX]

الحل هو تحديث الانذار فى التوكيل لانة التحديث دة بيفصل الكونتاكت من الدوارة لو العربية متفتحتش بالريموت بتاعها

الشرح :

اولا العربية من غير تحديث الانذار :
لو انت قاعد جوة العربية وقفلت العربيية بالريموت اقعد حوالى 1 دقيقة وبعدين دور العربية من غير ماتفتح الريموت هتلاقى العربية دارت ومشيت معاك ودة اللى بيعملو الحرامى بيدخل العربية من الازاز وبعدين يوصل السلكين اللى بيدوروا ببعضهم والانذار مبيشتغلش علشان الابواب متفتحتش

ثانيا العربية بعد التحديث الانذار:

لو انت قاعد جوة العربية وقفلت العربيية بالريموت اقعد حوالى 1 دقيقة وبعدين دور العربية من غير ماتفتح الريموت هتلاقى الانذار اشتغل والعربية مش هتدور حتى لو مافتحتش الابواب الانذار هيشتغل


على فكرة تحديث الانذار مش هيكلف اكتر من 300 جنية فى التوكيل

ياسيدي الفاضل
السيارة الي في الفيديو معلومها التحديث ... غبور بيقرطس الناس !


ده من تعليق صاحبة السيارة والفيديو :

ya gama3a.. 7'aly balko 3ala 3arabeyatko these days la7san ana 3arebeety etsara2et we kont raknaha odam cook door ely fy share3 sha3rawy, ya3ny 7eta menawara we 7aya we fyha 3arabeyat 3ala tool ray7a gaya. we kont ablyha be 1 week merakeba gehaz alarm fyl tawkeel beta3 hyundai mane3 el ser2a ely el mafrood beyefsel tank el banzeen 3an el 3arabeya shan el 7aramy maye3rafshy yeso2ha, we tele3 fatsha we mashta3'alshy. Cook door ba2a el camera beta3to sawart 7adset el ser2a kolaha we ana 7a7wel a7oto shan teshofooh. Plz ya gama3a 7'aly balko we 7awelo te3'ato 3arabeyatko shan el mawdoo3 da keter awy we 3ala fekra el

[CryptonX]

بعت رسالة لصفحة غبور الرسمية على ال Facebook موثق بالفيديو ولما نشوف حيمسحوه ولا حينيلوا ايه !

ياريت الناس تخش و تشارك :

https://www.facebook.com/HyundaiEgypt